Tímarit Máls og menningar - 01.12.1940, Blaðsíða 4

186
TÍMARIT MÁLS OG MENNINGAR
skylda þjóðarinnar, ef hún þekkir sóma sinn, að helga sér að
fullu verk Gunnars Gunnarssonar, og verður það ekki betur gert
með öðru en því, að eiga á sinni eigin tungu vönduðustu heild-
arútgáfuna, sem til er af þeim. Það hefur lika verið draumur
skáldsins um langt skeið, að aðalútgáfan af verkum hans' vœri
islenzk og ritaði hann sjálfur eftirmála við hvert bindi, og vseri
sú útgáfa lögð til grundvallar þýðingum á erlendar tungur. I
þessu felst jafnframt krafa frá honum sjálfum um það að vera
talinn islenzkur rithöfundur, eins og rétt er og skylt. Einungis
með slíkri útgáfu getur þjóðin réttilega fagnað heimkomu skálds-
ins.
Með þvi að gerast félagar i Landnámu stuðla menn ekki ein-
ungis að menningarstarfi, sem þjóðinni ber skylda að inna af
hendi, og fagna heimkomu skálds, sem borið hefur hróður ís-
lands út um heiminn, heldur eignast menn einnig listræn skáld-
rit, meðal hinna beztu í islenzkum bókmenntum.
Bækur Gunnars Gunnarssonar eru orðnar um fjórir tugir. Sum-
ar hinna fyrri hafa verið þýddar á islenzku, en flest listaverk
hans, er hann samdi sem fullþroska maður, hafa ekki komið út
hér, l. d. Kirkjan á fjallinu, sjálfsævisaga Gunnars í skáldsögu-
formi. Mun hún að flestra dómi talin fullkomnasta verk Gunn-
ars. Þá má nefna skáldsagnaflokk úr þjóðarsögu íslands (Jón
Arason, Jörð, Hvita-Krist o. fl.). Aðeins tvær sögur i þessum
flokki (Fóstbræður og Sv.;.*fugl) eru til á islenzku. íslenzkum
lesendum, sem eigi njóta skáídskapar Gunnars' á dönsku, er þvi
ókunnugt um flest hið bezta, s'.n hann hefur skrifað.“
Framkvæmd útgáfunnar er hngsuð þannig, að félagsmenn Land-
námu greiða ákveðið mánaðargjald, kr. 3.50, til þess að eignast
verkin. Þvi hærri -sem verður tala félagsmanna, þvi fleiri bindi
koma árlega og því örar gengur útgáfan. Skiptast öll útkomin
verk Gunnars niður i 15—17 bindi, og hefur útgáfustjórni’i gert
ráð fyrir, að kæmu út 2—3 bindi á ári. Stofnun Landnámu hef-
ur fengið frábærilega góðar undirtektir. Félagsmenn byrjuðu að
greiða mánaðargjald sitt 1. okt. siðastliðinn, og hefst útgáfan
snemma á þessu ári með fyrsta bindinu af Ivirkjunni á fjallinu,
Skipum heiðríkjunnar, í þýðingu eftir Halldór Kiljan Laxness.
Verður hugsað um að gera útgáfuna sem allra vandaðasta, bæk-
urnar verða innbundnar í skinn, tölusettar og fyrsta bindið árit-
að af höfundi. Er óskandi, að sem bezt takist með þessa útgáfu,
svo að hún geti orðið íslendingum til sóma og Gunnari Gunn-
arssyni verðug viðurkenning fyrir glæsileg afrek á sviði íslenzkra
bókmennta.
Forseti útgáfuráðs Landnámu er prófessor Sigurður Nordal,