Morgunblaðið - 03.12.2014, Blaðsíða 21
MINNINGAR 21
MORGUNBLAÐIÐ MIÐVIKUDAGUR 3. DESEMBER 2014
✝ RagnheiðurGuðrún Guð-
mundsdóttir fædd-
ist 30. apríl 1931 í
Glæsibæ í Eyja-
firði. Hún lést á
Dalbæ, heimili
aldraðra á Dalvík,
23. nóvember 2014.
Foreldrar henn-
ar voru Guð-
mundur Kristjáns-
son, f. 1889, d.
1966 og Sigríður Stefánsdóttir,
f. 1892, d. 1970. Bróðir Ragn-
heiðar er Davíð, f. 1936, maki
Sigríður Manasesdóttir. Ragn-
heiður giftist Birni Elíassyni
þann 17. júní 1956. Börn þeirra
eru: 1) Áslaug Ásgeirsdóttir, f.
1953 (dóttir Ragnheiðar af
fyrra sambandi). 2) Ellen Stef-
anía, f. 1955 (dóttir Björns af
fyrra sambandi). 3) Guð-
mundur, f. 1957, maki Sigur-
laug Rún Brynleifsdóttir. 4)
Jón Ingi, f. 1958, maki Að-
alheiður Anna Guðmundsdóttir.
giftist 1956. Tveimur árum síð-
ar fluttust þau hjónin með tvö
börn sín inn á nýbyggt heimili
þeirra að Hólavegi 9, þar sem
þau ólu upp 6 barna sinna.
Ragnheiður hóf forskóla-
kennslu á heimili sínu í lok 7.
áratugarins, en færði sig fljót-
lega yfir í fulla kennslu við
Dalvíkurskóla. Framan af starf-
aði hún sem almennur kennari,
en tók síðan að sér sérkennslu
sem hún sinnti þar til kennslu-
störfum lauk 1998. Ragnheiður
stundaði sjómennsku með
eiginmanni sínum á sumrin um
nokkurra ára skeið. Alla tíð
sinnti hún heimili sínu af fórn-
fýsi og dugnaði og veitti börn-
um, barnabörnum og barna-
barnabörnum ást og umhyggju.
Árið 2007 fluttust þau hjónin á
Dalbæ, heimili aldraðra, þar
sem þau dvöldu til æviloka.
Útför Ragnheiðar verður
gerð frá Dalvíkurkirkju í dag,
3. desember 2014, og hefst at-
höfnin kl. 13.30.
5) Bryndís, f. 1960,
maki Gestur Matt-
híasson. 6) Bára, f.
1962, maki Her-
mann Jón Tóm-
asson. 7) Elías, f.
1964, maki Gunn-
hildur Ottósdóttir.
Aðrir afkomendur
Ragnheiðar og
Björns eru 43 tals-
ins, 23 barnabörn
og 20 barna-
barnabörn.
Ragnheiður lauk gagnfræða-
prófi vorið 1949 frá Mennta-
skólanum á Akureyri og réðst í
framhaldi af því um veturinn
til kennslu í sveitaskólunum að
Þverá í Öxnadal og á Þela-
mörk. Þaðan fór hún til þriggja
ára náms í Kennaraskólann í
Reykjavík og útskrifaðist vorið
1953. Ári síðar fluttist hún með
dóttur sinni til Dalvíkur og
kenndi í tvo vetur, en kynntist
þá tilvonandi eiginmanni sín-
um, Birni Elíassyni, sem hún
Elsku mamma mín.
Með þessari fallegu bæn kveð
ég þig með miklu þakklæti fyrir
allt og allt sem þú varst mér og
gerðir fyrir mig og mína.
Vertu alltaf hress í huga
hvað sem kann að mæta þér.
Lát ei sorg og böl þig buga,
baggi margra þyngri er.
Treystu því að þér á herðar,
þyngri byrði ei varpað er.
en þú hefur afl að bera,
orka blundar, næg í þér.
Þerraðu kinnar þess sem grætur,
þvoðu kaun hins særða manns.
Sendu inn í sérhvert hjarta,
sólargeisla kærleikans.
Vertu sanngjarn, vertu mildur,
vægðu þeim sem mót þér braut.
Bið þinn Guð um hreinna hjarta
hjálp í lífsins vanda og þraut.
(Erla skáldkona)
Sólargeisli kærleikans fylgi
þér, mamma mín.
Bryndís.
Ég á ekkert nema góðar minn-
ingar um hana mömmu mína sem
ég kveð í dag. Ég er afskaplega
þakklát fyrir mína góðu æsku og
allt sem hún kenndi mér. Oft var
fjör og mikið að gera með stóran
barnahóp í Hólavegi 9 þegar við
vorum að alast upp en mamma
sigldi í gegnum þetta með glæsi-
brag þó oft hafi hún eflaust verið
þreytt.
Aldrei kvartaði mamma og ég
man vart eftir að hún skipti
skapi. Hún var alltaf til staðar
fyrir okkur systkinin og svo
seinna meir barnabörnin.
Seinni hluta ævinnar gátu
pabbi og mamma farið að sinna
áhugamálum sínum saman þegar
börnin voru vaxin úr grasi, fyrst
með trilluútgerð og síðan við að
byggja upp sumarhús fjölskyld-
unnar, Berg, á æskuslóðum
mömmu.
Það var yndislegt að fylgjast
með því hvað þau voru samlynd
hjón sem þarna fengu betra tæki-
færi til þess að njóta samvista
hvort við annað. Þau fóru um
svipað leyti á Dalbæ, dvalarheim-
ili aldraðra á Dalvík, og dvöldu
þar síðustu æviárin. Árin eftir að
pabbi dó hafa verið mömmu erfið
vegna veikinda hennar en vel hef-
ur verið hugsað um hana af ein-
stöku starfsfólki Dalbæjar sem
kemur fram við vistmenn af mik-
illi alúð og virðingu.
Ég veit að hvíldin er kærkom-
in og trúi því að nú sé mamma
með elsku pabba á betri stað.
Og svo kemur nótt
Svartnættið er eins og svalandi veig,
og sál þín drekkur í einum teyg.
Þreytan breytist í þökk og frið,
þögnin í svæfandi lækjarnið,
haustið í vor …
Hafðu þökk fyrir öll þín spor.
Það besta, sem fellur öðrum í arf,
er endurminning um göfugt starf.
Moldin er þín.
Moldin er trygg við börnin sín,
sefar allan söknuð og harm
og svæfir þig við sinn móðurbarm.
Grasið hvíslar sitt ljúfasta ljóð
á leiðinu þínu. Moldin er hljóð
og hvíldin góð …
(Davíð Stefánsson)
Hvíl í friði, elsku mamma mín.
Þín dóttir,
Bára.
Elsku mamma.
þegar ég sest niður á fyrsta
degi aðventunnar þá minnist ég
þín með söknuði, en líka með
gleði og þakklæti sem skín í
gegnum sorgina.
Ég er umkringd gjöfum frá
þér sem tilheyra aðventu og jól-
um. Jólatréð frá þér, handmálað
með ljósum, fallega hvíta fatið,
pottaleppar, jólasvunta, jóladúk-
ar og fleira og fleira prýða heimili
mitt nú. Stærsta gjöfin var þó sú
að eiga þig sem mömmu, minn-
ingin um hjartahlýja, fallega og
glæsilega mömmu mun lifa með
mér alla tíð. Takk fyrir að ala mig
upp.
Núna ertu komin á fallegan
stað, til guðs sem gætir þín ásamt
pabba, Báru, Dódu, Ester, afa,
ömmu og fleirum. Núna þarft þú
engu að kvíða því þú færð nú göf-
ugt hlutverk aftur. Að annast
pabba sem þú elskaðir og dáðir,
nú fær hann aftur jólaköku,
lambalæri með grænum baunum
og öllu, hjónabandssælu, hafra-
kex með gómsætu salati og bara
allt sem var svo gott hjá þér.
Þakka þér enn og aftur fyrir
allt. Guð geymi þig og pabba um
alla tíð, þú ert mín stjarna,
mamma.
Hjartans kveðjur, þín dóttir
Áslaug.
Hún kvaddi södd lífdaga,
tengdamóðir mín, Ragnheiður,
þegar komið var nú undir jóla-
föstu. Á áratugum áður voru það
erilsamir dagar að undirbúa jól í
stórri fjölskyldu en síðustu ár lét
hún öðrum það eftir. Lykt af
teppahreinsi og tekkolíu fyllti
loftið í Hólaveginum og hefð-
bundinn ilmur af bakkelsi eins og
á flestum heimilum.
Eftir að börnin hleyptu heim-
draganum komu þau gjarnan
saman annan dag jóla hjá Ragn-
heiði og Beyja með allt sitt lið og
þar voru standandi veisluhöld
fram á nótt og mikið spilað. Í
minningunni stóð tengdamóðir
mín sveitt í eldhúsinu allan þann
dag. Ég er ekkert viss um að hún
hafi haft ánægju af heimilisstörf-
um en hún sinnti þeim af æðru-
leysi eins og húsmæðrum fyrri
tíma var ætlað.
Andrúmsloftið í Hólaveginum
var ávallt hlýtt og notalegt, frá
upphafi þegar ég fór að slæðast
með örverpinu í fjölskyldunni var
mér vel tekið og engra spurninga
spurt. Ávallt var ég velkomin og
eftir að drengirnir okkar Elíasar
komu til áttu þeir þar öruggt
skjól. Það var ekki ónýtt að eiga
kennara fyrir ömmu þegar
heimalærdómurinn var annars
vegar.
Ragnheiði var ekki tamt að
tala um sjálfa sig og sínar þarfir
og nú finnst mér vera svo margt
sem ég hefði viljað vita. Hún
hafði til að bera jafnaðargeð og
fjargviðraðist ekki yfir smámun-
um, ég minnist þess ekki að hafa
séð hana skipta skapi. Ekki var
hún mikið út á við og fór ekki víða
á bæi en hún hlustaði töluvert á
tónlist í eldhúsinu og þau hjón
voru dugleg að sækja tónleika
eftir að þau voru orðin ein í
kotinu og ekki var heldur langt
milli Hólavegar og Bárubúðar.
Hún hélt alltaf góðu sambandi við
mágkonu sína og það var kært
milli þeirra. Ragnheiður hafði
mikla ánægju af ferðalögum og
þau Beyi fóru víða um land, sér-
lega eftir að um hægðist með
barnauppeldi.
Það var gott að sitja í eldhús-
króknum undir norðurgluggan-
um – tilfinningin er sú að aldrei
voru gerðar á mann kröfur en
nærveran var hlý og maður þurfti
ekkert endilega að tala, bara vera
og stundum fleygði ég mér jafn-
vel á bekkinn í skrifstofuskons-
unni inn af eldhúsinu og gleymdi
mér eitt augnablik sem þykir
kannski ekki sérlega viðeigandi í
heimsóknum.
Nú er Ragnheiður búin að
þreyja sinn þorra, hún stóð sína
plikt við guð og menn en fékk
kannski ekki alltaf greitt í sam-
ræmi við það. Eftir stendur
minning um góða konu sem deildi
fjölskyldu og samferðafólki af
hlýju hjarta.
Ævinlega bestu þakkir fyrir
mig og mína.
Gunnhildur.
Elsku amma Ragnheiður hef-
ur nú kvatt þennan heim og allar
góðu minningarnar sem ég á um
hana streyma fram í hugann.
Það var svo skemmtilegt að
koma í heimsókn til ömmu & afa í
Hólaveginn, þar leið mér alltaf
svo vel! Sérstaklega þótti mér
spennandi þegar ég fékk að fara
ein út á Dalvík og gista hjá þeim
yfir helgi.
Ég minnist ömmu Ragnheiðar
blístrandi að hlusta á Rás 1 og
bardúsa eitthvað í eldhúsinu.
Amma bjó til heimsins besta
grjónagraut og það var orðið hefð
að búa til graut þegar ég kom í
heimsókn, því hún vissi hvað mér
þótti hann góður. Um það leyti
sem ég var að byrja í grunnskóla
kenndi amma mér að lesa. Ég
man svo sterkt eftir því þegar við
sátum saman við eldhúsborðið í
Hólavegi og lásum upp úr bók-
inni Gagn og gaman. Amma var
svo áhugasöm að heyra hvernig
mér gengi í skólanum og alltaf
var hún tilbúin með réttu svörin
ef eitthvað var að vefjast fyrir
mér.
Við amma gátum spilað Löngu
vitleysu og Ólsen Ólsen í marga
klukkutíma í einu og skelltum
reglulega uppúr yfir óheppni
hvor annarrar. Það er alltaf erfitt
að sjá á eftir þeim sem manni
þykir vænt um, en efst er mér þó
í huga þakklæti fyrir öll þau góðu
ár sem ég fékk að njóta samvista
með ömmu.
Með ást og virðingu kveð ég
þig, elsku amma Ragnheiður.
Takk fyrir allt og allt. (Ég bið að
heilsa afa). Þín,
Harpa Hermannsdóttir.
Ragnheiður Guðrún
Guðmundsdóttir
Fleiri minningargreinar
um Ragnheiði Guðrúnu Guð-
mundsdóttur bíða birtingar
og munu birtast í blaðinu
næstu daga.
Faðir okkar og tengdafaðir,
SIGURÐUR HALLMARSSON
frá Húsavík,
sem lést á Heilbrigðisstofnun Þingeyinga
23. nóvember, verður jarðsunginn
frá Húsavíkurkirkju laugardaginn
6. desember klukkan 13.
.
Hallmar Sigurðsson, Sigríður Sigþórsdóttir,
Katrín Sigurðardóttir, Stefán Guðmundsson,
Aðalbjörg Sigurðardóttir, Ragnar Emilsson.
Móðir mín, tengdamóðir og amma,
JÓRUNN ÁSTA HANNESDÓTTIR
frá Eyrarbakka,
lést miðvikudaginn 26. nóvember. Hún
verður jarðsungin frá Hjallakirkju í Kópavogi
föstudaginn 5. desember kl. 13.00.
.
Hanna Stefánsdóttir, Vilhjálmur Helgason,
Einar Andri Vilhjálmsson.
Ingunn H. Albertsdóttir, Þorsteinn Sigurðsson
Albert Ó. Þorleifsson,
Sigríður Hrefna Þorsteinsdóttir.
Ástkær eiginmaður minn, faðir okkar,
tengdafaðir, elskulegur afi og langafi,
EINAR ÓLAFSSON,
fyrrv. skipstjóri og útgerðarmaður,
Smáragötu 9,
Vestmannaeyjum,
andaðist á líknardeild Landspítalans í Kópavogi
sunnudaginn 30. nóvember.
Jarðarförin verður auglýst síðar.
.
Viktoría Ágústa Ágústsdóttir,
Ólafur Ágúst Einarsson, Halla Svavarsdóttir,
Agnes Einarsdóttir, Kári Þorleifsson,
Viðar Einarsson, Dóra Björk Gunnarsdóttir,
Hjalti Einarsson, Dagmar Skúladóttir,
afa- og langafabörn.
✝
Ástkær eiginkona mín, móðir okkar,
tengdamóðir, amma og langamma,
ANNA GUNNLAUG GUNNLAUGSDÓTTIR,
Höfðagrund 6,
Akranesi,
lést á hjúkrunar- og dvalarheimilinu Höfða
sunnudaginn 30. nóvember.
Útförin fer fram frá Akraneskirkju
föstudaginn 5. desember kl. 11.00.
Bjarni Gústafsson,
Anna Gerða Bjarnadóttir, Elías Geir Sævaldsson,
Írena Bjarnadóttir, Magni Ragnarsson,
Kristinn Gústaf Bjarnason, Sigrún Ólafsdóttir,
ömmubörn og langömmubarn.
✝
Elskuleg móðir okkar, tengdamóðir, amma,
langamma og langalangamma,
GUÐBJÖRG SIGURPÁLSDÓTTIR,
Gvendargeisla 20,
áður Heiðargerði 11,
lést mánudaginn 1. desember
á Landspítalanum.
Jarðsungið verður frá Guðríðarkirkju
föstudaginn 5. desember klukkan 13.00.
Jón G. Sigtryggsson,
Rósa Sigtryggsdóttir, Karl M. Karlsson,
Sigrún Sigtryggsdóttir, Emil Karlsson,
Vilberg Sigtryggsson,
Hreinn Ómar Sigtryggsson, Kolbrún Þórisdóttir,
Svana Sigtryggsdóttir,
Runólfur Sigtryggsson, Halldóra Bachmann,
Svala Sigtryggsdóttir,
börn, barnabörn og barnabarnabarn.
✝
Elskulegur eiginmaður minn, faðir okkar,
tengdafaðir, afi og langafi,
KJARTAN ÓLAFSSON,
fv. deildarstjóri í
búvörudeild Sambandsins,
Ársölum 3, Kópavogi,
áður Hlíðarhvammi 10, Kópavogi,
lést mánudaginn 1. desember á hjúkrunarheimilinu Eir.
Útförin verður auglýst síðar.
Jóhanna Bjarnadóttir,
Margrét I. Kjartansdóttir, Sigmundur Einarsson,
Ólafur Kjartansson, Nanna Bergþórsdóttir,
barnabörn og barnabarnabörn.
✝
Elsku móðir okkar, tengdamóðir, amma,
langamma og langalangamma,
VIGDÍS ÁMUNDADÓTTIR,
lést miðvikudaginn 26. nóvember
á Grund við Hringbraut.
Útförin fer fram frá Árbæjarkirkju
mánudaginn 8. desember kl. 13.00.
Fyrir hönd fjölskyldunnar,
Aðalsteinn Guðmundsson, Ragnheiður H. Jóhannsdóttir,
Dagný Guðmundsdóttir, Ingólfur Jónsson,
Gunnar Guðmundsson, Kristín Siggeirsdóttir,
Gréta Guðmundsdóttir, Friðrik Jónsson,
Ásta Guðmundsdóttir.
Skilafrestur | Ef óskað er eftir birtingu á útfarardegi verður greinin að
hafa borist eigi síðar en á hádegi tveimur virkum dögum fyrr (á föstu-
degi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein berist
áður en skilafrestur rennur út.
Lengd | Minningargreinar sem birtast í Morgunblaðinu séu ekki lengri
en 3.000 slög. Ekki er unnt að senda lengri grein. Lengri greinar eru
eingöngu birtar á vefnum. Hægt er að senda örstutta kveðju, HINSTU
KVEÐJU, 5-15 línur. Ekki er unnt að tengja viðhengi við síðuna.
Minningargreinar