Ský - 01.02.2007, Blaðsíða 52

52 ský
Ómar Ragnarsson
Sjónvarpsmaðurinn er þekktur fyrir að fara sínar eigin leiðir
og lagði jafnvel starfið hjá Sjónvarpinu að veði þegar hann
hóf andóf gegn ríkisstjórninni vegna Kárahnjúkavirkjunar.
Með útsendingum úr litlu Cessnunni sinni sýndi hann
myndir af öræfunum við Kárahnjúka sem virkjunin færði
undir vatn. Þótt Ómar hafi barist ótrauður fyrir að stoppa
milljarða-framkvæmdirnar og ástríða hans hafi vakið æ
fleiri til meðvitundar um umhverfið var landsvæðinu, 57
ferkílómetrum, hleypt undir vatn 28. september síðastliðinn.
Virkjunin mun veita rafmagn til álverksmiðju Alcoa á
Reyðarfirði.
Hekla
Hekla er frægasta eldfjall Íslands og var stundum
áður talið hlið helvítis. Hekla er 1491 metri á hæð
og hefur gosið 20-30 sinnum frá landnámi. Ösku-
og gjóskuský, sem lagði yfir landið, orsökuðu
hungur og sjúkdóma, eyðilögðu beitiland og
drápu búfénað. Sum Heklugosin hafa verið stutt
en önnur staðið mánuðum saman eins og gosið í
mars 1947 sem stóð fram í apríl 1948. Hekla gaus
síðast 26. febrúar 2000. Hekla er aðeins ein af um
130 eldstöðvum á Íslandi.
Jón Sigurðsson
Jón Sigurðsson (1811-
1979), frumkvöðull
íslenskrar sjálfstæðisbaráttu,
var fræðimaður og
stjórnmálamaður að vestan
sem hvatti til aukins frelsis
Íslands á 19. öld frá Dönum.
Þó að fullt sjálfstæði fengist
ekki fyrr en 1944 þá ruddi
Jón brautina og honum er
þakkað aukið verslunarfrelsi
1854 og stjórnarskráin
1874. Þjóðhátíðardagurinn
er jafnframt afmæli Jóns
sem landar hans halda
hátíðlegan með pylsum og
ís og fánum.
Hetjur
Snorri Sturluson
Snorri samdi ekki bara Heimskringlu, Eglu og Snorra
Eddu heldur gerði hann líka fyrsta heita pottinn á Íslandi.
Hann nýtti vatn úr heitum laugum í Snorralaug. En loks
fór svo illa fyrir honum að hann varð fórnarlamb í átökum
sem nálgast það að vera fyrsta og eina borgarastyrjöld á
Íslandi í undanfara þess að Noregskonungur tók völd hér
á landi. En þó að hann yrði undir í átökunum vann hann
samt dóm sögunnar og er miklu frægari en samtíðarmenn
hans.