Morgunblaðið - 15.04.2015, Blaðsíða 36
36 DÆGRADVÖL
MORGUNBLAÐIÐ MIÐVIKUDAGUR 15. APRÍL 2015
Vandaðir og vottaðir ofnar
Ofnlokasett í
úrvali
NJÓTTU ÞESS AÐ GERA
BAÐHERBERGIÐ AÐ VERULEIKA
FINGERS 70x120 cm
• Ryðfrítt stál
JAVA 50x120 cm
• Ryðfrítt stál
COMB 50x120 cm
• Ryðfrítt stál
Handklæðaofnar í miklu úrvali þar sem
gæði ráða ríkjum á góðu verði.
Vagnhöfða 11 - 110 Reykjavík - 577 5177 - www.ofnasmidja.is
Stjörnuspá
21. mars - 19. apríl
Hrútur Þú er í þeirri stöðu að velja lið fyrir
tiltekið verkefni. Hlutirnir munu komast á
hreint. Láttu bara aðra um það og halt þú
áfram.
20. apríl - 20. maí
Naut Reyndu að vera sérstaklega skýr í öll-
um samskiptum í dag. Kýldu á verkefni
þótt ekki sé víst að allt gangi upp.
21. maí - 20. júní
Tvíburar Þú þarft að leggja þig allan fram
til þess að áheyrendur þínir viti hvað þú ert
að fara. Enginn ætlast til þess að þú verðir
sérfræðingur einn, tveir og þrír.
21. júní - 22. júlí
Krabbi Einhver er tilbúinn til að lána þér
peninga eða hjálpa þér með öðrum hætti.
Kappsemi er skemmtileg og smitandi.
23. júlí - 22. ágúst
Ljón Liði þínu hefur oft gengið betur.
Gefðu bara ekki fleiri fyrirheit á meðan þú
ert að hreinsa borðið.
23. ágúst - 22. sept.
Meyja Reyndu að hafa stjórn á sjálfum þér
á öllum sviðum, sérstaklega skaltu gæta
hófs í mat og drykk. Taktu af skarið í ótil-
greindu sambandi og mundu að nöldur er
ekki það sama og aðgerðir.
23. sept. - 22. okt.
Vog Nú sérðu fyrir endann á máli, sem þú
hefur unnið að í langan tíma. Hreinsaðu
hugann og reyndu að komast eitthvað í
burtu.
23. okt. - 21. nóv.
Sporðdreki Nú er ekki tími til þess að hafa
uppi kröfugerð á hendur öðrum. Skrifaðu
hugmyndir þínar hjá þér.Þó þú framkvæmir
ekki nema helming þeirra, nærðu miklu
betra jafnvægi, líkamlegu og andlegu.
22. nóv. - 21. des.
Bogmaður Láttu af þeim ávana að bíða
eftir að aðrir hafi samband við þig. Nánir
vinir bíða óþreyjufullir eftir niðurstöðum
samtals.
22. des. - 19. janúar
Steingeit Hristu af þér alla hræðslu og
helltu þér í það sem þig langar mest að
gera. Láttu því einskis ófreistað til að ná
settu marki.
20. jan. - 18. febr.
Vatnsberi Flótti og umræður um að kom-
ast á brott frá öllu amstrinu höfða til þín í
dag. Þú getur verið vinalegur, hjartagóður
og ákafur núna.
19. feb. - 20. mars
Fiskar Þú færð góðar hugmyndir um
hvernig þú getur aflað meiri tekna en áður.
Efldu andlegan og líkamlegan styrk þinn
því þá tekst þér betur að vinna úr erfiðum
málum.
Nýútkomin er ljóðabókin „Úrviðjum vitundar“ eftir Sig-
mund Benediktsson. Hann er les-
endum Vísnahorns að góðu kunnur.
Áður hafa komið út tvær vísnabæk-
ur eftir hann: „Þegar vísan verður
til“ árið 2012 með 533 hringhendum
og dýrt kveðnum vísum og „Meðan
stakan mótast létt“ árið 2013 – 12
vísnakaflar um mismunandi efni og
Vorfögnuður, fertug ríma.
Sigmundur yrkir um hvaðeina og
ávallt undir hefðbundnum háttum.
Á bókarkápu velur Ragnar Ingi
Aðalsteinsson frá Vaðbrekku kvæð-
ið Flæði sem sýnishorn og segir:
„Hér notar skáldið ekki nema sex
stuttar línur – og hér vantar ekki
neitt“:
Vonum mannsins veltir tímans bára
um veglaust haf.
Sú óskastund, sem átti vængi dagsins
og andann gaf,
verður minning rökkurtjöldum reifuð
á rúmsins graf.
Sigmundur yrkir undir fornum
háttum ef svo ber undir. Þessa
dróttkvæðu „afmælisklömbru“
færði hann Hólmfríði Bjartmars-
dóttur – Fíu á Sandi – 67 ára:
Faldar skáldskap á foldu
Fía með anda hlýjum.
Græðir oft Leirsins gróða,
gáska býður án háska.
Þakka skal huga þekkum
þáðar stökurnar ljáðar.
Viðaðar stuðlavoðum,
varðaðar rímsins kvarða.
Sigmundur yrkir trúarleg ljóð og
veltir fyrir sér lögmálum lífsins og
tilgangi:
Líf vort er skóli og leitandi þörf,
lærdóm það gefur við margskonar störf.
En dauðinn er fæðing hins ferðbúna
manns
til frekari göngu á þroskabraut hans.
Fallegt er þetta niðurlag á sonn-
ettu, sem hann kallar Hugð:
Í kærleiksþrá er gæfuleiðin greind,
á götu fórna er vor þroskaleið.
Æðst er gjöf að lina þjáðra þraut.
Andans þekking á sér hljóða leynd,
innri vitund nemur dulinn seið
ljóssins inn á lífsins viskubraut.
Hér hendir Sigmundur gaman að
sjálfum sér og „eigin bulli“:
Nú hef ég það hagstætt og náðugt
og hugsa um yrkingar gráðugt.
Orðunum stafla í stuðla,
stytti þau, lengi og hnuðla
krumpa og kuðla.
Halldór Blöndal
halldorblondal@simnet.is
Vísnahorn
Vel er ort undir
hefðbundnum háttum
Í klípu
„ÉG ELSKAÐI SÍÐASTA STARFIÐ MITT.
VANDINN VAR AÐ ÞAÐ VAR EKKI MIKIÐ
SVIGRÚM TIL AÐ VAXA ÞAR.“
eftir Mike Baldwin eftir Jim Unger
„ÞÚ SAGÐIR ALLTAF AÐ ÞÚ VILDIR ÞAÐ
STERKT.“
Hermann
Ferdinand
Hrólfur hræðilegi
Grettir
... að elska hann eins og
hann er.
ÞÚ LÍTUR ÚT EINS OG ÞÚ
HAFIR BÆTT AÐEINS Á ÞIG
OOOOO, ERTU
KOMINN AFTUR?
MÉR LÍKAR
VIÐ LYGARA
VÁ, GRETTIR, HEFURÐU
GRENNST?
HVAÐ VILTU Í
KVÖLDMATINN?
ÉG ER
EKKI MJÖG
SVANGUR... HVERJU
STINGUR ÞÚ
UPP Á?
HVAÐ MÁ
BJÓÐA YÐUR?
VIÐ ERUM
EKKI MJÖG
SVÖNG...
HVERJU STINGUR
ÞÚ UPP Á?
MANNAUÐS-
STJÓRI
Víkverji hefur gaman af að fara íleikhús og furðar sig iðulega á
þeim galdri, sem hægt er að töfra
fram á sviðinu – hvernig hægt er að
búa til heila heima fyrir framan nefið
á honum. Yfirleitt eru mörkin á milli
þeirra, sem standa á sviðinu, og
áhorfenda skýr. Víkverji situr úti í
sal og á sviðinu fara leikararnir sínu
fram. Af og til hefur hann farið á
sýningar þar sem áhorfendur fá að
gera meira en að horfa, gráta og
hlæja, en þó ekki ýkja mikið. Um
helgina fékk Víkverji hins vegar
nýja sýn á leikhúsið þegar hann fór á
Carroll berserk, sýningu leikhópsins
Spindrift í Tjarnarbíói. Eins og
nafnið gefur til kynna er verkið til-
brigði við Lísu í Undralandi eftir
Lewis Carroll, en þar eru einnig vís-
anir í íslenskar þjóðsögur og -vísur.
x x x
Carroll berserkur er ferðalag umUndraland. Áhorfendum er
skipt í hópa og leiðsögumenn fara
með þá um ranghala Tjarnarbíós.
Áhorfendur geta ekki haldið sig til
hlés á þessu ferðalagi og fá yfir sig
spurningar af ýmsum toga. Hvað er
synd? Hvernig metur þú eigin ból-
fimi á kvarðanum einn til tíu?
Hversu vel hefur þér orðið ágengt í
lífinu á kvarðanum einn til mínus
fimm?
Áhorfendur eru leiddir um og
hitta hinar ýmsu persónur og fá leið-
beiningar um hvernig þeir eigi að
hegða sér – og hvernig þeir eigi ekki
að hegða sér, sem kannski er öllu
mikilvægara.
x x x
Nú má vitanlega ekki afhjúpa sýn-inguna með því að ljóstra upp
um allt, sem í henni gerist. Áhorf-
endur eiga ekki að vera með und-
irbúin svör, heldur svara því sem
fyrst kemur í hugann. Víkverji verð-
ur að viðurkenna að hann var ekki
alveg í rónni, en fannst líka spenn-
andi að taka þátt í sýningu, sem gæti
farið í óvæntar áttir eftir við-
brögðum áhorfenda. Kvöldið sem
Víkverji fór á sýninguna reyndu
leikarar vissulega á áhorfendur, án
þess þó að það yrði óþægilegt, en
áhorfendurnir hefðu kannski mátt
reyna aðeins meira á leikarana.
víkverji@mbl.is
Víkverji
Orð dagsins: Á þeim degi munuð þér
skilja, að ég er í föður mínum og þér í
mér og ég í yður.
(Jóh. 14, 20.)