Dagblaðið Vísir - DV - 17.10.2012, Blaðsíða 18
Glötuð marktækifæri
reyndust dýrkeypt
18 Sport 17. október 2012 Miðvikudagur
Frá Leicester
til Real Madrid?
Danski markvörðurinn Kasper
Schmeichel er óvænt orðaður
við Spánarmeistara Real Madrid.
Schmeichel er sonur hins goð-
sagnakennda Peters Schmeichel
sem varði mark Manchester
United um árabil. Kasper, sem er
25 ára, leikur þessa dagana með
Leicester í næstefstu deild Eng-
lands. Ef af kaupunum yrði myndi
Schmeichel verða notaður sem
varamarkvörður fyrir spænska
landsliðsmarkvörðinn Iker Casillas.
Þrátt fyrir að hafa enn ekki leik-
ið landsleik fyrir Danmörku þyk-
ir Kasper hafa staðið sig vel upp á
síðkastið og var til að mynda valinn
besti leikmaður Leicester í fyrra.
Úrslit
E-riðill
Ísland – Sviss 0–2
Kýpur – Noregur 1–3
Albanía – Slóvenía 1–0
Staðan
Þjóð U J T Stig
Sviss 3 1 0 10
Noregur 2 1 1 7
Albanía 2 0 2 6
Ísland 2 0 2 6
Slóvenía 1 0 3 3
Kýpur 1 0 3 3
Þjóðverjar
féllu saman
Það er óhætt að segja að algjört
hrun hafi verið hjá Þjóðverjum í
C-riðli undankeppni HM á þriðju-
dag þegar liðið tók á móti Svíþjóð.
Þjóðverjar komust nefnilega í 4–0
með mörkum frá Miroslav Klose
(2) Petr Mertesacker og Mesut
Özil og allt var í blóma. Þegar
28 mínútur voru eftir hófst hins
vegar endurkoma Svíanna. Zlatan
Ibrahimovic minnkaði muninn á
62. mínútu og síðan komu mörk
á 64., 76. og 90. mínútu frá Mikael
Lustig, Johan Elmander og Rasm-
us Elm. Ótrúlegt baráttujafntefli
sem Svíar náðu með að bræða
þýska stálið.
Í öðrum tíðindum þá var leik
Póllands og Englands frestað sök-
um gríðarlegra rigninga í Varsjá.
Hefur verið ákveðið að leikurinn
muni fara fram á miðvikudag í
staðinn.
Ríkjandi heimsmeistarar Spán-
verja gerðu jafntefli við Frakka þar
sem Sergio Ramos kom heima-
mönnum yfir en Oliver Giroud
jafnaði á lokamínútu leiksins.
Cesc Fabregas misnotaði víta-
spyrnu í leiknum.
Ítalía vann Dani 3–1 í B-riðli
og þá héldu Hollendingar áfram á
sigurbraut í D-riðli með 4–1 sigri á
Rúmenum á útivelli.
Duglegur Alfreð Finnboga-
son gaf ekki tommu eftir í
framlínunni og var óheppinn
að skora ekki. MynD eyÞór árnaSon
A
etjuleg barátta og sam-
heldni dugði ekki til að ná
stigi gegn sterku svissnesku
liði á Laugardalsvelli í gær-
kvöldi. Íslenska karlalands-
liðið í knattspyrnu mætti þá ósigruðu
svissnesku liði og úr varð skemmti-
legur leikur öflugra liða.
Eins og við var að búast stýrðu
Svisslendingar leiknum lengst af.
Íslendingar, með Birki Bjarnason í
broddi fylkingar, létu þó kollega sína
aldrei í friði og áttu nokkrar hættu-
legar sóknir. Færin skiptust nokkuð
bróðurlega á milli liðanna í fyrri hálf-
leik. Gylfi Þór Sigurðsson átti væn-
lega aukaspyrnu úr úrvalsstöðu á 12.
mínútu en skot hans hafði örlitla við-
komu í höfði varnarmanns sem gerði
það að verkum að öflugum mark-
verði liðsins, Diego Benaglio, tókst
að blaka boltanum yfir markið.
Fín marktækifæri
Íslendingar fengu annað hættulegt
færi þegar engu mátti muna að Al-
freð Finnbogason kæmist inn í fyrir-
gjöf á 25. mínútu en aftur bjarg-
aði markvörður gestanna glæsilega.
Í kjölfarið átti Gökhan Inler, fyrir-
liði Sviss, stórhættulegt skot fyrir
utan teig sem fór naumlega fram hjá
markinu. Svisslendingar hertu tök-
in þegar leið á hálfleikinn og sköp-
uðu sér nokkur hálffæri. Hættulegast
þeirra var skot Granit Xhaka úr upp-
lögðu færi á 34. mínútu. Xhaka fékk
boltann í miðjum teignum, óvaldað-
ur, en skot hans fór fram hjá mark-
inu. Óhætt er að segja að hurð hafi
skollið nærri hælum.
Alfreð Finnbogason, sem barðist
eins og ljón allan leikinn, skapaði
sér fínt færi á 41. mínútu eftir góð-
an undirbúning Eggerts Gunnþórs
Jónssonar. Hann gerði sér mat úr
þokkalegu færi en skot hans var var-
ið í horn. Markalaust var í hálfleik.
Birkir hættulegur
Síðari hálfleikur byrjaði með látum
eins og sá fyrri. Emil átti ágætt skot
í upphafi hálfleiksins en boltinn fór
yfir markið. Í kjölfarið gerðu Mario
Gavranovic og Xherdan Shaqiri sig
líklega við íslenska markið en tókst
ekki að nýta færin sín. Eftir stundar-
fjórðungs leik í síðari hálfleik tókst
Alfreð Finnbogasyni að vinna bolt-
ann, einu sinni sem oftar, upp á eig-
in spýtur. Hann renndi boltanum í
hlaupaleið Birkis Bjarnasonar sem
geystist að markinu. Hann var kom-
inn í ákjósanlega stöðu og hefði get-
að rennt boltanum á Gylfa Þór Sig-
urðsson en hljóp aðeins of langt með
boltann og færið rann út í sandinn.
Svisslendingum tókst að loka á hann.
Á hinum enda vallarins skapað-
ist líka hætta eftir ágæta tilburði hjá
Xherdan Shaqiri en Hannes var vel á
verði.
Á 61. mínútu kom hættulegasta
færi Íslands í leiknum. Birkir Bjarna-
son, besti maður Íslands í leiknum,
átti þá skot í samskeytin á markinu
eftir að hafa komið sér í góða stöðu
í teig andstæðinganna. Sannarlega
óheppinn að skora ekki þar.
Á þessum tíma í leiknum var
skammt stórra högga á milli.
Svisslendingar fengu hornspyrnu
eftir hættulega sókn. Hannes, sem
annars steig ekki feilspor í leiknum,
náði ekki að halda boltanum eft-
ir fremur hættulausa hornspyrnu.
Emil Hallfreðsson bjargaði nánast á
línu áður en fyrirliðinn Grétar Rafn
Steinsson henti sér fyrir þrumu-
skot. Röð tilviljana varð svo til þess
að Tranquillo Barnetta fékk boltann
og var á auðum sjó. Hann skrúfaði
boltann efst í hornið fjær; óverjandi.
Þetta var á 65. mínútu.
rann út í sandinn
Íslendingar létu þetta ekki slá sig út
af laginu og héldu áfram að sækja
þegar færi gáfust. Gylfi Þór átti þá
flotta fyrirgjöf á kollinn á Alfreð sem
náði góðum skalla á markið. Sem
Baldur Guðmundsson
blaðamaður skrifar baldur@dv.is
fyrr reyndist Diego Benaglio sóknar-
mönnum Íslendinga erfiður og hon-
um tókst að blaka boltanum í horn.
Þetta var á 77. mínútu.
Íslendingar fengu nokkrar horn-
spyrnur þegar nokkuð var liðið á
hálfleikinn en lítið kom út úr þeim.
Eftir eina slaka spyrnu komust
Svisslendingar í sókn, nýttu sér sof-
andahátt í íslensku vörninni, og
skoruðu auðvelt mark. Staðan var
skyndilega orðin 2–0. Eftir þetta fjar-
aði leikurinn út. Grétar Rafn átti
bærilegt skot á 80. mínútu en lítið
markvert gerðist eftir það.
Ísland átti heilt yfir góðan leik
gegn sterkum andstæðingi en núna
var heppnin ekki á okkar bandi, eins
og kannski í síðasta leik. Óhætt er
að segja að Íslendingar, sem léku ef
til vill sinn besta leik í keppninni,
hafi verið óheppnir að skora ekki
mark. Sérstaklega var Birkir Bjarna-
son hættulegur uppi við markið
en færin nýtti hann ekki. Fyrir það
refsuðu Svisslendingar grimmilega.
Þeir unnu að lokum nokkuð verð-
skuldaðan útisigur og tróna einir á
toppi riðilsins. Hörð barátta verður
um annað sætið, sæti í umspili, en
næstu leikir Íslands verða ekki fyrr
en í mars. n
n Góður leikur Íslendinga hrökk skammt gegn sterku svissnesku liði
5 Hannes Þór Halldórs-
son Gerði dýrkeypt
mistök þegar hann
missti frá sér bolta
í aðdraganda fyrra
marksins. Annars góður.
7 Grétar Rafn Steinsson Grétar gerði fá mistök í leiknum
og var drífandi sem fyrirliði. Klaufi að fá
spjald og fer í bann.
7 Kári Árnason Sýndi enn og aft-
ur að hann er traustsins
verður. Átti góðan leik,
líka í sókninni.
6 Ragnar Sigurðsson Átti
þokkalegan leik og gerði fá mistök. Hefur
fest sig í sessi í liðinu.
7 Ari Freyr Skúlason
Ari Freyr gerði oftast
mjög vel gegn Xherd-
an Shaqiri og stóð sig
heilt yfir vel.
6 Rúrik Gíslason Sýndi loks-ins sitt rétta andlit, sérstaklega í
fyrri hálfleik. Dró af honum í þeim síðari.
5 Eggert Gunnþór Jónsson Leysti sitt hlutverk ágætlega og
var óhræddur. Ekki jafn góður og
Aron.
6 Emil Hall-freðsson
Vann boltann oft
vel og var duglegur.
Dró af honum í seinni
hálfleik.
8 Birkir Bjarnason
Besti maður liðsins.
Algerlega óþreytandi
og bjó til færi með
dugnaði sínum. Óhepp-
inn að skora ekki.
7 Gylfi Þór Sigurðs-
son Sýndi ágæta
takta í leiknum og
var óheppinn að
skora ekki úr auka-
spyrnu á 12. mínútu.
8 Alfreð Finnbogason Vann eins og verkamaður allan leikinn
og gaf ekki tommu eftir. Óheppinn að
skora ekki í fyrri hálfleik.
Einkunnir íslenska liðsins
„Sérstaklega var Birkir
hættulegur uppi við
markið en færin nýtti hann ekki