Kópavogsblaðið - 01.06.2007, Síða 6

6 Kópavogsblaðið JÚNÍ 2007
A F H Á L S I N U M
Þegar Bókasafn Kópavogs hóf
söfnun á minningum Kópavogs-
búa árið 2005 í tilefni af hálfrar
aldar afmæli bæjarins, var algjör-
lega rennt blint í sjóinn með
árangurinn. Það kom hins vegar
fljótt á daginn að safninu bárust
þeir gullmolar að ekki var við
annað unað en að koma þeim á
framfæri við almenning.
Nú eru þessar greinar komnar
út á bók með fulltyngi Lista- og
menningarráðs Kópavogs. Ritið
ber heitið „Minningabók Kópa-
vogsbúa”.
Formlegur úgáfufagnaður var
haldinn 16. maí sl. í Bókasafni
Kópavogs. Þar var bókin kynnt og
flutti Sigurrós Þorgrímsdóttir, for-
maður Lista- og menningarráðs
Kópavogs ávarp, en útgáfan er
styrkt af Lista- og menningarráði.
Einnig lásu tveir höfundar upp
úr bókinni á útgáfufagnaðinum,
en alls skrifa 30 Kópavogsbúar í
bókina. Enginn, sem kominn er
um miðjan aldur og alinn upp í
Kópavogi, má láta þessa bók fram
hjá sér fara.
Þeir Frímann Ingi Helgason, Lárus Ragnarsson og Arnór Ragnarsson
eiga allstóran hluta í minningarbókinni, en þeir unnu þann hluta í
sameiningu. Með þeim á myndinni eru Hrafn A. Harðarson, forstöðu-
maður Bókasafns Kópavogs og Inga Kristjánsdóttir starfsmaður, en
þau sáu um útgáfu bókarinnar og ritstýrðu henni.
Minningarbók
um Kópavogsbúa
Hver? Hvar? Hvenær?
Myndin sú sem birtist í maí í
Kópavogsblaðinu er talin tekin
árið 1975, líklega á sumardaginn
fyrsta. Þeir sem eru á myndinni
f.v. Guðmundur Þorvar Jónsson
sem heldur á Antoni Þorvari Guð-
mundssyni, Anna Kristjánsdóttir
sem heldur á Sesselju Jónsdótt-
ur, og fyrir aftan á milli Sesselju
og Guðmundar sést í andlit Sig-
rúnar Sigvaldadóttur. Hægra meg-
in er barn sem líklega er Viktoría
Guðnadóttir.
Við birtum nú mynd af galvösk-
um mönnum sem störfuðu við
byggingu Kópavogskirkju. Mynd-
in er tekin árið 1960. Þekkir ein-
hver þessa menn á myndinni?
Vinsamlega komið þeim upplýs-
ingum til Héraðsskjalasafns Kópa-
vogs, s. 544-4710, eða á netfangið
hrafns@kopavogur.is eða líta við
á Héraðsskjalasafninu í Hamra-
borg 1 í Kópavogi og ræða við
forstöðumanninn, Hrafn Svein-
bjarnarson.
Nýr og aðgengilegur upplýs-
ingavefur hjá Kópavogsbæ
Nýr upplýsingavefur Kópa-
vogsbæjar, www.kopavogur.
is, var formlega opnaður 1.
júní sl. af bæjarstjóra, Gunnari
Inga Birgissyni. Nýji vefurinn
er gerður í vefumsjónakerfinu
Joomla. Á honum verður að
finna ítarlegar upplýsingar um
starfsemi Kópavogsbæjar og þá
þjónustu sem íbúum stendur
til boða. Meðal helstu nýjunga
er að leiðarkerfi vefsins verð-
ur mun aðgengilegra en í eldri
vef. Vefurinn er hannaður með
auðvelt aðgengi í huga, m.a. fyr-
ir blinda og sjónskerta.
Nýji upplýsingavefurinn inni-
heldur mjög mikið af upplýsing-
um enda er það Kópavogsbæ
kappsmál að sem mest af upp-
lýsingum um starfsemi bæjar-
ins séu öllum aðgengilegar. Á
nýja vefnum verða öll helstu
umsóknaeyðublöð hjá bænum
á einum stað. Möguleiki verður
einnig að birta fréttir með lifandi
myndefni og hlusta á hljóðupp-
tökur.
Hér er um fyrsta áfanga að
ræða í uppbyggingu opins upp-
lýsingakerfis fyrir Kópavogsbæ.
Innan fárra vikna verða upp-
tökur af bæjarstjórnarfundum
aðgengilegar á vefnum, virk íbúa-
gátt er í undirbúningi og stendur
til að opna fyrir hana um næstu
áramót. Virk íbúagátt gerir íbúun-
um kleift að nýta með rafrænum
hætti alla helstu þjónustuþætti
Kópavogsbæjar á einum stað,
án heimsókna á bæjarskrifstofur
Kópavogsbæjar.
Vefur Kópavogsbæjar verður
þannig áfram í mikilli þróun og
stöðugt verður leitað leiða til að
nota vefinn til að auka og bæta
þjónustu við bæjarbúa.
Eins og undanfarin sumur efnir
Bókasafn Kópavogs nú til sumar-
lesturs fyrir 6-12 ára börn í bæn-
um. Tími sumarlesturs er júní, júlí
og ágúst, þ.e. sá tími sem skóli er
ekki starfandi. Tilgangurinn með
sumarlestrinum er sá að börnin
viðhaldi þeirri lestrarleikni sem
þau tileinka sér í skólanum að
vetrinum. Námskeiðið er þátttak-
endum algjörlega að kostnaðar-
lausu. Öll börn geta fengið lán-
þegakort á Bókasafninu. Börn
yngri en 12 ára þurfa þó leyfi frá
forráðamanni til að geta skráð sig
sem lánþega.
Börnin skrá sig í sumarlesturinn
á bókasafninu þegar þau koma
fyrsta sinni. Þá fá þau líka tvíblöð-
ung þar sem þau geta skráð þær
bækur sem lesnar eru. Þegar bók-
um er skilað fá þau stimpil við
hvern titil. Þá fá þau líka nafn sitt á
miða sem settur er í pott. Hægt er
að taka þátt hvort sem er í Linda-
safni eða Aðalsafni.
Lokahátíð verður svo 3. septem-
ber kl. 15:00 í Aðalsafni. Þá verð-
ur dregið úr pottinum og nokkrir
heppnir hljóta vinning, en allir sem
koma fá glaðning. Fyrir þá sem ekki
komast í Aðalsafn verður dregið í
Lindasafni á sama tíma. Með þessu
móti eiga allir möguleika á vinn-
ingi, ekki bara þeir sem lesa mest.
Þær Inga Kristjánsdóttir, barna-
bókavörður í Aðalsafni og Mar-
grét Sigurgeirsdóttir, útibússtjóri í
Lindasafni hvetja alla að kynna sér
sumarlesturinn fyrir 6-12 ára börn
og hvetjið þau til að taka þátt í
námskeiðinu. Þannig efla þau lestr-
arkunnáttu sína og mæta tvíefld til
leiks í skólann í haust. Aðalsafnið
er opið mánudaga til fimmtudaga
frá kl. 10.00 - 20.00, föstudaga frá
kl. 11.00 - 17.00 og laugardaga og
sunnudaga frá kl. 13.00 - 17.00.
Lindasafn er opið mánudaga til
fimmtudaga frá kl. 12.00 - 18.00 og
föstudaga kl. 12.00 til 16.00 en lok-
að um helgar.
Sumarlestur á
Bókasafni Kópavogs
��
��������������
Alltaf nýbakað og ferskt hjá okkur
Brauð, kökur, tertur, smurt og veisluþjónusta
Úrvalskaffi og heitur reitur
Opið alla daga kl. 9-18 Búðakór 1 • Sími 534-6654