Kópavogsblaðið - 01.06.2007, Side 17
9KópavogsblaðiðJÚNÍ 2007
Nýbúadeild Hjallaskóla
hlaut hvatningarverðlaun
Foreldraverðlaun Heimilis og
skóla - landssamtaka foreldra
voru afhent í 12. sinn um miðj-
an maímánuð sl. í Þjóðmenning-
arhúsinu við Hverfisgötu. Auk
Foreldraverðlaunanna sjálfra
voru veitt tvenn hvatningar -
verðlaun og ein dugnaðarforka-
verðlaun. Önnur hvatningaverð-
launin hlaut Guðlaug Snorra-
dóttir og starfsfólk Nýbúadeild-
ar við Hjallaskóla í Kópavogi,
fyrir óeigingjarnt starf í þágu
nýbúa.
Foreldraverðlaunin hafa unn-
ið sér fastan sess í samfélaginu
og vekja athygli á þeim mörgu
verkefnum sem efla starf grunn-
skólanna og öflugt og jákvætt
samstarf heimila, skóla sveit-
arfélaga og samfélagsins alls.
Aðalmarkmiðið með veitingu
Foreldraverðlaunanna er að
vekja athygli á því gróskumikla
starfi sem unnið er á fjölmörg-
um sviðum í grunnskólum lands-
ins. Við veitingu verðlaunanna
er sérstaklega litið til verkefna
sem hafa eflt samstarf foreldra
og skólastarfsmanna og komið á
uppbyggjandi hefðum í samstarfi
þessara aðila. Í ár var sérstaklega
horft til sveitarfélaga og félaga-
samtaka sem styðja markvisst
við foreldrasamtök og foreldra í
sínu sveitarfélagi. Það er í fyrsta
sinn sem það er gert.
Óeigingjarnt starf
Guðlaug Snorradóttir, deildar-
stjóri nýbúadeildar Hjallaskóla,
ásamt starfsfólki deildarinnar
hlaut hvatningarverðlaun Heimil-
is og skóla fyrir óeigingjarnt starf
í þágu nýbúa. Í lýsingu Heimilis
og skóla segir eftirfarandi:
“Þrátt fyrir erfiðar aðstæður,
sökum mismunandi tungumála,
hefur Guðlaug og hennar fólk
lagt metnað sinn í að efla tengsl
foreldra við deildina og skólann.
Liður í þessu er sameiginlegar
kynningar fyrir foreldra nýbúa
þar sem starfsemi skólans, starfs-
fólk hans og húsnæði er kynnt
fyrir foreldrum. Jafnframt hafa
skemmtikvöld deildarinnar verið
haldin með glæsibrag þar sem
nemendur frá ýmsum löndum
kynna sjálfan sig og/eða föður-
land sitt.”
Í umsögn dómnefndar segir
m.a.:
“Í Nýbúadeild við Hjallaskóla í
Kópavogi er unnið gott starf við
að taka á móti nýbúum í skóla-
samfélagið og stuðlað að því
að gera nemendur færa um að
takast á við íslenskt skólasam-
félag sem og íslenskt menning-
arsamfélag. Deildin tekur með
markvissum og skipulegum hætti
á móti nemendum og foreldrum
þeirra og nemendum er fylgt vel
eftir í skólastarfinu.”
Foreldraverðlaun Heimilis og
skóla 2007 hlaut Íþróttafélagið
Grótta á Seltjarnarnesi fyrir sam-
ræmingu skóladags og æfinga-
tíma í samvinnu við bæjaryfir-
völd og Grunnskóla Seltjarnar-
ness.
Alls voru 24 verkefni tilnefnd
þetta árið. Auk tilnefningar
nýbúadeildar Hjallaskóla fékk For-
eldraráð Kópavogsskóla tilnefn-
ingu fyrir öflugt samstarf við skól-
ann. Unnur Sólrún Bragadóttir,
kennari við Snælandsskóla fékk
tilnefningu fyrir verkefnið Hjólarí-
ið, en það er viðgerðarverkstæði
fyrir reiðhjól sem hafa hafnað á
endurvinnslustöð Sorpu en eru
send til Malaví gegnum Rauða-
Krossinn. Jafnframt fékk Anna
Elísabet Ólafsdóttir, lögreglukona
í Kópavogi tilnefningu fyrir öfl-
ugt forvarnarstarf í grunnskólum
Kópavogs. Anna Elísabet valdi
sem verkefni í Lögregluskólan-
um að draga úr hópamyndunum
við lok samræmdra prófa í 10.
bekk. Forvarnarmál og það sem
stuðlar að tryggja börnum og
unglingum í Kópavogi öruggara
umhverfi hefur ætíð verið henn-
ar hjartans mál. Hún er sannkall-
aður hvalreki á fjörur barna og
unglinga í Kópavogi, límið sem
heldur saman foreldraröltinu og
tryggir samfellu í samfélaginu og
þar með öllum Kópavogsbúum
öruggara umhverfi.
Það er því mjög ánægjulegt
hve öflugt skólastarf er í Kópa-
vogi og að það skuli vera metið
að verðleikum með áðurnefnd-
um hætti.
Guðlaug Snorradóttir með viðurkenninguna ásamt Andrési
Péturssyni, formanni skólanefndar Kópavogs og Maríu Kristínu
Gylfadóttur, formanni Heimili og skóla.
Frá Bryggjudeginum.
Sveitarfélög þurfa ekki að vera
þekkt fyrir útgerð eða fiskvinnslu
til þess að halda hátíð tengdri
sjónum. Í Kópavogi var haldinn
bryggjudagur í annað sinn laug-
ardaginn fyrir sjómannadag við
höfnina í Kópavogi. Að bryggju-
deginum stóðu íbúar í Bryggju-
húsunum við Bakkabraut 5 - 7 og
fyrirtæki þeirra. Frábært framtak.
Hátíðin fór fram á planinu fyrir
neðan Bryggjuhúsin og í húsun-
um sjálfum þar sem íbúar hafa
m.a komið upp sýningaraðstöðu,
bíóhúsi, kaffihúsi og listsmiðju.
Meðal dagskráratriða má nefna
kaffiblús, gipsverk, myndlistarsýn-
ingar, eldsmiður og stuttmyndir
í “Hafnarbíói”. Súpa dagsins var
framreidd, listasmiðja fyrir börn
var í gangi og svo auðvitað dill-
andi harmonikkutónlist. Ómar
Stefánsson, fformaður bæjar-
ráðs, setti bryggjudaginn, og Kór
Kársnesskóla söng, en síðan var
m.a. boðið upp á stutta siglingu
fyrir börn á vegum Hjálparsveit-
ar skáta, skotkeppni á vegum
Körfuknattleiksdeildar Breiða-
bliks, fornbíla og klassíska bíla,
sportbáta o.fl.
Bryggjudagur var aðstandend-
um hans til mikils sóma.
Glæsileg dagskrá á
Bryggjudegi í Kópavogi
VARMI
réttingar og sprautun
Auðbrekku 14 - 200 Kópavogur
Sími: 564 2141
Netfang: varmi@varmiehf.is