Skírnir - 01.01.1961, Page 197
JÓNAS PÁLSSON OG HJÁLMAR ÓLAFSSON:
ATHUGANIR Á LANDSPRÓFI MIÐSKÓLA.
Síðastliðin þrjú ár höfum við fengizt við athuganir á nota-
gildi landsprófs miðskóla. Var okkur veittur til þessa 15 þús.
króna fjárstyrkur úr hugvísindadeild Vísindasjóðs Islands.
Rétt er að geta þess, að dr. Broddi Jóhannesson átti upp-
haflega hugmyndina að rannsókn á forsagnargildi landsprófs
og hvatti mjög til, að því verkefni yrði sinnt.
Fyrst skal gerð grein fyrir, hvert var meginmarkmið athug-
ana okkar, hvernig að var unnið, síðan greint frá helztu nið-
urstöðum og loks drepið á nokkur atriði varðandi prófið sjálft
og tillögur um úrvinnslu þess á komandi árum.
I.
Aðalmarkmiðið var í upphafi að kanna fylgni landsprófs-
einkunna við einkunnir 3. bekkjarprófs menntaskóla og ein-
kunnir stúdentsprófs. Upptaka einkunna og útreikningur á
fylgnitöflum er æði-tímafrekt verk, svo að auðsætt var frá upp-
hafi að takmarka varð þann hóp, sem tekinn væri til útreikn-
ings, velja úr einstakar námsgreinar, árganga og skóla. Til þess
að byggja það val á skynsamlegum forsendum virtist okkur
nauðsyn að vita nokkuð um meðaltölur og dreifingu einkunna
í námsgreinum frá ári til árs. Þá rákum við okkur á, að slikar
tölur voru ekki til, aðeins flokkun landsprófs eftir aðaleinkunn
í ág.einkunn, I.einkunn o. s. frv., svo og hve mikill hluti nem-
enda náði aðaleinkunn 6.00, þ. e. hafði rétt til framhaldsnáms.
Það varð því ofan á, að við réðumst í að reikna út meðal-
tölur í námsgreinum á landsprófi allt frá upphafi. Reyndist
þetta tafsöm vinna. Þegar lokið var útreikningum meðaltalna
til loka ársins 1955, þótti okkur ekki tjóa að halda lengra,
enda höfðum við þá eytt í þessa vinnu geysimiklum tíma.