Iðjuþjálfinn - 01.06.2001, Blaðsíða 33

ausir um launin sín?
Það sem BHM félögum hefur verið boðið af
hálfu SNR er 6,9% hækkun við undirritun
samnings og einhverjar árlegar hækkanir á
samningstímabilinu sem yrði til loka nóvem-
ber 2004. Lítið sem ekkert hefur verið hægt að
ræða um okkar helstu kröfur, viðkvæðið er að
þetta sé það sem í boði er og svona ætli SNR
að semja. Önnur félög hafa lagt ómælda vinnu
Þú hefur möguleika á að hafa áhrif á eigin
laun með því að taka þátt í starfi kjara-
nefndar.
í að hnika til orðalagi í ákvæðum sem fjalla um
stofnanaþátt samningsins. Sú vinna hefur
skilað einhverju en ekki nógu miklu til að full-
tryggt sé að á hann sé litið sem eðlilegan hluta
samningsins og því beri að endurskoða hann
reglulega. Við upphaf þessarar samningslotu
var látið í veðri vaka að stofnanasamningarnir
(aðlögunarsamningarnir) væru ekki til um-
ræðu, þeir ættu að standa óbreyttir. Ekki voru
uppi áform af hálfu ríkisins um að endurskoða
þá.
Frá sjónarhóli okkar kom það ekki til greina,
enda mjög mismunandi hversu vel þeir hafa
reynst. Þetta var ný leið sem enginn hafði áður
farið og hafa því ýmsir vankantar komið í ljós,
sem mikilvægt er að sníða af hið fyrsta. Því má
segja að þessi þáttur sé það sem tefur undir-
ritun samningsins þar sem laun iðjuþjálfa eru
tiltölulega strípuð. Við sækjum ekki aura í
ákvæði um vaktavinnuálag og annað í þá
veruna. Það má lengi deila um hvort þarna sé
um viðunandi tilboð að ræða enda mikilvægt
að horfa á þetta í víðara samhengi. Mikilvæg-
ast er jú hvað við fáum mikið fyrir krónurnar
en ekki hve margar þær eru. Viðsemjendur
okkar bera við þeim samningum sem búið er
að gera á almenna markaðinum og þannig má
segja að við séum bundin á klafa Flóabanda-
lagsins.
Tíðir samráðsfundir eru meðal BHM- félaga,
auk þess sem kjaranefnd hefur orðið að hittast
reglulega á milli funda til að undirbúa næstu
lotu og til að stappa í okkur stálinu. Þessi
vinna er að mörgu leyti skemmtileg áskorun
og mikilvægt að láta ekki tapaðar smáorrustur
setja sig út af laginu. Kjarabætur koma ekki af
sjálfu sér.
Kjarabætur koma ekki af sjálfu sér
Eins og allir vita var aðalfundur félagsins
haldinn þann 10. mars síðast liðinn. í kjara-
nefnd voru þrír félagsmenn sem allar ætla að
hætta eftir margra ára vinnu í nefndinni. Þrír
félagsmenn gáfu kost á sér til starfa í nefnd-
inni. Tveir eru í Reykjavík og einn er á Akur-
eyri. Enn vantar því fjóra nefndarmenn í kjara-
nefnd. IÞI getur ekki neytt félagsmenn í
nefndir, né þvingað núverandi nefndarmenn
sem hafa unnið fyrir félagið í mörg ár til að
halda því áfram. Þeir ætla ekki að draga sig
alveg út úr nefndinni fyrr en yfirstandandi
samningar eru í höfn, síðan verður nýja
nefndin að taka við. Nýja nefndin er hinsvegar
óstarfhæf vegna manneklu og getur vinna við
endurskoðun stofnanaþáttar samningsins
dregist af þeim sökum. Ekki svo að skilja að
það sé alfarið í höndum kjaranefndar að sjá
um þann þátt, heldur kemur hún að þeim
málum með beinum eða óbeinum hætti. Við
sem nýjar erum í kjaranefnd höfum sótt um
styrk til Fræðslusjóðs IÞÍ til að standa fyrir
námskeiði nú í haust. Markmiðið með því er
að fá „hraðnámskeið" í samningatækni og því
sem mikilvægast er að vita við gerð samninga.
Þetta mun þannig nýtast okkur í
kjaranefndarstarfinu en einnig almennt í starfi
okkar sem iðjuþjálfar.
Þess vegna spyrjum við þig ágæti félagsmað-
ur:
• ert þú ánægður með launin þín?
• stendur þér á sama um launin?
Þú hefur möguleika á að hafa áhrif á eigin
laun með því að taka þátt í starfi kjaranefndar.
Það er mikilvægt að ný kjaranefnd verði sem
fyrst fullmönnuð. Breyttu því viðhorfi þínu og
spurðu sjálfan þig hvað þú getur gert fyrir
félagið í stað þess hvað félagið geti gert fyrir
Þig-
HSS/RH/SKG/VMJ
IÐJUÞJÁLFINN 1/2001 33