Orð og tunga - 01.06.2006, Page 12
10
Orð og tunga
erlendra mála. Þá verður sagt frá því hvernig orðalistar og málfræði-
grunnur voru sérhannaðir og aðlagaðir málfærni nemenda og inni-
haldi Icelandic Online en hönnunin tók mið af kenningum um máltil-
einkun fullorðinna og þróun í kennslu og námi tungumála á netinu
sérstaklega. Að lokum verða færð rök fyrir því að haldgóðar upplýs-
ingar um málfræði eigi heima í orðabókum hvort sem þær eru þróaðar
fyrir notkun á netinu eða ekki og velt upp hugmyndum að málheild
eða gagnabanka um íslenskt mál á Internetinu sem væri uppbyggður
í ákveðnum lögum á svipaðan hátt og gert er í Icelandic Online þannig
að úr honum mætti sækja upplýsingar við hæfi notandans hvort sem
hann er málfræðingur að sinna rannsóknum eða nemandi að stíga sín
fyrstu skref í tileinkun íslensku sem erlends máls.
2 Icelandic Online
lcelandic Online I er kennsluforrit með vefaðgangi sem ætlað er byrj-
endum í námi í íslensku sem erlendu máli. Námskeiðið, sem var styrkt
af Lingua 2 áætlun Evrópusambandsins, Rannís, NordPlus, sjóðum
Háskóla íslands o.fl. var þróað við Háskóla íslands og er samstarfs-
verkefni Hugvísindastofnunar Háskólans, Stofnimar Sigurðar Nor-
dals og íslenskuskorar auk sex erlendra háskóla en höfundur er verk-
efnisstjóri. Námskeiðið er þróað með ákveðinn skilgreindan markhóp
í huga, þ. e. háskólastúdenta sem eru að hefja íslenskunám á íslandi
eða erlendis en námskeiðið hefur einnig reynst vel í kennslu fullorð-
inna innflytjenda auk nemenda með annað móðurmál en íslensku í
framhaldsskólum landsins. Námskeiðið er jafngildi 45 klukkustunda
náms. Nemendur í Icelandic Online I geta valið um tvö þemu, náttúru
og menningu, eða í allt mn níu hundruð námsviðföng í sex bálkum.
Þar sem markhópurinn var skýrt skilgreindur var unnt að gera nám-
skeiðið markvissara og raunhæfara með tilliti til innihalds og mark-
miða, m.a. með því að tekið var mið af viðurkenndum kenningum um
hvernig fullorðnir tileinka sér tungumál, áhugasviðum háskólanema
og því málumhverfi sem líklegt var að nemendur þyrftu að bjarga sér
í með því að nota íslensku. I lcelandic Online I er að auki reynt að auð-
velda nemendum skilning á uppbyggingu íslensks máls með nýrri að-
ferðafræði í framsetningu á málfræði. Aðferðin er ný nálgun í kennslu
beygingarmála þar sem fallorð hafa mörg birtingarform og því óhjá-
kvæmilegt að áhersla á málfræði sé meiri strax í upphafi náms en í