Skagfirðingabók - 01.01.2002, Blaðsíða 43
ATHAFNASKÁLD f SKAGAFIRÐI
ars hefír trésmiðjan viðskipti víða um land, því að vinn-
an þykir bæði vönduð og ódýr. Yfirbyggingar á jeppa
með brottraustu gleri kosta til dæmis um sjö þúsund
krónur, og borðstofusett, skápur, borð og sex stólar, úr
rauðavið kostar 7.800 krónur, en úr eik 6.800. Meðal
annars hefir fyrirtækið selt talsvert af húsgögnum til
Reykjavíkur. I trésmiðjunni vinna að jafnaði 6—12 menn,
og sex nemar hafa lokið þar sveinsprófi. Nú nýlega út-
skrifuðust tveir, annar í húsgagnasmíði, en hinn í tré-
smíði.
En víkjum aftur að grein Kristmundar Bjarnasonar. Hann seg-
ir næst frá sláturhúsbyggingu S.S. á Eyrinni, sem tekið getur á
móti 600 fjár á dag, eða um helmingi á við sláturhús K.S., og
bendir á þá hagræðingu sem í því felst fyrir bændur að eiga
þess kost að stytta sláturtíð til muna og koma sem flestu af
lömbum til slátrunar eftir fyrstu rétt.
I bréfi frá landbúnaðarráðuneytinu, dags. 26. sept. 1953, er
samkvæmt meðmælum yfirdýralæknis veitt „leyfi til að ný-
byggt sláturhús Sigurðar Sigfússonar á Sauðárkróki verði notað
til slátrunar til ársloka 1954, án þess að sláturhúsið hljóti lög-
gildingu samkvæmt I. kafla reglugerðar nr. 155, 8. september
1949, um kjötmat o.fl. Undanþága þessi er veitt með því skil-
orði að eigandi sláturhússins fari í einu og öllu eftir ráðlegg-
ingum og fyrirmælum hlutaðeigandi dýralæknis, um viðhald
og nauðsynlegustu endurbætur á húsinu, með það fyrir augum
að slátrun í því geti farið þrifalega úr hendi og verið fram-
kvæmd á mannúðlegan hátt.“ Bréf þetta undirritar, fyrir hönd
ráðuneytisins og eftir umboði, Arni G. Eylands stjórnarráðs-
fulltrúi. Með bréfi frá sama ráðuneyti, dags. 15. september
1955, fær síðan sláturhúsið löggildingu frá 1. okt. s.á. að telja.
En gefum nú Kristmundi aftur orðið:
Fiskmóttaka hófst 1952. Á síðastliðnu ári var stofnað
fyrirtækið Fiskimjöl hf., sem er systurfyrirtæki Hrað-
41