Jökull - 01.01.2011, Síða 108

Finnur Pálsson
Horft til vesturs frá skálunum á Grímsfjalli. Vestari Svíahnúkur lengst til vinstri, Saltarinn í forgrunni hægra
megin, gosstöðvar 2004 fyrir miðri mynd. – View to the west along the southern rim of the Grímsvötn caldera.
The eruption site of 2004 is in the far center. Ljósm./Photo. Finnur Pálsson.
þurfti að fella niður nokkuð af sniðmælingunum og
uppsetningu skriðstika í nágrenni Grímsvatna. Farið
var á snjóbíl (sem ruddi slóð í gegnum mesta karg-
ann) og jeppa á afkomumælistaði í og norðan Gríms-
vatna og á Bárðarbungu og Háubungu. Vélsleðar voru
notaðir til annarra ferða m.a. til að setja upp og sækja
GPS landmælingamælitæki í Esjufjöllum, á Hamrin-
um og Pálsfjalli. Þau ferðalög sem reyndu mjög á
sleðamennina, margra klukkustunda skak á 1–10 km
hraða; jökullinn var í raun ófær. Tveir menn komust
eftir margra klukkustunda ferð á vélsleðum í Kverk-
fjöll þar sem unnið var að rannsóknum. Þrátt fyrir
þessar sérkennilegu aðstæður tókst með ágætum að
vinna nær öll fyrirhuguð verk, hópurinn var samstillt-
ur og vann vel saman.
Öll hús og pallar á Grímsfjalli voru hreinsuð og
máluð. Einnig var hreinsað allt lauslegt rusl í um-
hverfi húsanna. Boltar og rör í móhellunni, sem þjón-
að höfðu sem festingar fyrir ýmis mælitæki og möstur,
voru fjarlægðir. Ónýtir gluggahlerar á suðurhlið voru
fjarlægðir og mældir upp þannig að smíða megi nýja í
bænum. Þá voru öll húsin þrifin að innan hátt og lágt
í lok ferðar. Leiðangurinn flutti 3000 lítra af eldsneyti
fyrir rafstöð á Grímsfjalli, til notkunar í leiðangrinum
og fyrir hóp á vegum ÍSOR sem ætlar að gera LOTEM
mælingar í Grímsvötnum síðar í júní. Einnig um 1
tonn af mælitækjum og búnaði fyrir þann hóp.
Fararstjóri var sá sem þennan pistil skrifar en
Sjöfn Sigsteinsdóttir sá um innkaup og skipulagningu
matarfélgs. Eins og síðustu ár studdi Vegagerðin leið-
angurinn með framlagi til eldsneytiskaupa og Lands-
virkjun kostaði snjóbíl, en lagði einnig til bíl og véls-
leða. Auk sjálfboðaliða JÖRFÍ tóku þátt í leiðangr-
inum starfsmenn Landsvirkjunar og Jarðvísindastofn-
unar Háskólans og tveir erlendir nemendur við Jarð-
vísindadeild Háskólans. Farartæki á jökli voru snjó-
bíll HSSR, þrír bílar og fimm vélsleðar. Þátttakendur
í ferðinni voru 23, en þar af voru 6 aðeins yfir helgi.
108 JÖKULL No. 61, 2011