Ljósmæðrablaðið - 01.07.2010, Blaðsíða 25

25Ljósmæðrablaðið - júlí 2010
sig fá nægjanlegar upplýsingar og fræðslu
um brjóstagjöf og mikilvægi brjóstamjólkur
höfðu frekar börn sín á brjósti (Lee o.fl.,
2007; Xu, Binns, Yu og Bai, 2006). Í
rannsókn Mistry o.fl, (2008) var kannað
hvernig fæðugjöf nýbura 133 víetnamskra-
bandarískra mæðra væri háttað. Jafnframt
var kannað hvaða þættir það væru sem leiddu
til þess að móðir tæki þá ákvörðun að vera
með barn sitt eingöngu á brjósti, að hluta
til eða gefa því eingöngu þurrmjólk. Kom
í ljós að sú fræðsla sem mæður fengu um
fæðugjöf barna innan spítalans eftir fæðingu
hafði frekar áhrif á fæðugjöf nýburanna en
sú fræðsla sem mæður fengu í mæðravernd.
Þetta getur verið þar sem fræðslan innan
spítalans er oft einstaklingsmiðaðri en í
mæðraverndinni þar sem fræðslan fer jafnan
fram í fyrirlestrarformi. Einnig kom fram
í rannsókn Mistry o.fl, (2008) að konur
voru frekar hvattar til að gefa barni sínu
eingöngu brjóstamjólk í mæðraverndinni en
á spítalanum. Jafnframt að konur sem fengu
fræðslu um kosti brjóstagjafar á meðgöngu
og í sængurlegu frá brjóstagjafaráðgjöfum
voru líklegri til að hafa börn sín á brjósti
en konur sem ekki fengu slíka fræðslu eða
stuðning. Gefa þessar niðurstöður til kynna
mikilvægi þess að hvetja til brjóstagjafar
innan spítalans og að brjóstagjafafræðsla
innan spítalans sé til staðar þar sem sú fræðsla
virðist hafa meiri áhrif á fæðugjöf nýbura en
sú fræðsla sem veitt er í mæðravernd. Þar
með væri samkvæmni í þeim upplýsingum
sem konur fá um brjóstagjöf. Mín reynsla er
einnig að konur tala um að þær eru tilbúnari
til að fræðast um brjóstagjöf þegar barnið
er komið í heiminn og þá er sú vinna sem
brjóstagjöf er einnig orðin raunverulegri.
Í kaflanum Stuðningur við brjóstagjöf
hér að framan kemur fram að asískar konur
sækja sér upplýsingar um barneignarferlið
og brjóstagjöfina til mæðra sinna eða
tengdamæðra en ekki í meðgönguvernd-
ina. Þetta þurfum við sem fagfólk að vera
meðvituð um og reyna koma til móts við
þann fjölda Asíubúa sem býr hér á landi og
styrkja þ.a.l. brjóstagjöfina, tíðni hennar og
lengd hjá asískum mæðrum. Þetta væri t.d.
hægt að gera með því að koma á fót sérstakri
fræðslu fyrir þennan hóp þar sem talað er
þeirra tungumál og verðandi ömmur eru líka
boðnar velkomnar. Einnig væri hægt að hafa
fræðslu eingöngu fyrir verðandi ömmur til
að sýna að við virðum þeirra stuðning og
gerum okkur grein fyrir mikilvægi þeirra.
Í grein McLachlan og Forster (2006) kom
fram að víetnamskar konur sem sóttu fræðslu
á meðgöngu, sem eingöngu var sniðin að
þörfum þeirra með þeirra menningu að leið-
arljósi, höfðu hærra hlutfall barna á brjósti en
þær víetnömsku konur sem ekki höfðu sótt
slíkt námskeið. Þegar heilbrigðisstarfsfólk
gerir sér grein fyrir að nýbökuð móðir kemur
frá annarri menningu, er næmt fyrir menn-
ingu hennar og gerir sér grein fyrir hvað er
ólíkt milli menningarhópa leiðir það til að
brjóstagjafafræðslan verður árangursríkari
(Ingram, Johnson og Hamid, 2003; Straub,
Melvin og Labbok, 2008).
Lokaorð
Ljóst er að menning asískra kvenna hefur
mikil áhrif á hvaða augum þær líta á
brjóstagjöfina. Einnig hafa lýðfræðilegir
þættir áhrif s.s. á hvaða aldri konan er,
hver menntun hennar er og hvort hún sé
heimavinnandi eða ekki. Sá stuðningur sem
asískar konur fá frá móður, tengdamóður eða
maka, hefur líka gríðarlega mikið að segja
um tíðni og lengd brjóstagjafar.
Okkur líður oftast best í okkar eigin menn-
ingu og getur jafnvel fundist óþægilegt þegar
við mætum öðrum viðhorfum og skoðunum
en við erum vön. Í slíkum aðstæðum er okkur
hollt að spyrja hvort eigin siðir séu endilega
þeir réttustu. Ég held að það sé óhætt að
segja að Ísland sé orðið fjölmenningarlegt
samfélag og tel að við eigum að fagna því og
líta svo á að okkar menning geti orðið ríkari
fyrir vikið. Það krefst aftur á móti mikillar
ábyrgðar að bjóða einstaklinga frá svona
ólíkri menningu eins og Asíu velkomin
og þetta þarf heilbrigðisstarfsfólk að vera
meðvitað um, ekki síst ljósmæður Það sýnir
mikla fagmennsku og eykur gæði þjónust-
unnar sem við veitum að geta lagt okkar
menningarvenjur og hefðir til hliðar. Með
því að horfa á konuna heildrænt þá sýnum
við henni þá virðingu sem hún á skilið og
aukum vellíðan hennar, barna og fjölskyld-
unnar í heild. Ljósmæður þurfa að tryggja að
fólk skilji hvað við erum að segja og óska
eftir túlki ef við erum í einhverjum vafa, leita
eftir upplýsingum um menningu einstaklinga
og fræða samstarfsfólk okkar. Einnig tel ég
að það mætti auka þjónustuna við innflytj-
endur til dæmis með því að hafa opið hús og
mömmumorgna þar sem félagsleg einangrun
er oft mikið vandamál meðal innflytjenda.
Auka mætti líka samstarf heilbrigðisþjón-
ustunnar við félagsþjónustuna þar sem fólk
hefur oft takmarkaða þekkingu um rétt sinn
varðandi barnabætur, fæðingarorlof og fleira.
Þetta gæti leitt til þess að nýbökuð móðir hafi
frekar barn sitt eingöngu á brjósti fyrstu sex
mánuðina því hún þarf ekki að flýta sér út
á vinnumarkaðinn. Þarna er komin leið sem
gæti stuðlað að farsælli brjóstagjöf og heil-
brigði móður og barns.
Heimildaskrá
Abada, T.S.J., Trovato, F. og Lalu, N. (2001). Determ-
inants of breastfeeding in the Philippines: a survival
analysis. Social Science and Medicine, 52(1), 71-81.
Alþjóða heilbrigðisstofnunin, WHO (2003). Global
strategy for infant and young child feeding. Sótt 20.
September 2008 af http://www.who.int/nutrition/
publications/infantfeeding/en/index.html
Chien, L.Y. og Tai, C.J. (2007). Effect of delivery method
and timing of breastfeeding initiation on breastfeeding
outcomes in Taiwan. Birth, 34(2), 123-130.
Cheung, N.F. (2002). The cultural and social meanings of
childbearing for Chinese and Scottish women in Scot-
land. Midwifery, 18(4), 279-295.
Downe, S. (ritstjóri). (2004). Normal Childbirth: Evidence
and Debate (2. útgáfa.). Edingburgh: Churchill Livings-
ton.
Foo, L.L., Quek, S.J.S., Ng, S.A., Lim, M.T. og
Deurenberg- Yap, M. (2005). Breastfeeding prevalence
and practices among Singaporean Chinese, Malay and
Indian mothers. Health Promotion International, 20(3),
229-237.
Garðar Gíslason. (1997). Félagsfræði – einstaklingar og
samfélag (3.útgáfa). Reykjavík: Mál og menning.
Gourounti, K. og Sandall, J. Do pregnant women in
Greece make informed choices about antenatal screen-
ing for Down’s syndrome? A questionnaire survey.
(2006). Midwifery 24(2), 153-162.
Hagstofa Íslands. (2008). Mannfjöldi eftir fæðingar- og
ríkisfangslandi 1981-2008. Sótt 10. Október 2008 af
http://www.hagstofa.is/?PageID=626
Holroyd, E., Twinn, S. og Yim, I.W. (2004). Explor-
ing Chinese women´s cultural beliefs and behaviours
regarding the practice of “doing the month”. Women and
Health, 40(3), 109-123.
Ingram, J., Johnson, D. og Hamid, N. (2003). South Asian
grandmothers’s influence on breast feeding in Bristol.
Midwifery, 19(4), 318-327.
Kaewsarn, P., Moyle, W. og Creedy, D. (2003). Thai
nurses’ beliefs about breastfeeding and postpartum
practices. Journal of Clinical Nursing, 12(4),
467-475.
Lee, W.T.K., Wong, E., Lui, S.S.H., Chan, V. og Lau,
J. (2007). Decision to breastfeed and early cessation
of breastfeeding in infants below 6 months old – a
populatin-based study of 3,204 infants in Hong Kong.
Asian Pacific of Clinical Nutrition, 16(1), 163-171.
Leung, T.F., Tam, W.H., Fok, T.F. og Wong, G.W.K.
(2003). Sociodemographic and atopic factors
affecting breastfeeding intention in Chinese mothers.
Journal of Pediatrics and Child Health, 39(6), 460-464.
Masvie, H. (2006). The role of Tamang mothers-in-law in
promoting breast feeding in Makwanpur District, Nepal.
Midwifery, 22(1), 23-31.
McLachlan, H.L. og Forster, D.A. (2006). Initial
breastfeeding attitudes and practices of women born in
Turkey, Vietnam and Australia after giving birth in
Australia. International Breastfeeding Journal, 1(7),
1-10.
Mistry, Y., Freedman, M., Sweeney, K. og Hollenbeck, C.
(2008, 5. September). Infant-feeding practices of low-
income Vietnamese American women. Journal of Human
Lactation. Sótt 1. október 2008 af http://jhl.sagepub.
com/pap.dtl
Riordan, J. (ritstjóri). (2005). Breastfeeding and Human
Lactation (3. útgáfa). Boston: Jones and Bartlett.
Scott, J.A., Landers, M.C.G., Hughes, R.M. og Binns,
C.W. (2001). Psychosocial factors associated with the
abandonment og breastfeeding prior to hospital disch-
arge. Journal of Human Lactation 17(1), 24-30.
Straub, B., Melvin, C. og Labbok, M. (2008). A descriptive
study of Cambodian refugee infant feeding practices in
the United States. International Breastfeeding Journal,
3(2), 1-7.
Susin, L.R.O. og Giugliani, E.R.J. (2008, 10. septem-
ber). Inclusion of fathers in an intervention to promote
breastfeeding: Impact on breastfeeding rates. Journal
of Human Lactation. Sótt 1. október 2008 af http://jhl.
sagepub.com/pap.dtl
Xu, F., Binns, C., Ping, Y. og Bai, Y. (2006). Determ-
inants of breastfeeding initiation in Xinjiang, PR China,
2003-2004. Acta Pædiatrica, 96(2), 257-260.