Litli Bergþór - 01.07.2016, Blaðsíða 30

30 Litli-Bergþór
Aðalfundur félagsins var haldinn í Bergholti, 10. mars
sl. þar sem Agnes Geirdal var kosin formaður næstu
þrjú árin, en hún tók við af Svövu Theodórsdóttur í
september 2015, sem formaður.
Ásamt henni eru í stjórn: Geirþrúður Sighvatsdótt-
ir, ritari, Bryndís Malmo Bjarnadóttir, gjaldkeri,
Herdís Friðriksdóttir og Oddný Kr. Jósepsdóttir, með-
stjórnendur.
Varakonur eru: Margrét Baldursdóttir og Margrét
Sverrisdóttir.
Í veitinganefnd eru Sigrún í Engi, Jórunn á Drumb-
oddsstöðum og Oddný á Brautarhóli. Varakona er
Sigga Jóna í Hrosshaga.
Skógræktarnefnd er óbreytt frá síðasta ári: Sigga
Jóna í Hrosshaga, Herdís í Reykholti og Agnes á
Galtalæk.
Eftir venjubundin aðalfundarstörf og önnur mál kom
Elínborg Sigurðardóttir á Iðu, formaður Sambands
sunnlenskra kvenna (SSK) og sagði okkur í stuttu máli
frá SSK og tilgangi þess og öllu því skemmtilega sem
tengist starfi kvenna á Suðurlandi.
Að lokum kom listakonan, skáldið og hönnuðurinn,
Sigríður Jónsdóttir frá Arnarholti og sýndi okkur og
sagði frá íslenskum kvenbúningi sem hún hannaði og
saumaði sjálf. Sigríður hafði gramsað í skápunum hjá
sér og saumaði búninginn úr því efni sem hún átti þar,
munstrið í fald og boðung sótti hún í íslenska náttúru.
Ótrúlega fallegur búningur, dásamlegt handverk og
gaman að heyra frásögn um tilurð hans.
Þann 14. apríl sl.
komum við kven-
félagskonur saman í
Bergholti og áttum
góða stund saman. Við
héldum okkur við sama
þema og fengum Sigrúnu
Elfu Reynisdóttur
til að koma og sýna
okkur faldbúninginn
sem hún er að sauma á
námskeiði hjá Annríki -
Þjóðbúningar og skart í
Hafnarfirði. Sagði hún
okkur frá námskeiðinu
og sögu búningsins.
Hún saumar búninginn
eftir öllum kúnstarinnar
reglum og hefðum og
er þetta mikið og fallegt
handverk.
Vorfundurinn var haldinn þann 19. maí. í Bergholti.
Eftir setningu fundarins fór fram formleg afhending
rauðu stólanna sem kvenfélagið gaf sveitarfélaginu til
afnota í Bergholti. Auðvitað þurfti formaðurinn að
vera með vesen og bar nokkra stóla út á hlað til að
kvenfélagskonur gætu selflutt þá aftur inn og afhent
þá á táknrænan hátt. Guðrún Svanhvít Magnúsdóttir
í Bræðratungu tók á móti stólunum fyrir hönd
sveitarstjórnar.
Eftir kaffi og hefðbundin vorfundarstörf kom hópur
starfsfólks úr leikskólanum Álfaborg með Regínu
Ósk Harðardóttur leikskólastjóra í fararbroddi. Voru
þær með „Hljóðasmiðju Lubba“ meðferðis, sem er
lestrarkennsluefni sem kvenfélagið gaf Álfaborg í
tilefni 30 ára afmælis leikskólans á þessu ári. Kynntu
starfskonur kennsluefnið fyrir kvenfélagskonum og
var það bæði fróðlegt og skemmtilegt.
Skógarreiturinn Ingulundur. Á síðasta ári rann út
samningur Kvenfélagsins við bændur á Spóastöðum
Fréttir frá
Kvenfélagi Biskupstungna
um afnot af skógarreit í landi Spóastaða. Liggur hann
við þjóðveginn á mörkum Hrosshaga og Spóastaða
og hafa konur ræktað þar fallegan lund, komið fyrir
borði og bekkjum og sett brú á lítinn læk sem rennur
um reitinn. Var það Ingibjörg heitin Guðmundsdóttir
húsmóðir á Spóastöðum og kvenfélagskona, sem átti
frumkvæðið að þessum skógarreit. Í tilefni 100 ára
afmælis Ingibjargar þann 12. júní s.l. vildu afkomendur
hennar minnast hennar með því að endurnýja
samninginn við Kvenfélagið og leggja malarborinn
Sigríður Jónsdóttir í Arnarholti
í nýja þjóðbúningnum sem hún
saumaði sjálf
Samningurinn handsalaður af næstu kynslóð: Ingvi og Þórarinn
fyrir hönd Spóastaðafjölskyldunnar og Agnes og Sigga Jóna fyrir
hönd Kvenfélagsins.