Litli Bergþór - 01.07.2016, Blaðsíða 35

Litli-Bergþór 35
Það hefur verið nóg að gera á Krummakletti, eldri deild Leikskólans Álfaborgar, í vetur. Höfum við verið
að gera ýmis skemmtileg verkefni sem við tengjum við alla þá grunnþætti sem aðalnámskrá leikskóla
fjallar um. Í febrúar unnum við að fuglaverkefni þar sem börnin fengu fræðslu frá fuglavinum í
Reykholti um það hvernig fóðra ætti fuglana yfir veturinn. Börnin hafa verið að læra um líkamann og
allt sem honum tengist. Febrúar var mánuður vináttunnar og lögðum við mikla áherslu á það að vera
fyrirmyndir barnanna í þeim efnum. Við höfðum kaffi fyrir foreldra, samstarfsfólk og eldriborgara og
enduðum mánuðinn á sýningu í Bjarnabúð þar sem börnin höfðu útbúið hjörtu og skrifað á þau hvað
vinátta er. Í mars var vísindavika, þar sem gerðar voru ýmsar skemmtilegar tilraunir. Núna erum við að
vinna verkefni um himintunglin og stjörnumerkin. Fyrir utan þetta eru börnin að læra í gegnum leikinn
alla daga og vikulega er verið í tónlist, myndlist og íþróttum. Við erum farin að hlakka til að komast
meira út þegar vorar og gera fullt af fleiri skemmtilegum verkefnum. Ef þið lumið á endurnýtanlegum
efnivið erum alltaf tilbúin að taka á móti, hver veit nema að það geti orðið að flottu listaverki.
Guðbjörg Gunnarsdóttir deildarstjóri á Krummakletti.
Krummaklettur
Í Bjarnabúð. F.v Anna Lára, Adda Sóley, Bjarni, Unnsteinn og Ignacy Rúnar.
Eldri borgurum boðið í kaffi.
Kristbjörg Sigvalda og Hildur Inga með dúkkuvagn á verkstæði.