Helgarpósturinn - 21.01.1988, Qupperneq 11

M
B m ú hefur Pétur Guðfinns-
son sjónvarpsstjóri sent Ingva
Hrafni Jónssyni harðort bréf, þar
sem fréttastjóri sjónvarpsins er
minntur á ýms atriði er varða gerð
fjárhagsáætlunar fyrir deild hans.
Jafnframt eru ítrekaðar áminningar
úr fyrri bréfum og tilkynnt, að frá og
með 1. febrúar falli niður aliar sér-
greiðslur fyrir fréttalestur.. .
v
V iðskiptavinir Osta- og
smjörsölunnar hafa um árabil átt
kost á því að kaupa Gouda-ost sem
ýmist er merktur sem 45% ostur
eða 26% ostur. Sem eðlilegt er hafa
viðskiptavinirnir því talið að hér
væri um ólíka vöru að ræða og væri
annar osturinn feitari en hinn. Svo
er þó ekki og hefur ekki verið um
langt árabil, þrátt fyrir þessar merk-
ingar. Hér er með öðrum orðum um
sömu framleiðsluna að ræða, 26%
Gouda-ost. Skýringin sem Osta- og
smjörsalan gefur á þessu misræmi í
merkingum er sú að annars vegar er
miðað við fitumagn í grömmum og
fæst þannig 26% merkingin, en hins
vegar er miðað við fitu í þurrefni,
fitu í ostinum eftir að allur vökvi
hefur verið úr honum undinn og
fæst þá 45% ostur. Segir Osta- og
smjörsalan það hafa verið ætlunina
að samræma allar merkingar á ost-
um og miða þá við fitumagn í
grömmum, en því miður hefði þessi
ætlun ekki að fullu komist til fram-
kvæmda enn, þrátt fyrir að ekki hafi
verið framleiddur fitumeiri Gouda-
ostur en 26% í hartnær 10 ár ...
u
ndir tiltölulega sléttu yfir-
borði fara fram viðræður um kjara-
samninga. Á Suðurnesjum mun
Verkalýðs- og sjómannafélag
Keflavíkur hafa forystu um samn-
ingamálin undir stjórn Karls Stein-
ars Guðnasonar, en á Vestfjörð-
um fara nú fram viðræður á milli
ASV og Vinnuveitendasambands
Vestfjarða. Heimildarmenn HP
fullyrða að vestra séu menn nánast
sammála um launahækkanir og
stefni að því að kaupmáttur verði
óbreyttur miðað við 1987. Það eina
sem talið er að komi geti í veg fyrir
samninga eru hugsanleg afskipti
Vinnuveitendasambands Is-
lands...
^^rhagur Ríkisútvarpsins er ekki
beinlínis beysinn. í hverjum mánuði
greiðir RÚV um 4 milljónir króna í
vexti af yfirdráttarheimild stofnun-
arinnar í Landsbankanum, en í
heild nemur skuldin um 100 milljón-
um. Eftir því, em HP kemst næst,
nema skuldir RÚV um 350 milljón-
um króna. Þetta þarf e.t.v. ekki að
koma svo á óvart, þegar litið er til
þess, að rauntekjur RÚV hafa hækk-
að um aðeins 8% á sama tíma og
dagskráin hefur lengst um 50% og
starfsfólki fjölgað um 30%. En nú á
semsé að herða sultarólina. . .
Í^^fÍiklar deilur eru milli Más
Péturssonar, sýslumanns í Hafnar-
firði, og Björns Friðfinnssonar,
aðstoðarmanns dómsmálaráð-
herra, vegna tillagna Björns um
nýja skipan dóms- og lögreglumála.
Er það mat Más, að Björn ætli að
kippa sýslumannsstólnum, sem
hann fékk nýverið, undan sér...
u
Un H örð deila hefur sprottið upp
á milli Jóns Skaftasonar yfirborg-
arfógeta og dómsmálaráðuneytisins
eftir að Valtýr Sigurðsson var
skipaður borgarfógeti við embættið
i stað Ólafs Sigurgeirssonar, aðal-
fulitrúa Jóns um margra ára skeið,
þegar Þorsteinn Thorarensen,
tengdafaðir Davíðs borgarstjóra,
lét af embætti fyrir aldurs sakir.
Ástæðurnar eru opinber rannsókn
að kröfu Jóns Oddssonar hrl. á
störfum Ólafs Sigurgeirssonar, sem
dómsmálaráðuneytið lítur alvarleg-
um augum. f þessu sambandi er
einnig spurt um meintan þátt Jóns
yfirborgarfógeta í málinu, sem snýst
um vörslusviptingar. Sagan segir, að
Valtýr hafi fengið kaldar viðtökur,
er hann tók við embætti hjá borgar-
fógeta...
HÆKKUN
IÐGJAIDA Tll IÍFEYRISSJÓÐA
Breyttar reglur um iðgjaldagreiðslur til lífeyrissjóða SAL.
Samkvæmt kjarasamningi ASÍ og VSÍ frá 26. febrúar 1986 aukast iðgjöld til
lífeyrissjóða í áföngum, þartil 1. janúar 1990 að starfsmenn greiða4% af öllum
launum til lífeyrissjóða og atvinnurekendur með sama hætti 6%. Til iðgjalda-
skyldra launa telst m.a. yfirvinna, ákvæðisvinna og bónus. Sérstakar reglur
gilda þó um iðgjaldagreiðslur sjómanna.
Umsamið hlutfall iðgjalda af öllum launum er sem hér segir:
Árin 1987-1989:
a) Starfsmenn: 4% iðgjald skal greiða af öllum tekjum starfsmanna á
mánuði hverjum, hverju nafni sem nefnast, þó skal
ekki greiða 4% iðgjald af hærri fjárhæð, en sem
svarar til iðgjalds fyrir 1731/3 klst. miðað við tíma-
kaup hlutaðeigandi starfsmanns í dagvinnu, að við-
bættu orlofi.
Atvinnurekendur: 6% iðgjald af sömu fjárhæð.
b) Ef launatekjur eru hærri, en sem nemur tekjum fyrir 173 1/3 klst. að
viðbættu orlofi, sbr. a-lið, skal greiða til viðbótar sem hér segir:
1987
1988
1989
Hluti
starfsmanna:
1,0%
2,0%
3,0%
Hluti
atvinnurekenda:
1,5%
3,0%
4,5%
Frá 1. janúar 1990 greiða starfsmenn 4% af öllum launum og atvinnurekendur
með sama hætti 6%.
SAMBAND ALMENNRA LÍFEYRISSJÓÐA
Samræmd lífeyrisheild
Lsj
Lsj
Lsj
Lsj
Lsj
Lsj
Lsj
Lsj
byggingamanna
. Dagsbrúnar og Framsóknar
Félags garðyrkjumanna
framreiðslumanna
málm- og skipasmiða
matreiðslumanna
rafiðnaðarmanna
Sóknar
Lsj. verksmiðjufólks
Lsj. Vesturlands
Lsj. Bolungarvíkur
Lsj. Vestfirðinga
Lsj. verkamanna, Hvammstanga
Lsj. stéttarfélaga í Skagafirði
Lsj. Iðju á Akureyri
Lsj. Sameining, Akureyri
Lsj. trésmiða á Akureyri
Lsj. Björg, Húsavík
Lsj. Austurlands
Lsj. Vestmanneyinga
Lsj. Rangæinga
Lsj. verkalýðsfélaga á Suðurlandi
Lsj. verkalýðsfélaga á Suðurnesjum
Lsj. verkafólks í Grindavík
Lsj. Hlífar og Framtíðarinnar