Vikublaðið - 17.12.1992, Blaðsíða 14

14
VIKUBLAÐIÐ
Fimmtudagur 17. desember 1992
Máttur ímyndunaraflsins
Alfreð Flóki
fæddur í Reykjavík 1938, dáinn
1987. Flóki stundaði nám í
Myndlista- og handíðaskólanum
í Reykjavík 1954-1957 og Kon-
unglegu listaakademíunni í
Kaupmannahöfn 1958-1962.
Flóki hélt fjölmargar einkasýn-
ingar hér á landi og einnig sýndi
hann í Kaupmannahöfn, New
York, Esbjerg og Næstved, auk
þess sem hann tók þátt í samsýn-
ingum í Rostock, Kaupmanna-
höfn, Stokkhólmi og Chicago. Þá
myndskreytti hann bækur auk
þess sem teikningar hans hafa
komið út á bók 1963 og 1986.
Ævintýrabókin um Alfreð Flóka
eftir Nínu Björk Arnadóttur kom
út í þessum mánuði.
Verk: Einkatími. 1982.
Túss á pappír, 31x21 sm.
Alfreð Flóki var einfari í íslenskri
myndlist sem lét stefnur og strauma
í samtímanum sem vind um eyru
þjóta. Hann var hins vegar maður
ímyndunaraflsins umfram aðra ís-
lenska listamenn og ímyndunaraflið
var honum tæki til þess að skapa
skáldskap og yftr-
vinna óttann. Hann
var ekki dæmigerður
súrrealisti, þótt mynd-
list hans hafi löngum
verið sett í þá skúffu.
Hann var í raun nítj-
ándu aldar rómantík-
er, særingamaður sem
notaði ímyndunaraflið
til þess að lýsa upp
leyndustu og dimm-
ustu afkima sálarlífs-
ins og særa fram
skuggaverur þess. En
myndir hans eru ekki
bara hrollvekjur, þær
eru líka hollar fyrir
sálarlífið vegna þess
að þær koma okkur til
að hlæja að skelfing-
unni og yfirvinna
hana.
Flóki var öðrum
mönnum meðvitaðri
um það, að lífið er
brennimerkt dauðan-
um. í myndum hans
tengist erótíkin dauð-
anum órjúfanlegum
böndum. Líf hans og
list voru stöðug hólm-
ganga við dauðann,
og vopn hans í þeirri
baráttu voru tak-
markalaust ímyndun-
arafl og tússpenni
með húmorinn í lagi.
Flóki var rómantísk
hetja sem storkaði
dauðanum í stöðugri
vissu um að sá síðar-
nefndi myndi hafa
endanlegan sigur, og
það var í þessu návígi
sem hann fann uppsprettuna fyrir
skáldskap sinn og líf.
Eins og fram kemur í afar per-
sónulegri minningabók Nínu Bjark-
ar Amadóttur um Flóka, þá var per-
sónan Alfreð Flóki þeirrar gerðar að
hún lét engan ósnortinn sem kynnt-
ist honum náið. En vinátta hans var
krefjandi og reyndist mörgum vin-
um hans jafn óbærilega sár og hún
var gefandi. Bókin sem nú er komin
út gefur góða mynd af persónunni
Alfreð Flóka, en enn vantar okkur
vandaða stórbók með sem flestum
teikningum hans á einum stað. Þar
er þarft verk að vinna, sem ekki má
dragast of lengi, því list Flóka bætir
vissulega nýrri vídd við sögu ís-
lenskrar myndlistar.
Olafur Gíslason
Þorsteinn frá Hamri
Sæfarinn sofandi
Bókaútgáfan Iðunn hefur gefið út ljóðabókina Sæfarann sofandi eftir
Þorstein frá Hamri og hefur hún verið tilnefnd til Islensku bókmennta-
verðlaunanna í flokki fagurbókmennta. Þar birtist eftirfarandi ljóð:
Mér er í mun -
Mér er í mun að setja heiminn saman
Það lukkast aðeins stund og stund
Eg raða upp í augna minna ljós
mörgu sem ég minnist
mörgu sem bezt ég hugði samið og sagt
Byggi svo brýr og himna
Strengi vel þær brýr
set stjömur á þá himna
kveiki líf á þeim stjömum:
verur með viðkvæma sál
og sköpunargáfu
Stend um hríð hljóður við vegbrúnina
minningasafnari
grunsmiður skelfinga
vonasonur
Og á sem snöggvast
fáa að
Vertu með
tíl vinnings
Við þökkum þeim konum um land allt sem þegar hafa
borgað heimsenda miða í happdrætti okkar og ntinnum
hinar á góðan málstað og glæsilega vinninga. Hver
keyptur miði eflir sókn og vöm gegn krabbameini!
Dregið 24. desember.
Krabbameinsfélagiö