Morgunblaðið - 23.10.2006, Blaðsíða 30
30 MÁNUDAGUR 23. OKTÓBER 2006 MORGUNBLAÐIÐ
MINNINGAR
Atvinnuauglýsingar
Blaðbera
vantar í
Hveragerði
Upplýsingar í síma
893 4694
eftir kl. 14.00
Sölumaður
Við leitum að öflugum og sjálfstæðum sölu-
manni í fullt starf. Góð laun. Áhugasamir sendi
inn svar á auglýsingadeild Mbl. eða á
box@mbl.is merkt: „S—19195“ fyrir 27. okt.
Raðauglýsingar 569 1100
Tilkynningar
Mat á umhverfisáhrifum
— Ákvörðun Skipulags-
stofnunar um matsskyldu
framkvæmda
Skipulagsstofnun hefur tekið ákvörðun um að
eftirtalin framkvæmd skuli ekki háð mati á um-
hverfisáhrifum samkvæmt lögum um mat á
umhverfisáhrifum nr. 106/2000 m.s.br.
Upphéraðsvegur, 931,
Fellabær — Ekkjufell, Fljótsdalshéraði
Ákvörðunin liggur frammi hjá Skipulagsstofn-
un, Laugavegi 166, 150 Reykjavík. Hana er ein-
nig að finna á heimasíðu Skipulagsstofnunar:
www.skipulag.is.
Ákvörðun Skipulagsstofnunar má kæra til um-
hverfisráðherra og er kærufrestur til 24. nóv-
ember 2006.
Skipulagsstofnun.
Húnaþing
vestra
Auglýsing um breytingu á aðalskipulagi
Húnaþings vestra 2002—2014
Sveitarstjórn Húnaþings vestra samþykkti á
fundi sínum 5. október 2006 að auglýsa til
kynningar eftirfarandi breytingu á aðalskipu-
lagi Húnaþings vestra 2002—2014. samkv. 1.
málsgrein 18. gr. Skipulags- og byggingarlaga
nr. 73/1997 með síðari breytingum:
Aðalskipulagsbreyting þessi tekur til breyttrar
legu Hringvegar um Hrútafjörð og staðsetning-
ar á nýju verslunar- og þjónustusvæði.
Skipulagsuppdrátturinn mun liggja frammi
til sýnis á skrifstofu Húnaþings vestra, Klappar-
stíg 4 á Hvammstanga frá 23. október 2006 til
5. desember 2006. Einnig er tillagan til sýnis
hjá Skipulagsstofnun, Laugavegi 166, Reykja-
vík. Þeim sem telja sig eiga hagsmuna að gæta
er hér með gefinn kostur á að gera athuga-
semdir við breytingatillöguna. Athugasemdum
skal skila til skrifstofu Húnaþings vestra fyrir
5. desember 2006 og skulu þær vera skriflegar.
Þeir sem ekki gera athugasemdir við breytinga-
tillöguna innan tilskilins frests teljast samþykkir
henni.
Sveitarstjóri
Húnaþings vestra.
Félagslíf
MÍMIR 6006102319 I
Innsetning Stólmeistara
HEKLA 6006102319 VI
GIMLI 6006102319 III
I.O.O.F. 19 18710238 F.L.
I.O.O.F. 10 18710238 Fl.
✝ Jóhann Guð-mundsson fædd-
ist í Reykjavík 16.
febrúar 1930. Hann
varð bráðkvaddur
16. október síðast-
liðinn. Foreldrar
hans voru Guð-
mundur Halldór
Guðmundsson tog-
arasjómaður og Sol-
veig Jóhannsdóttir
húsmóðir. Jóhann
var yngstur fjög-
urra bræðra, elstur
var Óskar, f. 1924, d. 1991, næst-
ur var Friðrik, f. 1925, d. 2002, þá
Guðmundur J., f. 1927, d. 1997.
Hinn 29. október 1957 kvæntist
Jóhann eiginkonu sinni Kristínu
Þorsteinsdóttur, f. 7. febrúar
1932, d. 8. nóvember 2004. Jó-
hann og Kristín eignuðust tvö
börn. Þau eru: 1) Solveig Jó-
hannssdóttir, hjúkrunarfræð-
ingur og ljósmóðir, f. 1. júlí 1957,
giftist Herði Zophaníassyni. Þau
skildu. Börn þeirra eru: a) Hrönn,
f. 1974, sambýlismaður hennar er
Þorsteinn Lýðsson. Börn þeirra
eru Solveig Þóra, f. 2002, og Jök-
ull Ernir, f. 2005. b) Erna, f. 1983.
2) Þorsteinn Jó-
hannsson, jarðfræð-
ingur, f. 14. janúar
1963, kvæntist 12.
ágúst 1989 Katrínu
Sigurðardóttur
hjúkrunarfræðingi.
Börn þeirra eru: a)
Kristín, f. 1991, b)
Páll, f. 1993, og c)
Pétur, f. 1997.
Jóhann lauk stúd-
entsprófi frá
Menntaskólanum í
Reykjavík 1951 og
prófi í efnaverkfræði frá Háskól-
anum í Köln í Þýskalandi. Eftir að
Jóhann lauk námi vann hann sem
sérfræðingur hjá Síldarverk-
smiðjunni á Vopnafirði 1961, hjá
rannsóknastofu Fiskifélags Ís-
lands 1962–1965 og hjá Rann-
sóknastofnun fiskiðnaðarins
1965–75. Jóhann var forstjóri
Framleiðslueftirlits sjávarafurða
1975–85 og sérfræðingur hjá
Hollustuvernd ríkisins frá 1985
þar til hann hætti störfum vegna
aldurs.
Útför Jóhanns verður gerð frá
Árbæjarkirkju í dag og hefst at-
höfnin klukkan 13.
Mágur minn Jóhann Guðmunds-
son er látinn. Hann var yngstur fjög-
urra bræðra, sjómannssona sem
bjuggu á Ásvallagötu 65 í Reykjavík
sín æskuár. Þegar ég kom inn í fjöl-
skylduna var Jóhann nýbúinn að
ljúka stúdentsprófi og leið hans lá til
náms í efnaverkfræði í München í
Þýskalandi. Kynni okkar Jóhanns,
sem var yngstur þeirra bræðra, voru
hæg til að byrja með en að loknu
námi Jóhanns og þegar Kristín Þor-
steinsdóttir kona hans bættist í hóp-
inn urðu kynni okkar meiri. Þau
eignuðust tvö börn, Sólveigu og Þor-
stein. Þá urðu ferðirnar fleiri í Árbæ-
inn en þar höfðu þau byggt upp sitt
heimili. Guðmundur J. eiginmaður
minn var mikill vinur þessa bróður
síns og voru áhugamál þeirra og vin-
skapur æ ríkari sem árin liðu. Jó-
hann vann mestan sinn starfsaldur
hjá Fiskistofu Íslands og Hollustu-
vernd ríkisins við sitt fag.
Nú eru þeir allir fallnir frá synir
sjómannsins á Ásvallagötunni og er
þeirra sárt saknað af fjölskyldu og
vinum. Ég sendi börnum og fjöl-
skyldum þeirra mínar innilegustu
samúðarkveðjur. Megi minning um
góðan mann lifa.
Elín Torfadóttir.
Í dag kveðjum við Jóhann Guð-
mundsson, efnaverkfræðing, góðan
samstarfsmann okkar frá dögum
Hollustuverndar ríkisins. Jóhann
vann hjá Hollustuvernd ríkisins í
hálfan annan áratug við mengunar-
varnir, fyrst og fremst við eftirlit með
fiskmjölsverksmiðjum. Þetta var á
miklum breytinga- og umbótatímum
í umhverfismálum fyrirtækja. Jó-
hann þekkti mjög vel mjöl- og fisk-
iðnaðinn og sú þekking og reynsla
sem hann bjó yfir nýttist vel í starfi.
Hann fylgdist með og stuðlaði að
miklum breytingum í mengunarvörn-
um hjá fiskmjölsverksmiðjunum um
land allt og var lykilmaður Hollustu-
verndar ríkisins á því sviði. Hann
vann mikilvægt brautryðjandastarf,
ekki síst við að stuðla að minni lykt-
armengun, en hún var víða viðvar-
andi vandamál í sjávarplássum. Hver
man nú lengur eftir peningalyktinni?
Jóhann Guðmundsson á mikinn
heiður skilið fyrir þær miklu framfar-
ir sem náðst hafa í mengunarvörnum
á þessu sviði. Jóhann var laginn við
að koma sínu í gegn og gerði það af
skynsemi og mannlegri hlýju. Hann
vissi einnig að best væri að setja fram
og fylgja eftir kröfum um umbætur í
umhverfismálum í góðum árum þeg-
ar fyrirtækin hefðu meiri efni og ættu
auðveldara með að leggja eitthvað af
mörkum. Þannig tókst honum fyrir
hönd Hollustuverndar ríkisins að ná
hvað mestum árangri miðað við að-
stæður á hverjum tíma.
Jóhann var fastur fyrir, hafði
ákveðnar skoðanir og varði þær.
Hann var mikill og glettinn sögumað-
ur og hafði gaman af að segja sögur
frá gamla tímanum, m.a. frá starfs-
árunum hjá Síldarverksmiðju ríkis-
ins á Siglufirði. Hann var margfróður
og hafði víða tengsl. Ætíð skein í
gegn góðvild og glettni í umfjöllun
hans um menn og málefni. Þessir
skapgerðareiginleikar hjálpuðu til
við mannleg samskipti og nýttust vel
þegar þoka þurfti erfiðum verkefnum
áfram.
Við erum þakklát fyrir ánægjuleg-
ar og gefandi samverustundir og
vottum aðstandendum Jóhanns inni-
lega samúð okkar.
Fyrrverandi samstarfsmenn
á Hollustuvernd ríkisins.
Jóhann Guðmundsson
Mér var brugðið við
sviplegt fráfall Birgis
frænda míns. Auk
þess að vera bræðra-
synir og nánast jafnaldrar áttum við
ýmislegt sameiginlegt þótt fleira hafa
verið með ólíkum hætti í lífshlaupi
okkar. Fyrstu árin bjuggum við í
sama húsi og síðan lágu leiðir aftur
saman á unglingsárunum þegar við
unnum í byggingarvinnu á vinnustöð-
um feðra okkar sem báðir voru húsa-
smiðir. Á skellinöðrutímabilinu fórum
við víða saman en síðan skildi leiðir.
Birgir hafði marga skapgerðareig-
inleika föðurættarinnar, s.s. óþrjót-
Birgir Kristinsson
✝ Birgir Krist-insson fæddist í
Reykjavík hinn 7.
september 1958.
Hann lést á heimili
sínu hinn 11. októ-
ber síðastliðinn og
var útför hans gerð
frá Víðistaðakirkju
20. október.
andi dugnað, keppnis-
skap og vandvirkni þar
sem málamiðlanir eru
sjaldnast rétta lausnin. Á
yngri árum var hann
jafnan léttur og stutt í
gamansemi. Á síðustu ár-
um þegar leiðir lágu aft-
ur saman var hann alltaf
jafn liðlegur og áreiðan-
legur, til dæmis þegar ég
leitaði eftir hjálp hans
sem rafvirkja. Það
breyttist ekki þó að hann
bæri með sér erfiða bar-
áttu við sjúkdóm, þunglyndi, sem ekki
hafði tekist að vinna bug á og reyndist
að lokum banvænn. Þrátt fyrir það
birti yfir honum þegar hann stoltur
sagði frá velgengni dætra sinna sem
voru honum greinilega hjartfólgnar.
Um leið og ég kveð kæran frænda
sendi ég Katrínu eiginkonu hans,
dætrunum Þorbjörgu og Kristínu og
öðrum nánustu aðstandendum inni-
legar samúðarkveðjur.
Ólafur Ó. Guðmundsson.
Sem strákur hugsaði
ég oft til þess dags með
skelfingu þegar afi
myndi deyja. Ég huggaði mig við það
að með tilkomu nútíma tækni og vís-
inda gæti afi orðið 105 ára, jafnvel
110. Föstudaginn 13. október rann
þessi dagur upp. En sú mikla sorg
sem ég hafði búist við lét að mestu
leyti á sér standa. Í stað þess fylltist
ég þakklæti. Þakklæti fyrir að hafa
fengið að þekkja afa í 30 ár. Þakklæti
fyrir að hann skyldi fá að halda full-
um sönsum og geta haft eitthvað fyr-
ir stafni allt til síðasta dags. Þakk-
Eyjólfur Valgeirsson
✝ Eyjólfur Val-geirsson fæddist
í Norðurfirði í
Strandasýslu hinn
12. apríl 1914. Hann
lést á Hrafnistu í
Reykjavík 13. októ-
ber síðastliðinn og
var útför hans gerð
frá Dómkirkjunni
20. október.
læti fyrir að hann skyldi
fá að deyja með fullri
reisn.
Að skrifa eftirmæli
um fólk var eitt af
mörgu sem afi var
einkar laginn við. Þegar
hann varð níræður
gerði hann upp sitt eig-
ið lífshlaup í löngum og
snjöllum brag. Þó svo
allur sá bragur ætti vel
við sem hans eigin eft-
irmæli verður eitt vers
látið nægja hér.
Þótt ævidagar endi senn
ég í sátt við Guð og menn
með elfi tímans áfram renn
út úr lífsins flaumi.
Liðin ævi líkust góðum draumi.
Það er mín ósk að sem flest okkar
geti yfirgefið þennan heim jafn sátt
við okkar lífshlaup og æðrulaus og
afi var.
Takk afi.
Eyjólfur.
Morgunblaðið birtir minning-
argreinar alla útgáfudagana.
Skil | Greinarnar skal senda í gegn-
um vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari
upplýsingum.
Skilafrestur | Ef birta á minning-
argrein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er
ekki unnt að lofa ákveðnum birting-
ardegi.
Minningargreinar