Tímarit lögfræðinga - 01.11.1976, Blaðsíða 35

Ávíð
02 dreif
DÓMARAÞING
ASalfundur Dómarafélags íslands var haldinn 11. og 12. nóvember s.l. í
Tollstöðvarhúsinu í Reykjavík. Formaður félagsins, Unnsteinn Beck borg-
arfógeti, setti fundinn og stjórnaði honum. Til starfa fundarritara kvaddi
hann Ólaf Stefán Sigurðsson héraðsdómara og Rúnar Guðjónsson sýslu-
mann.
Unnsteinn bauð velkominn gest fundarins, Guðjón Steingrímsson hæsta-
réttarlögmann, formann Lögmannafélags íslands. Þá minntist hann látins
félagsmanns, Alfreðs Gíslasonar fyrrv. bæjarfógeta, sem andaðist s.l. sum-
ar. Einnig minntist hann Halldórs Kr. Júlíussonar fyrrv. sýslumanns, sem
andaðist á árinu, en Halldór var elsti lögfræðingur og háskólaborgari lands-
ins. Risu fundarmenn úr sætum í virðingarskyni við hina látnu.
Guðjón Steingrímsson flutti fundarmönnum ávarp. Ræddi hann um störf
og samskipti dómara og lögmanna, samband þessara aðila við almenning,
hagsmunamál sameiginleg og hvorra um sig. Þá fjallaði hann um störf
réttarfarsnefndar, umbætur í réttarfari almennt og sérstaklega í skiptamál-
um og almennum einkamálum.
Formaður flutti síðan skýrslu stjórnar um störf félagsins á liðnu ári. Að
loknum umræðum um skýrsluna svo og um framlagða tillögu til breytinga á
lögum félagsins, en hún var afgreidd, flutti Sigurður Líndal prófessor erindi
um réttindi til almenninga. Að loknu máli sínu varpaði Sigurður fram spurn-
ingum til fundarins um ræðuefnið og beindi þeim einkum til sýslumanna.
Síðari fundardaginn fór fram stjómarkjör. Unnsteinn Beck borgarfógeti var
endurkjörinn formaður. Aðrir í stjórn voru kjörnir Böðvar Bragason bæjar-
fógeti, Guðmundur Jónsson borgardómari, Jón Eysteinsson bæjarfógeti og
Ólafur Stefán Sigurðsson héraðsdómari.
Þór Vilhjálmsson hæstaréttardómari flutti erindi um frumvarp til lögréttu-
laga, sem lagt var fram á Alþingi s.l. vetur og verður bráðlega lagt fram að
nýju. I upphafi máls síns gerði hann grein fyrir störfum réttarfarsnefndar i
stórum dráttum og til hliðsjónar störfum slíkra nefnda á Norðurlöndum und-
anfarna áratugi. Þá vék hann að lögréttufrumvarpinu og lýsti helstu hug-
myndunum sem það byggist á og útskýrði nánar. Þór tók fyrir hvern kafla
frumvarpsins og ræddi ítarlega einstök atriði. Hann minntist á fylgifrumvörp
og ræddi nánar helstu nýmæli þar. Að lokum fjallaði hann um hlutverk
dómstóla í íslensku nútímaþjóðfélagi og lýsti skoðunum sínum á stöðu þeirra
í þjóðfélagsframvindunni.
Stefán Már Stefánsson borgardómari innleiddi umræður um frumvarpið
og mál frummælanda. Tóku margir til máls og voru umræður Ifflegar.
Ólafur St. Sigurðsson.
129