Tíminn - 10.07.1945, Page 6
6
TÍMINN. |>rtgjudagiim 10. Jálf 1945
51. blað
MINNING
Helgu A. Ingimarsdóttur
á Þórshöfu
Svipur, athöfn — allt nam skarta
a) því sálin var svo hrein.
Hún var alin upp norður á
Þórshöfn, út við hið „yzta haf“,
þar sem nóttin er björt sem
dagur, lengur en viðasthvar
annarS staðar á landinu.
Foreldrar hennar, Oddný
Árnadóttir og Ingimar Baldvins-
son, hafa búið þar nær allan
sinn búskap. Er heimili þeirra
hjóna, foreldra Helgu, með slík-
um myndarbrag að af ber, og
rómað fyrir gestrisni, alúð og
glaðværð, af öllum, sem til
þekkja. Þar hafa jafnan ómað
söngsins tónar, enda er hús-
freyjan söngvin mjög. Hefir hún
unnið að.eflingu sönglífs í þorp-
inu og haft á hendi söngstjórn,
síðast á umliðnum vetri.
Þannig var æskuheimili frú
Helgu. Hér óx hún upp, umvafin
ást og umhyggju ágætra for-
eldra. Hún varð yndisleg ung
stúlka, sem stafaði frá birta og
ylur hvar sem hún fór og var
elskuð og virt af öllum í litla
þorpinu hennar, hugljúfi allra,
sem kynntust henni.
Ung að aldri gekk hún að eiga
eftirlifandi eiginmann sinn,
Björgvin Sigurjónsson, dreng
góðan, atorku og efnismann.
Hófst hann brátt handa um að
eignast sitt eigið hús, og vann
sjálfur mest að smíðinni, ásamt
tengdaföður sínum. Hin ungu
hjón voru samhent í öllu. Tókst
þe|m brátt að skapa fagurt
hmmili, og þann heimilisbrag,
sem anc^iði gleði og hlýju mót
hverjum, sem að garði Wár. Frú
Helga var sönn húsmóðir, sem
skildi hlutverk sitt til hlítar og
leysti það af höndum með þeirri
prýði að ljóma bar af. Sjálf var
hún sól heimilisins. Það var
hennar heimur, hennar gleði og
hennar von. Þar ríkti fegurð,
sem bar órækt vitni um smekk-
vísi hennar og innra mann. Og
heimilið var henni allt, þar var
ástvinurinn og litlu elskulegu
drengirnir hennar, nú níu og
fjögra ára. Þeim helgaði hún líf
sitt og krafta.
Og nú er hún horfin oss sjón-
um fyrir aldur fram, þessi fagra
Helga A. Ingimarsdóttir
kona, sem elskaði lífið og starf-
ið, og átti svo göfuga sál, að allt
varð bjart og hlýtt umhverfis
hana.
Vér skiljum ekki hin duldu
rök lífsins, en slíkir atburðir
verða ávallt harmsaga í vorum
augum. Skarð er höggvið í ást-
vinahópinn og stendur ófyllt.
Litla þorpið hefir beðið mikið
afhroð, en sárastur er harmur
ástvinanna, makans, litlu
drengjanna, foreldra og systk-
ina. En huggun er það þeim, og
öllum vinum hennar, að minn-
ingarnar um hana eru acSeins
hlýjar og fagrar, þar ber engan
skugga á. Og vonirnar, sem
deyja hér, rísa uþp í öðrum
heimi. Kærleiksböndin, sem
tengja ástvinina saman, vinnur
sigð dauðans ekki á. Fyrir því
æðrumst vér ei við lífsins skapa
dóm, en segjum:
Hjartans þökk fyrir allt.
J. F.
„Áttavilla“
Jóns Pálmasonar.
(Framhald af 3. síðu)
það. Málgögn hennar tala
einræðislegar heldur en nokk-
urn tíma hefir verið gert hér á
landi og að því er virðist með
hennar góða samþykki. Að kalla
stjórnarandstöðu og gagnrýni á
stjórn landráð er einungis gert
þar sem einræði ríkir, eða vald-
hafarnir eru einræðissinnaðir.
Lítum til lýðræðisþjóðanna. í
Bretlandi er nú háð hörð kosn-
ingabarátta og stjórnarsamvinn-
unni er þar slitið. Þó ætlar
Churchill að hafa formann
stjórnarandstæðinga með sér á
hina þýðingarmestu og vanda-
sömustu ráðstefnu. Roosevelt
sendi keppinaut sinn við for-
setakosningarnar sem trúnaðar-
mann sinn til margra landa, rétt
eftir kosningabaráttuna, en hér
á íslandi hótar Jón Pálmason
og aðrir samherjar hans, að
Framsóknarmenn skulu engu fá
að ráða. Þetta er munurinn á
lýðræði og einræðisanda.
„Aðalatriði" Jóns Pálmasonar
nægir því ekki til að afsanna
það að til einræðis éeti komið
á íslandi.
Hitt er svo annað mál, að ég
er sjálfur sannfærður um, að
hér tekst aldrei að koma á ein-
ræði, ef þjóðin er sjálfráð. ís-
lendingar hafa verið unnandi
frelsi og ég trúi því að þeir séu
það enn. Þess vegna mun offors
stjórnarblaðanna út af hverrri
gagnrýni hafa öfug áhrif við
það, sem til er ætlast og aðeins
verða til þess að efla Framsókn-
arflokkinn, en hann er helsta
tryggingin fyrir lýðræðinu, bæði
sökum stefnu sinnar, svo og
þess, að á meðan upp undir 30%
þjóðarinnar fylgir honum að
málum, hefir enginn flokkur
bolmagn til að koma á einræði.
Þrátt fyrir þá einkennilegu af-
stöðu í stjórnmálum landsins,
sem skapazt hefir við það, að
hægri flokkurinn og kommún-
istar fóru að vinna saman, held-
ur' Framsóknarflokkurinn þó
milliflokksafstööu sinni, þvl
hversu mikið hatur, sem hinir
flokkarnir leggja á hann, og þó
það sameini þá í bili, þá er það
þó_hann, sem kemur i veg fyrir
að í enn meiri odda skerist í
þjóðfélaginu.
Ég hefi þá svarað öllu því, sem
Jón Pálmason hefir sjálfur til
þessara mála að leggja og við-
kemur því efni, sem ég hóf um-
ræður um. Eftir er aðeins sví-
virðingar hans ym Framsóknar-
flokkinn og nokkrar tilraunir
til að afsaka sinn eigin flokk,
‘svo og hártoganir á orðum mín-
um. Ég gæti því vel skilið hér við
hann og kvatt, því þó ég vilji
gjarnan eiga orðastað við Jón
Pálmason um ákveðið málefni,
þá finn ég hvorki hjá mér hvöt
né skyldu til að standa í sorp-
austri við hann. Ég mun þó hér
á eftir taka nokkur atriði í svari
hans til athugunar, en hann
verður að afsaka þó ég fari þar
fljótt yfir sögu.
(Framhald).
Nýr vararæðismað-
ur Brefa hér
Sú tilkynning hefir verið
gefin út frá brezka sendiráðinu
hér, að dr. John McKenzie, hafi
verið skipaður vararæðismaður
hér í Reykjavík og hefir honum
verið veitt bráðabirgðaviður-
kenhing sem vararæðismanni í
Reykjavík. í
Dr. Cyril Jackson, brezki
sendikennarinn, sem starfað
hefir hér á landi um mörg und-
anfarin ár, er á förum af landi
brott.
Samþykktir uppeldismála-
þings S. I. B.
Á 4. upppeldismálaþingi Sam-
bands íslenzkra barnakennara
1945, sem haldið var hér í bæn-
um í september mánuði og áður
hefir verið sagt frá hér i blaðinu,
voru gerðar þessar ályktanir:
Almennt kennaraþing, haldið í
Reykjavík dagana 18.—20. júní,
lítur svo á, að skilyrðislaust
háskólanám sé ákjósanlegasta
lausn kennaramenntunarinnar,
eins og tekið er fram í greinar-
gerð með frumvarpi milliþinga-
nefndar í skólamálum. Hins veg-
ar getur þingið að svo stöddu
fallist á frumvarp milliþinga-
nefndarinnar sem viðunandi
lausn, unz bætur verða ráðnar
á þeirri kennarafæð, sem fram-
kvæmd nýrra fræðslulaga vænt-
anlega hefir í för með sér, og
aðrar ástæður leyfa, að háskóla-
Próf í uppeldisfræðum verði
gert að skilyrði fyrir kennara-
réttindum. Að öðru leyti vísar
þingið til ályktana .síðasta full-
trúaþings um þetta mál.
Þá lýsir þingið ánægju sinni
yfir þeím ákvæðum frumvarps-
ins að almennt kennarapróf
verði gert að skilyrði fyrir
kennsluréttindum handíða- og
íþróttakennara. Sömu ákvæði
séu og látin gilda um húsmæðra-
kennara,
2.
Uppeldismálaþingið 1945 þein-
ir þeirri áskorun til fræðslu-
málastjórnarinnar, að hún hlut-
ist til um, að haldin verði á
sumri hverju námskeið fyrir
barnakennara, er standi yfir a.
m. k. einn mánuð og væri æski-
legt, að hver starfandi kennari
sækti slík námskeið heima eða
erlendis eigi sjaldnar en fimmta
hvert ár.
3.
4. uppeldismálaþing Sam-
bands íslenzkra barnakennara
telur það tímabært, að fræðslu-
málastjórnin gefi kennurum
kost á því og geri þeim það
kleyft fjárhagslega að kynna sér
skólastarfsemi hér á landi —
meðan kennsla stendur yfir —
í þeim skólum,sem fræðslumála-
stjóri telur heppilegasta til þess.
Einnig til þess, að kynna sér eitt
og annað, er að skólamálum lýt-
ur og nema í þeim námsgreinum,
sem þeir helzt kysu og skólum
þeirra gæti orðið að sem mesu
gagni.
4.
Þingið lætur í ijós ánægju sína
yfir öllum meginatriðum í frum-
varpi, milliþinganefndar í skóla-
málum, um fræðslu barna.
5.
Kennaraþingið lýsir ánægju
sinni yfir frumvarpi milliþinga-
nefndar í skólamálum um skóla-
kerfi og fræðsluskyldu og heitir
á kennarasambandið að fylgja
fast eftir, að það mál nái fram
að ganga.
6.
Kennaraþingið 1945 beinir
þeim tilmælum tii fræðslumála-
stjóra, að barnaskólum verði ár-
lega sent prófverkefni fyrir öll
prófskyld börn í lestri, stafsetn-
ingu, málfræði og reikningi.
7.
Kennaraþingið 1945 leggur
sérstaka áherzlu á, að milli-
þinganefnd í skólamálum taki
upp í frumvarp um fræðslu
barna ákvæði, seip tryggja að
sérhvert skólahverfi í landinu
hafi fullnægjandi skólahús inn-
an ákveðins tíma, þannig, að
á hverju ári þess tímabils verði
byggð skólahús fyrir ákveðinn
hluta af þeim skólahverfum,
sem nú vantar húsnæði.
8.
Kennaraþingið skorar á
fræðslumálastjórnina að sjá um
að árlega séu á boðstólum
kennslutæki fyrir barnaskólana,
og fræðslu- eða hreppsnefndum
gert að skyldu að kaupa þau.
Er hér einkum átt við ýmsar
myndasamstæður (series), mið-
aðar við íslenzka staðhætti.
9.
Almennt kennaraþing, háð í
Reykjavík 18.—20. júní, telur
brýna nauðsyn á að komið sé
upp hið bráðasta upptökuheim-
ilum og athugunarstöð fyrir
vanþroska börn og vandræða-
unglinga, svo og uppeldisheimil-
um ^yrir þá. — Skorar þingið
fastlega á ríkisstjórn að hefjast
handa að koma upp stofnunum
þessum.
10.
Almennt kennaraþing Samb.
Isl. barnakennara, haldið i
Reykjavík dagana 18.—20. júní
1945, beinir þeirri eindregnu
áskorun til hins háa Alþingis,
að það samþýkjki þau frum-
vörp milliþinganefndar í skóla-
málum sem þingið hefir fjallað
um, en þau eru: 1) Frumvarp til
laga um skólakerfi og fræðslu-
skyldu, 2) Frumv. til laga um
fræðslu barna, 3) Frv. til la^a
um gagnfræðanám, 4) Frv. til
laga um menntun kennara og
5) Frv. til laga um tilrauna- og
æfingaskóla.
Þinginu lauk með samsæti
kennara í Tjarnarcafé. Voru
þar ræður fluttar, söngur og
upplestur. Síðan var stiginn
dans fram eftir nóttu. Þingið
sóttu- um 180 kennarar viða af
landinu.
Bókmeimtir og
listir.
(Framhald af 3. síðu)
þeir því ekki samþykktir fyr en
á framhaldsaðalfundi síðar í
sumar.
í stjórn Leikfélagsins fyrir
næsta starfstímabil voru kosin:
Brynjólfur Jóhannesson for-
maður, endurkosinn, frú Þóra
Borg Einarsson gjaldkeri, endur-
kosin, Valur Gíslason ritari, í
stað Ævars R. Kvaran, er baðst
undan endurkosningu, þar sem
hann er á förum til útlanda.
í varastjórn voru kosin: Gest-
ur Pálsson, varaformaður, Hall-
grímur Bachmann, varagjald-
keri og frk. Emilía Borg, vara-
ritari. — í nefnd til að vera í
ráðum með félagsstjórninni um
leikritaval, voru kosin þau frk.
Arndís Björnsdóttir og Þor-
steinn Ö. Stephensen.
Um viðfangsefni næsta vetur
getur stjórnin ekki sagt að svo
stöddu, en vonar, að þau verði
ekki síðri en á síðastliðnu leik-
ári.
Útbreiðið Tímann!
Ársþing I. S. L
Þing íþróttasambands íslands,
sem háð var á Akureyri lauk
síðastl. laugardag. Þingið sam-
þykkti ýmsar ályktanir um
íþróttamál. í stjórn voru kosnir:
Benedikt Waage forseti, Þorgeir
Sveinbj arnarson varaforseti, í
stað Jóns Kaldals, sem baðst
undan endurkosningu, og Er-
lingur Pálsson, er var endur-
kosinn í stjórnina. Fyrir voru í
stjórninni: Kristján L. Gestsson
og Frímann Helgason. Stjórnar-
meðlimir fyrir fjórðungana voru
þessir kosnir: Þorgils Guð-
mundsson, Reykholti, fyrir Vest-
firðingafjórðung, Hermann
Stefánsson, Akureyri, fyrir
Norðlendingafjórðung, Jóhann-
es Stefánsson, Norðfirði, fyrir
Austfirðingafjórðung og Sigurð-
ur Greipsson, Haujcadal, fyrir
Sunnlendingaf j órðung.
Happdrætti Nor-
rænaiélagsins
Það hefir nú yerið ákveðið að
fresta happdrætti Norrænafé-
lagsins til 1. des. n. k., en ann-
Hlutdeildarskuldabréí
Vér viljum vekja athygli á því, að vér höfum til sölu
á næstunni fyrir Byggingarsamvinnufélag Ólafsvíkur
hlutdeildarskuldabréf að upphæð samtals kr. 130,000,00.
Skuldabréf þessi greiðast með jöfnum afborgunum á
næstu 20 árum, en heimilt er að greiða þau eftir 5 ár.
Tryggingar eru:
1) 2. veðréttur og uppfærsluréttur í 5 íbúðarhúsum
(10 íbúðum) samvinnufélagsins.
2) Sameiginleg sjálfskuldarábyrgð 10 íbúðaeigenda.
3) Ábyrgð Ólafsvíkurhrepps.
Þeir, sem óska, geta fengið allar frekari upplýsingar.
FASTEIGNA- & VERÐBRÉFASALAN
(Lárus Jóhannesson, hrm.)
Suðurgötu 4. Símar 4314, 3294.
Logtök
Eftir kröfu bæjargjaldkera Reykjavíkur og að undan-
gengnum úrskurði, verða lögtök látin fara fram fyrir
eftirfarandi ógreiddum gjöldum til bæjarsjóðs:
L Fasteignagjöldum ársins 1945 með gjalddaga
2. janúar s. 1.,
2. Lóffaleigugjöldum ársins 1945, með gjalddaga
2. janúar s. 1.,
svo og fyrir dráttarvöxtum og kostnaði, aff átta dög-
um liðnum frá birtingu þessarar auglýsingar.
5. júlí 1945.
Borgarfófíetinn í Reyhjavík.
Svíþjóðavíðskípti
Magnús Kjaran og Sænsk-íslenzka Verzlunarfélagið
hafa opnað skrifstofu í Stockholmi til að annast við-
skipti milli íslands og Sviþjóðar.
Skrifstofan hefir umboð fyrir mörg stærstu og
þekktustu fyrirtæki Svíþjóðar og útvegar þaðan allar
fáanlegar vörur.
Fyrirspurnir og pantanir sendist annað hvort beint
til skrifstofunnar: utanáskrift Magnús Kjaran, Grev-
gatan 32, Stockholm, eða til undirritaðra.
I
HEILBVERZLUH MAGWLSAR KJARAIA
SÆWSK.ÍSLEIAZKA YERZLLDiARFÉLAGIB,
Reykjavík.
ORÐSEADIAG TIL KAUPENDA TÍMMS.
Ef kaupendur verða fyrir vanskilum á blaðinu, eru þeir vin-
samlega beðnir að gera afgreiðslunni þegar aðvart.
ars átti drátturinn að réttu
lagi að fara fram þ. 30. júní s. 1.
Er happdrættinu frestað af
þeim sökum, að sölumenn úti á
landi hafa ekki enn skilað af
sér óseldum miðum.
/