Tíminn - 22.01.1952, Síða 8

Hvernig reynast ísl.
skíðamenn í Noregi?
Norska íþróttablaðið Sportsmanden skýrir frá því, að sex
þeirra ellefu skíðamanna, sem þátt muni taka í vetrar-
Ólympíuleikunum af hálfu íslands, séu nú komnir til Nor-
cgs og teknir að æfa sig undir leikana í Turnhytta í Norð-
nrmörk. Með þeini hafi komið norski skíðakennarinn Tenn-
reann, sem muni nú fylgjast með síðasta udirbúningi ís-
Frarasóknarvist
á fimmtndaginn
Fyrsta Framsóknarvistin,
sem Framsóknarfélögin í
Reykjavík halda á þessu ári,
verður í Breiðfirðingabúð n.
k. fimmtudag.
Þegar búið er að spila,
syngur „Kvartettinn Ómar“.
Ennfremur verður dansað.
lendinganna. —
BlaðiS birtir síöan viðtal
við Tennmann um dvöl hans
hér á landi, en hann hefir
dvalið hér allmarga mánuði
sem kunnugt er við skíða-
kennslu, aðallega á ísafirði,
í Mývatnssveit og víðar.
Tennmann segir, að dvölin
hér hafi verið ákaflega
skemmtileg og lærdómsrík,
og hann geti varla hugsað sér
fólk sem betra sé að dvelja
hjá en íslendinga né eftirlát-
ari og betri skíðamenn að
starfa með og leiðbeina.
Hann segir áhuga fyrir
skíðaíþróttinni mikinn hér,
Churchill ílla haldin
af kvefi
Churchill forsætisráðherra
Breta, sem nú er í New York
og ætlaði að leggja af stað heim
leiðis á morgun, hefir fengið
mjög slæmt kvef, og hafa lækn
ar skipað honum að halda sig
alveg inni og við rúmið næstu
daga. Er því hætta á að heim-
för hans dragist eitthvað.
Vilja láta öryggis-
ráðið leyfa inn-
töku ríkja
Vishinsky hefir borið fram
nýjar tiliögur á allsherjarþing-
inu um upptöku nýrra ríkja í
bandalagið. Leggur hann til að
cryggisráðið verði beðið um að
úrskurða það, hvort fjórtán til-
teknum ríkjum skuli leyfð inn-
ganga í samtökin.
Hæsta fjárlagafrura
varp í sögn Banda-
ríkjanna
Truman forseti Bandaríkj-'
anna lagði fjárlagafrumvarp fyr
ir næsta fjárlagaár Bandaríkj-
anna fyrir þingið í gær. Er þar
gert ráð fyrir hærri fjárlögum
en nokkurri sinni fyrr í sögu
Bandaríkjanna á stríðstímum.
Útgjöld frumvarpsins eru 850
milljarðar og þar af þrír fjórðu
til landvarna. 10 milljarðar eru
ætlaðir til stuðnings löndunum
við botn Miðjarðarhafs og í
Asíu og liðurinn til hjálpar Ev-
rópuríkjunum hækkar um 9,5
milljarða dollara.
Trurnan sagðí, að þungur
baggi væri lagður á herðar al-
rnennings með frumvarpinu, en
um annað væri ekki að ræða,
því að hér væri frelsið í veði og
Bandaríkin mættu ekki ein-
angra sig. Á blaðamannafundi
í gær lýsti forsetinn yfir því,
að hann mundi fara fram á
rnikla fjárveitingu síðar til að
aaka kjarnorkurannsóknir.
en varla sé þess að vænta, að
íslendingar vinni mikla sigra
á vetrarleikunum, enda sé
keppni í skíðaíþróttúm harla
ung hér á landi. Það væri að
ætlast til of mikils. Hann
segir, að við ísafjörð sé góö
aðstaða til svigiðkana og í
Mývatnssveit megi heita mið
stöð skíðagöngunnar. Skíða-
stökkin séu aftur á móti mest
stunduð á Siglufirði, enda sé
þar stærsta stökkbraut lands-
ins.
Vanir göngum.
Tennmann segir ennfrem-
ur, að Mývetningar séu vanir
því að þurfa að ganga lang-
ar vegalengdir og noti þá oft
skíði og þeir séu því ekki
hræddir við nokkrar vega-
lengdir. Snjólagið sé þó óstöð
ugt og hinn mesti vandi að
finna réttan áburð á skíðin.
Þar þurfi menn að leita fyrir
sér en geti ekki stuözt víð
forskriftir.
Hvernig reynast þeir?
Tennmann segir, að sér sé
hin rnesta forvitni á því,
hvernig íslenzku göngumenn-
irnir reynist við norskar að-
stæður, landslag og snjólag,
sem sé gerólíkt hinu íslenzka.
jGerðist póstur.
Tennmann hælir gestrisni
og hjálpsemi íslendinga mjög.
Nefnir hann þaö til dæmis,
að hann hafi eitt sinn tekizt
á hendur póstferðir um sveit,
og sér hafi verið boðið upp á
góðgerðir á hverjum einasta
bæ. Eitt sinn, er hann var á
ferð í dimmviðri kom hann
að afskekktum bæ, sem var
nær fenntur í kaf, en þegar
inn í stofuna kom, sem var
lágreist og gömul, blasti við
honum fullur bókaskápur,
sem þakkti alveg einn vegg-
inn. Þar kvaðst hann hafa
fundið bækur eftir marga
norska höfunda bæði á norsku
og íslenzku. Væri þetta tal-
andi tákn um menninguna í
íslenzkum sveitum.
Enginn reykti eða drakk.
Að lokum segir Tennmann:
— Mér er eitt atvik frá dvöl-
inni í Mývatnssveit einna
minnisstæðast. Ungmennafé-
lagið hélt skemmtisamkomu
og unga fólkið koma þangað
á skíðum. Piltarnir höfðu
dansskóna og betri buxurnar
með sér í baktöskunni. Þarna
skemmti unga fólkið sér við
dans og söng fram undir
morgun, en þá stigu menn
aftur á skíðin og héldu heim.
En það sem mér fannst eft-
irtektarverðast var það, að
enginn bragðaöi áfengi og
varla nokkur reykti. Ég
skammaðist mín hálfvegis
þegar ég var að laumast til
að kveikja mér í sígarettu.
Tennmann segist vona, að
sér gefist færi á að fara aftur
til íslands og kynnast landi
og þjóð nánar.
Þar sem langt er sfðan að
spilað hefir verið, má búast
við fjölmenni. Eru menn
því minntir á að vissara er
að panta miða sem fyrst í
síma: 6066 eða 5564.
YFIRLÝSING
Tveir dáindismenn, Þeir
Halldór Þorsteinsson og Vil-
hjálmur S. Vilhjálmsson,
hafa nýlega sent mér kveðj-
ur ut af jólaleikriti Þjóðleik-
hússins.
Þessum ágætismönnum
hefi ég því einu til að svara,
að skrif þeirra eru byggð á
misskilningi, eða röngum
upplýsingum. Ég hefi aldrei
lofað Þjóðleikhússtjóra neinu,
sem ég hefi ekki fyllilega
staðið við. Allar dylgjur í
minn garð um það gagn-
stæða eru gripnar úr lausu
lofti.
Reykjavík, 21. janúar 1952,
Lárus Pálsson.
Ismailia hersetin
af Bretnra
Bardagar geisuðu af og til í
Ismailia í gær. Skæruliöar höfðu
hlaðið sér vígi í kirkjugarði ein-
um óg vörðust þaðan lengi. í
viðureigninni féllu fjórir Egypt
ar og tveir brezkir hermenn en
nokkrir. særðust.
Bandaríski sendiherrann í
Kairo gekk á fund innanríkis
ráðherranns í gær og skýrði
honum frá því, að bandaríska
stjórnin liti mjög alvarlegum
augum á þann atburð, aö frönsk
nunna hefði í gær verið skotin
til bana í klaustri sínu. Egypzk
yfirvöld segja, að kúlan, sem
varð henni að bana, hafi verið
brezk.
Tjón á Kjalarnesi
á laugardagsnóttina
Á laugardagsnóttina síö-
astliðna var ofsarok af austri
á Kjalarnesi, og varð tjón af
sums staðar. í Hjarðarnesi
fauk þak af súrheystóft,
hlöðu og skúr, gluggar brotn-
uðu í íbúðarhúsi og járn tætt
ist af bragga. Segir Krist-
mann Sturlaugsson, bóndi í
Hjarðarnesi, að íbúðarhúsið
hafi bókstaflega gengið i
bylgjum við hamfarir veðurs-
ins.
í Saurbæ sleit járn og
pappa af heilli húshlið, og í
Dalsmynni brotnuðu margar
rúður í íbúðarhúsi.
Áætlunarbifreið, sem geng-
ur í Kjósina, fauk út af þjóð-
veginum í Melahverfi á laug-
ardaginn. Voru í henni tveir
farþegar, og hlaut annar smá
vegis ákomu á andlit.
ísfirzkur skíðamaður
getur sér orðstí
Einkaskeyti til Tímans frá ísafirði.
ísfirzki skiðamaðurinn Jón Karl Sigurðsson, sem dvelur hjá
1 sænska Ólymjmiþiálfaranum Hansson í Áre, hefir nú tekið þátt
! í tveimur æfingakeppnum í svigi og staðið sig með ágætum.
Góð frammistaða.
Fyrri keppnin fór fram á
nýársdag, og voru keppendur
fimmtán. Varð Svíinn Jón
i Fredriksson, sem talinn er
[ einn af þremur svig- og brun
i mönnum Svía, og varð þriðji
1 í bruni á Holmenkollen 1950,
fyrstur á 37 sekúndum, Karl
A. Engman, Svíþjóðarmeistari
í svigi 1950, á 39,8 sekúndum,
þriðji Jón Karl Sigurðsson á
40,2 sekúndum. Faíifar voru
tvær ferðir og vaú$^ú betri
reiknuð sem úrslit.,ý|L
í janúar keppti Jón Karl
við þrjá sænska Ólympíufara.
Þá sigraði Fredrikssön á 84,4
sekúndum, en Jón Karl varð
annar á 86,4. .
Keppir á Holmenkollen-
mótinu.
Jón Karl mun keppa í
svigi, bruni og stórsvigi á
Holmenkollenmótinu, * sem
hefst í byrjun febrúar.
Þýzkar skipaferðir
yfir Atianzhaf
Þýzkt skipafélag mun nú á
ný hefja skipaferöir yfir At-
lantshaf milli New York og
Hamborgar. Verða flutningaskip
ein fyrst í stað í þessum förum
og verða farnar tvær ferðir á
mánuði. Þetta eru fyrstu þýzku
skipaferöirnar vestur um haf
eftir styrjöldina.
Eskif jar ðarbá tar
búast á netjafiski
Stóru bátarnir þrír á Eski-
firði eru nú að búa sig á
netjafiski, og munu þeir
sennilega hefja veiðarnar í
febrúarmánuði.
Mikið til autt er nú í byggð,
og hefir verið hláka tvo und-
anfarna daga.
Var heill á húfi að
Fellsenda
Eins og blaðið skýrði frá á
sunnudaginn, var á laugar-
dagskvöldiö hafin leit að
Markúsi bónda í Svartagili í
Þingvallasveit. Hafði hann
farið frá Kárastöðum um
morguninn á leið vestur yfir
Mosfellsheiði, en kom ekki
fram í Mosfellssveit um kvöld
ið. —
Guðmundur Jónasson var
fenginn til leitar á snjóbiln-
um og fóru meö honum menn
gagnkunnugir á Mosfells-
helði. Fóru þeir fyrst á bæi
við heiðina, þar sem ekki var
símasamband. Kom þá i Ijós,
að Markús vár í góðn yfir-
læti að Fellsenda í Þingvalla-
sveit.
Þökkoð hjálpsemi í
garð Þjóðverja
MeÖ „Goöafossi“ komu til
Reykjavíkur frá Hamborg 258
kassar af eplum, sem er gjöf
til íslendinga frá Odenwaldsc
hule í Heppenheim, Dautsch-
en Landírakenbund, Hilfs-
werk der Evangel. Kirche in
Hessen und.Nassau í Frank-
furt og Arbeiterwohifahrt í
Hamborg.
Gefendur láta þess getiö, að
þeir vilji með sendingu þess-
ari sína þakklætisvott fyrir
hjálpsemi íslendinga í garð
þjóðverja eftir styrjöldiria.
Eplasendingunni hefir ver-
ið skipt og mun verða send út
um land svo fljótt sem ferðir
falla.
Steypíir staurar
brotnnðu
í fárviðrinu á laugardags-
nóttina brotnuðu 7-—8 steypt
ir staurar háspenhulínunnar
til Grindavíkur. Hafa staur-
ar þessir staðið af sér öll
veður árum saman og aldrei
látið á sjá, þótt veður hafi
verið ill, fyrr en nú.
Var Grindavík rafmagns-
laus af þessum sökum í tvo
sólarhringa og eins slitnaði
síminn niður á mörgum stöð-
um og staurar brotnuðu.
Vilja krefja Churc-
hill sagna um Asíu-
mál
Vinstri armur brezka verka-
mannaflokksins hefir borið fram
í brezka þinginu frumvarp um
að brezka þingið ógildi viður-
kenningu sína á japönsku frið-
arsamningunum á þeim forsend
um, að japanska stjórnin ætli
að taka upp náið stjórnmálá-
samband við þjóðernisstjórn
Kínverja á Formósu. Að tillög-
unni standa ■ sex þingmenn
flokksins með Bevan í broddi
fylkingar. Er tillaga þessi borlh
fram til þess að knýja Eden ut
anrikisráðherra til að skýra frá
og ræða afstöðu stjórnarinnar
til Asiumálanna og viðræðum
Trumans og Churchills um þau
mál.
Knattleikskennsla
á Hvanneyri
Frá fréttaritara Tímans
á Hvanneyri.
Axel Andrésson hefir dvalið
hér að undanförnu og kennt
knattspyrnu og handknatt-
leik. Stunda nám hjá honum
nemendur úr bændaskólan-
um og barnaskóla, og auk
þess heimilisfólk á Hvann-
eyri.