Tíminn - 16.07.1961, Blaðsíða 6

TIMINN, sunnudaginn 16. júlí 19j51.
Kaupfélag Króksfjarðar fimmtugt
Það er ekki einungis, að
byggðirnar við innanverðan
Breiðafjörð séu einar hinar
fegurstu, sem um getur, held-
ur hófst þar einnig mjög
snemma sú félagsmálahreyf-
ing, sem flestu framar vinnur
að fegra og betra mannlífi.
Samvinnustefnan festi þar
traustar rætur þegar á fyrstu
árum. Andi Torfa í Ólafsdal
svífur þar yfir vötnunum.
Sunnudaginn 9. júlí s.l. minnt-
ist Kaupfélag Króksfjarðar 50 ára
afmælis síns með miklum mann-
fagnaði í nýju félagsheimili að
Króksfjarðarnesi.
Kaupfélagið er stofnað 29. apríl
1911. Áður höfðu bændur í Geira-
dalshreppi myndað deild í kaup-
félagi Saurbæinga, sem Torfi

Ólaiur Ólafsson, kaupfélagsstjóri, kona hans og móðir.
■ ;
'
Arnór Einarsson á Tindum og kona hans. Hann er meðal elztu brautrySj-
enda kaupfélagsins.
Kaupfélagsstjórar nágrannahéraSa gestir í afmælishófinu, ásamt konum j
sinum. Jóhann T. Bjarnason, ísafirði, Ólafur Ólafsson, Guðmundur Hjálm-!
arsson, kaupfélagsstjóri i Saurbæ og Þorgeir Guðmundsson, kaupfélags-
stjórl á Hólmavík.
Skrifstofuhús Kaupfélags Króksfjarðar, íbúðarhús kaupfélagsstjóra og
býlið Króksfjarðarnes.
Bjarnason í Óláfsdal hafði stofnað
1898. Hafði sú deild komið sér
upp nokkrum húsakosti í Króks-
fjarðarnesi. En er þarna var kom-
ið sögu, var horfið að því ráði að
stofna sérstakt kaupfélag. For-
göngumaður um stofnun þess og
leiðtogi í félagsmálum á þessum
slóðum var Ólafur Eggertsson,
bóndi á Svarfhóli, og síðan Króks-
fjarðarnesi. Hann var höfðingi í
bændastétt og félagshyggjumaður.
Naut hann öruggs stuðnings sonar
síns, Jóns Ólafssonar, sem síðan
var kenndur við Króksfjarðarnes
og bjó þar, og varð fyrsti formað-
ur kaupfélagsins og kaupfélags-
stjóri. Formennsku félagsstjórnar
hafði hann með höndúm állt til
1954 og kaupfélagsstjóri vár hann
til 1943. Er hann nú látinn fyrir
nokkrum árum, en nafn hans er
enn sem ungt á vörum manna um
Geiradal og Reykhólasveit.
Félagsmenn Kaupfélags Króks-
fjarðar fyrsta árið voru 20. Félag-
iT. tók við húsum þeim, er deildin
hafði átt sem fyrr segir. Félags-
svæðið náði brátt og nær yfir all-
an Geiradal og Reykhólasveit. Fé-
lagsmenn eru nú 116. Félagið á nú
ágætt íbúðarhús handa kaupfé-
lagsstjóra sínum, nýtt skrifstofu-
hús með íbúðum fyrir starfrfólk,
sláturhús, sem verið er að breyta
og lagfæra, frystihús með frysti-
hólfum til afnota fyrir heimili fé-
lagsmanna, nýlega vörugeymslu,
dísilrafstöð og bryggju, sem 50—
60 lesta bátur getur lagzt að með
flóði. Allt þetta er í Króksfjarðar-
nesi. Útibú hefur það á Reykhól-
um. Nú í sumar hefst bygging nýs
verzlunarhúss í Króksfjarðarnesi.
^ Núverandi kaupfélagsstjóri er
Ólafur Ólafsson, systursonur Jóns
Ólafssonar. Tók hann við störfum
úr hendi frænda síns árið 1943.
Kona hans er Friðrikka Bjarna-
dóttir, málara og fyrrverandi kaup-
félagsstjóra á Hornafirði. Eiga
þau 4 börn. Það er athyglisvert,
að einungis tveir kaupfélagsstjór-
ar hafa verið við Kaupfélag Króks-
fjarðar um hálfrar aldar skeið, og
standa vonir til, að félagið njóti
enn um langa stund ágætrar for-
ustu núverandi kaupfélagsstjóra.
f afmælishófinu voru tveir af
félagsmönnum fyrsta ársins, Arnór
Einarsson, Jochumssonar frá Skóg-
um, 81 árs, ern og beinn í baki.
Hann var endurskoðandi félagsins
í mörg ár og síðan i stjórn þess.
Og hinn var Júlíus Björnsson í
Garpsdal. Hann byrjaði sem end-
urskoðandi fyrstu ár félagsins, var
síðan í stjórn þess frá 1922 og for-
maður félagsstjórnar frá 1954.
Aðrir í stjórn eru: Magnús Ingi-
mundarson, Bæ, Magnús Þorgeirs-
son, Höllustöðum, Arnór Einars-
son, Tindum, Karl Árnason,
Kambi.
Kaupfélag Króksfjarðar hefur
verið farsælt félag og traust. Það
hefur verið hjálparhella bænd-
anna í harðri lífsbaráttu og horn-
steinn undir framförum á félags-
svæðinu. Glæsilegar byggingar og
íögur tún bera því vitni.
I Afmælisfagnaðurinn hófst með
kaffisamsæti í nýbyggðu félags-
' heimili þar á staðnum. Þar sátu til
borðs 160 manns. Borð voru fagur-
lega skreytt og veitingar af mikilli
I rausn. Meðan gengið var til borðs
!og undir borðum léku þeir létta
j tónlist, Þorvaldur Steingrímsson
og Jan Moravek. Frú Snæbjörg
Snæbjarnardóttir söng íslenzk og
erlend lög.
Borðhaldinu stjórnaði kaupfé-
; lagsstjórinn, Ólafur Ólafsson.
, Júlíus Björnsson í Garpsdal,
I formaður félagsins rakti sögu þess,
i Guðmundur Sveinsson, skóla-
stjóri, flutti ræðu, Páll H. Jóns-
son flutti kveðjur og hamingju-
óskir frá forstjóra SÍS og kaupfé-
lögunum. Kristjón Kristjánsson
forstjóri mnntist látinna forgöngu-
manna og leiðtoga félagsins, Guð-
mundur Hjálmarsson, kaupfélags-
stjóri Kaupfélags Saurbæinga,
flutti árnaðaróskir og minntist
fyrri tengsla samvinnumanna
beggja megin Gilsfjarðar. Á milli
ræðu og ávarpa var, auk tónlistar-
innar, sem áður er nefnd, almenn-
ur söngur. Samsætið allt var með
rausnar- og gleðibrag.
Er staðið var upp frá borðum,
hófst svo dansleikur í félagsheim-
ilinu. Léku þeir fyrir dansinum
Jan Moravek og Þorvaldur Stein-
grimsson. Skemmtu menn sér hið
bezta.
Hið fegursta veður var allan dag
inn 00 setti það svip á samkom-
una. Utsýni í Króksfjarðarnesi er
frábærlega fagurt. Náttúrufeg-
Júlíus Björnsson I Garpsdal, formaS-
ur Kaupfélags Króksfjarðar, flytur
aðalræðu afmælishófsins.
urðin og sumarveðrið mynduðu
umgerð þessa veglega mannfagn-
aðar.
Samvinnumenn um allt land
fagna mörgum sigrum. Þeir hafa
verið fundvísir á margs konar úr-
ræði í lífsbaráttu fólksins. Þeir
hafa ríka ástæðu til að gleðjast
hver með öðrum á tímamótum
slíkum, sem hér hefur verið frá
sagt. P.J.H.
Ólafur Ólafsson, kaupfélagsstjóri, og starfslið hans.
Innilegar þakkir fyrir auðsýnda samúð við fráfall og jarðarför
Ketilríðar Einarsdóttur,
frá Tannastaðabakka.
Aðstandendur.
Dóttlr mín,
Guðrún Tómasdóttir,
frá Miðhóli,
verður jarðsungin frá Fossvogskirkju þriðjudaginn 18. júli klukkan
1,30 síðdegis.
Ólöf Þorkelsdóttir.
Eiginmaður mlnn,
Kristján Hannes Magnússon,
frá Króki, ísafirði,
andaðist fimmtudaginn 13. júlí. Minnlngarathöfn fer fram frá Hall-
grímskirkju mánudaginn 17. júlí kl. 13,30. Jarðarförin fer fram frá
ísafjarðarkfrkju föstudaginn 17. júlí.
Salóme R. Sveinbjarnardóttir.