Morgunblaðið - 10.03.1939, Blaðsíða 4

4
MORGUNBLAÐIÐ
Föstudagur 10. mars 1939..
KnaKspyrnufjelag Reykjavíkur 40 ára
K. R. stundar nú flestar íþrótta-
greinar og telur 2000 fjelaga
ELSTA knattspyrnufjelag
landsins er 40 ára í þess-
um mánuði. Það gefur okkur til
kynna að knattspyrnuíþróttin,
þessi vinsæla íþrótt, sje orðin
40 ára hjá okkur, því gera má
ráð fyrir að brátt hafi verið
stofnaður fjelagsskapur þegar
unglingar þessa bæjar fóru að
fá áhuga fyrir að leika sjer í
knattspyrnu.
Fjelagið, sem á heiðurinn að
vera elsta knattspyrnufjelag
landsins er Knattspyrnufjelag
Keykjavíkur — K. R. — eða
Fótboltafjelag Reykjavíkur eins
og það hjet fyrst er það var
stofnað. En nú er þetta stórveldi
innan íþróttahreyfingarinnar
aldrei nefnt annað en K. R. í
daglegu tali. K. R. hefir, sem
kunnugt er, mjög aukið starf-
svið sitt frá því að það var ein-
göngu knattspyrnufjelag því nú
er innan fjelagsins stundaðar
allar íþróttir sem íslensk æska
leggur stund á. Meðlimatala
fjelagsins er nú í kringum 2000
og er fjelagið því einn langfjöl-
mennasti fjelagsskapur hjer á
landi.
Pað yrði vitanlega alt of
langt mál að ætla sjer að
rekja hjer sögu K. R. svo nokk-
urt lag væri á. Til þess entist
ekki mörg heil Morgunblöð,
hvað þá það litla rúm, sem
mjer er ætlað. En stiklað verð-
ur hjer á helstu og merkustu at-
burðum í sögu fjelagsins.
Það er upphaf að stofnun
K. R. að hingað til lands er ráð-
inn skotskur prentari, James B.
Fergusson. Maður þessi var á-
hugamaður um íþróttir, sem þá
var heldur fátíð skemtun meðal
æsku Reykjavíkur. Ferguson
var frækinn íþróttamaður í
heimalandi sínu og hafði hlot-
ið verðlaun fyrir afrek sín. Það
var árið 1895 sem Fergusson
var ráðinn hingað. Strax fyrsta
veturinn sem hann dvaldi hjer,
safnaði hann að' sjer hópi
tingra manna og tók að æfa þá
í ýmiskonar íþróttum, þar á
xneðal knattspyrnu. Þegar Ferg-
usson fór af landi burt tók Ól-
.afur Rósinkranz við forystu-
starfi hans í íþróttamálum bæj-
arins.
Stofnfundur K. R. var hald-
inn í marsmánuði 1899 með því
að þá komu nokkrir piltar sam-
an í búð Gunnars Þorbjamar-
sonar í Aðalstræti (sem síðar
var verslun Guðmundar Olsen
— verslun Halldórs Gunnars-
sonar, en nú er þar Manchest-
*r).
Aðalhvatamenn að stofnun
fjelagsins voru bræðurnir Þor-
steinn og Pjetur (óperusöngv-
ari) Jónssynir. Var Þorsteinn
lífið og sálin í fjelagsskapnum
og gekst fyrir að panta knetti
ifrá Liverpool í Englandi. Er
hann talinn formaður K. R. frá
1899—1910.
Eins og geta má nærri, var
K. R. aðeins einskonar leik-
bræðrafjelag til að byrja með,
meðan andstæðingafjelag vant-
aði og lítið um reglulegt fje-
lagslíf fyrstu 10—15 árin. En
allan tímann er fjelagið þó á
lífi.
Árið 1911, þegar gamli í-
þróttavöllurinn er bygður, fær-
ist fjör í alt íþróttalíf í bæn-
Eftir
um. Þá er búið að stofna fleiri
knattspyrnufjelög, Víking og
Fram og litlu síðar er Valur
stofnaður.
íslandsmótið fór í fyrsta skifti
fram 1912, vann Fótboltafje-
lag Reykjavíkur (K.R.) það
mót.
Árið 1913 á aðalfundi Fót-
boltafjelags Reykjavíkur er
breytt um nafn á fjelaginu og
það nefnt Knattspyrnufjelag
Reykjavíkur.
Pegar rætt er um K. R. sem
knattspyrnufjelag, verð-
ur fyrst og fremst að minnast
þess manns, sem gerði K. R,-
inga að bestu knattspyrnumönn
um landsins á sínum tíma, en
sá maður er Guðmundur ÓI-
afsson knattspyrnuþjálfari K.R.
í 20 ár og núverandi formaður
Knattspyrnuráðs Reykjavíkur.
Guðmundur tekur að sjer
þjálfun II. og III. fl. um sumar-
ið 1920 og þó ekki sjáist árang-
ur af starfi Guðmundar sirax
eða næsta ár, er árangurinn
svo glæsilegur þegar hann loks
Guðmu.advu' Ólafsson
íorm. K. R. R.
r rýst út, að K .R. mun búa að
honum í morg ár fram í tímann.
Árið 1926 er glæsilegasta ár
i sögu K. R. því það ár vinnur
fjelagið í öllum mótum, sem
haldin voru það ár, en slíkt
hefir ekki komið fyrir hjer fyr
nje síðar, að eitt og sama fje-
lagið ynni öll mót.
Auk þess sem K.R. hefir tek-
ið þátt í öllum knattspyrnumót-
um, sem hjer hafa verið haldin
hin síðari ár, hefir fjelagið efnt
til knattspyrnuferðalaga út á
land og til Færeyja í fyrrasum-
ar. í sumar á það von á heim-
sókn frægs ensks fjelags.
En það er sem kunnugt er
fleira en knattspyrnan,
sem K. R. hefir látið til sín
taka. Þó er það ekki fyr en
K. R. er orðið 20 ára, að farið
er að hugsa um að stunda frjáls
ar íþróttir. Það var Kristján L.
Gestsson, sem átti frumkvæðið
að því, eins og svo mörgu öðru,
að K. R. fór að leggja kapp á
Vivax
frjálsar íþróttir. Nú eru frjáls-
ar íþróttir ákaflega stór liður
á starfsskrá K. R.
Það, sem Guðmundur Ólafs-
son hefir verið fyrir knatt-
spyrnuna í K. R., má segja að
Kristján Gestsson hafi verið
fyrir frjálsu íþróttirnar. Allir,
sem þekkja Kristján, þekkja
festu hans og áhuga fyrir þeim
áhugamálum, sem hann berst
fyrir. Starf Kristjáns fyrir K. R.
bæði sem formaður þess í fjölda
mörg ár, stjórnarmeðlimur og
virkur íþróttaf jelagi, er svo
geysimikið, að erfitt er að meta
það með orðum hvað þá í öðru.
Jeg mun ekki frekar en í
khattspyrnusögunni fara neitt
nákvæmlega út í að lýsa afrek-'
um K. R.-inga í frjálsum íþrótt-
um, en nokkur landsþekt nöfn
ryfja upp fyrir mönnur.i, hvað
K. R. hefir lagt tii má'anna.
Geir Gígja, hlauparinn mikli
og Magnús Guðbjörnsson eru
báðir K. R.ingar svo og Ingvar
Ólafsson og Ólafur C uðmunds-
scn, Garðar S. Gísla; on og
Sveinn Ingvarsson, Helgi Guð-
Kristján Gestsson
framkv.stj. K.R.-hússins.
mundsson, Kristján Vattnes,
Sverrir Jóhannesson og fieiri
mætti nefna, en þetta eru alt
menn, sem sett hafa íslensk
met í einni eða fleiri íþrótta-
grein.
Leikfimi er stunduð mikið;
innan K. R. sem að líkum lætur
og hefir Benedikt Jakobsson
leikfimikennari verið íþrótta-
kennari hjá K. R. í nokkur ár.
Fyrir tiltölulega fáum árum,
eða 1934 vaknaði áhugi
meðal K. R.-inga fyrir skíðaí-
þróttinni.
Stjórn K. R.
Björgvin Schram
varaform.
Erlendur Pjetursson
formaður.
Sigurjón Jónsson
ritari.
Eyjólfui' Leós
gjaldkeri.
Sigurður Halldórsson
aðstoðaiféhirðir.
Georg Lúðvígsson
aðstoðargjaldkeri.
Sigurður S. Ólafsson
kráritari.
Ólafur Guðmundsson
fjehirðir.
Björgvin Magnússon
áhaldavöruður.
Skíðaáhuginn byrjaði ósköp
yfirlætislaust með nokkrum
ferðum hingað og þangað um
nágrennið, en ekki leið á löngu
þar til hinn alkunni K. R.-
dugnaður gerði vart við sig og
skíðafólk K. R. kom sjer upp
skála í Skálafelli í Esju. Reynd-
ist skálinn brátt of lítill, en þá
gerðu K. R.-ingar sjer lítið fyr-
ir og bygðu sjer nýjan skála svo
að segja með berum höndum og
tómum vösum. Er bygging skál-
ans einhver fegursti vottur um
fjelagslyndi og áhuga fyrir í-
þrótt, sem nokkurt fjelag hefir
sýnt hjer á landi.
K. R.-ingar munu án efa á
þessu sviði sem svo mörgum öðr-
um íþróttasviðum, veiða til fyr-
irmyndar.
Sund hefir veriS stundað inn-
an vjebanda K. R. síðan
1922 og var það Kristján L.
Gestsson, sem átti aðalfrum-
kvæðið að því.
K. R.-ingar hafa átt marga
ágæta sundmenn og sundmeyj-
ar, og má þar til nefna Björg-
vin Magnússon, Regínu Magn-
úsdóttur, Magnús Mágnússon,
Pjetur Eirfkssön og xléiri.
E. Ó. P.
Þegar skrifað er um K. R.,
þó ekki sje nema lítil grein,
væri sagan aldrei hálfsögð, ef
ekki væri minst á núverandi
formann fjelagsins, ErJend
Pjetursson.
Erlendur er lífið og sálin í
fjelaginu, og K. R. er lífið og
sálin í lífi hans. Enginn mað-
ur gleðst jafn innilega yfir sigr-
um K. R. og hryggist yfir ó-
sigrum eins og E. Ó. P. Það er
ánægjulegt að sjá hann spáss-
era úti á vehi, þegar K. R. hef-
ir 1 yfir, en oft ber svo undar-
lega við, að hann sjest ekki,
þegar K. R. er í tapi, sjerstak-
lega ef um úrslitaleiki er að
ræða.
Heiðursmaðurinn Eríendur Ó.
Pjttursson hefir setið í 24 ár í
stjórn K. R Hann er ,,the grand
old man“, sem allir virða fyrir
mannkosti hans, bæði fjelagar
sem og andstæðingar, sem sjá
rná af því, að er skæðasti keppi-
nautur K. R., Ármann, átti
fimtugsafmæli, þá var Erlendur
sæmdur heiðursmerki Ármanns.
★
Annað kvöld minnist fjelagið
afmælisins með hófi að Hótel
Borg, sem verður afar fjölsótt.
Það er ástæða fyrir bæjarbúa
í kvöld að þakka K. R. fyrir
það menningarstarf, sem fje-
lagið hefir unnið hjer í bæ í
þau fjörutíu ár ,sem það hefir
starfað. Megi hagur þess blómg
vast og afrek þess aukast.