Morgunblaðið - 15.08.1939, Blaðsíða 2
2
MORGUNBLAÐIÐ
Þriðjudagur 15. ágúst 1939.
Hermdarverkum
linnir ekki
í Englandi
Ráðstefna öxulríkjanna
vekur ugg um alla álfuna
London í gær. FÚ.
Idag var sprengdur í loft upp
kofi á óbygðri lóð nálægt
Coventry og leiddi rannsókn í
ljós, að þar höfðu verið geymd-
ar sprengiefnabirgðir, sem talið
er, að írskir hermdarverkamenn
hafi átt.
Fleira hefir gerst, sem sýnir,
að hermdarverkamenn eru enn
ekki af baki dottnir. Verkamenn
í Glasgow fundu í dag um 200
dýnamitpatrónur á brúarstöpli.
1 Dublin fór húsrannsókn fram
í , mörgum húsum, þar sem tal-
ið er að írskir hermdarverka-
menn hafi bækistöðvar sínar.
Þrír menn voru handteknir. Hús-
rannsóknir voru gerðar sam-
kvæmt nýjum lögum, sem sett
voru fyrir skömmu til aukins ör-
yggis almennings.
Leiðtogi írska lýðveldishersins,
Eussell, sem nú er í Chicago,
sagði í ræðu, sem hann flutti þar
í gær, að flokkurinn mundi halda
áfram að baka Englendingum
eins mikil vandræði og þeim væri
framast unt, en þeir mundu ekki
gera neinar tilraunir til þess að
úthella blóði, meðan írlendingar
í enskum fangelsum væri ekki
teknir af lífi.
Sir Samuel Hoare, innanríkis-
málaráðherra, sagði í dag, að út-
búnar hefði verið 5 nýjar brott-
vísunarfyrirskipanir og bann við
lahdgönguleyfi eins manns. Alls
hefði nú 79 Irar verið gerðir land
rækir, og 7 bannað með úrskurði
að fá landgönguleyfi í Bretlandi.
Slysfarir
í lofti og á láði
Fjórtán menn biðu bana í fyrra
dag, þegar ein af flugvjelum Pan-
Ameriean Airways hrapaði til
jarðar við Rio de Janeiro í Suður-
Ameríku. Flugvjelin var að koma
frá Miami á Florida. — Þeir sem
fórust, voru farþegar og áhöfri.
Engar fregnir hafa enn borist
um afdrif tveggja amerískra flug-
manna, sem lögðu á stað frá Nova
Scotia á föstudag, og búist var við
til Irlands á laugardag.
Fimtán menn biðu bana, en 25
meiddust alvarlega, er járnbraut-
'arlest hljóp af sporinu nálægt
járnbrautarstöð nokkurri í suð-
vesturhluta Búmeníu á sunnudag-
inn.
Straumlínu-hraðlest á leið til
Chicago fór út af sporinu á
supnudag. Hún var á leið yfir
stórbrú. Fremstu vagnarnir hröp-
uðu niður í gil úr 30 feta Iræð.
Sextán menn biðu bana, en þrjá-
tíu öieiddust. Menn óttast, að fleiri
liafi iarist, en þegar er kunnugt.
Grunur hefir kviknað um, að
skemdarverk sje orsök slyss
þessa. (FÚ)
„A einni nóttu getur
Danzig sameinast
Þýskalandi“
„Taugastríðið“ magnast
Frá frjettaritara vorum.
Khöfn í gær.
RÁÐSTEFNU ÖXULRÍKJANNA lauk í gær.
Höfðu þar verið rædd öll helstu vandainál Ev-
rópu, þau sem nú eru á döfinni, og önnur
vandamál utan Norðurálfu.
Ciano greifi er farinn heim til Ítalíu. Fór hann loft-
leiðina.
Er það nú opinberlega tilkynt um þessa ráðstefnu, að
þar hafi verið fullkomin eining um alt og árangurinn eft-
ir því. , , ,
Ekki var neitt fastákveðið um það hvenær ætti áð
reyna að innlima Danzig í Þýskaland, en annars er öllum<
ákvörðunum ráðstefnunnar haldið leyndum.
í Reuter-frjettaskeyti segir, að ráðstefnan hafi vakið
alþjóða ugg og ótal getgátur og flugufregnir hafi komið
á loft. Hinar verstu fregnir herma það, að Hitler ætli að
halda ræðu á morgun og jafnframt verði þýski herinn lát-
inn hefja styrjöld. En seinustu fregnir herma, að miðlun-
artillögur Mussolinis hafi orðið ofan á.
Fregn frá London hermir, að það sje varla hægt að
búast við því, að Þjóðverjar rjúki í stríð nú þegar, en þeir
muni ætla sjer að herða „taugastríðið" að miklum mun.
Þýsku blöðin halda því fram, að Pólland hafi fyrirgert
öllum rjetti til þess að vera sjálfstætt, alveg eins og Tjekkó-
slóvakía í fyrra. „Essener NationaIzeitung“ segir: Pólland
er nú, alveg eins og 1762, skömm fyrir menningu heimsins,
því að það gerir tilraun til þess að koma á stað Evrópu-
styrjöld. „Frankfurter Zeitung“ spáir Póllandi því, að það
verði bráðlega afmáð með öllu, ef ófriður brýst út.
ítölsku blöðin segja, að Pólland sje með framferði sínu
að fremja tilraun til sjálfsmorðs, því að það verði áreið-
anlega limað sundur eins og Tjekkóslóvakía, ef það haldi
áfram þeirri stefnu, sem það nú hefir.
Ýmsir Þjóðverjar gera ráð fyrir því, að „taugastríð-
inu“ verði haldið áfram mánuðum saman, í þeirri von, að
Bretland muni á síðustu stundu fremur kjósa, að Danzig
sameinist Þýskalandi, heldur en að hleypa á stað Evrópu-
styrjöld, sjerstaklega ef samningaumleitanirnar við Rússa
fara út um þúfur.
Um hitt eru menn sammála, að Þýskaland verði að
grípa til hernaðarframkvæmda, ef „taugastríðið“ skyldi
mishepnast, en það verði þó varla fyr en í vor. Aðrir halda
því fram, að skriðan sje komin á stað og úrslitastundin
nálgist. Það geti meir en verið, að Danzig verði sameinuð
Þýskalandi á einni nóttu og alveg óvænt. Og „Hamburger
Fremdenblatt‘‘ segir að Þjóðverjar muni tæplega hika lengi
Aftur á móti getur Lundúnablaðið „Times“ þess til,
að Þýskaland sje að belgja sig út af Danzigmálinu til þess
að draga athygli frá ágengnis-fyrirætlunum, sem stefna í
alt aðra átt.
Nýasta aðferðin í „taugastríðinu" er sú, að þýsk blöð halda því
fram, að pólskir bankaseðlar verði brátt verðlausir. Hefir þetta órð-
ið til þess, að ótti hefir gripið menn, og hefir víða verið reynt að fá
málmpeninga í stað Seðla, og hefir það valdið miklum vandræðum.
L'Ý,
'./s,y &
Dr. Burchardt og nazistaforingi í Danzig
Burchardt
ræðir við Hitler
að hefir verið staðfest í
London, að Þjóðabanda-
lagsfultrúinn fyrir Danzig, Burch
ardt, hafi heimsótt Hitler í
Berchtesgaden í lok' síðustu viku.
•
Ilann er sagður hafa heimsótt
Hitler í þeim tilgangi að vinna
að samkomulagslausn í Danzig-
málinu, og einnig er talið, að
aðrir meðlimir Danzig-nefndar
Þjóðabandalagsins hafi vitað um
þetta erindi hans, en þeir eru
pólskir og sænskir.
Þá er sagt, að Hitler hafi lagt
fyrir Þjóðabandalagsfulltrúann
tillögur Þýskalands um lausn
málsins, en ekkert hefir frjest
nánar um þessar tillögur.
Þýsk blöð minnast ekki á heim
sókn Þjóðabandalagsfulltrúans
til Hitlers. (FÚ).
Hin brennandi
spurning
ýsk og ítölsk blöð í dag
birta ekkert, sem gefur
frekara í skyn en áður var kunn
ugt, hvað Ciano greifa og von
Ribbentrop fór í milli.
Hið þýska málgagn „Diplomat
ischer Korrespondenz" segir —
og það virðist í stuttu máli skoð-
un ítölsku og þýsku blaðanna —
að Danzig sje sem stendur mesta
vandamál álfunnar — það sje
ekki lengur staðbundin deila. —
Það er „brennandi spurning"
segir blaðið, sem verður að fá
svar við. Blaðið neitar því, að
Ciano greifi og von Ribbentrop
hafi rætt Austur-Evrópumálin
meira en Danzig-málið. (FÚ).
Fregn frá París í gær lierm-
ii, að allmargir póstmenn í Dan-
zig hafi verið Iiandtpkúir. fyrir að
bera út , bækling, þar sem ráðist
var á Förster, leiðtoga nazista, og
nazistiska stefnú yfirleitt. (FÚ).
Daladier og Bonnet
voru viðbúnir
Þegar þeir sátu á viðræðufundi
sínum Ciano greifi og von Itibb-
entrop, fóru þeir ekki af skrif-
stofum sínum, Daladier forsætis-
ráðherra og Boníiet utánríkismála
ráðherra. Daladier var í suinar-
leyfi á siglingaferðalagi k Mið-
jarðarhafi og flaug til Parísar.
(FÚ).
Gr það Rúmenia sém
„Times“ á við?
Pólsk blöð skýra frá því, að
nokkurs ótta gæti í Rúmeníu um,
að Þýskaland muni reyna að
knýja Rúmena til þess að vei'ða
við kröfum IJngverja.
í frjett frá Berlín segir, að þeg-
ar Chaky, utanríkismálaráðherra
Ungverjalands, var í Berlín ný-
lega, hafi verið lagt fyrir hann
uppkast að samningi, sem var
fjárhags- og viðskiftalegs) eðlis, og
þess óskað, að Ungverjaland gerð-
ist aðili að honum. Hefir verið
gefið í skyn, að Þjóðverjar áformi
nánari samvinnu við Ungverja, og
ætli að styðja kröfur þeirra um,
að Rúmenar skili þeim Transyl-
vaníu. (FÚ)
Helgi Hermann kosinn
forseti norrænu iðn-
skólaráðsstefnunnar
Norræna iðnskólaráðstefnan
var sett í Ilelsingfors í
fyrradág af Cajander forsætisráð-
herra. Ilelgi Hermaun Eiríksson,
forseti Landssambands iðnaðar-
manna, var kosinn forseti ráð-
stefnunnar. Bár hann kveðju frá
Isíandi til ráðstéfnuiinar og að
ræðu hans lokinni var íslenski
pjóosöngurinn leikinn.