Morgunblaðið - 29.12.1965, Side 15

Miðvikudagur 29. des. 1965
MORGU N B LAÐIÐ
5
Daníel Benediktsson
Kveðja
Fæddur 6. september 1889.
Dáinn 17. desember 1965.
Dáinn. horfinn, Daníel!
dvínar tónn af strengjum Braga.
Þig of snemma heimti hel,
harmar drenginn ljóð og saga.
Þú varst einn af íslands drótt,
áttir fast á starfa miðin —
Lagðir dýran dag við nótt,
djúpsins þekktir ölduniðinn.
Inni’ í dölum búi bjóst,
brunaðir urðir þrengsla leiðar.
Þá með orfi slægjur slóst,
slyngur á vegum þokuheiðar.
Lífs í straumi stóðstu fast,
stýrðir nett inn þröngu sundin.
Aldrei kjark né orku brast,
undir þétta karlmanns lundin.
íþróttunum æsku frá
unnir þú, af hjarta glaður.
Hygg ég margur hafi þá
hærri stiga lotið maður.
Tryggur þínum vinum varst,
vandaður í orði og gjörðum.
Hljóður þínar byrðar barst
bröttum lífs í gönguskörðum.
Okkar kynning, stutt sem stóð,
stílaðist ljúfum bragamálum.
Lögðum oft í sama sjóð
sálnaflug í gamanmálum.
Annan vænginn eg hef misst
eftir stend — við burtför pína.
Hafinn ert í hærri vist
hörpu þar ei ómar dvína.
Eflaust kem ég eftir þér,
er minn brestur klukkustrengur.
Komdu þá á móti mér,
mæti vinur — góði drengur.
Nú þó gisti sorgin sár,
svíði undir vina þinna,
Guðs er himinn heiður, blár,
hjörtun til þín veginn finna.
Hækka seglin, hljóttu byr,
hátt á lífsins vita stýrðu.
Opnar standa Drottins dyr
dalnum úr þá héðan flýrðu.
Þeirra ómar þakkar skrá
þér sem tryggðir eiga að gjalda.
Lífsins drauma ljósin blá
lýsi þér um vegu alda.
Frimann Einarsson.
Tilkynning
Vegna áramótauppgjörs verða bankarnir
í Reykjavík, ásamt útibúum, lokaðir
mánudaginn 3. janúar, 1966.
Athygli skal vakin á því að víxlar, sem
falla í gjalddaga fimmtudaginn 30- des-
ember, verða afsagðir föstudaginn 31.
desember, séu þeir eigi greiddir fyrir
lokunartíma bankanna þann dag (kl. 12
á hádegi).
SEÐLABANKI ÍSLANDS
LANDSBANKI ÍSLANDS
BÚNAÐARBANKI ÍSLANDS
ÚTVEGSBANKI ÍSLANDS
IÐNAÐARBANKI ÍSLANDS H.F.
VERZLUNARBANKI ÍSLANDS H.F.
SAMVINNUBANKI ÍSLANDS H.F.
Dömur!
Fyrir nýársfagnaðinn
SÍÐIR KVÖLDKJÓLAR, stórkostlegt
úrval, aðeins einn af hverri gerð.
KVÖLDTÖSKUR
KVÖLDHANZKAR
HERÐASJÖL
SKARTGRIPIR fjölbreytt úrval.
Hjá Báru
Austurstræti 14.
MYNDABÓK
m/ 70 myndum af
Elizabeth Taylor
(m.a. myndir úr kvik-
myndinni Cleopatra).
Verð kr. 25.00.
FRÍMERKJASALAN
Lækjargötu 6 A.
Lára Jónsdóttir
l\linning
F 31. júlí 1903 — D. 3. nóv. 1965.
LAUGARDAGINN 13. nóvember
1965 var til moldar borin að
Reynistað í Skagafirði Lára Jóns
dóttir, hÚ9freyja að Dæli í Sæ-
mundarhlíð. Flestir sveitungar
hennar sem að heiman komust
fylgdu henni til grafar og séra
Þórir Stephensen á Sauðárkróki
jarðsöng. Að jarðarför lokinni
var öllum kirkjugestum boðið til
erfidrykikju að Reynistað. Þenn-
an dag sem Lára var til moldar
borin mátti segja að Skagafjörð-
ur skartaði sínu fegursta, stilli-
logn var og heiðríkt en nokkurt
frost og naut fegurð hins fagra
héraðs síns.
Lára Pálína en gvo hét hún
fullu nafni var fædd að Neðri-
Bakika í Ólafsfirði 31. júli 1903.
Dóttir hjónanna Guðnýjar Jóns-
dóttur og Jóns Tryggva Guð-
mundssonar sem þar bjuggu.
Varð þeim fjögurra dætra auðið,
en eina misstu þau í bernsku.
Guðný missti mann sinn frá dætr
um sínum ungum og var Lára þá
aðeins tveggja og hálfs árs er fað
ir hennar dó. ijét Guðný þá af
búakap og fluttist inn til Eyja-
fjarðar og fór þar í vinnu-
mennsku og gat ekki haft með
sér nema eina dætra sinna. Hinar
fóru til vandalausra.
Lára dvaldist á ýmsum stöð-
um í uppvexti sínum og meðal
annars í fimm ár að Gullbrekku
í Eyjafirði og leið henni þar vel.
Um tvítugt kynntist hún Ólafi
Guðmundssyni frá Leyningi í
Eyjafirði og leiða þau kynni til
þess að þau staðfesta ráð sitt og
hefja búskap að Leyningi 1925.
Lára og Ólafur áttu saman tvö
börn, Guðnýju, búsetta á Siglu-
firði og Emil, verkamann í
Reykjavík. Lára og Ólafur slitu
samivisfum 1929.
Fer Lára þá í vinnumennsku
að Staðarhóli í Siglufirði með
börn sán tvö. Þar kynnist hún
seinni manni sinum Baldvin Jó-
hanmssyni frá Siglunesi og flytja
þau til Skagafjarðar og gifta sig
og hefja búskap að Hvamms
brekku við Reynis>tað 1931. Eru
þar sbubt og eru eitt ár að Eiríks
stöðum sem var húsmannsbýli
við Vik í Staðarhrepp, en árið
1935 festa þau kaup á jörðinni
Dæli í Staðarhrepp og bjuggu
þar til seinasta dags.
Lára átti oft við heilsuleysi að
stríða og varð nokkrum sinnum
að leggjast á sjúkrahús og varð
því eitt sinn að láta þau Emil
og Guðnýju frá sér til vanda-
lausra í fóstur. Lára og Baldvin
eignuðust þrjú böm sem öll eru
á Mfi, Ingibjörgu Jónínu, sem er
húsfreyja að Brattahlíð í Svart-
árdal, Jón Tryggva, iðnverka-
mann á Sauðárkróki og Astu
Pálínu, gifta á Akureyri.
Það ólán vildi til að sumarið
1944 að nóttu til, að bæjarhúsin
að Dæli brunnu til ösku og fólk
komst nauðulega út á nærklæð-
um einum saman.
Ekki kynnist ég Láru fyrr en
fyrir tíu árum að leiðir ókkar
lágu saman, en það duldist eng-
um að hún var mikil og góð kona,
en þessi fáu orð um ævi hennar
gefa til kynna að ekki hetfir líf
hennar allt verið dans á rósum.
Þar hafa sikipst á skin og skúrir,
en hún hefur verið ein af þessum
trausbu hornsteinum sem
byggð íslenzkra sveita stendur á.
Ég held að Lára hafi ekki kært
sig um að sín yrði að neinu getið
þvi verk sín vann hún svo.
Ekki óraði okkur sem heim-
sóttum hana um miðjan október
síðastliðinn að það myndi vera í
síðasta sinn sem fundum okkar
bæri saman. Lára var með hress-
asta móti og glöð yfir gestakom-
ur.ni því að þeir sem að garði
komu hjá henni hlutu hlýjar mót
tökur. Það heyrði ég að hún var
talin af sveitungum sínum af-
burða gestrisin og sérstakur
barna- og dýravinur.
Aðfaranóbt miðvikudagsins 3.
nóvember andaðist Lára í svetfni
að heimili sínu að Dæli, en ‘sá
staður var henni kærastur og þar
leið henni bezt.
Við viljum þakka þér, Lára
mín, fyrir hversu vel þú tókst
á móti okkur er við komuim að
Dæli, þó oft væri ekki 9tanzað
lengi. Það hressfi mann upp
hversu oft þú varðst glöð yfir
gestakomunni. Nú er skarð fyrir
skildi því næsta sumar stendur
enginn í hlaðinu og veitfar þegar
farfuglarnir hverfa þaðan.
Blessuð sér minning þín.
Þorsteinn Hallfreðsson.
Uppboð
Opinbert uppboð fer fram í Sundhöll Reykjavíkur,
föstudaginn 7. janúar 1966, kl. 2 síðdegis, og verða þar
seldir ýmsir óskilamunir, í vörzlu Sundhallarinnar.
Borgarfógetaembættið í Reykjavík.
FLUGELDAR
URVALID ALDREI FJÖLBREYTTARA
Eldflaugar
TUNGLFLAUGAR
STJÖRNURAKETTUR
SKIPARAKETTUR
Handblys
RAUÐ — GRÆN — BLÁ
BENGALBLYS
JOKERBLYS
REGNBOGABLY S
RÓMÖNSKBLYS
FALLHLÍ FARBL Y S
SÓLIR — STJÖRNUGOS — STJÖR NULJÓS — BENGALELDSPÝTUR
VAX-ÚTIHANDBLYS, loga Vz tíma — VAX-GARÐBLYS, loga í 2 tíma.
— HENTUG FYRIR UNGLINGA —
VERZLUN O. ELLIIMGSEN