Morgunblaðið - 16.01.1966, Blaðsíða 15
Sunnudagur 18. Janftar 1968
MORGUNBLAÐIÐ
15
ÓDÝR FERDALÖG 1966
Snemma á þessu ári eru fimm ár liðin frá því að Ferða-
skrifstofan Lönd & Leiðir hóf starfsemi sína. Flestar ís-
lenzkar ferðaskrifstofur eru ung fyrirtæki og því eru það
margir landsmenn, sem ekki vita í hverju ferðaskrif-
stofustarfsemi er fólgin eða hvaða hagræði þeir sjálfir
geti haft af því að skipta við slíkt fyrirtæki.
Þar sem Lönd & Leiðir rekur hvað umfangsmesta starf-
semi sinnar tegundir hér á landi, þykir okkur rétt að
kynna hana með alhliða auglýsingu, þar sem getið er
um hina margvíslegu þætti starfsemi okkar.
Farmiðasala um allan heim
L&L er viðurkennd ferðaskrifstofa og hefur því heimild
til sölu á farseðlum með flugvélum, skipum, járnbraut-
um og bílum á sama verði og fyrirtæki sem farartækin
eiga. — Skrifstofan getur veitt öll sömu afsláttarkjör og
flugfélögin á farseðlum námsmanna og hópa, og einnig
fjölskylduafslátt. Einnig veitir skrifstofan lánakjör
Loftleiða á farmiðum.
Almenn fyrirgreiðsla
Á sama hátt sér skrifstofan um aðra þætti ferðalagsins og
getur þá verið um að ræða pantanir á gistingu, fæði, að-
göngumiðum að t.d. söfnum eða skemmtunum o. fl. —
Fyrirgreiðsla þessi er farþegunum að kostnaðarlausu.
IT-ferðir
Þjónustu þessa er eingöngu að fá hjá ferðaskrifstofum og
á síauknum vinsældum að fagna. Þetta eru ferðir, þar
sem farþeginn kaupir í einu lagi flugferðir, gistingu og
fæði samkvæmt fyrirfram gerðri áætlun. Um margvísleg-
ar áætlanir er að ræða, sem allar eiga það sameiginlegt að
farþeginn fær í heild afslátt af farinu, sem gerir slíka
ferð ódýrari en ella, ef hver liður ferðalagsins væri keypt
ur sérstaklega. Bæði einstaklingar og hópar geta notið
þessara kjara.
Kaupstefnuþjónusta
L&L hefur tekið að sér umboð hér á landi fyrir margar
erlendar kaupstefnur. Skrifstofan skipuleggur ferðir fyrir
kaupsýslumenn til þessara staða og útvegar gistingar, að-
göngumiða og sér um aðra fyrirgreiðslu í þessu sam-
bandi. Kaupstefnuskrá er nýkomin út og iiggur frammi
á skrifstofunni.
Baðstrandar-
mynd frá
hinni frægu
Costa Brava-
strönd
á Spáni.
Vikulegar Spánarferðir
Á næsta sumri mun L&L hafa vikulegar Spánarferðir
frá 8. júlí fram í byrjun september. Verð þessara ferða
er mjög hóflegt og kosta þær frá krónum 12.900,00. —
Getur fólk valið um tvö hótel, í mismunandi verðflokk-
um, og einnig valið um tveggja og þriggja vikna ferðir.
Dvalið verður í Sitges, sem er ein af vinsælustu bað-
ströndum Spánar. Eru aðeins 25 kílómetrar til Barcelona,
einnar af helztu borgum Spánar, þar sem menn geta
meðal annars horft á vinsælustu íþróttir á Spáni, nautaat
og knattspyrnu.
Á Sitges er mjög fjölbreytt skemmtanalíf og hægt að
stunda alls kyns íþróttir, fá leigða báta, fara á sjóskíði
o. s. frv. Sumir skemmtistaðir eru opnir alla nóttina
og einnig matstaðir. Meðal skemmtilegra ferða, sem
hægt er að fara frá Sitges, eru til Tarragona, gamallar
rómverskrar borgar, og til klaustursins í Montserrat.
En framar öllu öðru býður Sitges upp á yndislegt veður
og nærri 5 kílómetra langa sandströnd, eina þá beztu
á Spáni.
Leiguflug
Til þess að geta boðið ódýrari
ferðir yfir hásumartímann
hefur L&L um árabil rekið
leiguflug milli Ianda. Þannig
verða nk. sumar vikulegar
flugferðir til Gautaborgar
með DC6b flugvélum frá 8.
júlí að telja. Það er m.a. þess
vegna, sem skrifstofa okkar
hefur undanfarin ár getað
boðið ódýrustu hópferðirnar,
sem völ hefur verið á.
Alster-
vatnið
í Hamborg.
Auglýstar hópferðir
Skrifstofan efnir árlega til fjölda hópferða til margra og
ólíkra landa. Þannig hafa hundruð farþega notið sumar-
leyfisins á okkar vegum. Áætlun okkar fyrir nk. sumar
er nú í undirbúningi og hafa um 30 ferðir verið ákveðnar.
Er þar um meira úrval ferða að ræða en nokkru sinni
fyrr og þrátt fyrir verðha:kkanir á öllum sviðum er verð
þessara ferða ekki hærra en verið hefur.
Páskafer?
Ein fyrsta ferðin á árinu er hin árlega PÁSKAFERÐ —
og varð í þetta slnn Ítalía fyrir valinu. Lagt er upp þann
1. apríl og liggur leiðin um Kaupmannaliöfn — Róm —
Napolí — Capri og London.
. Félagssamtök
Margskonar félög og starfsmannahópar leita árlega til
skrifstofu okkar og láta skipuleggja lengri og skcmmri
ferðir. Þar sem sumarleyfi margra vinnustaða ber upp á
sama tíma getur skrifstofan oft sameinað fluttning fleiri
en eins hóps og því boðið sérstaklega hagstæð kjör.
Innanlandsferðir
L&L gefur út stærstu áætlun um ferðir innan íslands,
sem völ er á. Þar sem áætlunin er að mestu miðuð við
ferðir erlendra ferðamanna er ekki ástæða til að geta
hennar hér nánar.
■
Obyggðaferðir
Sem kunnugt er hefur hinn kunni fjallabílstjóri, Guð-
mundur Jónasson um langt árabil staðið fyrir ferðum
inn á óbyggðir íslands. Mörg hundruð farþegar hafa
notið þessara vinsælu ferða, bæði innlendir og erlendir.
L&L hefur síðastliðin ár annast sölu þessara ferða og
áætlunin fyrir nk. sumar er nú nýkomin út.
Eins og sjá má af fram-
angreindu, þá býður
skrifstofa okkar alhliða
ferðaþjónustu. — Hvort
sem þér hafið í huga að
ferðast sjálfur eða vinir
yðar — erlendir eða
innlendir — þá er það
okkar verkefni að leysa
vandann.
LÖND& LEIÐIR H.F. Sími 20800
■