Morgunblaðið - 25.05.1977, Blaðsíða 19

MORGUNBLAÐIÐ, MIÐVIKUDAGUR 25. MAÍ 1977
19
Landsfundur Sjálfstæðisflokksins 1977
SJÓNARMIÐ
SJÁLFSTÆÐISMANNA
Kjördæmaskipan
og kosningatilhögun
Landsfundur Sjálfstæðisflokksins gerir eftir-
farandi ályktun um kjördæmaskipan og kosninga-
tilhögun:
1. Kosningaréttur borgaranna verði jafnaður og
dregið úr því misvægi, sem nú er um gildi atkvæða
eftir því, hvar á landinu kjósandinn er búsettur.
2. Kjör þingmanna verði persónubundið, þannig
að kjósendur hafi meiri áhrif á val þingmanna með
atkvæði sínu en nú er.
3. Kannað verði, hvort unnt sé að breyta kjör-
dæmaskipan og kosningatilhögun fyrir næstu
kosningar til þess að ná ofangreindum mark-
miðum.
4. Þingmönnum Sjálfstæðisflokksins er falið að
halda fundi í kjördæmum sinum á þessu sumri og
ræða hugmyndir manna um breytingar á kjör-
dæmaskipan og kosningatilhögun. Niðurstöður
fundanna verði lagðar fyrir miðstjórn flokksins.
5. Miðstjórn er falið að leggja tillögur um fyrir-
komulag þessara breytinga fyrir þingflokk Sjálf-
stæðisflokksins.
Utanrfkismál
Sjálfstæðisflokkurinn itrekar stefnu sína í utan-
rikisrnálum, sem reynzt hefur islenzku þjóðinni
mjög farsæl. Stefnan hefur í raun tryggt sjálf-
stæðið og þjóðinni full yfirráð yfir auðlindum
sinum. Hún hefur ekki breyst í grundvallar-
atriðum, en hins vegar verið mótuð á svo viðsýnan
hátt, að hún hefur lagað sig að breyttum aðstæðum.
Síðasta og skýrt dæmi um þetta er, forysta Sajlf-
stæðisflokksins við útfærslu fiskveiðilögsögunnar í
200 mílur.
Viðfangsefnin í utanríkismálum eru síbreytileg.
íslenzka ríkið býr ekki yfir þeim áhrifamætti á
alþjóðavettvangi, að það geti með utanrikisstefnu
sinni ráðið þróun alþjóðamála. Utanríkisstefna Is-
lands verður því að taka mið af ytri aðstæðum og
laga sig eftir breyttum viðhorfum, þótt aldrei sé
horfið frá því meginmarkmiði að gæta islenzkra
hagsmuna í hvivetna. Kappkosta skal að hafa sem
nánast samstarf við þau ríki, sem likastar okkur
eru að stjórnskipun og næst okkur liggja.
í utanrikismálum leggur Sjálfstæðisflokkurinn
áherzlu á eftirfarandi meginþætti:
— Þátt töku i starfi Sameinuðu þjóðanna.
— Þátttöku íslands í samstarfi Norðurlandanna.
— Þátttöku íslands í Atlantshafsbandalaginu.
— Varnarsamstarf íslands og Bandaríkjanna og
viðleitnina til að tryggja frið og öryggi á Norður-
Atlantshafi.
— Samstöðu íslands með öðrum Evrópuríkjum
eins og hún hefur mótazt með þátttökunni i
Evrópuráðinu, aðildinni að EFTA og viðskipta-
samningum við Efnahagsbandalag Evrópu.
— Ráðstafanir til eftirlits með því, að erlendir
aðilar stofni ekki öryggi ríkisins í hættu með
athöfnum hér á landi t.d. undir visindalegu yfir-
skyni eða i skjóli stjórnmálasambands.
— Viðleitnina til að bæta sambúð austurs og
vesturs með raunhæfum aðgerðum, sem miða að
því að draga úr vígbúnaði og spennu.
— Alþjóðlega baráttu fyrir því, að allar þjóðir fái
búið við mannréttindi og lýðræðislega stjórnar-
hætti, um leið og lýst er yfir fordæmingu á
stjórnarháttum, er brjóta í bága við þessi grund-
vallarréttindi.
— Verndun auðlinda og umhverfis með alþjóð-
legri samstöðu.
— Nauðsyn þess, að þau ríki, sem betur mega sín,
leggi hinum lið, sem skemmra eru á veg komin.
Aðstoð íslands við þróunarlöndin verði aukin.
— Fiskkaup-
endur...
Framhald af bls. 13
Ég held við ættum að fara að
dæmi Norðmanna, sem mér er
sagt að hafi bannað flotvörpuna
algjörlega.“
— En hvað með „kraftaverka-
netin“?
„Jú. þau eru almennt komin i
báta hér.“
— Hvernig fara þau með fisk-
inn?
„Ég held nú að lítil breyting sé
á því. En þetta er auðvitað harð-
ara en-nælonið. Þetta er meira
yfir í harðplast og girni, er harð-
ara af sér og getur þess vegna ef
til vill farið verr með fiskinn, án
þess ég vilji þó fullyrða nokkuð
um það. Og nú eru komin ein-
girnisnet, sem reynast jafnvel
enn fisknari."
— Hvers vegna?
„Þetta er að vissu leyti gegn-
sætt og hlýtur þvi að sjást miklu
verr i sjónum en gömlu nælonnet-
in gerðu."
— En hvað finnst þér um
kvótafvrirkomulag á þorskinn?
„Nú mér fyndist svo sem allt í
lagi að fá á mig til dæmis 400
tonna kvóta, ef fyrir þau fengist
sanngjarnt verð.“
— Hvað finnst þér sanngjarnt
verð?
„Það yrði að vera töluvert
hærra heldur en það sem nú er
greitt. Annars veit ég, að flestir
fiskkaupendur greiða fiskinn
hærra verði en verðlagsráð segir
til um. Það er kannski staðið við
verðlagsráðsprísana, en síðan
koma alls konar aukasporslur og
hlunnindi til viðbþtar.
Þetta sýnir að það er þrátt fyrir
allt hægt að borga okkur fiskinn
betur en ráðamenn segja til um
og ekki þurfum við sjómenn ann-
að en að líta úr fyrir landstein-
ana. Ég sá nótu frá Esbjerg um
daginn fyrir spærlingi og þar er
verðið yfir 15 krónur meðan hér
eru settar á hann átta krónur.“
— Þú vilt láta banna flotvörp-
una og segist geta sætt þig við
kvóta á þorskinn. En hvað með
beinar friðunaraðgerðir?
„Ég tel þær nauðsynlegar og
sjálfsagðar. En hitt er svo annað
mál, að það þarf að jafna friðun-
ina betur en nú er gert. Nú er
Selvogsbankinn til dæmis lokaður
fyrir okkur, en næsta friðunar-
svæði er svo ekki fyrr en út af
Austurlandi. Þarna er of mikið í
einu og svo ekkert á of stóru
svæði.
Við verðum að hafa I huga að
lokun á einum stað beinir aukinni
sókn á annan og við höfum orðið
að leita á djúpkantana fyrir aust-
an Eyjar. Ég er hræddur um að
þeir hafi fengið að kenna á
vetrarvertiðinni núna.
En við megum auðvitað ekki
einblina á þorskinn. Það er fleira
í sjónum en hann, eins og ég hef
reyndar minnzt á. En svona í lok-
in langar mig að nefna lýsuna
sem fisktegund, sem við gætum
litið betur á.“
— Sinfóníutón-
leikar
Framhald af bls. 7
kvæðinu. Varðandi flutning
hljómsveitarinnar sem var víða
þokkalegur, mætti spyrja,
hvern skamma skuli fyrir „in-
tónasjónina" í kaflanum, sem
ber yfirskriftina Interlude,
hljómsveitarstjórann eða hljóð-
færaleikarana? Tónleikunum
lauk með „La Valse“ eftir
Maurice Ravel. Verkið er glæsi-
lega samið, en fyrir smekk
undirritaðs tilbúið, tilgerðar-
legt og jafnvel óekta, enda var
þýzk rómantík nokkuð sem
frönsk tónskáld á þessum tíma
reyndu að hamla gegn með
ýmsum ráðum.
Jón Ásgeirsson
— Brotthvarf
Kýpurskips
Framhald af bls. 14
og öðrum notendum Akraborgar frem-
ur en mér. Mun ég láta þessar athuga-
semdir nægja en vísa þessu máli öllu
að öðru leyti til embættis bæjarfógeta
á Akranesi til rannsóknar og réttlátrar
meðferðar
Akranesi, 20. maí
Björn H. Björnsson
yfirhafnsögumaður.
— Skipulagið
samþykkt
Framhald af bls. 32
þykkt samhljóða. Næstu daga
verða haldnir formannafundir
félaga á hinum svæðunum
fjórum, þar sem þessi eins dags
verkföll verða til umræðu á sama
hátt og á fundinum í gær.
Björn Jónsson var að því
spurður í gær, hvers vegna sami
verkfallsdagur hefði verið ákveð-
inn fyrir Suðurland og Reykja-
nes, Vestfirði og Austurland.
Björn kvað þá ákvörðun einungis
hafa verið tekna, þar sem menn
vildu ljúka þessum verkföllum af
á einni vinnuviku, frá föstudegi
til fimmtudags.
Samningafundir i kjara-
deilunni á Loftleiðahótelinu voru
boðaðar í gærkveldi klukkan
20.30, en vegna yfirvinnubanns
verður ekki unnt að skýra frá
gangi mála í kjaradeilunni fyrr
en á morgun.
— Podgorny
hættir...
Framhald af bls. 1
þannig, að aldur Podgornys
væri ástæðan fyrir því, að hann
er settur úr stjórnmálaráðinu.
Podgorny er eldri en félagar
hans í Kreml, Leonid Brezhnev
flokksleiðtogi er 70 ára og
Alexei Kosygin, forsætisráð-
herra, er 73 ára. Forsetinn hef-
ur gegnt fullum störfum frá því
að hann kom frá Afríku og hef-
ur verið fulltrúi Kreml í við-
ræðum við erlenda gesti, þar á
meðal leiðtoga Kúbu, Fidel
Castro.
Podgorny, sem fæddur er í
Ukrainu, komst til æðstu valda
ásamt Brezhnev og Kosygin eft-
ir fall Kruchevs 1964. Honum
tókst með hæfni og dugnaði að
breyta forsetaembættinu úr
heiðursembætti í eitt af mestu
valdaembættunum í Kreml.
Hann hefur ferðazt mikið jafnt
austan tjalds sem vestan og ný-
leg ferð hans til Afríku er í
augum vestrænna fréttamanna
merki um áhuga Moskvu á
þeim heimshluta.
Allsherjarfundur miðstjórn-
arinnar, sem venjulega er hald-
inn tvisvar á ári, létti einnig
ritarastörfum af Konstantin
Katushev i stjórnmálaráðinu.
Katushev, sem hefur farið með
mál varðandi sambandið við
önnur Austur-Evrópuríki, var
nýlega skipaður fulltrúi Sovét-
rikjanna hjá Comecon. Frétta-
skýrendur sögðu þá, að óhjá-
kvæmilegt yrði að hann léti þá
af öðrum ábyrgðarstörfum.
— Minning
Guðrún
Jónsdóttir
Framhald af bls. 22
þess ríkulega og verður það seint
fullþakkað.
Missir eiginmannsins, Guð-
mundar, er mikill og vona ég að
æðri mágtarvöld styðji hann og
styrki I raunum sinum, en Guð-
rúnu vill ég biðja allrar blessunar
í nýjum heimkynnum. Blessuð sé
minning hennar.
Helgi Ólafsson.
— Minning
Guðrún
Gunnarsdóttir
Framhald af bls. 22
á ég ekki betri ósk til þeirra á
þessari kveðjustund, en að afkom-
endur þeirra erfi þá eðliskosti
ömmú sinnar, sem gerðu hana
ólgeymanlega vinum sinum og
samferðafólki.
Ef að líf er að loknu þessu verð-
ur það hún Guðrún Gunnars, sem
ég hlakka hvað mest til að hitta,
af vandalausu fólki, friska og
glaða, i varpanum handan móð-
unnar miklu.
Ester Kláusdóttir.
mælír alh me6
norsku
AC
KLÆDNINGUNNI
W
,4' :-fes
V>3J

A/Klæðning er fáanleg í mörgum fallegum litum sem eru innbrenndir
og þarf því aldrei að mála.
A/Klæðning er úr áli sem má beygja án þess það brotni og ef það verður
fyrir miklu höggi tognar á því en það rifnar ekki.
Annars er álið í A/Klæðningu svo þykkt að það þolir töluvert högg án þess
að á því sjáist. Fáanlegir eru ýmsir fylgihlutir með A/Klæðningu sem
hefur þurft að sérsmíða fyrir aðrar klæðningar.
A/Klæðning er seltuvarin og hrindir frá sér
óhreinindum.
A/Klæðning er auðveld í uppsetningu og
hefur reynst vel í íslenskri veðráttu.
Afgreiðslufrestur er alveg ótrúlega stuttur.
Leitið upplýsinga og kynnist möguleikum
A/Klæðningar.
Sendið teikningar og við munum reikna
út efnisþörf og gera
verðtilboð yður að kostnaðarlausu.
ÆGISGÖTU 7, REYKJAVÍK - SÍMI 22000 - PÓSTHÓLF 1012.
TELEX 2025 - SÖLUSTJÓRI: HEIMASfMI 71400.