Morgunblaðið - 13.08.1977, Blaðsíða 11

MORGUNBLAÐIÐ, LAUGARDAGUR 13. AGUST 1977
11
Sýning Hreins Friðfinnssonar
Gallerí Sudurgata 7
Brezka sýningin: Leidrétting
Um þessar mundir sýnir
Hreinn Friðfinnsson nokkur
verk sín á hinum nýstofnaða
sýningarsal er, hlotið hefur
nafnið Gallerí Suðurgata 7. —
Hreinn er einn þremenning-
anna íslenzku í Amsterdam er
þar hafa dvalið um árabil og
unnið sér nafn, svo sem kunn-
ugt er af fréttum, og voru þeir
ásamt Þórði Ben. Sveinssyni í
Dusseidorf m.a. valdir af
Pontus Hultén, framkvæmda-
stjóra Pompideu-
menningarmiðstöðvarinnar í
París, til að sýna þar þegar sú
stofnun var opnuð með mikilli
viðhöfn fyrr á árinu. Það ætti
þvi að teljast nokkuð viðburður
í listlífi okkar er Hreinn treður
upp með sýningu. Ég skrifa
„treður upp“ því að sá angi
nútímalistar sem Hreinn og
félagar aðhyllast getur talizt
samruni margra eðlisþátta lista
og er ósjaldan meira leikur og
sviðsmyndir úr tilverunni í
kringum okkur en að það eigi
skylt við hugtakið málverk.
Ég tel rétt að geta þessarar
sýningar að nokkru, — vekja á
henni athygli þótt ég sé hættur
að geta hinna minni sýninga að
sumarlagi. Gagnrýnendur
verða að eiga sitt sumarfrí eins
og aðrir, og svo sem ég hef áður
sagt mun ég einungis rita um
hinar viða- og umfangsmeiri
listsýningar yfir sumarmánuð-
ina i framtíðinni og þó bundið
því, að ég sé staddur i sjónmáli
þeirra atburða.
Þessi sýning Hreins er hvorki
stór né umbrotamikil og mun
viðaminni en t.d. sýning hans í
Gallerí StJM fyrir þrem árum
er allmikla athygli vakti meðal
listfróðra og undirritaður fjall-
aði um hér i blaðinu. Um ieið
grípur þessi sýning ekki áhorf-
andann á sama hátt og hin fyrri
að því leyti að hún veldur
minni heilabrotum hjá skoð-
endum og nýtur sin ekki jafn-
vel og sýningin i SUM.
Sennilega er það hárrétt, sem
listamaðurinn hefur látið hafa
eftir sér, ,,að húsið sjálft hefur
kannski of sterkan karakter".
Mér finnst húsnæðið allt minna
á Konsept- listaverk i sjálfu sér
og sem slikt ekki einungis
undirstrika heldur og einnig
keppa við samskonar sýningar
einstaklinga. A.m.k. finnst mér
sýning Hreins ekki mikil né úr-
skerandi viðbót við sjálft hús-
næðið. Ég hefði óskað eftir
stærri og áhrifameiri sýningu
af hálfu Hreins Friðfinnssonar
og ég álít einnig að hún gefi
ekki rétta mynd af hæfileikum
þessa listamanns. Það er þó
fengur að því að fá slikt hingað
í hjara veraldar og ósköp væri
ánægjulegt að fá yfirlitsgóða
sýningu fjórmenninganna, er
sýndu i París, hingað til lands-
ins i náinni framtið.
Gallerí Suðurgata 7 hefur nú
starfað í nokkra mánuði og
standa að því ungir áhugasamir
einstaklingar, sem annað hvort
eru nýkomnir úr listaskóla eða
eru enn við nám. Allt er gott að
segja um hugmyndina sem býr
að baki, en hún mun vera „að
gefa almenningi kost á að fylgj-
ast með því sem er að gerast í
sem næst núinu, en ekki
geymsla rykfallinna hug-
mynda“. Hér er sá hængurinn á
að enginn einstakur, engin
stofnun né land hefur „patent"
á þvi hvað telst nútímalist
hverju sinni og gildar hug-
myndir í myndlist rykfalla ald-
rei, sem sést af því að mynd-
listamenn eru stöðugt að leita
aftur í aldir að fersku mynd-
efni ekki siður en í nútímann.
Það gustar að visu nokkuð af
orðhákum er skipa sig sjálfa í
öndvegi sem vaxtarbrodda
íslenzkrar myndlistar í dag og
hefur maður alla samúð með
slíku sjálfstrausti og vonar að
þeir hafi eitthvað tii síns máls
— um það sker framtíðin úr. 1
sjálfu sér eru allir ungir lista-
menn þeir vaxtarbroddar er
hinir eldri félagar þeirra vænta
að séu opnir fyrir nýjum og
ferskum hugmyndum og fylgi
þeim einarðlega eftir. Ungir
menn vilja líka ósjaldan falla í
gryfju rétttrúnaðar i listum
ekki siður en i pólitik og um
slíka gildir nákvæmlega hið
sama og aðra rétttrúnaðarsöfn-
uði að þeir loka dyrunum að sér
og gera hróp að þeim er ekki
eru sömu skoðunar sem séu
þeir, „óhréinir", — og þá jafn-
framt dæmdir til útskrúfunar
og glötunar að eilífu...
Sá framsláttur hinna ungu
manna „að Listasafn Islands
sniðgangi nútimalist" er ekki
alkostar réttur en það er hins-
vegar rétt það það sniðgengur
þá anga nútimalistar er þeir
sjálfir eru bergnumdir af þessa
stundina. Annars má ýmislegt
gagnrýna varðandi starfsemi
Listasafnsins og rétt er það að
safnráð fylgist ekki nægilega
vel með öllu sem er að gerast í
listalifi borgarinnar. Kemur
ekki á allar sýningar — og það
sem verra er þá virðist það hafa
á stundum ákveðið fyrirfram
og að sýningunum ósköðuðum
hvort kaupa eigi verk eða ekki.
Slik vinnubrögð eru mjög
ámælisverð að ekki sé fastara
að orði kveðið. En vel á minnzt
þá hefur Ríkislistasafn öðrum
og um margt ólíkum skyldum
að gegna en t.d. Borgarlistasafn
Nlyndllst
eftir BRAGA
ÁSGEIRSSON
og að ekki sé minnzt á Nútíma-
listasafn.
Astæða er til að óska aðstand-
endum sýningarsalarins Gallerí
Suðurgata 7 velgengni og saln-
um langlifis og að þeir verði
áfram ómyrkir i máli i blaðavið-
tölum. Ég vil sérstaklega fagna
því að þeir hyggja á útgáfu
tímarits og vil í þvi sambandi
minna á að ekki hafa öll slík
timarit „farið á hausinn“. Per-
sónulegar ástæður munu t.d.
hafa valdið því að Birtingur
hætti að koma út og ljóst mun
vera að slikt tímarit á að geta
borið sig fjárhagslega hérlendis
hafi það yfir sér nokkra breidd
og túlki ekki einstrengingsleg-
ar, niðþröngar skoðanir i listum
og pólitík ...
Mig langar að lokum að koma
með leiðréttingu varðandi skrif
mín um brezku sýninguna að
Kjarvalsstöðum. Aóalsteinn
Ingólfsson, einn af aðstandend-
um sýningarinnar, hefur vikið
þvi að mér að það hafi ekki
verið rétt „að Serpentine
gallerí“ taki 40% þóknun af
seldum verkum. Galleríið, sem
er á vegum Menntamálaráðu-
neytisins brezka, tekur enga
söluþóknun né umboðslaun.
Mér þykir mjög leitt að hafa
farið með villandi heimildir en
þetta sögðu mér menn er ég
áleit ekki ástæðu íil að
véfengja. En fróðlegt þætti mér
að vita hver eða hverjir koma
slíkum sögusögnum af stað því
að hér er um ljótan og löður-
mannlegan leik að ræða. Annað
mál er að myndverkin á sýning-
unni voru merkilega lágt verð-
lögð og þetta þótti því trúleg
skýring...
Myndlistarþankar
Höfum opnað stóran
að Grensásvegi 11
Opið 9—19 alla virka daga,
nema laugardaga 12—19.
Fjórir vanir sölumenn.
Grensásvegur
Skeifan