Morgunblaðið - 30.06.1979, Page 16

16
MORGUNBLAÐIÐ, LAUGARDAGUR 30. JÚNÍ1979
HLAÐVARPINN
VINARFUNDUR
íslenzkir organistar
við messu með Carter
FÖNGULEGUR hópur organista og fylgdarliðs þeirra,
alls 51, voru á dögunum í Evropuferð og var víða komið
við. Meðal annars sótti hópurinn messu í Hofburg-kapellu
í Vín og var það biskupsembættið hér á landi, sem bauð
hópnum íþessa messu, en aðgöngumiða þurfti að panta og
borga með nokkrum fyrirvara því selt var inn í kirkjuna.
Það kom íslendingunum veru-
lega á óvart er sjálfur Carter
Bandaríkjaforseti birtist skyndi-
lega í kirkjunni í upphafi messu
og með honum mikið fylgdarlið,
öryggisverðir, embættismenn og
fleiri. Þurfti að færa íslendingana
til í kirkjunni vegna komu forset-
ans, en í sameiningu hlýddu hóp-
arnir á messugjörð.
Að henni lokinni söng Vínar-
drengjakórinn á tröppum kirkj-
unnar. Carter Bandaríkjaforseti
þakkaði stjórnanda kórsins fyrir
með handabandi að kórsöngnum
loknum og heilsaði síðan fleiri
viðstöddum. Þrír íslenzku organ-
istanna heilsuðu forsetanum og
höfðu á orði að hann hefði gott
handtak.
Meðal annars fór hópurinn til
Salzburg og skoðaði þar hús Grub-
ers þar sem hann kenndi og
starfaði í 20 ár. Fannst organist-
um mikið koma til að heimsækja
hús hans, en þar er nú safn. í
þessu húsi samdi Gruber „Heims
um ból“ á sínum tíma.
Alla!
Einn gamall og góður að
austan. Ilvað skyldu Múham-
eðstrúarmenn eiga sameigin-
legt með Eskfirðingum? Jú,
báðir hóparnir trúa á Alla!
NÚER ÖLDIN ÖNNUR
Níðstöngin gleymd á
tyllidegi járnblendis
HVALFJÖRÐUR og Grundar-
tangi skörtuðu sínu fegursta á
þriðjudag er Járnblendiverk-
smiðjan að Grundartanga var
formlega tekin í notkun. Haidn-
ar voru ræður svo sem vera ber
á tyllidögum og gjafir gefnar,
fyrirmenn voru mættir í sínu
fínasta pússi og flaggað var í
tilefni dagsins. Ekki langt frá
flaggstöngunum trónaði níð-
stöng ein og fylgdist með er
Hjörleifur Guttormsson iðnað-
arráðherra hélt sómaræðu sína.
í Þjóðviljanum þann 2. júní
1977 segir frá því að þá nokkrum
dögum áður hafi nokkrir menn
tekið sig til og reist járnblendi-
verksmiðjunni á Grundartanga
níðstöng. „Stöngin var reist rétt
við hlið athafnasvæðisins og er
rist á hana vísa með rúnaletri,
að sögn heimildarmanna blaðs-
ins, með jafn mörgum rúnum og
Egill Skallagrímsson forðum
risti á sína níðstöng gegn Eiríki
blóðöx og Gunnhildi, en sú mót-
mælaaðgerð bar tilætlaðan
árangur sem kunnugt er.“
Vísan er svohljóðandi sam-
kvæmt Þjóðviljanum:
„Veki víg og sakir
vættrögn frónskrar ættar.
Burt flæmi goða gremi
grand og svik úr landi.
Greiðist glöp og nauðir
Gunnars lygamunni.
Verðir vorra jarða
valdrán heiftum gjaldi."
Áfram segir í Þjóðviljanum:,,
Á stöngina var festur haus af
hlýra, fiski í ætt við steinbít og
glennir hann sig ógurlega í
áttina að athafnasvæðinu. Til
frekara öryggis var rammur
galdrastafur ristur í svörðinn
kringum stöngina, svo og á
stöngina sjálfa. Það fer ekki
leynt að þarna hafa verið að
verki rammir andstæðingar
Gunnars Thoroddsen í járn-
blendimálinu ...“
Svo vikið sé til ársins 1979,
Morgunblaðsins síðasta mið-
vikudag, og gripið niður í ræðu
Hjörleifs Guttormssonar þar
sem segir: „Að lokum ræddi
Hjörleifur Guttormsson um
samstarf íslendinga og Norð-
manna á þessu sviði, sem hann
taldi mjög gott og sagði hann
bíða fjölþætt verkefni á sviði
nýtingar innlendrar orku, sem
við hlytum að leggja metnað í að
leysa sjálfir í eðlilegri samvinnu
yið viðskiptaaðila og granna
varðandi tækniþróun og mark-
aðsmál."
Haft er fyrir satt að það hafi
verið flokksbræður ræðumanns-
ins Hjörleifs, sem á sínum tíma
reistu níðstöngina og þarf ekki
að hafa fleiri orð hér um.
Séð í átt til verksmiðjunnar að Grundartanga, níðstöngin í íorgrunni, vísan, sem rist er á niðstöngina
að fornum hætti við hlið hennar. (Ljósm. ói. K. Mag.).
Lögregluþjónarnir Eyjólfur Jónsson og Berglind dóttir hans í
garðinum við heimili þeirra við Rauðagerði. Ljósm. mm. Kristján.
Á Reykjavíkurflugvelli 1958. Eyjólfur heldur á Berglindi dóttur sinni,
en með þeim á myndinni eru Benedikt Waage þáverandi forseti ÍSÍ og
Erlingur Páisson yfirlögregluþjónn og þá formaður Sundsambands
íslands. Þeir Bcnedikt og Erlingur voru miklir vinir Eyjólfs og eru
þarna að kveðja hann, en Eyjólfur var á leið til Bretlands til að gera
atlögu við Ermarsundið.
Um hvað skyldi vera
talað á þeim bænum?
MARGIR feður eiga sér þann
draum æðstan að sjá syni sína
taka við starfi sínu þegar líður á.
Ekki vitum við hvort Eyjólfur
Jónsson, lögregluþjónn og sund-
kappi með meiru, hefur alið slíkar
tilfinningar með sér varðandi
Berglindi dóttur sína, en víst er að
þau starfa nú bæði í lögreglunni í
Reykjavík. Berglind á c-vaktinni,
en Eyjólfur á þeirri frægu b-vakt.
Við veltum því fyrir okkur um
hvað sé talað á því heimilinu.
Tuttugu ár eru nú liðin síðan
Eyjólfur hóf störf hjá lögreglunni
í Reykjavík, en Berglind byrjaði
hins vegar í lögregluskólanum í
október á síðasta ári og hóf störf í
desembermánuði. Það er ekki nóg
með að Eyjólfur fagni því í ár að
tveir tugir ára eru liðnir síðan
hann byrjaði í lögreglunni, hann
fagnar því einnig í ár, að 30 ár eru
nú liðin frá því að hann stofnaði
Knattspyrnufélagið Þrótt ásamt
Halldóri Sigurðssyni og 36 öðrum
vöskum ungmennum, flestum af
Grímsstaðarholtinu að sjálfsögðu.
Púkar á ferð
EKKI vitum við hvort við eigum að kenna prentvillu-, prentmynda-,
eða einhverjum öðrum púka um þau mistök, sem urðu í Morgunblað-
inu síðastliðinn þriðjudag. Fyrir mistök var birt skopmynd í blaðinu
og hún sögð vera gerð af listamanninum Erró. Þetta var leiðrétt í Mbl.
á miðvikudag, en til gamans birtum við báðar myndirnar og fer víst
ekki á milli mála hvor myndin er afkvæmi hins heimsfræga íslenzka
listamanns.