Morgunblaðið - 11.05.1982, Side 16

16 MORGUNBLAÐIÐ, ÞRIÐJUDAGUR 11. MAÍ 1982
Glundroði á framboðs-
fimdi í sjónvarpinu
Hafi einhver efast um gildi hinnar svonefndu glundroðakenningar, áður en þeir settust fyrir framan
sjónvarpið á sunnudaginn og tóku til við að fylgjast með framboðsfundi fyrir borgarstjórnarkosningarnar í
Reykjavík, hljóta þær efasemdir að hafa horfið við að hlusta á málfiutning vinstri manna á fundinum. Meira að
segja virðist vera glundroði innan Alþýðuflokksins um það, hvað flokkurinn ætli að gera að kosningum loknum,
standi hann frammi fyrir þeim vanda, að vinstri menn fái aftur meirihluta. Það var greinilegur blæmunur á
málflutningi Sjafnar Sigurbjörnsdóttur og annarra Alþýðuflokksmanna að þessu leyti og raunar einnig um það
mál, sem vinstri menn deildu harðast um á fundinum: Hvort þeir ætli að lækka skatta, nái þeir aftur meirihluta.
Sjöfn Sigurbjörnsdóttir sagði,
að Alþýðuflokkurinn ætlaði að
lækka fasteignaskattana. Tuttugu
mínútum síðar sagði svo annar
frambjóðandi Alþýðuflokksins,
Guðríður Þorsteinsdóttir, í svari
við spurningu Helga E. Helgason-
ar, fréttamanns, að því miður
gætu Alþýðuflokksmenn ekki lof-
að kjósendum skattalækkunum.
Og jafnvel Sigurjóni Péturssyni,
leiðtoga Alþýðubandalagsmanna,
biöskraði það, sem hann kallaði
lýðskrum framsóknarmanna, þeg-
ar þeir hrópuðu hver eftir annan,
að með því að kjósa Framsóknar-
flokkinn væru menn að lækka
fasteignaskattana um 20%. Sig-
urjón spurði, hvað svona mál-
fiutningur ætti að þýða hjá þeim
mönnum eins og Kristjáni Bene-
diktssyni, efsta manni á lista
Framsóknarflokksins, sem greitt
hefðu atkvæði með öllum skatta-
hækkunum vinstri manna á kjör-
tímabilinu frá 1978. Tók Sigurjón
fram, að einhuga hefðu vinstri
menn hækkað útsvar, aðstöðu-
gjald og fasteignaskatta, bæði á
íbúðar- og atvinnuhúsnæði. Þetta
hefði verið gert til að hrinda í
framkvæmd stefnumálum vinstri
manna og þó sérstaklega Alþýðu-
bandalagsins og frá þessari
skattastefnu yrði ekki horfið,
næðu vinstri menn meirihluta að
nýju. Kristján Benediktsson
rökstuddi sína stefnu með því að
segja, að skatta hefði orðið að
hækka vegna þröngrar fjár-
hagsstöðu Reykjavíkur 1978, þeg-
ar vinstri menn tóku við af
sjálfstæðismönnum, nú hefði
fjárhagurinn batnað og þvi mætti
lækka skatta að nýju. Eins og áð-
ur sagði, taldi Sigurjón Pétursson
þessi rök Kristjáns Benediktsson-
ar röng, og í ræðu sinni benti Al-
bert Guðmundsson, Sjálfstæðis-
fiokki, á það, að rækileg úttekt
hefði farið fram á fjárhagsstöðu
Reykjavíkurborgar eftir kosn-
ingarnar 1978 og ekkert það kom-
ið fram, sem sannaði málflutning
Kristjáns Benediktssonar.
Allur málfiutningur framsókn-
armanna í þessum umræðum ein-
kenndist af endurteknum slagorð-
um um fjögur atriði: Lækkun
fasteignaskatta, afsal á Borgar-
spítala í hendur ríkisins, að Egill
Skúli Ingibergsson verði áfram
borgarstjóri, fái þeir einhverju
ráðið, og teknar verði upp skoð-
anakannanir. Markús Örn Ant-
onsson, Sjálfstæðisflokki, vakti
máls á því, að nú væri búið að
draga Egil Skúla Ingibergsson
með þeim hætti inn í kosninga-
baráttuna, að ekki væri lengur
unnt að tala um hann sem ópóli-
tískan borgarstjóra.
Bragi Jósepsson, Alþýðuflokki,
notaði ræðutíma sinn til að út-
húða Alþýðubandalaginu fyrir
þvermóðsku og þvergirðingshátt í
skólamálum. Hann hóf þó mál sitt
á því, að vinstri stjórnarsam-
starfið í borgarstjórn hefði tekist
vonum framar og hefði Alþýðu-
flokkurinn verið kjölfesta í því
samstarfi á fyrsta kjörtímabili
þess, eins og hann orðaði það. Fór
vel á því, að efsti maður Alþýðu-
flokksins, Sigurður E. Guð-
mundsson, tók til máls næstur á
eftir Braga og var það megininn-
tak í ræðu hans, að glundroða-
Davíð Oddsson,
Sjálfstæðisflokki:
Kjósendur vita, að nái vinstri
menn meirihluta, breytist kjörseð-
illinn í skattseðil.
kenningin væri „ósvífinn blekk-
ingaráróður" — vinstra samstarf-
ið hefði gengið vel og ekki ríkt þar
neinn glundroði. Var Sigurður E.
Guðmundsson harðorðastur
ræðumanna á framboðsfundinum
í garð Sjálfstæðisfiokksins og
mátti ráða það af lýsingu hans á
Davíð Oddssyni og öðrum sjálf-
stæðismönnum, að ekki kæmi Al-
þýðuflokkurinn til með að eiga
neitt samneyti með sjálfstæðis-
mönnum í borgarstjórn.
Sjálfstæðismenn voru afdrátt-
arlausir í yfirlýsingum um
markmið sín, eða eins og Katrín
Fjeldsted orðaði það, þá væri kos-
ið um það, hvort borgarbúar vildu
styrka stjórn undir forystu
sjálfstæðismanna eða vinstri
stjórn. Magnús L. Sveinsson vakti
athygli á þeirri staðreynd, að 1700
manns væru á biðlista eftir leigu-
íbúðum og borgin hefði ekki byggt
eina nýja leiguíbúð á kjörtimabili
vinstri manna. Ingibjörg Rafnar
benti á, að ekki hefðu vinstri
menn staðið við loforð sín í dag-
vistarmálum. Og Páll Gíslason
minnti á þá staðreynd, að ekki ein
ný heilsugæslustöð lægi eftir
fjögurra ára stjórnartíma vinstri
manna. í lokaræðunni fyrir hönd
Sjálfstæðisflokksins komst Davíð
Oddsson svo að orði, að nú reyndu
alþýðubandalagsmenn enn að fá
kjósendur til stuðnings við sig á
þeirri forsendu, að kjörseðillinn
væri vopn í kjarabaráttunni, þessi
áróður væri þó til lítils, því að
kjósendur vissu, að kjörseðillinn
Kristján Benediktsson,
Framsóknarflokki:
Kjósið okkur og við lækkum fast-
eignaskattana.
breyttist í skattseðil að kosning-
um loknum, ef vinstri menn héldu
völdum áfram.
Davíð Oddsson lagði einnig á
það ríka áherslu, að í kosningun-
um 22. maí væri síðasta tækifæri
fyrir Reykvíkinga til að koma í
veg fyrir skipulagsmistökin á
Rauðavatnssvæðinu, þau yrðu
ekki stöðvuð nema með því að
greiða Sjálfstæðisflokknum at-
kvæði. Katrín Fjeldsted benti á,
að 200 til 300 sumarbústaðaeig-
endur ættu landið við Rauðavatn
og við þá hefði ekkert verið rætt
og Markús Örn Antonsson sagði,
að kostnaður við holræsagerð á
Rauðavatnssvæðinu yrði um 50—
60 milljónum króna meiri en ef
farið yrði að hugmyndum sjálf-
stæðismanna um skipulag með
ströndinni í áttina að Korpúlfs-
stöðum og Úlfarsfelli. Bjarni P.
Magnússon, Alþýðuflokki, sagðist
hins vegar ekki hafa séð neitt
ennþá, sem segði vinstri mönnum,
að þeir ættu að hverfa frá Rauða-
vatnssvæðinu, en það ætti að
rannsaka svæðið vel. Og Bjarni
bætti því við, að yrði lífi ein-
hverra borgara stofnað í hættu
með því að setja niður byggð á
sprungusvæðinu við Rauðavatn,
myndi Alþýðuflokkurinn vilja, að
frá skipulagsáformunum yrði
horfið! En það yrði fyrst að koma
í ljós!!
Einkennilegt var að heyra Sig-
urjón Pétursson tala illa um
byggðastefnuna og kenna henni
um, að Reykvíkingar og raunar
allir íbúar suðvesturhorns lands-
ins, þar sem ódýrast er að virkja,
auðveldast og skynsamlegast að
reisa orkufrek stóriðjufyrirtæki
og mest þörf á nýjum atvinnu-
tækifærum, skyldu afskiptir við
mótun orku- og stóriðjustefnu
stjórnvalda. Sigurjón hefði átt að
Sigurjón Pétursson,
Alþýðubandalagi:
Hvað eru framsóknarmenn að tala
um skattalækkun? Þeir hafa stað-
ið að öllum hækkunum okkar
hingað til og án þeirra hrindum við
stefnunni ekki í framkvæmd.
beina orðum sínum til flokksbróð-
ur síns, Hjörleifs Guttormssonar,
iðnaðarráðherra. Sigurjón Pét-
ursson skellti skuldinni einnig á
byggðastefnuna, þegar hann
reyndi að útskýra það, að ekki
hefði verið reist heilsugæslustöð í
Reykjavík undanfarin fjögur ár.
Einnig að þessu leyti hefði hann
getað beint orðum sínum til
flokksbróður síns og formanns,
Svavars Gestssonar, heilbrigð-
ismálaráðherra. Sigurjón, forseti
borgarstjórnar Reykjavíkur, lét
sér þó nægja að segja að byggða-
stefnan hefði „tröllriðið þjóðinni".
Af 27 frambjóðendum, sem
komu fram í sjónvarpinu, voru 14
konur. Áhrifa kvennaframboðsins
gætti greinilega að þessu leyti.
Hins vegar stendur lítið eftir af
því, sem frambjóðendur kvenna-
listans höfðu til málanna að
leggja. Þær gagnrýndu stjórn-
málaflokkana almennum orðum
og töldu þá hafa alltof ríka til-
hneigingu til að gera þau mál
flokkspólitísk, sem ekki væru
pólitísk. Síðasti ræðumaður
þeirra, Magdalena Schram, taldi
það furðulegt að draga jarðfræði
inn í pólitískar deilur og átti þar
við ólík sjónarmið í skipulagsmál-
um — hins vegar væri kvenna-
framboðið pólitísk aðgerð, sem
ætti fullan rétt á sér til að tryggja
frelsi kvenna. Gerði hún sér far
um það í ræðu sinni að gagnrýna
Sjálfstæðisflokkinn — hins vegar
sagði alþýðuflokksmaðurinn
Bjarni P. M^gnússon það per-
sónulega skoðun sína, þegar hann
hafði lýst því yfir, að Alþýðu-
flokkurinn væri alls ekki óánægð-
ur með vinstra samstarfið, að
kratar ættu fyrst eftir kosningar
að snúa sér til kvennalistans um
samstarf í borgarstjórn, ef hann
kæmi að manni.
Heildarmyndin af sjónvarps-
umræðunum var sú, að vinstri
menn ætla að starfa saman
áfram, fái þeir til þess fylgi. Hins
vegar greinir þá á um meiriháttar
mál og þá sérstaklega skattamál-
in, yfirboð framsóknarmanna í
þeim efnum gerði þá að nokkru
leyti marklausa á þessum sameig-
inlega framboðsfundi — skattar
verða ekki lækkaðir af endurnýj-
uðum vinstri meirihluta. Tveir
frambjóðendur Alþýðubandalags-
ins, Adda Bára Sigfúsdóttir og
Sigurður E. Guðmundsson,
Alþýðuflokki:
Það er „ósvífinn blekkingaráróð-
ur“, að glundroði ríki meðal
vinstri manna — samstarfið hefur
gengið vel.
Álfheiður Ingadóttir, voru svart-
sýnastir um það, hvað myndi ger-
ast í Reykjavík, ef Alþýðubanda-
lagið og fylgifiskar þess misstu
meirihlutann. Adda Bára sagði
nauðsynlegt að bægja „svartnætti
kreppu og kvíða" frá borgarbúum
og Álfheiður sagði, að „kreppa og
atvinnuleysi" tæki við, ef komm-
únistar töpuðu fylgi. Þegar þann-
ig er talað, eru kommúnistar ekki
að hræða fólk með því að vísa til
ástandsins í Póllandi eða á Kúbu,
heldur eiga þeir við Bretland. Nú
vill svo til, að fyrir fáeinum dög-
um fóru fram bæjar- og sveitar-
stjórnakosningar í Bretlandi. Úr-
slit í þeim urðu á þann veg, að
flokkur Margaret Thatchers vann
mikinn sigur og fékk meira fylgi
en nokkur breskur stjórnmála-
flokkur í ríkisstjórn hefur fengið
við slíkar aðstæður frá stríðslok-
um.
Bj.Bj.
Megrunarnámskeið
Vegna mjög mikillar eftirspurnnr hefst nýtt megrunarnám-
skeiö 29. apríl (banáarískt megrunarnámskeið sem hefur
notið mikilla vinsælda og gefiö mjög góðan árangur). Nám-
skeiðið veitir alhliða fræöslu um hollar lífsvenjur og vel sam-
sett mataræði, sem getur samrýmst vel skipulögðu, venju-
legu heimilismataræöi.
Námskeiðiö er fyrir þá:
• sem vilja grennast
• sem vilja koma í veg fyrir aö vandamáliö endurtaki sig
• sem vilja foröast offitu og það sem henni fylgir.
Upplýsingar og innritun í síma 74204.
Kristrún Jóhannsdóttir,
manneldísfræðingur.