Morgunblaðið - 23.09.1983, Blaðsíða 2

2
MORGUNBLAÐIÐ, FÖSTUDAGUR 23. SEPTEMBER 1983
Skýrsla Coopers
& Lybrand:
ÍSAL
gefist ráð-
rúm til at-
hugunar
„Endurskoðunarskýrslan er nú til
umsagnar hjá ÍSAL og ég get ekki
tjáð mig um innihald hennar, fyrr en
fyrirt*kinu hefur gefist ráðrúm til
að athuga hana,“ sagði Sverrir Her-
mannsson iðnaðarráðherra, er Mbl.
spurði hann um niðurstöður endur-
skoðunarskýrslu brezka fyrirtækis-
ins ('oopers & Lybrand, en iðnaðar-
ráðherra barst skýrslan um miðjan
mánuðinn.
Sverrir sagði, að brezka endur-
skoðunarfyrirtækið gerði í skýrslu
sinni nokkrar fyrirspurnir og at-
hugasemdir. „Það er ákvæði í aðal-
samningi um að endurskoðun skuli
ljúka fyrir 1. september, og þeir
senda þessa skýrslu sem er upp á
um 130 bls. í framhaldi af því. Að
hætti endurskoðenda gera þeir
fyrirspurnir og athugasemdir og
fyrst verður að gefa þeim ráðrúm
til að svara, áður en ég tjái mig um
hana.‘
SUS-þing
hefst í dag
ÞING Sambands ungra sjálfstæð-
ismanna, hið 27. í röðinni, hefst í
dag, fostudag, og verður þingsetning
í Kristalsal Hótel Loftleiða og hefst
hún klukkan 16.00.
Við þingsetninguna munu flytja
ávörp þeir Sigurbjörn Magnússon,
formaður Heimdallar, Friðrik
Sophusson, varaformaður Sjálf-
stæðisflokksins, og Jörgen
Glenthöj, formaður NUU. Þá mun
formaður Sambands ungra sjálf-
stæðismanna, Geir H. Haarde,
flytja ræðu.
Að ræðuhöldum loknum fer
fram nefndarkjör og önnur upp-
hafsstörf þingsins, en á föstu-
dagskvöldið verður kvöldvaka í
Valhöll.
Á morgun, laugardag, verða
nefndarstörf og umræður um
skýrslu stjórnar og fleira. Eftir
hádegið verða haldnir fyrirlestrar
um atvinnuþróun og hátækni-
iðnað, en að því loknu verða al-
mennar umræður.
Á laugardagskvöldið verður síð-
an hátíðarkvöldverður, en aðal-
ræðumaður kvöldsins verður Dav-
íð Oddsson, borgarstjóri í Reykja-
vík.
Á sunnudag verður áframhald
nefndarstarfa, en eftir hádegið
verða ályktanir afgreiddar. Síðan
fer fram stjórnarkjör, en að því
loknu verður þinginu slitið.
Rigning
um helgina
Á MORGUN verður suðvestlæg
átt og byrjar að rigna vestan-
lands, að sögn veðurfræðings á
Veðurstofu Islands og á sunnu-
dag er einnig búist við rigningu.
Á austanverðu landinu er aftur á
móti búist við björtu og góðu
veðri um helgina.
Keiluspilshús í ÖskjuhlíÖ
Á EFRI hiuta þessarar samsettu
myndar sést öskjuhlíðin, eins og
hún er nú og á neðri hlutanum er
líkan af sama svæði, þar sem
komið er inn á keiluspilshúsið,
sem sótt hefur verið um leyfi til
að byggja þarna. Samkvæmt
upplýsingum Morgunblaðsins
hefur málið verið afgreitt frá
skipulagsnefnd Reykjavíkur-
borgar, en nú er það til umfjöll-
unar í byggingarnefnd.
Veitingahúsið Oðal hyggst
byggja húsið, en gert er ráð fyrir
að það verði 5 hæðir og flatar-
mál samtals 4.976,4 fermetrar,
en 20.867 rúmmetrar.
Á fundi byggingarnefndar
þann 8. september var málinu
frestað og vísað til umsagnar
umhverfismálaráðs og eldvarna-
eftirlits. Þá var það mat nefnd-
arinnar að innkoma og umferð-
arleiðir væru óljósar
Leitin aö Gullskipinu:
Hollending-
ar vilja
halda áfram
„HOLLENDINGAR eru fullir
áhuga á að leit að gullskipinu Het
Wapen van Amsterdam á Skeiðar-
ársandi haldi áfram,“ sagði Árni
Kristjánsson aðalræðismaður
Hollands á íslandi í gærkvöldi er
Mbl. náði símasambandi við hann
þar sem hann er staddur í Hol-
landi.
Árni hefur meðal annars rætt
leitina að gullskipinu við hol-
lenska ráðherra. Sagði hann að
það væri nú til alvarlegrar at-
hugunar hjá opinberum aðilum í
Hollandi hvernig þeir gætu að-
stoðað við leitina, meðal annars
væri í athugun hvaða tæki hent-
uðu best til þess.
Mbl. bar þetta mál undir Eyj-
ólf Konráð Jónsson lögmann
Gullskipsins hf. og staðfesti
hann að þeim gullskipsmönnum
væri kunnugt um þennan áhuga
Hollendinga. Sagðist hann hafa
verið i Amsterdam fyrir
skömmu og þar hafi það meðal
annars upplýst að togarinn Fri-
edrich Albert sem talið er að
grafið hafi verið niður á í sand-
inum hefði verið smíðaður í
Rotterdam í Hollandi 1898 og
síðan seldur til Þýskalands.
Fiskiskip Þróunarsamvinnustofnunarinnar:
Smíði hætt vegna
vanskila ríkisins
Kostnaður yfir 60 milljónir króna
SMÍÐI FISKISKIPSINS sem Þróunarsamvinnustofnun íslands hefur verið
með í smíðum í Slippstöðinni á Akureyri hefur verið hætt í bili vegna þess að
staðið hefur á peningum frá ríkissjóði að sögn Þórs Guðmundssonar,
forstöðumanns Þróunarsamvinnustofnunarinnar. Höskuldur Jónsson, ráðu-
neytisstjóri í fjármálaráðuneytinu, sagði hins vegar að ekki væri um nein
vanskil að ræða. Samningur um smíði þessa skips hefði verið gerður og væri
allt kapp lagt á að standa við hann af hálfu ríkisins.
Það skip sem hér um ræðir er
159 smálesta fiskiskip, útbúið
bæði til tog- og nótaveiða. Að sögn
Þórs er fyrirhugað að fyrsta verk-
efni þess verði við Grænhöfðaeyj-
ar, en það er sérstaklega hannað
til tilraunaveiða og fiskileitar á
þeim slóðum. Sagði Þór að á skip-
inu yrðu þrír Islendingar, skip-
stjóri, stýrimaður og vélstjóri, en
áhöfnin yrði að öðru leyti skipuð
innfæddum. Smíðakostnaður
skipsins er í dag áætlaður 54
milljónir, en með veiðarfærum og
öðrum útbúnaði verður stofn-
kostnaður þess yfir 60 milljónir,
að sögn Þórs. Þótt fjármagn fáist
til að ljúka smíði skipsins, er óvíst
hvenær hægt verður að taka það í
notkun því ekki hefur verið af-
greidd fjárbeiðni Þróunarsam-
vinnustofnunarinnar vegna veið-
arfærakaupa, mannaráðninga og
annars undirbúnings.
Gunnar Ragnars, forstjóri
Slippstöðvarinnar á Akureyri,
sagði, er mál þetta var borið undir
hann, að hann væri ekki vanur að
tjá sig um mál einstakra
viðskiptamanna, en af því að aðrir
hefðu sagt að smíði skipsins hefði
verið hætt, þá gæti hann staðfest
að svo væri. Sagði hann að ríkið
væri orðið á eftir með greiðslur
miðað við smíðasamning og síðara
samkomulag og vantaði nú um 6
milljónir þar uppá. Ástæðan fyrir
því að hlé hefði orðið á smíðinni,
hefði hins vegar ekki eingöngu
verið þessi dráttur á greiðslum,
heldur hefði Slippstöðin átt kost á
miklum viðhaldsverkefnum og tal-
ið það hagstæðast fyrir báða aðila
að taka þeim og gera hlé á smíði
skipsins á meðan, þegar svona
hefði staðið á með greiðslur og
auðsjáanlega engin þörf verið
fyrir skipið strax, þar sem ekki
væri búið að taka ákvörðun um að
ráða mannskap á skipið né vinna
að öðrum undirbúningi. Sagði
Gunnar að aðeins væri eftir um
sex vikna vinna við skipið og
myndi Slippstöðin ljúka smíði
þess, þótt eitthvað seinna yrði,
hvernig sem ylti með greiðslur frá
ríkinu.
Fiskveiðasjóður:
Engar ákvarðanir um
uppboð á fiskiskipum
segir Már Elísson, forstjóri
„ÞAÐ HEFUR ekki verið tekin ákvörðun um uppboð á fiskiskipum, en ég
get staðfest, að til eru þau skip, sem skulda sjóðnum meira en þau eru metin
á,“ sagði Már Elísson, forstjóri Fiskveiðasjóðs, er Morgunblaðið bar undir
hann orð Steingríms Hermannssonar, forsætisráðherra, að Fiskveiðasjóður
hefði ákveðið að bjóða upp marga togara vegna vanskila.
Már Elísson sagðist aðspurður
ekki tilbúinn til að ræða fjárþörf
Fiskveiðasjóðs vegna lánsfjárá-
ætlunar, hana ætti eftir að ræða
nánar í stjórn sjóðsins. Hann gat
þess þó, að vanskil við sjóðinn
hefðu numið um 800 milljónum
króna áður en hluti sjóðsins af
Areiðanlega hægt að stórspara þarna
— segir fjármálaráðherra um utanlandsferðir opinberra starfsmanna
„ÞAÐ VERÐUR eitt af mínum
fyrstu verkum, þegar ég kem heim
frá Handaríkjunum um mánaða-
mótin að gagna frá nýrri reglugerð
um ferðalög opinberra starfs-
manna á kostnað ríkissjóðs til út-
landa,“ sagði Albert Guðmunds-
son fjármálaráðherra, er Mbl. bar
undir hann frétt í Alþýðublaðinu
sl. þriðjudag þess efnis að tuttugu
starfsmenn ríkisins væru dag
hvern í ferðalögum erlendis.
Segir í fréttinni, að blaðið hafi
heimildir fyrir því að á fimmtán
mánaða tímabili, þ.e. frá því í
lok maí í fyrra þar til nú í ágúst
á þessu ári hafi að jafnaði verið
um tuttugu manns í utanferðum
á vegum stofnana ríkisins hvern
dag. Einnig er spurt, hvort ekki
megi spara á þessu sviði eins og
öðrum. Fjármálaráðherra sagði
vegna þessa: „Það er áreiðanlega
hægt að stórspara þarna. Ferðir
verða mjög takmarkaðar og sett-
ar strangar reglur um í hvaða
tilfellum menn mega fara út.
Það verður ekki frjáls ákvörðun
einstaklinga að sækja einhverja
fundi erlendis hér eftir."
gengismun hefði komið inn, en
hann næmi alls um 300 milljónum
auk 60 milljóna króna til lána til
loðnuútgerðar og væri nú búið að
ganga frá þeim.
„Hjá Fiskveiðasjóði er staðan
nú þannig, að það eru um 10 togar-
ar og smærri skip, sem skulda
sjóðnum allt fra 110% upp í 160%
af húftryggingarmati skipanna.
Það hefur vissulega verið rætt um
það að afskrifa það, sem þar er
umfram eða 300 til 400 milljónir
króna. Um það eru hins vegar
skiptar skoðanir," sagði Stein-
grímur Hermannsson, forsætis-
ráðherra, meðal annars, er hann
svaraði fyrirspurnum á fundi sín-
um á Patreksfirði um helgina.
„Vegna þessa hefur stjórn Fisk-
veiðasjóðs ákveðið að bjóða upp
mjög marga togara, en ég skal
ekkert um það segja hve fljótt það
gerist. Fiskveiðasjóð vantar nú
um 700 milljónir króna til þess að
geta staðið í skilum, til að geta
greitt þau vanskil erlendis, sem
útgerðin hefur safnað upp hjá
sjóðnum," sagði Steingrímur.