Morgunblaðið - 07.12.1983, Page 14

MORGUNBLAÐIÐ, MIÐVIKUDAGUR 7. DESEMBER 1983
14
Stuttfréttir ...
Savéskur vopna-
kassi finnst
St Johns, Anlipia. 6. desember. AP.
Kassi með vopnum, sem ein-
kennd eru með framleiðslu-
merkjum frá Sovétríkjunum og
Kúbu, fannst skammt undan
einni eyjanna skammt undan
ströndum Antigua, að því er
skýrt var frá í dag. Engar nánari
upplýsingar hafa verið veittar,
en talið er að kassinn kunni e.t.v.
að vera í einhverjum tengslum
við þær hræringar, sem átt hafa
sér stað á Grenada á undanförn-
um mánuðum.
Fengu ekki
pólitísk hæli
Newark, New Jersey, 6. desember. AP.
Þremur meðlimum Samstöðu í
Póllandi, sem komust til Banda-
ríkjanna með því að laumast um
borð í flutningaskip, hefur verið
neitað um landvist vestra, að því
er segir í frétt frá innflytjenda-
eftirlitinu. Mennirnir þrír
bjuggu um tíma í V-Þýskalandi,
en ferðuðust þaðan til Frakk-
lands, þar sem þeir laumuðust
um borð í flutningaskipið. Var
þeim synjað á þeim forsendum,
að þeir hefðu ekki gefið upp
nægilega góðar ástæður fyrir
beiðni sinni.
Von um bata af
beinkrabba
Sydney, 6. desember. AP.
Hópur sérfræðinga við háskól-
ann í Sydney tilkynnti í dag, að
hann hefði þróað mótefni, sem
ræðst gegn krabbameinsfrumum.
Telja þeir, að þessi uppgötvun
þeirra kunni e.t.v. að valda bylt-
ingu í meðferð sjúklinga, sem
þjáðst hafa af beinkrabba. Þetta
nýja mótefni segja sérfræð-
ingarnir vera heilbrigðum
beinfrumum algerlega skaðlaust.
„Við vitum hins vegar ekki fyrir
víst fyrr en eftir nokkur ár hvort
þetta mótefni er án allra auka-
verkana," sagði talsmaður hóps-
ins.
Einstök herferö
gegn eldflaugum
Vínarborg, 6. dcæmbor. AP.
Tékkneskir námsmenn hafa
hafið mikla herferð gegn stað-
setningu meðaldrægra eldflauga
Sovétmanna í landinu. Er her-
ferð þessi talin einstök að því
leytinu til, að hún virðist vera
mjög víðtæk og algerlega að
frumkvæði námsmannanna
sjálfra. Undirskriftalistar hafa
gengið um margar af stærstu
borgum iandsins undanfarna
daga. Bæði tékknesk og a-þýsk
yfirvöld hafa samþykkt að sov-
éskum SS-20-flaugum verði kom-
ið fyrir í viðkomandi löndum.
Hins vegar hefur nokkuð á þvi
borið að undanförnu og vakið at-
hygli, að andstöðu almennings
við flaugarnar hefur verið getið í
ríkisfjölmiðlum í Tékkóslóvakíu.
Njósnir gerast
erfiöari
New York, 6. desember. AP.
Stórblaðið New York Times
skýrði frá því í dag, að banda-
ríska leyniþjónustan ætti nú í
vandræðum með að afla nauð-
synlegra upplýsinga um gang
mála i Miðausturlöndum eftir að
PLO-menn voru hraktir frá Beir-
út í fyrra. Að sögn blaðsins átti
CIA greiðan aðgang að nokkrum
mikilvægum mönnum innan
samtakanna, en hefur að mestu
misst sambandið við þá í öllum
hrakningunum, sem PLO hefur
átt í. Tekur blaðið svo djúpt í
árinni að segja, að tap þessara
tengiliða hafi verið „meiriháttar
áfall fyrir leyniþjónustuna
bandarísku."
Stjörnur á ströndinni
Fyrirsætan Jerry Hall sprangar á þessari mynd um ströndina við
St. Peter á Barbados-eyjum ásamt sambýlismanni sínum, rokkar-
anum Mick Jagger. Þau skötuhjú hafa haldið saman um allnokkurt
skeið og er ungfrúin með barni, reyndar aðeins tveir mánuðir í
fæðingu barns þeirra. Þó svo sé komið er Jaggcr ekkert á þeim
buxunum að kvænast. Er vafalítið enn minnugur reynslunnar úr
fyrra hjónabandi sínu, þar sem frúin hafði á brott með sér digran
sjóð.
Krefjast afsagn-
ar Otto Lambsdorff
Bonn, 6. desember. AP.
STJÓRNARANDSTÖÐUFLOKKUR sósíaldemókrata tilkynnti í dag, að hann
myndi krefjast afsagnar Otto Lambsdorff, efnahagsmálaráðherra V-Þýska-
lands, vegna meintrar aðildar hans að mútumáli. Ákæra hefur enn ekki verið
lögð fram á hendur ráðherranum, en talið er að hann verði ákærður eigi síðar
en í vikulok.
Hans-Jochen Vogel, formaður
þingflokks sósíaldemókrata, sagði
fréttamönnum í dag, að krafa um
afsögn Lambsdorff yrði lögð fram í
þinginu á morgun, miðvikudag.
Sagði Vogel, að þannig gæfist þing-
inu tími til þess að reifa málið á
föstudag.
Eins og málum er háttað á þing-
inu nú eru litlar líkur taldar til
þess að tillagan hljóti samþykki.
Stjórnarandstaðan hefur 220 þing-
sæti að baki sér en stjórnarflokk-
arnir 278. Þingið samþykkti mót-
atkvæðalaust í síðustu viku að
svipta ráðherrann þinghelgi. Þess
ber þó að gæta, að aðeins tíundi
hluti þingmanna greiddi atkvæði.
Lausnargjald Heineken komið í leitirnar:
Elskendur hnutu um
hluta fjármunanna
Zeist, Hollandi, 6. desember. AP.
FJÁRMUNIRNIR, sem reiddir voru af hendi til þess að leysa Alfred Heineken
úr haldi á sínum tíma, hafa nú fundist að sögn lögreglu. Komst hún á sporið
eftir að tveir elskendur höfðu hnotið um jarðrask í skógi einum, þar sem þeir
ganga oft um.
Af ótta við að upphæðin kunni að
verða einhvers konar viðmiðun
fyrir mannræningja á komandi ár-
um hefur lögreglan neitað að gefa
upp hversu há upphæð það var,
sem reidd var af hendi og síðar
fannst. Hún staðfesti einungis, að
allir peningarnir hefðu komist til
skila.
Fundust þeir í fjórum plastpok-
um, sem grafnir höfðu verið um fet
niður í jörðina. Fimmtíu lögreglu-
menn leituðu fjárins eftir að elsk-
endurnir höfðu beinlínis hrasað um
hluta þeirra á göngu sinni. Virðist
sem mannræningjarnir hafi misst
hluta fjárins úr pokanum í flýtin-
um við að grafa peningana í jörðu
og ekki tekið eftir því í myrkrinu.
Þótt ekki hafi lögreglan viljað
gefa upp hversu miklir peningar
voru í spilinu er orðrómur á kreiki
í Amsterdam að um hafi verið að
ræða 30—35 milljónir hollenskra
gyllina (280—320 milljónir ísl.
króna).
START fund-
ur í Genf
(íenf, 6. desember AP.
Tyrkland:
Herstjórnin hefur
afsalaÖ sér völdum
Ankara, 6. des. AP.
MEIRA en þriggja ára herstjórn í
Tyrklandi fékk formlegan endi í
dag, er nýkjörið þjóðþing landsins
kaus sér forseta. Er forsetakjörið
stóð yfir í þinginu, sem situr í einni
deild, komu meðlimir svonefnds Ör-
yggisráðs þjóðarinnar saman í for-
setahöllinni, en nú voru þeir klæddir
borgaralegum fötum í stað einkenn-
isbúninga hersins.
Nokkrum klukkustundum síðar
flutti Kenan Evren forseti ávarp
til þjóðarinnar í útvarpi og sjón-
varpi, þar sem hann tilkynnti, að
ráðið hefði afhent völd sín í hend-
ur þjóðþinginu „með góðri sam-
vizku, því að enginn mun geta
sagt, að við höfum ekki staðið við
loforð okkar."
Evren stjórnaði valdatöku hers-
ins í september 1980, en hann var
þá yfirmaður herráðs landsins.
VIKTOR Karpov, aðalsamninga-
maður Rússa í Genfarviðræðunum
um takmarkanir við langdrægum
kjarnorkueldflaugum (START) átti í
dag meira en klukkustundar langan
fund með Edward L. Rowny, sendi-
herra Bandaríkjanna. Eftir fundinn
vildi Karpov ekki tjá sig um gang
viðræðnanna, er fréttamenn þyrpt-
ust að honum en sagði aðeins: „Þið
munið heyra frá okkur á fímmtu-
dag“.
Gert er ráð fyrir því, að fundur-
inn á fimmtudag, verði síðasti
fundurinn í þessum viðræðum
fyrir jólahlé. Er Karpov var
spurður að því, hvort Rússar
myndu mæta til þessara viðræðna
á ný á næsta ári, svaraði hann:
„Ég veit það ekki“.
Niðurstöður þekkts fræðimanns, Hans Gödicke:
Pýramídarnir m.a. afleið-
ing mikilmennskubrjálæðis
RÚMUM 4500 árum eftir tilurð þeirra hefur prófessor að nafni Hans
Gödicke við John Hopkins-háskólann lagt fram kenningu um hvers
vegna egypsku pýramídarnir voru byggðir á lítilli hásléttu á El Giza
svæðinu, skammt frá Kairó.
Prófessorinn telur, að skýring-
una megi rekja til þriggja þátta:
landslagsins, dýrkunar á sólinni
og mikilmennskubrjálæðis eg-
ypsku fornkonunganna.
Pýramídarnir hafa verið
gaumgæfilega rannsakaðir allt
frá því Napóleon vann sigur í
orrustu þarna um slóðir árið
1798. Það hefur hins vegar vakið
athygli, að á þeim rúmlega 4500
árum, sem liðin eru frá því þessi
merkilegu mannvirki voru reist,
hefur engin óyggjandi skýring á
tilurð pýramídanna komið fram.
„Það er auðvelt að skirrast við
að svara erfiðustu spurningun-
um,“ sagði Gödicke, sem er
þekktur fyrir fræðirannsóknir
sínar á egypskum fornminjum.
í fyrirlestri hans fyrir
skemmstu kom m.a. fram, að
Grikkinn Heródótus hefði verið
fyrstur manna til þess að velta
vöngum yfir píramýdunum. „En
Herodótus féll í sömu gryfju og
hinn dæmigerði ferðamaður á
okkar tímum. Hann var svo
bergnuminn yfir þessum miklu
mannvirkjum, að hann gleymdi
algerlega að spyrja sjálfan sig
hvers vegna pýramídarnir hefðu
orðið til á þessum stað,“ sagði
Gödicke ennfremur.
Skýring prófessorsins á tilurð
pýramídanna er ekki þess eðlis,
að hún hafi orðið til á einum
degi. Að baki henni liggja rann-
sóknir í 11 ár. Ekki hefur hann
þó unnið sleitulaust að kenning-
um sínum um pýramídana, en
meginhluta umrædds tíma hefur
hann þó helgað sig þeim rann-
sóknum.
Meðan á rannsóknum hans á
þeim hefur staðið hefur hann
einnig lagt fram kenningar um
hvernig Rauðahafið skiptist.
Gödicke er þeirrar skoðunar, að
ferðalag ísraela frá Egypta-
landi, þar sem þeir gengu m.a.
þurrum fótum yfir Rauðahafið,
kunni að hafa átt sér stað 200
árum fyrir umgetinn tíma í Bibl-
íunni. Skýringuna á þessari
óvenjulegu ferð yfir Rauðahafið
telur Gödicke, að megi rekja til
öflugrar bylgjuhreyfingar í
landslaginu af völdum eldgoss.
Pýramídarnir í E1 Giza hafa
alltaf verið Gödicke sérlega
hugleiknir. Hann sá þá fyrst í
tunglsljósi fyrir 27 árum er hann
var í hópi fræðimanna frá
Brown-háskóla. „Þetta eru einu
mannvirki heimsins, sem aldrei
hafa valdið mér vonbrigðum,"
sagði Gödicke í viðtali við Wash-
ington Post. „Pýramídar eru
fullkomnustu minnisvarðar, sem
hægt er að byggja. Þegar staðið
er fyrir framan þá og horft upp
eftir þeim fær maður á tilfinn-
inguna, að þetta sé vegur sem
liggur til hins óendanlega."
Prófessor Gödicke kveðst hafa
tekið eftir því við uppgröft á
vegum John Hopkins-háskólans,
að draga mætti línu á milli suð-
vesturhorna pýramídanna
þriggja á E1 Giza-svæðinu. Lína
þessi lægi síðan áfram til Helio-
polis, hofs sóldýrkenda í austur-
hluta Egyptalands. Strax árið
3000 f.Kr. hafði svokallaður
„benben“-steinn markað þann
stað er geislar sólar komu inn í
heim mannsins.
Gödicke telur, að Khufu kon-
ungur hafi látið reisa pýramída
við vestasta odda umræddrar
línu, þ.e. þar sem síðustu geisla
sólar gætti, til þess að undir-
strika brotthvarf sitt úr heimin-
um.