Morgunblaðið - 24.03.1985, Qupperneq 7

MORGUNBLAÐIÐ, SUNNUDAGUR 24. MARZ 1985
7
Stórkaupmenn:
í mál við Póst
& síma vegna
telex-gjalda í
BSRB-verkfalIi
FÉLAG ísl. stórkaupmanna undirbýr
málsókn á hendur Pósti og síma
vegna innheimtu telex-gjalda fyrir
októbermánuð á meðan verkfall
opinberra starfsmanna stóð. Það
gerir hins vegar félagi stórkaup-
manna erfitt fyrir með að fara lög-
formlega leið að, þrátt fyrir ítrekað-
an eftirrekstur eftir formlegu svari
frá Pósti og síma um að stofnunin
neiti að gefa gjöldin eftir fyrir þetta
tímabil, þá hefur ekki tekist að fá
slíkt svar.
Að sögn Árna Reynissonar, fram-
kvæmdastjóra Félags ísl. stórkaup-
manna, var póstmálayfirvöldum upp-
haflega skrifað bréf hinn 16. nóv-
ember og þess krafist að telex-gjöld
yrðu felld niður á sömu forsendu og
útvarpið innheimti ekki afnotagjöld
fyrir þetta tímabil, en öll telex-
þjónusta lamaðist meira og minna í
verkfallinu. Árni kvaðst síðan marg-
ítrekað hafa ýtt á póst- og símamála-
stjóra um formlegt svar vegna þess-
arar kröfu. í einu símtali hafi póst-
og símamálastjóri að vísu munnlega
talið öll tormerki á því að fella niður
gjöldin, en Árni kvaðst hafa viljað fá
við því skrifleg svör, sem hann kvað
póst- og símamálastjóra hafa lofað,
en ekki enn hafa staðið við, þrátt
fyrir ítrekaðan eftirrekstur. Kvað
Árni það valda félaginu tæknilegum
erfiðleikum með undirbúning máls-
sóknar, þar eð formlega lægi ekki
fyrir neitun stofnunarinnar um
niðurfellingu telex-gjaldanna og
væri engu líkara en þar væri verið að
drepa málinu á dreif.
Falast eftir
Korpúlfsstöð-
um undir hótel
BORGARRÁÐI hefur borist
erindi frá Sigurði Dagbjarts-
syni o.H., þar sem óskaö er
eftir viðræðum um hugsan-
lega nýtingu á Korpúlfsstöð-
um til dæmis með því að
reka hótel, veitingaaðstöðu,
sýningaaðstöðu og gallerí,
svo eitthvað sé nefnt.
Erindið var sent til umsagnar
skipulagsnefnd Reykjavíkur og
umhverfismálaráði, sem þegar
hafa fjallað um það.
Vilhjálmur Þ. Vilhjálmsson
formaður skipulagsnefndar sagði í
samtali við Morgunblaðið, að enn
hafi engin ákvörðun verið tekin
um mál þetta.
„Ýmislegt þarf að athuga í
þessu sambandi," sagði Vilhjálm-
ur „til dæmis hvernig Korpúlfs-
staðir gætu hugsanlega nýst
íbúðahverfi því, sem gert er ráð
fyrir að rísi á þessu svæði í fram-
tíðinni. En líklega verður ákvörð-
un tekin á næstu fundum umsagn-
araðilanna um , hvort mælt verði
með því við borgarráð að farið
verði út í samningaviðræður við
umsóknaraðila.
Þessi hugmynd er í sjálfu sér
mjög áhugaverð og það mætti
nýta húsið mun betur en gert hef-
ur verið, en nú eru þarna aðallega
geymslur fyrir Reykjavíkurborg
auk aðstöðu fyrir Myndhöggvara-
félagið."
Vilhjálmur sagði að lokum að
hugsanlega kæmi til greina að
leigja húsið til ákveðins tíma. Þá
væri hægt að tryggja að það verði
laust til afnota fyrir byggðina,
sem þarna mun rísa, en húsið
myndi henta vel fyrir alls kyns
félagsstarfsemi o.fl.
Myndin er tekin á fyrsta fundi nefndarinnar, sem kosin var til að gera
tillögur fyrir hátfðahöldin árið 2000. Frá vinstri eru: Herra Pétur Sigur-
geirsson biskup, séra Jónas Gíslason og séra Heimir Steinsson.
Undirbúningur hátíða-
haldanna vegna kristni-
töku árið 2000 hafínn
UNDIRBÚNINGUR fyrir
hátíðahöldin árið 2000 er
nú hafinn, en þá verður
þess minnst að 1000 ár eru
liðin frá kristnitöku hér-
lendis.
Kirkjuþing fjallaðu um
þetta mál á síðasta þingi sínu
og fól þá Kirkjuráði að hefja
fyrsta undirbúning að hátíða-
höldunum, segir í frétt frá
Biskupsstofu. Kirkjuráð kaus
Pétur Sigurgeirsson, biskup,
séra Jónas Gíslason, dósent í
kirkjusögu, og séra Heimi
Steinsson, prest á Þingvöllum,
í nefnd til þess að gera fyrstu
tillögur í þessu máli og leggja
fyrir næsta Kirkjuþing.

Ferðatiihögun:
Flogið er til Kaupmannahafnar og þaðan heim aftur t.d. að
þremur vikum liðnum. Að öðru ieyti er ferðatilhögun nánast
algjörlega I þinum höndum.
í þessum nýstárlegu og hagstædu ferðum
sameinum við dvöl í sumarhúsum í Danmörku
og Sæluhúsum i Hollandi. Þú nýtur þægilegrar
sumarhúsadvalar i tveimur löndum, sem bæði
eru sérlega skemmtileg
ferðamannalönd og færð
r % tækifæri til að aka á
nýjum bíl um Evrópu
eins og þig lystir.
Þú gætir t.d. þyrjað á vikudvöl í Danmörku með tilheyrandi
Tívolíheimsóknum og skemmtilegheitum, ekið síðan áeinum
eftirmiðdegi suður til Hollands og dvaliö þar i tvær vikur -
skroppið kannski til Þýskalands á þílaleigubilnum, eða haldið
kyrru fyrir og notið aðstöðunnar I sæluhúsakjamanum.
Eða þá að þú sest upp i bílaleigubilinn á flugvellinum, ekur
sem leið liggur til Hollands, ertþar i eina viku, tekurþéraðra
viku i að aka um Evrópu áður en þú heldur aftur til Danmerkur,
þar sem þú dvelst I sumarhúsunum síðustu viku ferðarinnar.
Valið er þitt!
Verðhugmynd: 17.800 kr;
(miðað við 3 vikur og 5 í húsi)

Samvinnuferdir-Landsýn V Z
AUSTURSTRÆTI 12 - SÍMAR 27077 & 28899 ^-^
SÖLUSKRIFSTOFA AKUREYRI: SKIPAGÖTU 18 - SÍMAR 21400 & 23727