Morgunblaðið - 18.02.1987, Blaðsíða 1

Morgunblaðið - 18.02.1987, Blaðsíða 1
19. febrúar 1937 - Hvöt, félag sjálfstæðiskvenna í Reykjavík, 50 ára - 19. febrúar 1987 B PRENTSMIÐJA MORGUNBLAÐSINS MIÐVIKUDAGUR 18. FEBRUAR 1987 BLAÐ Tryggjum þremur sjáHstæðis- konum í Reykjavík þingsætí - Rætt við Maríu E. Ingvadóttur, formann Hvatar „Sjálfstæðisflokkurínn hefur allan sinn aldur verið sterkt og þróttmikið þjóðfélagsafl á íslandi," sagði María E. Ingvadóttir, formaður Hvatar, félags sjálfstæðis- kyenna í Reykjavík, í viðtali í tilefni af 50 ára afmæli félagsins, sem er á morgun, 19. febrúar. „Þegar Hvöt, félag sjálfstæðis- kvenna í Reykjavík, var stofnað 19. febrúar 1937 var tilgangur þess fyrst og fremst sá að vinna að framgangi sjálfstæðisstefnunn- ar og auka þátttöku kvenna á opinberum vettvangi. Hvöt hefur frá upphafi verið mjög öfiugt félag og hefur haft mikil áhrif á stefnu- mál Sjálfstæðisflokksins — ekki síst á sviði jafnréttis- og fjölskyldu- mála, almannatrygginga-, heil- brigðis- og menntamála. Eg finn stöðugt aukinn áhuga hjá konum á stjórnmálum almennt og stjórn- málaþátttöku, þannig að áhuga- svið þeirra er ekki bundið við ákveðna málaflokka umfram aðra. Það er mjög mikilvægt að konur sem karlar taki þátt í stefnumótun flokksins í öllum málaflokkum svo stefnan endurspegli þá víðsýni og framfarahug, sem flokkurinn legg- ur áherslu á. Aðstaða Sjálfstæðisflokksins til að koma fram hugmyndum sínum og stefnumálum þarf að 'verða enn sterkari til að raunverulegur ár- angur náist m.t.t. bættra lífskjara. Engin önnur stjórnmálastefha hef- ur eins mikinn hljómgrunn hjá þjóðinni. Stefna flokksins er sprottin af þjóðernishugsjónum ís- lendinga og trúnni á frumkvæði og frelsi einstaklingsins og fram- kvæmdaþrótt, svo og viljanum til að ráða sjálfir eigin málum, eins og nafn flokksins ber með sér. Þetta er stofninn sem flokkurinn byggir á og hann hefur barist fyr: ir stefnu sinni í rúma hálfa öld. í þessum flokki býr stöðugt afl nýrra tíma. Ég finn það að fólk gerir sér æ betur grein fyrir því, að Sjáifstæð- isflokkurinn er einn fær um að ná þeim markmiðum og uppfylla þær lífskjarakröfur sem þjóðin vill búa við i nútímaþjóðfélagi." María tók við formennsku í Hvöt haustið 1985 — og hún skip- ar 10. sætið á lista Sjálfstæðis- flokksins í Reykjavík fyrir alþingiskosningarnar í vor. Hún er viðskiptafræðingur að mennt og tveggja barna móðir. Brosandi segist hún líta á 10. sætið sem baráttusæti flokksins í Reykjavík í kosningunum. Kosningarnar setja sinn svip á starf Hvatar í vetur og á 50 ára afmælisári félagsins færi vel á því að Sjálfstæðisflokkurinn fengi þrjár konur kjörnar á Alþíngi í Reykjavíkurkjördæmi. „Þrjár á þing" var baráttumál Hvatar- kvenna í kosningunum 1971, á árinu 1987 gæti það baráttumál komist í höfn. „Sjálfstæðisflokkurinn gengur málefnalega sterkur til aiþingis- kosninganna, efnahagsvandinn, María E. Ingvadóttir, formaður Hvatar. mál þessarar rikisstjórnar, hefur verið leystur með viðunandi árangri. Óráðsía vinstri stjórnar má ekki eyðileggja þann árangur. Sjálfstæðisflokkurinn verður að fá slíkt fylgi í kosningunum að hann hafi óbundnar hendur við fram- kvæmd eigin stjórnmálahugmynda næsta kjörtímabil. Framsóknarflokkurinn er löngu staðnaður flokkur gamalla tíma og gamalla hugmynda — hann hefur hvenær sem hann hefur mátt því við koma reynst flokkur ríkisforsjár og haft vantrú á nýjum hugmyndum og leiðum. Afstaða forystumanna hans hefur alltaf reynst jafn breytileg og hin íslenska veðrátta — sem erfitt er að treysta nema til eins dags í senn. Flokkur sem lifir í hugmynd- um fortíðarinnar á skammt í að heyra fortíðinni til. Steingrímur á ekki eftir að breyta neinu m.t.t. fylgis Framsóknarflokksins á höf- uðborgarsvæðinu. A tímabili leit út fyrir að Al- þýðuflokkurinn væri að auka fylgi sitt meðal kjósenda á höfuðborgar- svæðinu. En hann hefur nú ofboðið kjósendum rækilega með undar- legum uppákomum, „showbusi- ness" og mótsagnakenndum málflutningi. Ég sé heldur ekki að Alþýðuflokkurinn hafi annað og meira að bjóða þjóðinni í dag, en þessir sömu menn höfðu að bjóða fyrir síðustu kosningar. Pólitískt tómarúm Alþýðu- bandalagsins er dapurlegt í dag, og Kvennalistinn hefur ekki reynst það þverpólitíska stjórnmálaafl sem þær gáfu sig út fyrir að vera í kosningunum 1983. Þær hafa reynst veikar málefnalega, úr hófi neikvæðar í málflutningi og alls ekki staðið undir þeim væntingum sem ég gef mér að stuðningsmenn þeirra hafi bundið við þær. Stuðningur við vinstri flokkana er ávísun á vinstri stjórn, sem eng- inn vill í raun fá yfir sig. Ég veit reyndar ekki hvernig Kvennalist- Á 50 ára afmælisári Hvatar færi vel á því að Ragn- hildur Helgadóttir, ráðherra, Sólveig Pétursdóttir, lögfræðingur, og María E. Ingvadóttir, viðskipta- f ræðingur, sem sæti eiga á lista Sjálfstæðisflokksins í Reykjavík, næðu allar kjöri sem þingmenn. Ragnhildur Helgadóttir, ráðherra, Auður Auduns, fyrrum ráðherra, og Geirþrúður Hildur Bernhöft, fyrrum vai-aþiugmaður, sátu um skeið þrjár á þingi fyrir Sjálfstæðisf lokkinn í Reykjavík. inn gæti tekið þátt í stjórnarmynd- unarviðræðum með ráðherraefnin á varamannabekknum. Kosningabaráttan er að hefjast um þessar mundir og Sjálfstæðis- menn eru enn ákveðnari en áður í að vinna sameinaðir að mótun nýrra markmiða á Landsfundi í marsbyrjun. Samþykktir Lands- fundarins munu marka alla kosn- ingabaráttuna í vor. I komandi kosningum verður kosið um ríkis- stjórn undir forystu Sjálfstæðis- flokksins eða ríkisstjórn án þátttöku Sjálfstæðisflokksins. Hvöt mun ekki fremur en áður Formaður og varaformaður Sjálfstæðisflokksins á Frá hægri: Sigríöur Arnbjarnardóttir, Friörik Sophusson, Helga María E. Ingvadóttir, Guðrún Zoega og Raggý Guðjónsdóttir. fundi með stjórn Hvatar. Ólafsdóttir, Þorsteinn Pálsson, láta sitt eftir liggja í baráttunni fyrir sigri flokksins. I tilefni dagsins vil ég óskaíllum félagskonum Hvatar til hamingju með 50 ára farsælt félagsstarf — félagið hefur reynst Sjálfstæðis- flokknum sú stoð, þessi 50 ár, sem stofnfélagarnir vildu að það yrði. Flokksbundnar sjálfstæðiskonur í Reykjavík eru ekki allar félagar í Hvöt, en það er óhætt að fullyrða að þær konur sem mestan svip hafa sett á flokkinn í Reykjavík hafa allar verið virkar í starfí Hvat- ar, Félagið hefur enn verk að vinna fyrir framgangi kvenna á vett- vangi stjórnmálanna og vonandi verður hlutur kvenna og karla jafn- ari á þeim vettvangi á aldarafmæli félagsins, þegar þjóðfélagið hlýtur að vera mjög breytt frá því sem það er í dag — rétt eins og það er breytt í dag frá því sem var, þegar þetta virðulega félag var stofnað af framsýnum konum fyrir 50 arum." Á afmælisdaginn, 19. febrúar, verður opið hús í Valhöll milli kl. 17 og 19 og eru velunnarar félags- ins boðnir hjartanlega velkomnir.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.