Morgunblaðið - 28.04.1988, Qupperneq 3

MORGUNBLAÐIÐ, VDDSkU'llAIVINNinÍF FIMMTUDAGUR 28. APRÍL 1988
B 3
Fj ármagnsmarkaður
Unnt að afnema
lánskjaravísitölu
við stöðugt verðlag
Á MIÐSTJÓRNARFUNDI Fram-
sóknarflokksins lýsti Steingrímur
Hermannsson, formaður Fram-
sóknarflokksins, því yfir að hann
teldi að afnema ætti lánskjaraví-
sitölu frá og með næstu áramót-
um. Þegar þessi ummæli voru
borin undir Þorstein Pálsson, for-
sætisráðherra og Jón Baldvin
Hannibalsson, fjármálaráðherra,
í fréttaþætti á Stöð 2 nýlega, kom
fram að þeir telja koma til greina
að afnema lánskjaravísitölu þegar
verðbólga verður komin undir
10%. Bankamenn sem Morgun-
blaðið ræddi við töldu yfirleitt að
eðlilegt væri að afnema lán-
skjaravísitöluna þegar unnt væri
að treysta þvi að verðlag héldist
stöðugt en þó þyrfti að sýna
fyllstu varkárni.
í nýjasta fréttabréfí Verðbréfa-
deildar Kaupþings hf., Milljón, er
bent á að afnám lánskjaravísitölu
geti leitt til ójafnvægis á lánamark-
aði ef nafnvöxtum yrði jafnframt
haldið niðri á kostnað raunvaxta og
raunvextir yrðu lægri en nú eða jafn-
vel neikvæðir. Ef raunvöxtum yrði
hinsvegar haldið óbreyttum við nú-
verandi verðbólgustig hefði það í för
með sér ójafnari og þar með óhag-
stæðari greiðslubyrði fyrir lántak-
endur.
Stefán Pálsson, bankastjóri Bún-
aðarbankans, sagði í samtali við
Morgxinblaðið að þegar verðbólgan
væri komin viðvarandi niður fyrir
10% væri ekki eins mikil þörf á lán-
skjaravísitölu. Hins vegar væri ekki
hægt að mæla með því að vísitalan
yrði afnumin nú, þar sem verðbólgan
miðað við þrjá síðustu mánuði væri
13,3%, og 17,7% miðað við tímabilið
frá áramótum.
Tryggvi Pálsson, bankastjóri
Verslunarbankans, sagði í samtali
við Morgunblaðið að vísitölubinding
væri neyðarúrræði þegar verðbólga
væri mikil. Allir hlytu að vera sam-
mála um það að stöðugt verðlag
væri æskilegt og við þær aðstæður
væri ástæðulaust að hafa notast við
vísitölu. Benti hann á að fjármagns-
markaðurinn hefði verið að þoma
upp á tímabili neikvæðra raunvaxta
og þá hafi ekki verið leyfð vísitölu-
trygging á markaðnum nema fyrir
spariskírteini.
„Þegar tekið er þannig á málum
að hægt sé að treysta því að stöðug-
leiki sé framundan þá er sjálfsagt
að endurskoða vísitölubindingu á
fjármagnsmarkaði. Á síðustu mán-
uðum hefur ríkt nokkur óvissa um
verðlagsþróun en vonandi nást betri
tök á verðlagsþróuninni innan
skamms og getum við þá einnig
gert ráð fyrir lægri raunvöxtum."
Fleiri bankamenn sem rætt var
við tóku í sama streng um að það
hlyti að vera markmið að afnema
vísitölutengingu fjárskuldbindinga
þegar hægt væri að treysta því að
stöðugleikinn væri orðinn nægilega
mikill.
Fjarskipti
Fjárfestingm
ífarsíma-
kerfinu
188miIIjónir
FJÁRFESTINGAR Póst- og síma-
málastofnunar f sjálfvirka far-
simakerfinu nema alls um 188
milljónum frá upphafi og fram
til þessa dags. Frá byrjun hefur
kostnaðaráætlun verið við það
miðuð að kerfið stæði undir sér
og yrði þannig ekki byrði fyrir
almenna símnotendur, samkvæmt
upplýsingum Jóhanns Hjálmars-
sonar, blaðafulltrúa stofnunar-
innar.
Jóhann segir einnig, að þrátt fyr-
ir að aukningin hafí orðið meiri í
sjálfvirka farsímakerfinu en gert var
ráð fyrir í upphafi og þess vegna
verið nauðsynlegt að fjárfesta meira
í kerfinu en áætlanir gerðu ráð fyr-
ir, hafi að sama skapi komið auknar
tekjur á móti, svo að útkoman sé
góð.
Sjálfvirka farsímakerfið var tekið
í notkun árið 1986. Nú eru 42 móð-
urstöðvar með 243 rásir í notkun í
sjálfvirka kerfínu. Skráðir notendur
eru 5500 og er aukning þeirra meiri
en dæmi er um í nágrannalöndunum.
Um 20% notenda hringja frá bátum
og skipum og eru þeir með um 60%
notkunartíma kerfisins, að því er
Jóhann segir.
Aðalfundur
Góð ávöxtun hjá
Hlutabréfasjóðnum hf.
Á AÐALFUNDI Hlutabréfasjóðsins hf. sem haldinn var 11. apríl kom
fram að ávöxtun hjá sjóðnum var með þvi besta sem gerðist á innlend-
um markaði árið 1987 þegar skattfrádráttur vegna kaupa á hlutabréf-
um hans er reiknaður með. Hagnaður af rekstri sjóðsins nam 2,2
milljónum króna á síðasta ári og samþykkti aðalfundurinn að greiða
hluthöfum 10% arð að þvi er segir í frétt frá sjóðnum.
Árið 1987 var fyrsta heila starfs-
ár Hlutabréfasjóðsins sem er fyrsta
fyrirtæki sinnar tegunar hérlendis.
Sjóðurinn hefur það markmið að
opna einstaklingum örugga leið til
ávöxtunar sparifjár í hlutabréfum
og skuldabréfum auk þess að veita
þeim tækifæri til að nýta þá leið til
skattfrádráttar sem heimiluð var
með lögum nr. 9 frá 1984.
Hlutafé Hlutabréfasjóðsins hf. var
í árslok 14,4 milljónir króna og eig-
ið fé 18,2 milljónir. Hluthafar eru
um 200 talsins. Á fundinum var
samþykkt að hækka hlutafé félags-
ins um 20% með útgáfu jöfnunar-
hlutabréfa.
Stjóm Hlutabréfasjóðsins skipa
Baldur Guðlaugsson hrl., stjómar-
formaður, Davíð Sch. Thorsteinsson,
framkvæmdastjóri, varaformaður,
Ámi Ámason, framkvæmdastjóri,
Ámi Vilhjálmsson, prófessor, Ragn-
ar S. Halldórsson, forstjóri, Gunnar
Helgi Hálfdánarson, framkvæmda-
stjóri, dr. Pétur Blöndal, fram-
kvæmdastjóri og dr. Sigurður B.
Stefánsson, framkvæmdastjóri.
Framkvæmdastjóri Hlutabréfasjóðs-
ins er Þorsteinn Haraldsson, löggilt-
ur endurskoðandi.
FYRR EÐA SEINNA
VEUIR ÞÚ RMOH
TELEFAX
Ricoh 1973
Ricoh var fremsti framleiðandinn í heiminum sem
markaðssetti hraðvirk telefaxtæki með stafrænni tækni.
Ricoh 1973
Ricoh var einnig fyrst til að senda telefaxskeyti
um gerfihnött frá Tokyo til New York.
Ricoh 1975
Ricoh var fyrsta fyrirtækið í greininni sem hlaut Deming
verðlaunin fyrir gæðastjómun.
Ricoh 1980
Eitt hundrað og fimmtíu Ricoh telefaxtæki voru notuð á
Ólympíuleikunum í Moskvu.
Ricoh 1986
Richo var fyrsta japanska fyrirtækið er hóf framleiðslu á
telefaxtækjum í Evrópu - íTelford á Englandi.
Ricoh 1986
Ricoh varð stærsti framleiðandi telefaxtækja í Japan með
framleiðsluhlutdeild upp á 21.5% Ricoh varð einnig í 1.
sæti í Bandaríkjunum, þarsem 15.7% allratelefaxtækja
eru frá Ricoh.
Ricoh í dag
Nú birtist stærsti framleiðandi telefaxtækja í heiminum í
fyrsta sinni á íslandi.
Ricoh
Fleira er óþarft að vita um telefax.
Fremstirmeð fax
SKIPHOLT117
105 REYKJAVlK
SÍMI: 91 -2 73 33