Morgunblaðið - 14.09.1989, Blaðsíða 28
28
MORGUNBLAÐIÐ FIMMTUDAGUR 14. SEPTEMBER 1989
Hitaveita Akureyrar:
Framkvæmdum við
lagningu hitaveitu
í Gerðahverfi lokið
FRAMK V ÆMÐUM við lagningu
hitaveitu í Gerðahverfi II er lok-
ið og í gær var vatni hleypt á
hverfið. Mjög vel hefur gengið
við lagninguna og var verkið
um tveimur vikum á undan
áætlun.
Franz Árnason hitaveitustjóri
sagði að á milli 30 og 40 íbúar
hefðu sótt um að hús sín yrðu
tengd hitaveitunni, en ljóst væri
að menn hefðu almennt ekki búist
við að verkið gengi svo hratt fyrir
sig. Því væru margir sem hefðu í
hyggju að tengjast veitunni, sem
enn hafa ekki skipt um ofna í
húsum sínum. Um 180 hús og
íbúðir eru í hverfinu.
„Ég reikna með að á næstu
mánuðum munum við tengja um
helming allra húsa hverfisins við
veituna, en enn er töluverður ljöldi
sem ekki er tilbúinn að taka á
móti vatninu, þar sem eftir er að
skipta um ofna,“ sagði Franz.
I gær var byijað á því að skola
út úr rörum og síðan var vatni
hleypt á hverfið, en tengibrunnur
er á mótum Þingvallastrætis og
Vallargerðis. „Ég er fullur bjarst-
ýni á að tengingar við hitaveituna
verði miklar og örar á næstu mán-
uðum,“ sagði Franz.
Morgrinblaðið/Rúnar Þór
Grenvíkingar eru nú búnir að endurheimta um 700 tonna kvóta sem
tapaðist úr byggðarlaginu með sölu Núpsins siðastliðið haust, en
tveir bátar hafa verið keyptir á árinu með samtals um 700 tonna
þorskkvóta. Á myndinni sést yfir höfhina á Grenivik, Frosti liggur
bundinn við bryggju og í forgrunni sést hluti af frystihúsi Kaldbaks.
Þrotabú Pólarpels:
Ahugi fyrir
að bjóða í
reksturinn
Á SKIPTAFUNDI í þrotabúi
Pólarpels á Dalvík, sem hald-
inn var í gær, kom fram að
ákveðnir aðilar hafa sýnt
áhuga á að gera tilboð í rekst-
urinn, en formlegt tilboð hefúr
ekki verið lagt fi-am. Þá hafa
borist tvö tilboð í jörðina Ytra-
Holt og eitt í kartöflugeymslu,
sem er á þeirri jörð.
Lýstar kröfúr í þrotabúið
nema um 163 milljónum, en
alls lýstu 100 aðilar kröfúm i
búið. Þá eiga Sparisjóður
Svarfdæfa og Stofúlánadeild
landbúnaðarins veðkröfur
samtals um 19 milljónir króna.
Næsti skiptafúndur í búinu
verður haldinn 15. nóvember
og sagði Árni Pálsson bústjóri
að fyrir þann tíma yrði að vera
ljóst hvort menn ætluðu að
gera tilboð í reksturinn.
Grenivík:
Tveir bátar keyptir á ár-
inu með um 700 tonna kvóta
Kvóti sem tapaðist með sölu Núps aftur í byggðarlagið
MEÐ kaupum á tveimur bátum a þessu ari hafa Grenvíkingar
náð inn í byggðarlagið aftur þeim kvóta sem tapaðist með sölu
Núpsins síðastliðið haust. Núpur hafði 7-800 tonna kvóta. Utlit
er fyrir að næg vinna verði í frystihúsi Kaldbaks fram til loka
októbermánaðar, en nú vinna um 30 manns í húsinu.
í kjölfar þess að Núpur ÞH var
seldur síðastliðið haust missti
byggðarlagið tæplega 800 tonna
kvóta. Eftir stóð um 1.000 tonna
kvóti Sjafnar og Frosta, en að
sögn Þorsteins Péturssonar fram-
kvæmdastjóra Kaldbaks hf. nægir
sá kvóti engan veginn til að halda
frystihúsinu gangandi.
í vor keyptu Kaldbakur og
Sjafnarmenn í sameiningu rúm-
lega 200 tonna skip frá Horna-
firði, Akureyna, og var kvóti
gömlu Sjafnarinnar færður yfir á
nýja skipið. Akureyin hefur um
400 tonna þorskkvóta auk um
1.000 tonna af síld. Nú nýlega
keypti útgerð Frosta bát, Rán BA,
sem gerður var út frá Reykjavík.
Rán er tæplega 60 tonn og henni
fylgir um 300 tonna kvóti. Með
kaupum á þessum tveimur bátum
hefur byggðarlagið aftur náð til
sín þeim kvóta sem tapaðist við
sölu Núpsins.
„Þetta skiptir sköpum fyrir
byggðarlagið, þar sem allt stendur
og fellur með þeim veiðiheimildum
sem fyrir hendi eru,“ sagði Þor-
steinn. Hann sagði að ef vel ætti
að vera þyrfti að vera til staðar
um 3.000 tonna kvóti, svo halda
mætti vinnslunni gangandi allt
árið.
Þorsteinn sagði að hráefni til
vinnslunnar væri tryggt fram til
loka októbermánaðar, en hvað þá
tæki við væri ómögulegt að segja.
Vinnslan hefur ekki stöðvast
nema í tvær vikur á árinu, en það
var í júní síðastliðnum og þá vegna
hráefnisskorts. Um 30 manns
vinna nú í frystihúsi Kaldbaks hf.
á Grenivík. Þorsteinn sagði að
yfir vetrarmánuðina væri iðulega
skortur á starfsfólki til vinnu við
frystihúsið og oft gengi erfiðlega
að manna húsið í upphafi árs þeg-
ar hvað mest væri að gera.
Borðtennisáhuginn blómstrar á Grenivík:
Sex af Qórtán í
unglingalandslið-
inu frá Grenivík
BORÐTENNISÁHUGI er og hefúr verið afar mikill á meðal nemenda
Grunnskóla Grenivíkur og hafa þeir borið hróður skólans víða. í fjórt-
án manna landsliði unglinga í borðtennis eru sex frá Grenivík, fimm
eru úr Stjörnunni í Garðabæ, tveir úr Víkingi og einn úr KR. I sumar
keppti landsliðið í Skotlandi og gekk eftir atvikum vel. Landsliðskrakk-
arnir frá Grenivík hafa verið önnum kafnir við undirstöðuatvinnuveg-
inn og því cinkum handleikið fisk síðustu tvo mánuði, en nú nýlega
endurnýjuðu þeir kynni sín við borðtennisspaðann og fylgdust Morgun-
blaðsmenn með snilldartöktum grenvísku unglinganna um stund.
Krakkarnir frá Grenivík sem
valdir voru í landsliðið eru Gísli
Gunnar Oddgeirsson, Stefán Gunn-
arsson, Axel Eyfjörð, Guðrún Pét-
ursdóttir, Sigrún Þórsteinsdóttir og
Hólmfríður Björnsdóttir.
Upphaf hins mikla áhuga á þess-
ari íþróttagrein má rekja til þess
er skólinn keypti borðtennisborð
fyrir um sex árum. Borðið var eink-
um keypt í því augnamiði að krakk-
arnir hefðu eitthvað við að vera í
frímínútum og er skemmst frá því
að segja að slegist var um að kom-
ast að borðinu. Ekki leið á löngu
þar til krakkarnir höfðu náð nokk-
urri leikni og var því afráðið að þau
tækju þátt í héraðsmóti. Heim komu
þau með tvo meistaratitla sem síðan
hafa haldist við skólann.
Fyrri part sumars héldu lands-
liðskrakkarnir tii Englands og Skot-
lands til keppni og dvöldu þá í fimm
daga í æfingabúðum í Skotlandi þar
sem skoskur þjálfari auk þriggja
íslenskra hafði með höndum þjálf-
un. Krakkarnir sögðu að þátttaka
í mótinu hefði verið mjög lær-
Morgunblaðið/Rúnar Þór
Af Qórtán manna landsliði unglinga í borðtennis eru sex írá Grunn-
skólanum á Grenivík. Hinn föngulegi hópur endurnýjaði kynni sín
við borðtennisspaðann nýlega, en í sumar hafa krakkarnir unnið í
frystihúsinu og gerðu þá hlé á æfingum á meðan á meðhöndlun fisks-
ins stóð. Frá vinstri eru Gísli Gunnar Oddgeirsson, Guðrún' Péturs-
dóttir, Sigrún Þórsteinsdóttir, Hólmfríður Björnsdóttir og Axel Ey-
§örð, en á myndina vantar Stefán Gunnarsson.
dómsrík og gaman að taka þátt í
því. „Það reiknaði enginn með sigri,
svo við urðum ekki fyrir vonbrigð-
um. Við spiluðum við Englendinga
og íra, en þeir eru sterkastir í
þessu, en þau lið sem eru slappari
en okkar tóku því miður ekki þátt,“
sögðu krakkarnir.
Nú í haust fara flestir úr lands-
liðshópnum í framhaldsskólana á
Akureyri og er ætlunin að halda
æfingum áfram þar. Lítið hefur
hins vegar farið fyrir borðtennis-
spilurum þar, en því hyggjast hinir
ötulu grenvísku spilarar breyta og
eru með ýmislegt' á pijónunum til
að efla þessa göfugu íþrótt í höfuð-
stað Norðurlands.
*
Olund gef-
ur út blað
Félagið Ólund á Akureyri hef-
ur gefið út blað, Ólund - blað.
Félagið rak áður útvarpsstöð
undir ólundarnafninu, en hefur
nú snúið sér að blaðaútgáfu.
Fyrsta tölublaðið hefur að
geyma menningarefni, viðtöl,
smásögur, ljóð og ýmislegt
fleira. Blaðið er selt í bókabúðum
á Akureyri og nokkrum bóka-
búðum í Reykjavík.
Eining:
Hækkunum á
nauðsynjavör-
um mótmælt
Trúnaðarmannaráð Verka-
lýðsfélagsins Einingar tekur
undir mótmæli miðstjórnar
ASI vegna þeirra óhóflegu
hækkana sem orðið hafa á
ýmsum nauðsynjavörum
heimilanna að undanförnu og
þá ekki síst landbúnaðarvör-
um, segir í fréttatilkynningu
frá Verkalýðsfélaginu Ein-
ingu.
I tilkynningunni segir einnig
að fundurinn krefjist leiðréttinga
í þessum efnum og telur að ríkis-
valdinu beri skylda til að sjá svo
um að hækkanir á verði land-
búnaðarvara og annarra helstu
neysluvara almennings séu aldr-
ei meiri en almennar kauphækk-
anir á hveijum tíma.
Fundurinn bendir á að verð-
hækkanir á landbúnaðarvörum
séu síst til þess fallnar að leysa
margumtalaðan vanda land-
búnaðarins, heppilegra sé að
nota fjármuni þá sem varið er
til útflutningsbóta til að lækka
vöruverð innanlands og auka
þannig sölu.
Fjáröflunar-
átak SÁÁ-N
Norðurlandsdeild SÁÁ
heldur upp á eins árs aftnæli
sitt 1. október næstkomandi
og í tilefni af því er efnt til
Ijáröflunarátaks. I öllum
kaupstöðum frá Siglufirði til
Þórshafiiar verður gengið í
hús og happdrættismiðar
boðnir til sölu.
Ingjaldur Arnþórsson ráðgjafi
hjá SAÁ-N á Akureyri sagði að
stefnt væri að því að útvíkka
þjónustunetið yfir allt Norður-
landssvæðið, en af fjárhagsleg-
um ástæðum hefði það enn ekki
verið hægt. Mikill fjöldi fólks
hefði leitað til ráðgjafarþjónustu
SÁÁ eftir að starfsemin fór í
gang í upphafi þessa árs og á
milli 25-30 manns nytu þjónustu
á degi hveijum.
Einn ráðgjafi hefur starfað
hjá SÁÁ á Akureyri og að sögn
Ingjalds er brýn þörf á að bæta
öðrum starfsmanni við. Hann
sagði að á Akureyri bráðvantaði
líka litla afvötnunarstöð.
Félag verslunar- og
skrifstofufólks:
Kaupmáttar-
trygging 1
næstu samning-
um
Á almennum félagsfundi Fé-
lags verslunar- og skrifstofu-
fólks á Akureyri og nágrenni
sem haldinn var í Alþýðuhúsinu
síðastliðinn mánudag var mót-
mælt verðhækkunum að undanf-
örnu. Fundurinn taldi ríkis-
stjórnina hafa algjörlega brugð-
ist þeim loforðum í verðlagsmál-
um sem gefin voru í síðustu
samningum og ennfremur krafð-
ist fundurinn þess að næstu
samningar verði ekki undirritað-
ir án kaupmáttartryggingar.