Morgunblaðið - 02.12.1989, Blaðsíða 12

6861 flí3ai4383Q 4S HUOAaflAOUAJ ÖIÖAJaWUOflOM
MORGUNBLASIÐ LAUGARDAGUR 2. ÐESEMBER 1989
KS
12 B
Ferðaminningar Jó-
hönnu Kristj ónsdóttur
VAKA-Helgafell hefur gefið út
bókina Duimál dódófúglsins eftir
Jóhönnu Krisljónsdóttur. Bókin
ber undirtitilinn: Á ferð með
augnablikinu um framandi lönd.
I kynningu Vöku-Helgafells á
þessari nýjustu bók Jóhönnu Krist:
jónsdóttur segir meðal annars: „í
Dulmáli dódófuglsins lýsir Jóhanna
ferðum sínum til tíu fjarlægra
landa. Hún kemur meðal annars við
í Rúanda, á Máritíus og Malawi, í
írak, Ísrael og Túnis og ræðir þar
jafnt við höfðingja, hirðingja og
hjákonur og nálgast fólkið af var-
færni en jafnframt giettni þannig
að frásögnin verður í senn lífleg
og sönn.
Lesandinn upplifir atburði sem allt
eins gætu átt heima í spennusögu
því oft og tíðum er tvísýnt um það
hvort Jóhönnu takist að sleppa úr
ýmis konar háska sem hún lendir í.
I bókinni Dulmál dódófuglsins er
umfram allt einlæg og næm frásögn
af lífi í framandi löndum en um
leið ævintýraleg ferðasaga.“
Dulmál dódófuglsins skiptist í
ellefu meginkafla og er í bókinni
fjöldi mynda frá þeim löndum sem
leið Jóhönnu hefur legið til. Aftast
í bókinni eru kort sem Gunnar H.
Ingimundarson hefur gert og fróð-
legar upplýsingar um löndin sem
koma fyrir í bókinni sem geta nýst
Jóhanna Kristjónsdóttir
þeim sem eiga eftir að fara á þess-
ar slóðir.
Prentsmiðjan Oddi annaðist
prentvinnslu en GBB-auglýsinga-
þjónustan hannaði kápu.
Ný bók um sjálfstæð
is- og utanríkismál
ÚT ER komin bókin ísiensk sjálf-
stæðis- og utanríkismál frá land-
námi til vorra daga, eftir dr. Hann-
es Jónsson, fyrrverandi sendi-
herra. Bókin er níunda ritið í
bókasafni Félagsmálastofnunar.
Hannes kynnti bókina á blaða-
mannafundi og sagði meðal annars,
að hann byggði bókina á fjölþættri
menntun innan félagsvísinda og þjóð-
arréttar og 35 ára starfsreynslu í
íslenskri utanríkisþjónustu. Með
henni vilji hann miðla til samborgar-
anna hluta af þeirri þekkingu og
reynslu, sem viðburðarík þjónustu-
störf í þágu íslenskra hagsmuna og
vinsamlegra samskipta íslands og
annarra ríkja hafi fært honum.
Bókin skiptist í 14 kafla, auk
heimildaskrár og í henni er að finna
yfir 70 myndir, sem.tengjast textan-
um. Fjallað er um landnám og bak-
svið þjóðríkisins, stjórnskipan
þjóðríkisins og milliríkjasamskipti
930-1262, arfleifðina frá nýlendu-
tímabilinu, fullveldi og konungssam-
band með uppsagnarfresti, íslenska
hlutleysisstefnu sem öryggisstefnu
konungsríkisins íslands, leiðina til
lýðveldis, öryggisstefnu í mótun og
er þar fjallað um Keflavíkursamning-
inn, baksvið Nato og Nato-aðild, full-
mótaða öryggisstefnu í framkvæmd,
Morgunblaðið/Þorkell
Dr. Hannes Jonsson, fyrrverandi
sendiherra, með nýútkomna
bóka sína.
fræðileg grundvallaratriði utanríkis-
stefnu, grundvallaratruiði utanríkis-
stefnu íslenska ríkisins og utanríkis-
stefnuvalkosti íslands.
Brúðan hans Borgþórs
Bókmenntir
Sigurður Haukur Guðjónsson
Höfúndur: Jónas Jónasson.
Myndir: Sigrún Eldjárn.
Prentun: Prentsmiðjan Oddi hf.
Útgefandi: Æskan.
Þar er okkur boðið til sögu í Ljúfa-
landi, að kóngur þeirra var sofnaður
svefninum langa, Jörundur og Kol-
finna tekin við stjórn borgarinnar.
Þetta er ákaflega hugþekk borg, um
stræti og torg gengur fólk sem enn
hefir ekki týnt barninu í sjálfu sér,
gerir gælur við það, svo að sköpunin
öll brosir til þess, strýkur því um
vanga á allt annan hátt en fólki yfir-
leitt í borgum.
Ólína, dóttir mikils athafnamanns,
kynnist fátækum trésmíðanema,
Borgþóri. Þau verða ástfanginn, og
Borgþór vill gefa elskunni sinni eitt-
hvað sem ber henni hjarta hans og
sál. Hann réttir henni trékarl, Haf-
þór skipstjóra. Svo nánir voru þeir
spýtukarlinn og Borgþór, að meðan
erill hins daglega streðs hafði ekki
enn svæft draum barnsins í bijósti
smiðsins, gátu þeir ræðst við, brúðan
og hann. Lífið kenndi þeim Ölínu og
Borgþóri að „sum skip koma ekki
að landi“. Sú kom stund, að smiður-
inn og trékarlinn skildu ekki hvor
annan. Víst gerði athafnamaðurinn,
Borgþór, marga brúðuna, sem fólk
gladdi, keypti og hélt með heim, en
enga sem Hafþór. Tíminn leið og þau
hjón urðu gömul. Þá er boðið til sögu
fátækri telpu, Heiðu. Hún vakti Haf-
þór aftur til „lífs“, þráði ekkert heit-
ar en eignast hann, og hann að kom-
ast burt frá þeim er hinu eina sanna
höfðu glatað.
Jólakvöld. Gömlu hjónin ákveða
að gefa Hafþór, gefa hann til að
gleðja fátækt bam. Heiða litla kynn-
ist því, að ,jól eru ekki aðeins fyrir
ríka fólkið". Nú bregður svo við, að
Borgþór skilur, að það er í gjöfínni
sem maðurinn öðlast, því þeir geta
talazt við á ný, Hafþór og hann.
Inní kvöldhúm jólanætur flæðir ilmur
vors.
Oft hefir skáldið, Jónas, gengið í
hliðum þroskans fjalls í leit að til-
gangi farar okkar um jarðsviðið. Með
þessari sögu býður hann okkur að
hlið sér og segin Kærleikurinn, sem
umvefur allt er það sem öllu máli
skiptir, en hann er aðeins gestur
þess sem deyðir ekki bamið í sjálfum
sér. Niðurstaða, sem ekki er aðeins
ævintýri fyrir börn, heldur holl lestur
öllum á hraðans öld.
Jónas er meistari máls og stíls,
og sannarlega er bókin listilega skrif-
uð, ljóðræn, orðin anga sem gróður
jarðar, og í þeim er hljóðseiður and-
Jónas Jónasson
varans. Get ekki stillt mig um að
amast við einu orði. í dag er fólki
tekið að smíða allt milli, himins og
jarðar. Það smíðar tillögur; smíðar
bækur o.fl., o.fl. Jónas smíðar meira
að segja hamingju (35). Þung hefði
brún Sigurðar skólameistara orðið
yfir slíkri setningu. Myndir Sigrúnar
era listavel gerðar, falla að efni svo
unun er að, eru bókarprýði. Próförk
vel lesin, næstum villulaus. Frágang-
ur allur og prentun útgáfunni tii
sóma. Hafi hún þökk fyrir góða bók.
Skáldsaga eftir
Agnar Þórðarson
FRJÁLST framtak hf. hefur sent
frá sér skáldsöguna Stefnumótið
ellir Agnar Þórðarson rithöfund.
í umsögn útgefanda segir m.a.:
„Stefnumótið er spennandi njósna-
saga og er Reykjavík nútímans
aðalsögusviðið, en Ágnar hefur val-
ið Reykjavík sem sögusvið flestra
vérka sinna. Sagan hefst í boði hjá
Popoff, sendiherra Sovétríkjanna á
íslandi. Hinum.megin við Tjömina
er sendiráð Bandaríkjanna og liggja
rætur atburðanna þar á milli. At-
burðir síðustu ára, bæði innanlands
og utan, koma við sögu og spennan
eykst eftir því sem örlaganornirnar
spinna vef sinn.“
Stefnumótið er 223 blaðsíður.
Bókin er prentunnin í Prentstofu
G. Benediktssonar en kápu hannaði
auglýsingadeild Frjáls framtaks hf.
Agnar Þórðarson
Fyrsta skáldsaga
Eysteins Bjömssonar
VAKA-HELGAFELL hefúr gefið
út skáldsöguna Bergnuminn, eft-
ir Eystein Björnsson.
í kynningu útgefanda segir m.a.
um efni bókarinnar: „Lesandinn
fylgist með söguhetjunni og dular-
fullri og ógnþrunginni tilvist hans
sem fjárhættuspilara í Reykjavík.
Spilafíknin hefur náð heljartökum
á Halldóri og leitt hann inn á braut
glæpa. Hann situr bergnuminn við
borðið í spilaklúbbnum þar sem
háar ijárhæðir skipta um eigendur
á hveiju kvöldi. Tilfinningar hans
eru aðeins bundnar við spilin. Hann
missir tökin á lífi sínu, fjölskyldan
og starfið era í hættu. Sársauka-
fullt uppgjör verður ekki umflúið.
Á slíkur maður leið til baka í mann-
heima?“
Prentsmiðjan Oddi annaðist
prentvinnslu en GBB-auglýsinga-
þjónustan hannaði kápu. Bókin er
170 blaðsíður.
Eysteinn Björnsson
Smásagnasafn eftir
Hrafii Gunnlaugsson
Út er komið hjá Almenna
bókafélaginu nýtt smásagnasafn
eflir Hrafn Gunnlaugsson. í
þessu safni er nefnist Þegar það
gerist, er að finna tólf sögur.
í kynningu útgefanda segir m.a.:
„Smásögur Hrafns eru eins og kvik-
myndir hans, sérlega lifandi, per-
sónulegar og áleitnar. Efni sumra
sagna bókarinnar er sótt í raun-
veruleikann og margir munu kann-
ast við fyrirmyndir höfundar.
Þetta er annað smásagnasafn
Hrafns en hann hefur áður sent frá
sér ljóðabækur, skáldsögu og leik-
ritasafn auk kvikmynda, sjónvarps-
kvikmynda og margvíslegs annars
efnis.“
Þegar það gerist er 207 blaðsíður
að stærð. Úrvinnslu disklinga, um-
brot, filmuvinnu og prentun annað-
ist Prentstofa G. Benediktssonar.
Bókin var bundin í Arnarfelli. Kápu-
mynd tók Davíð Örn Þorsteinsson.
Hrafn Gunnlaugsson
Bók um „Naivista“
í íslenskri myndlist
ICELAND Review útgáfan hefúr gefið út bókina Naive and Fant-
astic Art in Iceland eftir Aðalstein Ingólfsson, listfræðing.
í kynningu útgefanda segir m.a.:
„Hér er komin fyrsta tilraun sem
gerð hefur verið til að gera úttekt
á verkum sjálfmenntaðra alþýðu-
listamanna á íslandi.
I Naive and Fantastic Art in Ice-
land gerir Aðalsteinn Ingólfsson
grein fyrir helstu forsendum list-
sköpunar af þessu tagi, en í kjölfar-
ið fylgja kaflar um ellefu sjálflærða
listamenn, allt frá Sölva Helgasyni
til Guðmundar Ófeigssonar. I bók-
inni er m.a. fjallað um verk Sæ-
mundar Valdimarssonar, Isleifs
Konráðssonar, Karls Einarssonar
Dunganon, Grímu, Stefáns Jóns-
sonar frá Möðrudal, Eggerts Magn-
ússonar, Þórðar Valdimarssonar,
Sigurlaugar Jónasdóttur, Kristins
Ástgeirssonar og Gunnars Guð-
mundssonar. Birtar era 86 litmynd-
ir af verkum þeirra.“
Páll Stefánsson tók flestar ljós-
myndanna, útlitshönnun annaðist
Björgvin Ólafsson, Prentmynda-
stofan hf. sá um litgreiningar og
filmuvinnu, en prentun bókarinnar
fór fram á Italíu.
Almenna bókafélagið hefur keypt
útgáfurétt bókarinnar á íslensku
og mun gefa hana út næsta vor
undir heitinu Einfarar í íslenskri
myndlist.
Skáldsaga efitir
Guðmund Halldórsson
SÓLEYJARSUMAR heitir bók
eftir Guðmund Halldórsson frá
Bergsstöðum, sem Bókaútgáfan
Hildur hefur gefið út.
Þetta er sjötta bók Guðmundar. í
kynningu útgefandans segir, að
Guðmundur sæki yrkisefni sín beint
til daglegs strits og stríðs fólksins
? byggðum landsins. I þessari bók
lýsi höfundur lífi ungra manna á
fyrri hluta þessarar aldar, sem í dag
myndu vera kallaðir farandverka-
menn.
Bókin er 160 blaðsíður, unnin hjá
Prentþjónustunni og Prentbergi.