Morgunblaðið - 10.12.1989, Blaðsíða 2

2 FRÉTTIR/INNLENT
MORGUNBLAÐIÐ SUNNUDAGUR 10. DESEMBER 1989
Komandi kynslóðir munu setja
spurningarmerki við dóminn
Morgunblaðið/Ingvar
Slökkviliðs- og lögregluraenn hlynna að slösuðura á slysstað við Reykjanesbraut í nótt.
Rey kj anesbraut:
Fjórir slösuðust í umferðarslysi
FJÖGUR ungmenni slösuðust,
þar af tvö alvarlega, í bílslysi á
Reykjanesbraut um eittleytið
aðfaranótt laugardags. Tveir
hlutu beinbrot og önnur meiðsl,
en eru ekki í lífshættu. Hinir
fengu að fara heim af slysadeild-
inni að lokinni aðhlynningu.
Slysið varð með þeim hætti að
bíll ók á miklum hraða niður
Breiðholtsbraut og norður Reykja-
nesbraut, og skall aftan á annarri
bifreið sem var ekið inn á Reykja-
nesbrautina frá Alfabakka.
Fremri bifreiðin kastaðist út af
veginum og skall vinstri hlið henn-
ar á ljósastaur, sem gekk inn í
bílinn miðjan. Tækjabíl slökkvi-
liðsins þurfti til að losa fólkið úr
flakinu.
Ekki urðu slys á fólki í aftari
bifreiðinni.
Jólasveinar
til byggða
Þótt enn séu fjórtán dagar til
jóla var farið að sjást til jóla-
sveina hér og þar í Reykjavík-
urborg í gær. Þessi heilsaði upp
á þægu börnin í Kringlunni í
gærmorgun og Jón Felix Sig-
urðsson var ákaflega ánægður
með að teljast í þeirra hópi. í
dag, sunnudag, koma nokkrir
synir þein-a Grýlu og Leppalúða
fram á Austurvelli klukkan 16,
er kveikt verður á Oslóarjóla-
trénu. Lúðrasveit mun spila á
vellinum frá kl. 15.30.
Morgunblaðið/Þorkell
- segir Magnús Thoroddsen sem dæmdur hefiir verið
frá embætti hæstaréttardómara
MAGNÚS Thoroddsen segist telja að komandi kynslóðir eigi eftir að
setja stórt spurningarmerki við meirihlutaatkvæði Hæstaréttar sem
á fostudag dæmdi Magnús frá embætti hæstaréttardómara. Magnús
segir einnig að það geti verið liættulegt fyrir réttarfar í landinu að
dómsmálaráðherra hafi með þessum dómi fengið staðfesta heimild
til að víkja hæstaréttardómara frá án undangengins dóms.
Magnús sagði við Morgunblaðið
að þegar hann las dóminn
hafi sér dottið í hug orð Ibsens í
Þjóðníðingi: Minnihlutinn hefur allt-
af rétt fyrir sér.
„Mér finnst sératkvæði þeirra
Sveins Snorrasonar og Sigurðar
Reynis Péturssonar alveg frábært
og eins og skrifað út úr mínu
hjarta,“ sagði Magnús. „Mér finnst
að þeir hafi með þessu sératkvæði
sínu tekið lögfræðilega á málinu
eins og á því þurfti að taka. Þeir
hafa að mínum dómi skrifað sig inn
í réttarsöguna með sératkvæðinu.
Ég er mjög óánægður með meiri-
lilutaatkvæðið því mér finnst það
vera sama órökstudda moðsuðan
eins og í héraðsdómnum. Og ég er
sannfærður um að komandi kyn-
slóðir eiga eftir að setja stórt spum-
ingarmerki við þetta meirihlutaat-
kvæði.
Það kemur hinsvegar fram í
dómnum að ég hafði heimild til
áfengiskaupanna, og sú heimild
fylgdi embætti mínu og hafði verið
notuð gegnum tíðina. Það kemur
ennfremur fram að það voru engar
takmarkanir á 'þessari heimild.
Þessar reglur voru settar af þeim
sem stjórna ríkinu, ég átti mín við-
skipti við ríkið og það var aldrei
hreyft neinum athugasemdum við
mig út af þessum viðskiptum.
Þessi kaup mín ollu síðan miklu
fjaðrafoki í þjóðfélaginu og það
má segja að ef þessi hlunnindi hefðu
falist í niðurgreiddu lambakjöti eða
tollfijálsum bíl, held ég að það hefði
ekki rótað við neinum manni. En
þetta var brennivín og tvöfeldni
Islendinga í sambandi við áfengis-
mál er mjög mikil og þess vegna
fór allt á annan endann,“ sagði
Magnús.
Hann bætti við að í meirihlutaat-
kvæðinu væri tekið tillit til þess í
lagagreinum einkamálalaga og laga
um opinbera starfsmenn, sem hent-
aði málflutningi ríkisins. Litið væri
framhjá því sem þessar greinar
kvæðu á um opinberum starfs-
mönnum til hagsbóta: að láta þá
vita ef þeir hefðu brotið eitthvað
af sér og gefa þeim kost á að tala
máli sínu og eftir atvikum að bæta
ráð sitt.
Magnús sagði síðan að sú túlkun
Hæstaréttar, að dómsmálaráðherra
hafi heimild til að víkja hæstarétt-
ardómurum frá, væri að minnsta
kosti vafasöm og gæti verið hættu-
leg. „Það er hægt af óprúttnum
monnum að misnota þessa heimild
og víkja hæstaréttardómara, sem
þeir vita að sé ríkisstjórninni and-
snúinn í ákveðnu máli, meðan dæmt
er í því. Það er hættulegt réttarfar-
inu í landinu,“ sagði Magnús Thor-
oddsen.
Sjá sératkvæði Sveins Snorra-
sonar og Sigurðar Reynis Pét-
urssonar á bls. 22.
J ólabókamarkaðurinn:
Endurminningarnar sækja á
JÓLABÆKUR þessa árs eru nú flestar komnar út. Erfítt er að
gera sér nákvæma grein fyrir því nú, hversu margar þær verða
á endanum, þar sem nýjar bækur verða að koma út alveg fram
á síðasta dag og því verður ekki hægt að gera tæmandi saman-
burð milli ára fyrr en eftir hátíðarnar.
Jón Karlsson, formaður Félags
bókaútgefenda, segir þó, að
bæklingur félagsins, Islensk
bókatíðindi, gefi vísbendingu, en
í bókatíðindunum nú er fjallað
um 70 fleiri bækur en í fyrra.
Það er líka ljóst, að mun fleiri
ævisögur og endurminningabæk-
ur eru gefnar út
nú en í fyrra.
Slíkar bækur
hafa verið vin-
sælar og sífellt
fleiri róa á þessi
mið. Fjöldinn
hefur verið misjafn frá ári til árs
og áður hafa komið ár, þegar þær
voru mjög margar i útgáfunni.
Jón segist telja að framtíð þeirra
ráðist mikið af því hvernig salan
gengur nú.
Jón sagði að íslensk skáldverk
hefðu þó forgang. Þau væru yfir-
leitt gef in út þegar þau væru tilbú-
in og ekki látin bíða þótt fjöldi
endurminniga-
bóka væru á leið-
inni. Hann sagði
að svo yrði áfram
því verk skap-
andi höfunda
skiptu mestu
máli. En auðvitað styrkti góð sala
á endurminningabókum fjárhag
bókaútgáfanna og gerði þeim þá
kleift að gefa út fleiri skáldverk.
Þýddar skáldsögur virðast
halda nokkuð sínum hlut en þær
eru mjög fyrirferðarmiklar á jóla-
bókamarkaðnum, eða rúmlega
fimmtíu talsins. Ef borin eru sam-
an bókatíðindi frá 1988 og 1989
kemur í ljós að 1988 voru gefnar
út 18 íslenskar skáldsögur og
smásagnasöfn en 30 í ár. Þýddar
skáldsögur voru 54 talsins 1988
en eru 51 1989. Ævisögur og
endurminningabækur eru 43 en
voru 21 í fyrra. Bækur um þjóð-
legan fróðleik voru 15 1988 en
eru 12 talsins 1989. Ljóðabækur
eru 24 í ár en voru 20 í fyrra.
Handbækur ýmiskonar eru 37 nú
en voru 23 í fyrra. Fræðibækur
eru nú 8 en voru 11 í fyrra og
ýmsum bókum hefur fækkað úr
48 í 39. Nú eru á listanum 10
matreiðslubækur en í fyra voru
þær flokkaðar með ýmsum bók-
um og voru þijár talsins.
Lang stærsti flokkurinn er svo
barna- og ungþngabækur, í bóka-
tíðindunum fyrir 1989 eru þær
115 en voru 88 í fyrra. Jón Karls-
son sagði að það væri svolítið
undarlegt hve mikið væri gefið
út af barnabókum vegna þess að
sala þeirra hefur heldur dregist
saman á undanförnum árum.
Dæmi eru um að sambærilegar
bækur kosti nú*það sama og í
fyrra, en við lauslega athugun
kemur í ljós 5 - 25% verðhækkun
og meðaltalshækkun þetta 12 til
15%. Svo eru auðvitað dæmi um
til muna dýrari útgáfur, sem
myndu hleypa meðaltalinu veru-
lega upp, ef þær væru teknar
með í reikninginn..
BAKSVIÐ
efttrÁsdísi Haraldsdóttur
í lausu lofti
►Varaflugvallarmálið enn
pólitískt bitbein /10
Viðtal
►Jakob Jakobsson, forstöðumað-
ur Hafrannsóknarstofnunar ræðir
um leitina að lífsbjörg íslensku
þjóðarinnar/16
Eins og magnaður
draumur
►Jan Hartman segir frá handrits-
gerðinni fyrir fyrirhugaða kvik-
myndun Njálssögu/20
Bheimiu/
FASTEIGNIR
► 1-24
Talsverð eftirspurn
eftir f lutningshúsum
►Viðtal við Margréti Þormar,
arkitekt hjá Borgarskipulagi /10
Húsbréfakerfið
►Viðtal við Kristján V. Kristjáns-
son hja'fasteignasölunni Austur-
strönd á Seltjamarnesi/ 2
Er hægt að mæla
greind?
►Um kosti og galla greindarprófa
/1
Ólafía Hrönn
►Ung leikkona vekur athygli
áhorfenda sem gagnrýnenda/8
Erlend hringsjá
►Fall Zhivkovs í Búlgaríu /20
Þólíði árogöld...
►Björgvin Halldórsson hefur
rokkað í tuttugu ár og er nú með
tvær hljómplötur á markaðnum
/22
Þau eru öldungar
íslands
►Sagt frá elstu íslendingunum í
máli og myndum /24
íslendingar í París
►Högna Sigurðardóttir, arkítekt
heimsótt /38
Datvinna/
RAÐ/SMÁ
► 1-8
►Vinnumarkaður/Kaup/Sala/-
Félagsmál/Fréttir/1-8
FASTIR ÞÆTTIR
Frettir 2/4/6/bak Útvarp/sjónvarp 32
Dagbók 8 Gárur 35
Leiðari 18 Mannlífsstr. 14c
Helgispjall 18 Fjölmiðlar 28c
Reykjavíkurbréf 18 Menningarstr. 30c
Hringsjá 20 Afmæli 34c
Myndasögur 24 Bíó/dans 42c
Minningar 26 Velvakandi 44c
Fólk í fréttura 30 Samsafnið 46c
Konur 30 Bakþankar 48c
INNLENDAR FRÉTTIR:
2—6—BAK
ERLENDAR FRÉTTIR:
1-4