Morgunblaðið - 20.04.1991, Blaðsíða 3

Morgunblaðið - 20.04.1991, Blaðsíða 3
MORGUNBLAÐIÐ LAUGARDAGUR 20. APRII/1991 Cr-3 BJOÐUM UPP A SÖGUSTUNDIR, UPPLESTUR OG BRUÐULEIKHUS Borgarbókasafn Reykjavikur hefur ýmislegt upp á að bjóða, fyrir yngstu börnin, meðan á Listahátið æskunnar stendur. Mánudaginn 22. apríl, klukkan 10.30, kemur Sigrún Eldjárn í heimsókn í Bústaðabóka- safn, les upp úr verkum sínum og ræðir við krakkana. Klukkan 11.00 verður dagskrá um blindraletur í Sólheimabókasafninu og klukkan 14.00 verður Sigrún Eldjárn f Grandasafni. í bókasafninu í Gerðubergi verður svo brúðuleikhúsið „Dúkkukerran", með sýningu, klukkan 14.00. Þriðjudaginn 23. apríl klukkan 14.00 verður dagskrá um blindraletur í bókasafninu í Gerðubergi. Miðvikudaginn, 24. apríl, klukkan 10.00, er sögustund í Bústaðabókasafni, einnig í Sólheimabókasafni og bóka- safninu í Gerðubergi — og klukkan 14.00 í Grandasafni. I sögustundun- um verður lesið efni sem tengist listum. Eftir lesturinn verður teikn- að, litað og málað. Á bókasðfnunum verður jafnframt sýning á verkum barna, sem hafa verið unnin í sögustundum. Þórdís Þorvaldsdóttir er borgar- bókavörður ög aðspurð um þátttöku safnsins í Listahátíð æskunnar, sagði hún: „Reykjavíkur- borg er annar þeirra aðila sem standa að hátíðinni og þar komum við inn i dagskrána. Það sem við leggjum af mörkum eru í rauninni okkar venj- ulegu dagskrár, aðeins framlengd- ar." Fyrir hvaða aldurshóp eru sögu- stundirnar? „Þessar almennu sögustundir eru fyrst og fremst fyrir börn á aldrinum fjögurra til.sjö ára. Það er lesið fyr- ir þau og föndrað með þeim, auk þess sem lesin er fyrir þau saga. Stærri krakkar, sem eru sjálfír farn- ir að lesa, koma bara sjálf. Tilgang- urinn er fyrst og fremst að lesa fyr- ir litlu krakkana sem geta bara skoð- að myndirnar. Síðan er spjallað við þau og reynt að skýra textann. Hver sögustund er rúmur klukkutími." Hvaða börn koma helst? „Það eru fyrst og fremst krakkar úr hverfunum, auk þess sem fóstrur og dagmæður koma með börn sem eru í dagvistun. Þetta er mjög vin- sælt og á hverju ári koma um 2.000 börn í sögustundir safnsins. í hverju útibúi er einn bókasafnsvörður sem sér um sögustundirnar og það er mjög mikil vinna við þær, því það þarf að leita að rétta efnimi og oft þarf að þýða það. Við höfum fengið skuggamyndir erlendis frá, sem þarf að fará í gégnum og velja úr, auk bóka. Stundum bjóðum við rithöfund- um að koma og lesa upp úr bókum sínum og spjalla við börnin og á hverju ári er brúðuleikhús á einhverj- um af þessum stöðum. Brúðuleikhú- sið og höfundarnir eru það eina sem er út fyrir það sem safnið gerir sjálft." Á hvaða tíma eru sögustundirnar? „Þær eru venjulega á milli klukkan tvö og þrjú á daginn, en það er þó færanlegt frá ári til árs. Meðan á Listahátíð æskunnar stendur, eru sögustundirnar yfirleitt frá klukkan tíu til ellefu á morgnana og svo ýmislegt aukreitis eftir hádegi. En það er ekki bara verið að lesa, heldur eru börnin alltaf að teikna eða búa til ýmsa hluti. Oft er það tengt efninu sem verið er að lesa, en stund- Rætt við Þordfsi Þor- um er það eitthvað allt annað, jafn- vel veðrið. Svo þarf fólk ekki endi- lega að mæta í auglýstar sögustund- ir, því dagmæður og fóstrur geta hringt og pantað sögustund. Við er- um líka með skipulagðar kynningar- dagskrár á söfnunum fyrir börn úr grunnskólum, en það hefur komið í ljós að fullorðið fólk sækir ekkert síður í þær kynningar og hver sem er getur beðið um þær." Borgarbókasafnið teygir anga sína víða um borgina. Aðalsafnið er í Þingholtsstræti 29a, og er opið mánudaga til fimmtudaga, klukkan 9-21, föstudaga, klukkan 9-19, laug- ardaga klukkan 13-16. Frá 1. maí til 1. september er aðalsafnið lokað á laugardögum. í aðalsafninu eru útlánsdeild og lestrarsalur, auk þess sem þar er sögustund fyrir börnin einu sinni í viku. Lestrarsalurinn er lokaður i júní, júlí og ágúst. Grandaútibú er við Grandaveg 47 og er opið mánudaga, klukkan 11-19.00 og þriðjudaga til föstu- daga, klukkan 15.-19.00. Þar er útl- ánsdeild, auk þess sem þar er sögu- stund fyrir börn einu sinni í viku. Bústaðasafn og bókabílar hafa sínar bækistöðvar í Bústaðakirkju og er opið mánudaga til fimmtu- daga, klukkan 9-21, föstudaga, klukkan 9-19 og laugardaga, klukk- an 13-16. Þar er útlánsdeild og bæki- stöð bókabíla. Sögustund fyrir börn er þar einu sinni í viku. Bústaðaúti- búið er lokað á laugardögum frá 1. maí til 1. september. Sólheimasafnið tilheyrir reyndar ekki Reykjavíkurborg lengur, en það er til húsa í Sólheimum 27 og er opið mánudaga til fimmtudaga, klukkan 9-21, föstudaga, klukkan 9-19 og laugardaga, klukkan 13-16, nema frá 1. maí til 1. september, þá er lokað á laugardögum. í Sól- heimasafninu er útlánsdeild, auk þess sem þar er sögustund fyrir börn einu sinni í viku. Þar að auki býður safnið upp á heimsendingarþjónustu við fatlaða og aldraða. Borgarbókasafnið í Gerðubergi er opið mánudaga til fimmtudaga, klukkan 9-21, föstudaga, klukkan 9-19 og laugardaga, klukkan 13-16. Þar er útlánsdeild og tónlistardeild, auk þess sem boðið er upp á sögu- stund fyrir börn einu sinni í viku. Eins og önnur bókasöfn borgarinnar, er safnið í Gerðubergi lokað á laugar- dögum, frá 1. maí til 1. september. Sögustundirnar eru mjög mark- visst unnar og má nefna sem dæmi að núna í apríl eru lesnar bækur sem fjalla æum listsköpun af ýmsu tagi, vegna Listahátíðar æskunnar. Dag- skrá sögustunda í Bústaðabókasafni hefur því verið með eftirfarandi hætti: Þann 3. apríl var lesin sagan Fuglinn sem ekki vildi syngja, úr „Berin á lynginu" og „Kuggur, Mosi og mæðgurnar," eftir Sigrúnu Eld- járn. Þann 10. apríl var þýtt efni; „í sjónvarpinu," eftir Kunnas, „Hljómsveitin fljúgandi," eftir Löf- gren og „Stína snjalla og Snati, I," eftir Hayton. Þann 17. apríl var les- in bók Herdísar Egilsdóttur um Pappírs-Pésa og sagt vaf frá fólki og ræningjum í Kardemommubæ, eftir Egner. Þann 24. apríl, meðan á listahátíðinni stendur, verður lesin sagan „Bétveir bétveir," eftir Sigr- únu Eldjárn,„Tumi bregður á leik," eftir Wolde. Þá verður sýnt mynd- band sem ber heitið „Jurtin," og leik- in verður snælda með „Pétri og úlfin- um," eftir Prokofjev. Auk þess kem- ur Sigrún Eldjárn í heimsókn, mánu- daginn 22. apríl, klukkan 10.00, kemur Sigrún Eldjárn og les úr verk- um sínum. ssv • • BORN EIGA RETT A ÞESSARI HATIÐ í Nýja tónlistarskólanum hafa fjórir krakkar stundað strangar æfingar upp á síðkastið — þar sem þau munu flytja Tríósónötu eftir Corelli, á hátíðardagskránni í Borgarleikhúsinu í dag. Þetta eru þau Níels Rúnar Gislason, 11 ára nemi í fiðluleik, Guðrún Jónsdóttir, 11 ára, sem einn- ig lærir á fiðlu, Sólveig Gísladóttir, 14 ára sellónemi og Pétur Snæ- björnsson, 14 ára nemi í píanóleik. K rakkarnir eru mislangt komnir í námi; Níels er á 2. stigi, Guð- rún á 3. stigi, Sólveig á 4. stigi og Pétur á 5. stigi og öll ljúka þau þessum stigum í vor. Hópurinn hefur leikið saman áður, bæði í dúettum og tríóum og Pétur hefur verið undir- leikari hjá öllum strengjunum. En hvers vegna hafa þau valið sér þessi hljóðfæri? Níels: „Mamma valdi mitt — og ég er alveg ánægður með það. Ef ég ætti að velja sjálfur, mundi ég vilja læra á gítar. En ég mundi ekki vilja sleppa fiðlunni, heldur halda áfram að læra á hana líka." Guðrún: „Ég var í forskóla og kennarinn benti mér á fiðluna. í for- skólanum sungum við líka með „Litlu strengjasveitinni," á vortónleikum, svo ég kynntist fiðlunni aðeins þar og er mjög ánægð með hana." Sól- veig: „Eg var í forskóla úti í Þýska- landi og í lok skólaársins kom kenn- arinn með nokkur hljóðfæri til að sýna okkur. Mér fannst sellóið áhugaverðast og valdi það." Pétur: „Það hefur alltaf verið til píanó heima hjá mér. Bróðir minn íærði á það og mig langaði alltaf til að læra líka." Þegar þau eru spurð, hversu lengi þau æfa sig á degi hverjum, segjast fiðlurnar alltaf reyna að æfa sig í hálfa klukkustund á dag, sellóið eitt- hvað aðeins lengur, en Pétur segir píanóið ganga dálítið fyrir öðru: „Eg æfi mig alltaf áður en ég fer að læra — og aftur þegar ég er búinn að læra." Auk þess að vera í eink- atíma tvisvar í viku, eru krakkarnir í tímum í tónheyrn og ýmist í tón- fræði eða hljómfræði — og strengja- leikararnir æfa einnig með strengja- sveit skólans." En hvað fmnst þeim um að halda sérstaka Listahátíð æskunnar? „Börn eiga rétt á henni." svarar Guðrún. Þau hin taka undir það: „Það er margt áhugavert á dagskrá á hátíðinni og það er mjög gaman að fá að taka þátt í hátíðardag- Morgunbiaðið/KGA Níels, Guðrún, Sólveig og Pétur. skránni. Og maður reynir að komast yfir að sjá eins mikið og maður get- ur." Hinsvegar er tími fjórmenning- anna takmarkaður, því þau koma víða fram meðan á hátíðinni stend- ur, meðal annars með strengjasveit allra tónlistarskólanna í Reykjavík, á tónleikum í Bústaðakirkju, laugar- daginn, 27. apríl, og það er ljóst að mikill tími fer í æfíngar alla næstu ^' S8V Rætt við I jóra tönlist arnema sem leika á hátíöardagskránni í f

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.