Morgunblaðið - 20.04.1991, Blaðsíða 11

Morgunblaðið - 20.04.1991, Blaðsíða 11
MORGtíNBLAÖIÖ LATJGÁRDÁGUR '20.' ÁPRÍL' 1991 C 11 LITIL FLUGA VARÐ AÐ STÓRUM FISKI I Vogaskóla hafa tíu krakkar átt annríkt upp á síðkastið, þar sem þau hafa verið að æfa leikrit, sem þau nefna „Það gerðu þetta all- ir," undir sljórn Ingunnar Egilsdóttur. Hópinn skipa Elsa María, írena, Andrea, Hjalti, Hjalti Þór, Kristrún, Hildur, Adda, Sveinlaug og Benedikt og eru úr 7.9. og 10. bekk. Krakkarnir hafa sjálfir samið leikritið, sem fjallar um unglinga og vímuefni og þá aðallega hættuna sem unglingum stafar af vímuefnaneyslu. En hvers vegna þetta þema? þetta ¦¦ið vildum gera eitthvað sem H hefur tilgang. Það eru fyrst ¦ og fremst okkar viðhorf sem koma fram í leikritinu og við hug- suðum okkur þetta sem forvarnar- verk. Vímefnaneysla er mikið vanda- mál í okkar árgöngum. Krakkarnir byrja neysluna 13 til 14 ára og okkur finnst óhugnanlegt að sjá hvernig sum þeirra fara." — Hvernig krakkar eru það helst? „Það er eins og það fari ekki eftir neinni formúlu. Þetta eru bæði krakkar sem eru kúl og krakkar sem eru rólegir og allt þar á milli. Aðalpersónurnar í leikritinu okk- ar eru tvær systur, 13 og 14 ára, og verkið fylgir þeim í þrjú ár. Þær búa við fremur lélegar heimilisað- stæður og félagslegar aðstæður al- mennt. Þær lenda í vímuefnum — ekki afþví þær ætli sér það, fremur en aðrir. En þær lenda á kafi í þessu, án þess að gera sér grein fyrir því og þegar þær vilja hætta eru þær fastar. Það er mjög al- gengt með krakka sem lenda í vímuefnaneyslu, að þeir hafa engan til að reiða sig á, en þessar systur hafa hvor aðra og það verður þeim til happs." — Er leikfélag í Vogaskóla? „Nei, þessi hópur er framhald af námskeiði sem var haldið hér á vegum íþrótta- og tómstundaráðs Reykjavíkur. Það hefur alltaf verið sami kjarninn á þessum námskeið- um, þannig að það má kannski segja að þetta sé leikfélag skólans," segja þau og hlæja. „Verkið varð til á námskeiðinu sem var haldið í vetur'og var spuna- verkefni. Það má segja að þetta hafi verið lítil fluga sem varð að stórum fiski," segir einn meðlimur- inn og allir skellihlæja og finnst þetta frábærlega heimspekileg at- hugasemd. - Finnst ykkur nógu mikið gert, til að vekja athygli unglinga á hæt- tunni sem þeim stafar af vímuefna- neyslu? „Ne-hei! Alls ekki. Það þarf að auka umræðuna til muna og sýna Litið inn á leikæfingu í Vogaskðla okkur hvernig getur farið. Sú fræðsla sem er í gangi er engan veginn nægjanleg. Það kemur öðru- hverju einhver frá lögreglunni eða Rauða krossinum, stendur yfír okk- ur og þylur upp tölur og staðreynd- ir. Það er bara svo leiðinlegt form, að enginn nennir að hlusta. Það væri gott ef fólk sem þekkir vímu- efnaneyslu af eigin raun kæmi og segði frá reynslu sinni, auk þess sem gott væri að fá að sjá myndir. Við höfum heldur aldrei fengið neina fræðslu um það, hvernig við getum hjálpað. Á meðan svo er, reynir maður bara að passa sjálfan sig." — Hver fínnst ykkur vera til- gangurinn með Listahátíð æskunn- ar? „Okkur finnst tilgangurinn vera sá að leyfa okkur að tjá okkur um það sem hvílir þyngst á okkur, koma sjónarmiðum okkar á framfæri og sýna hvað í okkur býr — og við eigum það skilið." ssv BONDADÆTUR í LAUGARNESSKÓLA „Bóndadæturnar", nefnist leik- þátturinn sem Laugarnesskóli sýnir á Leiklistarhátið æskunnar, í Borgarleikhúsinu á morgun, sunnudag. Verkið er unnið upp úr samnefndri þjóðsögu úr Þjóð- sagnasafni Jóns Árnasonar og Ieikhópurinn samdi leikgerðina í samvinnu við leiklistarkennara sinn, Þórunni Pálsdóttur. Morgunblaðið/Sverrir Hópurinn samanstendur af sjö leikendum og einum sögu- manni og eru allir krakkarnir úr 7. bekk. Leikrit þeirra segir frá þremur bóndadætrum sem verða ást- fangnar af konungi, smiðnum hans og skóara - og giftast þeim. Yngsta systirin giftist konunginum, en fljót- lega verða eldri systurnar öfundsjúk- ar út í hana og þegar drottningin elur konungi sínum þrjú börn, fj'ar- lægja systurnar þau og tjá konungin- um að hún hafi alið hund, kött og trjábút. Börnin heita Vilhjálmur, Sig- urður og Helga. Þeim er komið í burtu - en upp komat svik um síðir, allt fer vel að lokum og systurnar tvær fá makleg málagjöld. En hvers vegna völdu krakkarnir þessa sögu? „Við fundum hana þegar við vorum að fara í þjóðsögurnar í vetur. Það var tiltölulega auðvelt að vinna leikgerð upp úr henni, vegna þess að hún er einföld og það er mikið af beinum samtölum í textanum. Þar að auki hafði hún sérstöðu, því það er enginn drep- inn í henni." Hver eru skilaboðin í sögunni? „Skilaboðin eru þau að maður á að vera ánægður með það sem mað- ur hefur valið og ekki vera öfund- sjúkur og alls ekki að ljúga — og að sannleikurinn sigrar að lokum." Finnst ykkur sagan eiga eitthvert erindi við okkur í dag? „Já, okkur finnst fólk í dag vera of fullt af þeim löstum sem fram koma í verkinu." Hafið þið öll leikið áður? „Já, sum hafa verið á leiklist- arnámskeiði og svo höfum við leik- ið á árshátíðum og jólaskemmtun- um í skólanum. Auk þess er sú hefð hér f Laugarnesskóla að í fyrstu frímínútum á hverjum föstudegi, hitt- ist allur skólinn á sal. í hvert sinn er einhver bekkur með atriði og oft eru fluttir stuttir leikþættir. Bekk- irnir ráða sjálfir hvað þeir gera — í samráði við kennara. Við venj- umst því þessvegna að koma fram — gerum það frá sjö ára aldri." Hver finnst ykkur vera tilgangur- inn með því að halda sérstaka lista- hátíð fyrir börn og unglinga? „Að leyfa ungu fólki að njóta sín og sýna hvað í því býr, með því að leyfa okkur krökkunum að koma fram. Það eina sem vantar er diskó- tek fyrir alla unglinga í Reykjavík í lokin," segja þau og flissa. „Nei, í alvöru, það ætti að halda svona hátíð sem oftast. Það er of lítið um það að við fáum að sýna hvað í okkur býr og koma sjónar- miðum okkar á framfæri." ssv

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.