Morgunblaðið - 30.04.1991, Blaðsíða 3
MORGUNBLAÐIÐ IÞROTTIR LRIÐJUDAGUR 30. APRÍL 1991
B 3
KNATTSPYRNA / LANDSLIÐIÐ
„Strákamir sofn-
uðu á verðinum
eitt andartak“
„Eg er á margan hátt ánægður
með leikinn. Strákarnir spiluðu
góða knattspyrnu, en sofnuðu
á verðinum eitt andartak og var
refsað fyrir það,“ sagði Bo Jo-
hanson, landsliðsþjálfari í
knattspyrnu, eftir að lið hans
hafði tapað, 0:1, gegn b-liði
Englands á laugardaginn. „Ég
var sérstaklega ánægður með
strákana sem leika á Islandi,
en það eru margir mánuðir
síðan þeir léku síðast á grasi.
Leikurinn lofar góðu fyrir fram-
haldið."
j*r
Islenska liðið byrjaði leikinn betur
en það enska og strax á fyrstu
mínútunum átti Antony Karl Greg-
ory tvö þokkaleg færi. íslendingar
létu knöttinn ganga
vel á milli sín og oft
var gaman að sjá
hvernig knötturinn
rúllaði manna á milli
án þess að Englendingar næðu að
komast inn í sendingar. Sóknarleik-
urinn var nokkuð beittur og gripu
leikmenn enska liðsins oft til þess
ráðs að bijóta á íslensku miðju- og
sóknarleikmönnunum. Eftir mörg
brot sköpuðu leikmenn íslands sér
ágæt tækifæri og átti Atli Eðvalds-
son, fyrirliði, eitt sinn skot rétt
framhjá enska markinu, eftir auka-
spyrnu Sigurðar Grétarssonar.
Englendingar komu meira inn í
leikinn er líða tók á hálfleikinn, án
þess að skapa sér nein hættuleg
tækifæri. Olafur Gottskálksson,
markvörður, bjargaði einu sinni
mjög vel skoti frá Lee Chapman,
eftir að Chapman hafði fengið
knöttinn grunsamlega langt fyrir
innan íslensku vörnina.
íslendingar sofnuðu á verðinum
í byijun síðari hálfleiksins. David
White fékk knöttinn á hægri kantin-
um og sendi knöttinn fyrir mark
íslands. Nigel Clough var á réttum
stað og sendi knöttinn í netið, 1:0.
Ólafur Gottskálsson hafði hendur á
knettinum, að náði þó ekki að af-
stýra marki. Þrátt fyrir þetta mót-
læti gáfust leikmenn íslands ekki
upp, heldur héldu áfram að reyna
að spila góða knattspyrnu. Hins
vegar dróg fljótlega af mönnum og
breyttu varamenn liðsins litlu þar
um. Hvorugu liðinu tókst að skapa
sér nein umtalsverð færi þar sem
eftir lifði leiksins og fögnuðu heima-
menn sigri.
ísland lék góða
knattspyma
- sagði McMenemy, þjálfari enska liðsins
Anthony Karl Gregory:
„Það kom mér á óvart hve vel
við náðum að spila í fyrri hálfleik
og skapa okkur færi. Sjálfur hefði
ég átt að gera betur í að minnsta
kosti öðru færinu sem ég fékk í
byijun leiksins, en var of mikið að
leita að Arnóri í stað þess að fara
alla leið sjálfur.
Sigurður Grétarsson:
„Fyrri hálfleikurinn var mjög
góður og með smá heppni hefðum
við getað skora tvö til þijú mörk.
Ég varð að taka ofan fyrir Clough
fyrir að skora úr slíku færi og það
er ekki hver sem er sem getur skor-
að með slíkum tilþrifum. Úrslitin
voru ekki sanngjörn en þetta sýnir
að við erum á réttri leið.
Grétar Einarsson:
„Þetta er mjög skemmtilegur
hópur og mér hefur verið vel tekið.
Það er auðvitað gaman að vera
fyrsti Víðis-maðurinn sem spilar
með landsliðinu og þetta ætti að
vera ungum knattspyrnumönnum í
Garðinum hvatning. Þetta sýnir að
menn geta náð langt þó að þeir búi
í litlu sjávarplássi.
Guðni Bergsson:
Við getum verið þokkalega án-
ægðir með árangurinn. Andstæð-
ingar okkar eru allir í toppformi
en flestir okkar eru að spila fyrsta
alvöruleik sinn í langan tíma. Ég
vona bara að við förum að breyta
þessum naumu töpum í sigra því
við höfum alla burði til þess.
Amór Guðjohnsen:
Þetta var erfiður leikur því völlur-
inn var frekar þurr og harður. Við
höfðum í fullu tré við þá í fyrri
hálfleik en svo keyrðu þeir upp
hraðan í þeim síðari og þá fór æf-
Íslenska liðið stóð sig vel sem
liðsheild í leiknum og erfítt að hrósa
einum leikmanni öðrum fremur. Þó
verður að geta góðrar framistöðu
Ólafs Þórðarsonar á miðjunni. Yfir-
ferð hans var gífurleg og dreif hann
félaga sína áfram í baráttunni. Sig-
urður Grétarsson var einnig frískur
á vinstri vængnum. Atli Eðvaldsson
stóð sig vel í að halda markahæsta
manni ensku 1. deildarinnar, Lee
Chapman, niðri, þannig að Chap-
man sást varla. Ólafur Gottskálks-
son var öryggið uppmálað í markinu
og var ekki að sjá að þetta væri
hans fyrsti leikur með a-landsliði
íslands. En annars stóðu allir leik-
mennirnir sig vonum framar og lof-
ar leikurinn góðu fyrir landsleik
gegn Wales í Cardiff annað kvöld.
Enska liðið var ekki mjög sann-
færandi í leiknum. Þó sýndi Steve
Hodge að hann á fullt erindi í a-
landslið Englands. Einnig átti bar-
áttujaxlinn David Batty nokkuð
góðan leik. Gary Mabbutt frá Tott-
anham var kallaður í leikinn á
síðustu stundu og batt hann vörnina
vel saman. Hann getur þó varla
talist til framtíðarmanna í enska
landsliðinu.
Morgunblaðið/Andrés Pétursson
Þorvaldur Orlygsson gengur af velli í Watford á laugardag, ásamt Steve
Hodge, félaga sínum í Nottingham Forest. í baksýn má sjá markvörðinn Nigel
Spink, frá Aston Villa.
■ ELTON John var meðal áhorf-
enda á landsleiknum, en eins og
flestir vita er hann fyrrum aðaleig-
andi Watford, en leikurinn fór fram
á heimavelli félagsins. Eitthvað
leiddist honum þófið í síðari hálfleik
og lét sig hverfa úr heiðursstúkunni
um miðjan hálfleikinn.
M GUNNAR Gíslason og Ólafur
Þórðarson höfðu varla tíma til að
fara í sturtu eftir leikinn, þar sem
þeir áttu að leika með félögum
sínum á sunnudaginn. Farið var
með þá út á flugvöll strax eftir leik-
inn og fóru þeir með fyrstu flugvél
frá London - Gunnar til Svíþjóð-
ar og Ólafur til Noregs.
ingaleysi okkar að segja til sín, en
með smá heppni hefðum við átt að
ná jafntefli.
Atli Eðvaldsson:
Liðsheildiin stóð sig vel í þessum
leik og það er mjög mikilvægt fyrir
okkur uppá komandi leiki að gera.
Við lentum í sjálfu sér ekki í telj-
andi vandræðum með sóknarmenn-
ina þeirra og má segja að þeir hafi
nýtt eina færi sitt í leiknum.
Ólafur Gottskálksson:
Auðvitað var maður pínulítið
taugastrekktur fyrir leikinn en um
leið og dómarinn flautaði hann á
varð þetta eins og hver annar leik-
ur. Það má segja að A-landsliðið
sé rökrétt framhald af öllum yngri
landsliðunum og þar fékk ég góða
reynslu. Ég fann mig vel í þessum
leik enda reyndi ekki mikið á mig.
Þorvaldur Örlygsson:
Það var gaman að koma í hópinn
aftur, þó svo að úrslitin væru
svekkjandi. Það kom mér töluvert
á óvart hve afslappaðir við vorum
og hve boltinn fékk mikið að rúlla.
Það var gaman að fá að kljást við
félaga mína Hodge og Clough en
eins og staðan er í dag er ekki víst
að ég verði mikið lengur hjá félag-
inu.
Lawrie McMenemy, þjðlfari
b-liðs Englands:
Ég kom til íslands með Sout-
hampton fyrir nokkrum árum og
vissi þvi að íslenskir leikmenn eiu
ódrepandi baráttuhestar. Þetta
íslenska lið kom mér hinsvegar á
óvart með því að spila góða og
skemmtilega knattspyrnu. Að mínu
mati var Ólafur Þórðarson besti
maður liðsins og Arnór Guðjohnsen
átti góðan leik.
England B - Island 1:0
Vicarage Road Stadium í Watford, vináttuleikur í
knattspymu, laugardagur 27. april 1991.
Mark Englands B: Nigel Clough 46.
Áhorfendur: 3.760.
Dómari: Keit Burge frá Wales.
ísland: Ólafur Gottskálksson, Gunnar Gíslason
(Ólafur Kristjánsson 80 mín.), Atli Eðvaldsson,
Sævar Jónsson, Guðni Bergsson, Ólafur Þórðarson,
Þorvaldur Örlygsson, Sigurður Grétarsson, Rúnar
Kristinsson (Grétar Einarsson 77.), Arnór Guðjo-
hnsen, Antony Karl Gregory (Hlynur Stefánsson
75.).
England B: Nigel Spink, Aston Villa, Roger Jos-
eph, Wimbledon, Tony Dorigo, Chelsea, Gary Mabb-
utt, Tottenham, Gary Pallister, Man. Utd. (Keith
Curle, Sheff. Utd. 45.), Warren Barton, Wimble-
don, (Paul Stewart, Tottenham 45.), David Betty,
Leeds, Steve Hodge, Nott. For., Lee Chapman,
Leeds (Brian Deane, Sheff. Utd. 69.), Nigel Clo-
ugh, Nott. For., David White, Man. City.
■ MJÖG lítill áhugi
var fýrir leik^ B-liðs
Englands og íslands
í Englandi. Dagblöð
sögðu lítið sem ekkert
frá leiknum áður en
hann fór fram og
BBC-sjónvarpsstöðin
greindi ekki einu sinni
frá úrslitum hans í
íþróttaþætti á laugar-
dagskvöldið. Hins
vegar voru þar tíun-
duð hin ýmsu úrslit í
þættinum - jafnvel
úrslit utandeildar-
leikja.
■ BLÖÐ í Englandi
sögðu aftur á móti
Morgunblaðið/Andrés
Bo Johanson ásamt Lawrie McMen-
emy og Graham Taylor, þjálfara enska
a-liðsins.
ágætlega frá leiknum í sunnudags-
útgáfum sínum, en ensku blaða-
mennirnir voru þar lítið hrifnir af
frammistöðu sinna manna.
■ EKKI minntust þau mikið á
frammistöðu leikmanna islenska
liðsins, en Sunday Telegraph sagði
að Atli hafi verið góður. The Times
sagði að Antony Karl hafi verið
frískur. Flest blöðin voru sammála
um að Islendingar hafi verið
óheppnir að ná ekki a.m.k. jafntefli.
■ KEITH Burge frá Wales,
dæmdi leikinn, sem var auðdæmd-
ur. Gula spjaldið fékk að hvíla
óhreyft í vasa hans.
■ 3.760 áhorfendur _sáu leikinn.
Þar af voru nokkrir íslendingar,
sem létu vel í sér heyra, en það
dugði ekki til að breyta úrslitum
leiksins;
■ ÞRIR leikmenn léku sinn
fyrsta landsleik. Ólafur Gott-
skálksson, Hlynur Stefánsson og
Grétar Einarsson.
■ ANDRI Marteinsson úr FH,
kemur inn í landsliðshópinn sem
heldur til Möltu. Hann tekur sæti
Haraldar Ingólfssonar frá Akra-
nesi, sem er í prófum og kemst
ekki.
LETTSAPA
jyiwhendumar
Lactacyd léttsápan styrkir náttúrulegar
varnir húðarinnar. Hún hentar vel til
daglegrar umhirðu og er sérstaklega
__ góð fyrir þurrar og
sprungnar vinnuhendur ■
Lactacyd léttsápan hefur
lágt pH-gildi (3,5) eins og
húðin sjálf og styrkir því
eðlilegar varnir hennar ■