Morgunblaðið - 13.12.1991, Blaðsíða 12

12 D
MORGUNBLAÐIÐ FÖSTUDAGUR 13. DESEMBER 1991
í HNOTSKURN
BÍLL: Ford Econoline Club-Wagon 1989.
EIGANDI: Ragnar Valsson.
VÉL: 7,3 dísil.
SKIPTING: E-4-OD.
MILLIKASSI: Borg Warner 1345 og
milligir.
FRAMHÁSING: Dana 44-9F.
AFTURHÁSING: Dana-60-fljótandi
öxlar.
LÆSINGAR: ARB-loftlæsingar að aftan
og framan.
DRIFHLUTFALL: 4,10.
EIGIN ÞYNGD: 3.390 kíló.
FJÖÐRUN FRAMAN: Blaðfjaðrir Anders-
son, Gabriel E-demparar.
FJÖÐRUN AFTAN: Blaðfjaðrir orginal,
Gabriel E-demparar.
SPIL: Warn 6 tonna.
STÝRISBÚNAÐUR: Sérsmíðaður með
hjálpartjakki.
DEKK: 35 tommu BF-Goodrich.
FELGUR: 10 tommu álfelgur.
ELDSNEYTISMAGN: Tveir tankar, sem
taka alls 170 lítra.
EYÐSLA: dísil 20-25 I.
FJARSKIPTABÚNAÐUR: 2 CB-tal-
stöðvar. Gufunestalstöð og sími.
ANNAÐ: Gasmiðstöð, loftpressa, loft-
flautur, kastarar.
Morgunblaðið/Ámi Sæberg
GLÆSIIBUÐ
Á FJÓRUM HJÓLUM
ÞEIR eru ófáir jepparnir sem Ragnar Valsson hefur tekið í gegn
og breytt þannig að notagildi þeirra eykst til muna. Sjálfur á hann
glæsilegan Ford Econoline Club-Wagon sem hann keypti nýjan,
keyrði beinustu leið inn á verkstæði hjá sér og breytti. Bíllinn er
í rauninni annað heimili hans því þar eru þægindi eins og þau ger-
ast best í sumarbústöðum, eldunartæki, ísskápur, leðurstólar og
svefnpláss fyrir fjóra auk tengingar fyrir stjónvarp.
Ég veit ekki hvað ég hef breytt
mörgum bílum en þeir eru
orðnir nokkrir. Engir tveir bíl-
i ar eru eins. Þetta fer mikið
yi eftir því hvað menn vilja, bæði
hvað varðar útlit, notagildi og
efni. Bíllinn sem ég á núna er nýj-
asta útgáfan og þegar ég breytti
honum reyndi ég að hafa allt sem
léttast. Ég notaði ál í allt sem ég
gat. Það er t.d. ál undir allri klæðn-
ingunni, í öllum skápum og stólana
smíðaði ég líka úr áli. Það er þó
timbur í eldhúsinnréttingunni,“
segir Ragnar.
Hann segist ekki geta sagt til
um hvað svona breytingar kosti.
„Ég kom með bílinn á götuna í
júní 1990 og hafði þá verið að vinna
í honum meira og minna frá ára-
mótum, reyndar með öðru. Verðið
fer mikið eftir því hvað menn vinna
mikið sjálfir í bílnum og einnig
eftir hvað lagt er í bílinn.“
Bíll Ragnars er allur hinn glæsi-
legasti. Inni er öllu mjög haganlega
fyrir komið. Hljóðeinangrunin er
góð enda setti hann krossvið í gólf-
ið og dúk yfir hann. Allt pláss er
nýtt til hins ýtrasta. Hurðunum
sem eru venjulega aftan á slíkum
bílum er lokað og aftast í bílnum
er U-laga bekkur, með rúmfata-
geymslu undir, með borði á milli
sem hægt er að taka niður og þá
má leggja bekkina saman þannig
að svefnaðstaða fyrir tvo kemur í
ljós. Sætunum frammí má snúa og
leggja niður þannig að tveir geta
sofið þar. Eldunaraðstaða er góð
og auðvitað er hægt að vaska upp.
Ef við færum okkur út þá er
sérstakur tankur undir bilnum með
neysluvatni og dæla sér um að
Bíllinn er glæsilegur að innan. Hægt er að
leggja sætin niður og fá þannig svefnbekk.
Lýsingin í loftinu gefur bílnum fallegan svip.
Öllum hlut-
um er hag-
anlega fyrir
komið í
geymslum
sem eru I
hverju skoti.
I þessum bíl er allt til alls.
skila vatninu í kranana. Hólf er
utaná bílnum þar sem Ragnar
geymir verkfæri og hann hefur
sérstakan geymi sem sér „íbúð-
inni“ fyrir rafmagni. Þegar hliðar-
dyrnar eru opnaðar falla niður
tröppur þannig að auðvelt er að
kömast uppí vagninn. Ragnar
skar toppinn af í heilu lagi og not-
aði síðan aftur að hluta til þegar
hann hafði aukið lofthæðina. Fram-
an á bílnum hefur Ragnar komið
fyrir sérstökum kösturum sem
hann segir gott að nota í öllum
venjulegum akstri.
„Eg nota bílinn ekki hvunndags
en um helgar er hann mikið notað-
ur. Það er mjög þægilegt að eiga
svona bíl ef maður hefur áhuga á
að ferðast. Það er allt með í för,
svipað og ef maður ætti sumarbú-
stað. Bíllinn hefur það framyfir
bústaðinn að hann er ekki bundinn
við eitt ákveðið svæði og það er
ódýrara að eiga og reka bílinn.
Ég fékk minn fyrsta „húsbíl"
árið 1975 og hef alltaf notað bílana
mikið. Um tveggja ára skeið átti
ég ekki svona bíl og þá fór maður
aldrei neitt. Með svona bíl er ég
mun fijálsari en ef ég væri með
tjald eða tjaldvagn svo ég tali ekki
um ef ætlunin væri að gista á hótel-
um. Úti á vegum er ég líka miklu
öruggari á svona stórum bíl og auk
þess held ég að þegar á allt er lit-
ið sé ódýrara að eiga einn svona
en dýran jeppa og tjaldvagn eða
sumarbústað," sagði Ragnar. ■
Hvers lensk er Hondan?
HONDA-verksmiðjurnar jap-
önsku hafa í áraraðir sótt hart
inn á bílainarkað Bandaríkjanna
eins og reyndar aðrir japanskir
bílaframleiðendur. Hafa þær náð
einna mestum vinsældum jap-
anskra bíla þar í landi. Nú orðið
er stór hluti Honda-bíla sem selst
í Bandaríkjunum framleiddur
þar og í Kanada. Þetta hefur
vakið upp spurningar um hvort
Honda er japanskur eða banda-
rískur bíll. Það skiptir nefnilega
máli þegar tollar eru annars veg-
ar, m.a. vegna fríverslunar milli
Bandaríkjanna og Kanada.
Framleiðsla á Honda í Bandaríkj-
unum hófst árið 1982 í Ohio-fyiki.
Alls hafa Bandaríkjamenn keypt
um 2,4 milljónir Honda-bíla á þess-
um árum. Forráðamenn Honda hafa
lagt meiri áherslu en aðrir japansk-
ir framleiðendur á að koma sér fyr-
ir með framleiðslu sína í Bandaríkj-
unum. í fyrra seldust nærri 855
þúsund bílar frá Honda í Bandaríkj-
unum og voru tveir þriðju þeirra
framleiddir þar í landi. Segja for-
ráðamenn fyriitækisins að 75% af
verði bílsins skapist fyrir vinnu og
framleiðslu Bandaríkjamanna
sjálfra, hitt sé frá öðrum löndum.
Nú hafa hins vegar vaknað
nokkrar efasemdir meðal yfirvalda
um þessa staðhæfingu. Fyrstu at-
huganir benda til þess að mikill
hluti Honda-bíla og reyndar líka
bíla frá Toyota og Nissan sé sam-
settur úr hlut-
um sem fluttir
eru til Banda-
ríkjanna eftir
að Japanir
hafa hannað þá
og framleitt.
Japanir hafa
með öðrum
orðum útvegað,
Bandaríkja-
mönnum svo til allt sem þeir þurfa
til framleiðslunnar. Spurningin er
því hvort vara sem samsett er í
Bandaríkjunum að miklu leyti úr
hlutum frá Japan er frekar innlend
framleiðsla eða innflutt. Spurningin
verður líka flóknari þegar þess er
gætt að allmörg fyrirtæki í Banda-
ríkjunum sem framleiða hluti fyrir
bíla eru í eigu Japana eða sameign
Japana og Bandaríkjámanna.
Hvernig á þá að líta á málið? ■
Breyttur Patrol
NISSAN Patrol jeppinn er væntanlegur til landsins á næstu dögum
með nýrri bensinvél og sjálfskiptingu en fram til þessa hefur hann
verið seldur með dísilvél. Jafnframt verður í boði íburðarmeiri inn-
rétting en útlitsbreytingar eru smávægilegar.
Bensínvélin er 4,2 lítra, sex
strokka með fjölinnsprautun og er
hún nærri 180 hestöfl. Önnur að-
alnýjungin í Patrol er fjögurra
þrepa sjálfskipting en dísilútgáfan
hefur aðeins fengist með handskipt-
ingu.
Júlíus Vífill Ingvarsson fram-
kvæmdastjóri hjá umboðinu, Ingv-
ari Helgasyni hf., segir að þessi nýi
Patrol sé sérstaklega sniðinn fyrir
Evrópumarkað og segir að auk
nýju vélarinnar og sjálfskiptingar-
innar verði bíllinn með íbuðarmeiri
innréttingu. ■