Morgunblaðið - 19.06.1992, Blaðsíða 9

MORGUNBLAÐIÐ FÖSTUDAGUR 19. JÚNÍ 1992
C 9
Veisla á skógarhæð.
nægilega varkár til að drekka meira
vatn úr samovarnum en kampavín
úr háu glösunum - byijuðu þessir
furðufuglar að segja sögu hæðar-
innar, og farnir að tala hreina
sænsku. Stúlkan er rússnesk en þau
öll að fagi leiðsögumenn. Þetta var
ein af skemmtilegum uppákomum
gestgjafans, fínnsku ferðamála-
skrifstofunnar.
Sagan er um stríð, eins og svo
margt á þessum slóðum. Gerist
frostkaldan febrúardag 1917. Rúss-
ar ráða enn eyjunum, eins og þeir
höfðu gert frá 1809. Allt er í upp-
lausn þessa daga í lok stríðs og
byltinga. Þarna eru 5 flokkar og á
hæðinni skjóta kanónur allt að 14
km. Á svæðinu eru rússneskir her-
Skyndilega birtust
á veginum tveir
furðufuglar, annar
í föðurlandi og með
rússneska sígar-
etfu lafandi í munn-
vikinu. Þeir æptu
eitthvert hrogna-
mól með slavnesk-
um hreim og veif-
uðu okkur innú
grýttan skógarstíg.
Orkideurnar Adam og Eva.
Á reiðhjólum um Álandseyjar.
flokkar, ungir menn sem vita að
stríðið er búið og vilja komast heim.
Rupla til að gefa elskunni sinni eitt-
hvað við heimkomuna. Þar eru
flokkar rauðliða, byltingarmenn,
álenskir smábændur sem vilja
ásamt Finnum frelsi frá Rússum. í
þriðja flokknum eru hvítliðar, sem
líka vilja frelsi en eru ekki hallir
undir rússnesku byltinguna. Þeir
líta frgkar til Þjóðverja um hjálp. í
fjórða lagi eru það Þjóðverjarnir,
sem sýnast ætla að verða ofan á í
stríðinu og höfðu þjálfað liðið. Loks
eru það Álendinganir, sem vilja
frelsi en ekki með Finnum heldur
með Svíum með liðstyrk 600
sænskra sjálfboðaliða. Þarna á
Álandseyjum eru því litlir hópar að
beijast fyrir stöðu eyjanna, hvítir
og rauðir, sænskir, þýskir og
finnskir og heimamenn. í þorpi
skammt frá situr unglingsstúlka við
símaborðið, allt í einu er hún orðin
„hershöfðingi". Hún sér vígvöllinn.
Þeir æpa á hana: Fleygðu þér nið-
ur, manneskja! Hvernig á ég þá að
geta náð símaborðinu, svarar hún
og æpir:„Þessi fór of mikið til
vinstri, 200 metrum til hægri. Já,
svona, beint í miðjan hóp rauðliða.
Enda flýja þeir.“ Við hlustum heill-
uð á þessar sögur.
Við vitum hvernig þetta endaði.
Álandseyingar höfðu tilkynnt að
þeir vildu vera með Svíum, en eftir
friðarsamninga er ákveðið af Þjóða-
bandalaginu að Finnar skuli ráða
eyjunum, ef þeim er tryggður réttur
til að halda sinni sænsku tungu,
hafa þing og ráða heimamálum, en
gegna engri herþjónustu. Síðan
hefur frelsi þeirra í eigin málum
verið að aukast. 1954 fengu þeir
sinn eigin fána, sem í fjarlægð sýn-
ist íslenskur. Eini munurinn er að
hvíti krossinn er gulur. Þeir eiga
fulltrúa í Norðurlandaráði og 1993
ganga í gildi ný lög sem auka enn
sjálfstæði þeirra.
Við hjólum áfram í góða veðrinu
að hjólafeijunni sem flytur okkur
yfir til Geta, þaðan sem við ökum
að „Danö hytteby“. Þessir sumar-
húsastaðir og sumarhótel við vötnin
eru víða. Við komum á fjóra staði,
sinn af hveiju tagi, en allir eru
þeir sérlega vel út búnir. Þótt gætt
sé kyrrðar þá er mikið lagt upp úr
því að hafa mikið við að vera fyrir
fólk. í Eckerö á Vesturströnd eyj-
anna og í beinu feijusambandi við
Svíþjóð er samnefnt hótel með al-
þjóðlegu sniði fyrir litlar ráðstefnur
og jafnframt herbergjum, þar sem
ódýrt má bæta á rúmum fyrir stór-
ar fjölskyldur. Skammt frá í Kar-
ingsundby er aðstaða fyrir fundi
við hafið og sumarhús í skóginum
til leigu. Þar má liggja í ró á strönd
eða grasflöt, leigja reiðhjól, báta,
vatnahjól eða leika minigolf, tennis
o.fl. Og þama má í girðingu sjá
hjartarhjörð og villisvín, svo eitt-
hvað sé nefnt. Eftir hjólatúrinn er-
um við handan sundsins komin í
Danö hytteby með 8 gríðarstórum
fallegum sumarhúsum til leigu við
vatnið. Af hæðinni fyrir ofan er
varðveitt gamalt vakthús þaðan
sem vaktmaður lét fyrrum vita þeg-
ar segl sást úti fyrir eyjunum, svo
hægt væri að lóðsa skúturnar inn.
Nú eru þarna smábátar til taks
fyrir gestina til að fara um og veiða
geddu. Má líka veiða niður um ís á
vetrum. Svo sækir okkur í tvíbyttnu
með mótor Pelle í Basto, skemmti-
legur karl. Hann hefur þarna nyrst
á eyjunum „stugeby" með húsum
til leigu og hóteli.
Á dagskránni stendur dularfullt
orð „gullgröftur“. Pelle sýnir okkur
fyrir kvöldverðinn 10 númeruð gull-
verðlaun. Síðan förum við út í gríð-
armikinn bakgarð og gestir fá
skóflu fyrir 50 mörk eða 750 kr.
og grafa eins og óðir eftir númerun-
um. Við hvorki borguðum né fund-
um verðlaun og héldum því fram
að hann væri bara að láta okkur
stinga upp kartöflugarðinn sinn.
En gott er að komast á eftir í
finnska sánu sem hvergi vantar og
sitja í kvöldkyrrðinni með glas.
Kvöldið er fagurt og kyrrt. Það
þýtur í lauftrjánum, öldurnar
gjálfra við sandinn, blómin ilma. Á
Alandseyjum eru m.a. fjölmargar
tegundir af litlum orkideum. Pelle
sýnir okkur tvær friðaðar tegundir
í skóginum, Adam og Evu. Kl. fimm
um morguninn er ég vöknuð og
galopna gluggann til að heyra
fuglasönginn við sólarupprás, í von
um að heyra í næturgalanum. En
ég þekki ekki næturgalasöng í öll-
um þessum kór. Pelle hefur líka
sagt um kvöldið að hann „heyri"
sólina setjast þarna við vatnið. Ekki
við hin. Það breytir engu. Þetta er
yndislegt sumarkvöld í kyrrðinni Á
Álandseyjum. ■
Elín Pálmadóttir
Golfferðir
til írlands
KYLFINGAR eiga kost á tveim-
ur 7 daga ferðum til írlands
13. og 20. júlí n.k. og er bent
á að áhugasömum nýliðum er
gefinn kostur á leiðsögn í
kúnstinni.
Þessar eins og fleiri Irlandsferðir
eru á vegum Samvinnuferða/Land-
sýnar. Golfferðirnar kosta 45.500
kr með flugi, gistingu og morgun-
verði, akstri til og frá flugvelli og
golfnámskeiði. Tími gefst til að
skoða sig um í Dublin.
Fleiri Irlandskostir eru m.a að
kaupa flug og bíl og skipuleggja
ferðina sjálfir en einnig eru hópferð-
ir, kallaðar „gleðireisur" í lok júní,
vikulega í júlí og loks 3. ágúst. Er
þá farið um suðurhluta írlands, gist
á sveitahótelum og krám. Verð á
flugi er 16.500. ■
4 milljónir Bandaiíkjamanna
tara til Evrópn í sumar
FJÓRAR milljónir Bandaríkjamanna munu ferðast til Evrópulanda
í sumar að sögu formanns Evrópsku ferðamálanefndarinnar, Mich-
ael Bouquier. I nefndinni eru fulltrúar 24 þjóða. Þetta er 10% aukn-
ing frá sl. sumri. Miðað er við tímann maí til september. Árið 1990
var metár í Evrópuferðum Bandaríkjamanna, 4,24 inilljónir.
Samkvæmt spám fara 7 milljónir
Bandaríkjamanna til Evrópu allt ár-
ið, en í fyrra voru þeir 6,4 milljónir.
Ástæðan er, að sögn Bouquier, lág
fargjöld yfir Atlantshaf, fjölbreyttari
pakkaferðir en áður, hagstætt verð-
lag, sértilboð á hótelum o.fl.
Svo virðist sem eftirtalið eigi
drýgstan þátt í ferðum: heimssýning-
in í Sevilla, 40 ára seta Elísabetar II
í hásæti á Bretland, EuroDisney í
París, hátíðahöld í Dublin því í ár
er þess minnst að 400 ár eru frá
stofnun Trinity College, Ólympiuleik-
ar í Barcelona, og hátíðahöld í Finn-
landi vegna 75 ára sjálfstæðisafmæl-
is. Sviss, Grikkland, Spánn, Portú-
gal, Svíþjóð og Malta fengu 40% fleiri
Bandaríkjamenn í heimsókn fyrstu 3
mánuði ársins 1992. ■
m

i
Kynningar- og uppiýsingarit
fra Hesútgáfunni
-f Around-f -g
Iceland
.
WÁ FEFSO UM
ISLAND
NESÚTGÁFAN hefur gefíð út Á ferð um ísland-ferðahandbók og
þéttbýliskort með greinum, upplýsingum og myndum, og er hún gefín
út í samráði við Ferðamálaráð. Bókinni er dreift ókeypis um allt land '
25 þúsund eintökum, m.a. á upplýsingamiðstöðvum og bensínstöðvum.
Þá hefur útgáfan einnig sent frá sér rit fyrir útlendinga „Around
Iceland 1992“ upplýsingarit á ensku, „Around Reykjavik“ og loks ís-
landskort með ágætum skýringum á ensku. Þeim er einnig dreift ókeyp-
Hversu margir eru læsir? *
Land Hlutfall læsra
| Afganistan 23,7%
Bandarikin 95,0%
| Bhutan 19,0% |
Brasilía 79,3%
1 Fiji 85,5%
Filippseyjar 89,8%
| Ítalía 97,0%
Kambódía 48,0%
| Kanada 95,6%
Laos 83,9%
Mexíkó 90,3%
Nepal 26,0%
I Nígeria 42,4% |
Pakistan 32,0%
| Perú 87,0% |
Sri Lanka 86,1%
| Taiwan 91,7%
Þýskaland 100,0%
J ..1 _
Sjálfboðaliðasamtök um náttúruvernd auka umsvif
í DAG, 19. júní, og næstu daga
verða félagar úr Sjálfboðaliða-
samtökum um náttúruvernd að
störfum í Þórsmörk og er verk-
efnið áframhaldandi vinna við
göngpisGga UPP á Valahnúk.
Verkið er í samvinnu við Ferðafé-
lag íslands. Sjálfboðaliðasamtökin
voru stofnuð 1986 og hefur þeim
vaxið fiskur um hrygg á þessum
árum.
Tilgangur starfsins er að vernda
náttúruna, veita fólki tækifæri til
að vinna að náttúruvernd og auð-
velda fólki umgengni við náttúruna.
Sjálfboðaliðasamtökin verða með
næstu ferðir 3.-5. júlí. Farið verður
í þjóðgarðinn í Skaftafelli og er
verkefnið að vinna við að hefta lúp-
ínuútbreiðslu í Bæjarstaðaskógi. Þá
er einnig 4 daga ferð í Kverkfjöll
og Krepputungu og verður unnið
við að merkja gönguleiðir og stýra
umferð. ■