Morgunblaðið - 01.12.1992, Blaðsíða 1

seer aaaMagaa íi'JDAauuiiíw aiaAuajuoaoM 08

adidas
Landslið Búlgaríu
í handknattleik
leikur í Adidas
KEILA
IMMá
íslandi
1994
ísland í þriðja sæti
um helgina í Finnlandi
ISLENSKA karlalandsliðið í
keilu varð í þriðja sæti á Norð-
urlandamótinu sem fram fór í
Finnlandi um helgina og er
þetta besti árangur íslenska
landsliðsins til þessa.
Það voru heimamenn sem sigr-
uðu í keppni fimm manna
sveita, Svíara urðu í öðru sæti og
íslenska sveitin í því þriðja. „Þetta
er besti árangur sem við höfum náð
og sýnir að við erum virkilega
komnir á blað,“ sagði Sigurður
Harðarson formaður landsliðs-
nefndar við Morgunblaðið í gær.
Kvennasveitin stóð sig einnig
með ágætum og Ágústa Þorsteins-
dóttir varð til dæmis í 13. sæti í
einstkalinskeppninni með 194,2 í
meðaltal. Stúlkumar urðu í fjórða
sæti í keppni þriggja manna liða.
Hjá körlunum lék Sigurður Láras-
son best, varð í 19. sæti með 191,7
í meðaltal.
NM á íslandi ’94
í tengslum við Norðurlandamótið
var haldið þing sambanda Norður-
landa og þar var ákveðið að næsta
Norðurlandamóti yrði á íslandi árið
1994. Haraldur Sigursteinsson var
kjörinn formaður Norðurlandasam-
takana en það er venja að formaður-
inn komi frá því landi þar sem
næsta NM verður haldið.
„Það verður gaman að takast á
við Norðurlandamótið, en það þarf
að gera nokkrar breytingar til að
við getum haldið það. Við þurfum
16 brauta sal og þá er það bara
Keiluhöllin sem kemur til greina.
Þar er engin aðstaða fyrir áhorfend-
ur og það er ýmislegt sem þyrfti
að gera til að fara eftir ströngustu
kröfum. Þetta er stórt dæmi fyrir
okkur og við vonumst til að geta
gert einhverjar úrbætur þó svo við
vitum að við byggjum ekki nýja
keiluhöll með aðstöðu fyrir fullt af
áhorfendum og fullkomnum tækj-
um,“ sagði Sigurður.

HANDKNATTLEIKUR
Morgunblaðið/Sverrir
Birgir SlgurAsson með bömum sínum í gærkvöldi. Honum á hægri hönd eru Ingibjörg
og Valgerður, Loftur stendur til hliðar og Birgir heldur á tvíburunum Ágústi og Bjarka.
KNATTSPYRNA
Skagamenn á
mót f Danmörku
Islandsmeistarar Skagamanna ákváðu í gær að taka boði um
að taka þátt í átta liða móti, sem verður í Kaupmannahöfn
28. febrúar til 7. mars á næsta ári. Auk Skagamanna taka
dönsku liðin OB, Lyngby og Næstved þátt, Malmö og Örebro
frá Svíþjóð, Finnair frá Finnlandi og Kongsvinger frá Noregi.
Guðjón Þórðarson, þjálfari ÍA, sagði að ferðaskrifstofan Úrval-
Útsýn hefði fengið boð um að útvega íslenskt lið í keppnina
og leitað fyrst til Skagamanna. Að vel athuguðu máli hefði
verið slegið til, því þarna væri um sterk lið að ræða og því
kærkomið tækifæri til að sjá styrkleika Skagamanna fyrir kom-
andi átök næsta sumar.
„Það verður spennandi að leika við önnur lið frá Norðurlönd-
um og strákarnir fá góða reynslu fyrir Evrópukeppnina næsta
haust,“ sagði Guðjón. Hann bætti við að mikilvægt væri að
mæta með liðið vel undirbúið til leiks og að því væri stefnt
enda væri þá auðveldara að gera viðeigandi ráðstafanir ef á
þyrfti að halda áður en keppnistímabilið hér heima hæfist.
Landsliðið til
Bandaríkjanna?
Knattspyrnusamband íslands stendur í viðræðum við Banda-
ríkjamenn um landsleik eða leiki í Bandaríkjunum í apríl
á næsta ári. Að sögn Eggerts Magnússonar, formanns KSÍ,
hefur verið ákveðið að leika í Columbus í Ohioríki 25. apríl, ef
af leik verður. Rætt hefur verið að bandaríska knattspyrnusam-
bandið greiði fyrir ferðir og uppihald íslenska liðsins, en verið
er að kanna möguleika á landsleik gegn Kanada eða Mexíkó í
sömu ferð.
Birgir líklega ekki
meira með í vetur
BIRGIR Sigurðsson, línumaður Víkinga og landsliðsins, meiddist
í leik Víkings og HK í Víkinni á sunnudaginn og'getur líklega
ekki leikið meiri handknattleik á þessu keppnistímabili.
Það era 95% líkur á að ég hafi
slitið krossband í hægra hné,
en það kemur betur í ljós í vikunni
þegar hægt verður að skoða þetta
betur,“ sagði Birgir í samtali við
Morgunblaðið í gær.
Það vora ekki liðnar nema um
tíu mínútur af leiknum á sunnudag-
inn þegar Birgir hné niður mikið
kvalinn. Við skoðun kom í ljós að
líklega væri krossband slitið í
hægra hné. „Ef það er rétt þá
gæti það þýtt að ég leik ekki meira
með á þessu tímabili, en svo er einn-
ig hugsanlegt að ég geti leikið með
spelkur út tímabilið og yrði þá skor-
inn í vor. Eins og er finn ég mikið
til í fætinum og það er alla vega
ljóst að ég fer ekki með í æfinga-
ferðina til Danmerkur með landslið-
inu á fimmtudaginn," sagði Birgir.
Birgir hefur sloppið vel við
meiðsli á ferlinum, hann meiddist á
vinstra hné fyrir um áratug en náði
sér fljótlega af þeim meiðslum og
hefur sloppið vel síðan.

SUND: ÆGIR BIKARMEISTARIÁ NÝ EFTIR FJÖGURRA ÁRA BIÐ / B6