Morgunblaðið - 04.05.1993, Blaðsíða 8
Fagnað í Manchester
Eyjólfur Sverrisson fékk mög góða dóma í blöðum í Þýskalandi fyrir leik sinn með Stuttgart á Ólympíuleik-
vanginum í Miinchen á föstudagskvöldið. Eyjólfur skoraði fyrsta mark Stuttgart með skalla (sjá mynd),
en félagið varð að sætta sig við tap, 5:3. Eyjólfur varð fyrir því óhappi að nefbijóta Christian Ziege - þegar
hann sparkaði í andlit hans óviljandi. Drengileg framkoma Eyjólfs eftir leikinn vakti athygli, en hann hafði
samband við blaðið Kicker til að fá símanúmer hjá Ziege - til að hringja í hann og biðja fyrirgefningar. Blaðið
sagði að það væru ekki margir knattspymumenn sem hugsuðu eins og íslendingurinn.
Retuer
Eríc Cantona, franski framheijinn hjá Man. Utd., er fyrsti leikmaðurinn
sem verður enskur meistari tvö ár í röð með tveimur félögum. Hér er hann
í baráttu við Kevin Moran, fyrrum leikmann United, í leiknum í gærkvöldi.
26 ára bið Manchester United eftir meist-
aratitlinum lauk á sunnudaginn
GEYSILEG fagnaðarlæti brutust út í Manchester á sunnudaginn,
þegar fréttir bárust frá Villa Park í Birmingham að Oldham hafði
lagt Aston Villa að velli, 0:1, og fært Manchester United Englands-
meistaratitilinn á silfurfati — fyrsta meistaratitil félagsins í 26 ár,
eða síðan 1967. Biðfélagsins hefur verið löng og oft hafa leik-
menn United og stuðningsmenn vaknað upp með martröð, eins og
í fyrra, þegar Leeds „stal“ meistaratitlinum frá félaginu á loka-
sprettinum.
Það vildi svo einkennilega til að
Englandsbikarinn var kominn
til Old Trafford á sunnudaginn, þeg-
ar United varð meistari. Fyrir helg-
ina óskaði stjóm enska knattspyrnu-
sambandsins eftir því við félagið að
það geymdi bikarinn, sem kostaði
19,6 millj. ísl. kr. Líklegt þótti þá
að félagið myndi tryggja sér hann
í gærkvöldi, en þá lék United gegn
Blackburn. Þegar fréttirnar bárust
frá Birmingham varð ijóst að leikur-
inn gegn Blackburn skipti engu
máli, nema þá að stuðningsmenn
United kæmu saman á Old Trafford
til að fagna langþráðum titli. Og það
gerðu þeir; 40.447 manns voru við-
stadddir þetta langþráða augnablik.
United sigraði í Ieiknum, 3:1, en það
skipti minnstu máli — stærsta stund-
in var þegar Steve Bruce fyrirliðsins
tók við Englandsbikarnum.
• Leikmenn Aston Villa þoldu
greinilega ekki spennuna á Ioka-
sprettinum - þeir töpuðu tveimur
leikjum í röð; fyrst fyrir Blackburn,
0:3, og síðan fyrir Oidham, 0:1.
Alex Ferguson, framkvæmda-
stjóri Manchester United, er fyrsti
Skotinn til að stjórna liðum til sig-
urs í deildarkeppninni bæði í Skot-
landi og Englandi. Hann var með
síðustu mönnum til að frétta að lið
hans væri orðið Englandsmeistari á
sunnudaginn. Ferguson var ekki að
horfa á leik Aston Villa í sjónvarpi
- hann var að leika golf. Það var
ekki fyrr en hann kom í klúbbhúsið,
að hann fékk fréttirnar. „Þetta er
stærsta stundin á ferli mínum í
knattspyrnunni. Það er ekki hægt
að óska sér betri frétta,“ sagði
Ferguson. „Þetta er stór stund fyrir
mig, leikmenn mína, stjórnarmenn
félagsins og stuðningsmenn. Við eig-
um eftir að fagna þessum áfanga
vel og Iengi.“
Alex Ferguson
Alex Ferguson, framkvæmdastjóri Manc-
hester United, hefur verið afar happasæll
sem „stjóri" hjá Aberdeen og United.
Aberdeen
Deildarmeistari: 1980, 1984, 1985.
Bikarmeistari: 1982, 1983, 1984, 1986.
Deildarbikarmeistari: 1986.
Evrópumeistari bikarhafa: 1983.
Manchester United
Ferguson kom til Old Trafford 1986.
Bikarnfeistari: 1990.
Evrópumeistari bikarhafa: 1991.
Deildarbikarmeistari: 1992.
Englandsmeistari: 1993.
Man. Utd. varð númer tvö í meistara-
keppninni 1988 og 1992.
SKOTLAND
Guðmundur
Torfason
fékkgóða
dóma
Guðmundur Torfason, sem
hefur átt við þrálát meiðsli
að stríða, lék á ný með St. Jo-
hnstone á laugardaginn - kom
inná sem varamaður I leik gegn
Dundee. Guðmundur, sem lagði
upp jöfnunarmark fétagsins,
1:1, er hann skallaði knöttinn
aftur fyrir sig, fékk mjög góða
dóma í blöðum.
Sunday Post valdi Guðmund
mann leiksins og sagði að Guð-
mundur hefði komið með nýtt
blóð er hann kom inná sem vara-
maður. „Þegar Guðmundur kom
inná breyttist leikur St. Jo-
hnstone og leikmenn liðsins rifu
sig upp og náðu að tryggja sér
jafntefli."
KNATTSPYRNA / ÞYSKALAND
■ CHRIS Waddle, leikmaður
Sheffield Wednesday, var út-
nefndur knattspyrnumaður ársins
1993 af blaðamönnum í Englandi
á laugardaginn. Waddle er fýrsti
leikmaður Sheff. Wed. sem fær
þessa nafnbót í þau 45 ár sem leik-
maður ársins hefur verið útnefndur
í Englandi.
■ PAUL McGrath, miðvörður
Aston Villa, sem leikmenn sjálfir
kusu leikmann keppnistímabilsins
um daginn, varð í öðru sæti hjá
blaðamönnum, og tveir leikmenn
frá Manchester United í því þriðja;
Ryan Giggs og Paul Ince.
M FRANSKI landsliðsmaðurinn
Eric Cantona fagnaði öðrum
meistaratitli sínum í Englandi á
tveimur árum - með tveimur félög-
um. Hann varð meistari með Leeds
í fyrra og með Man. Utd. nú.
■ BRIAN Clough stjórnaði Nott-
ingham Forest í sínum síðasta
heimaleik á City Ground, þagar
félagið féll úr úrvalsdeildinni með
því að tapa, 0:2, fyrir Sheff. Utd.
■ ALLS mættu 26.752 áhorfend-
ur — sem er mesti áhorfendaflöldi
á tímabilinu á City Ground — til
að kveðja Brian Clough, sem hefur
verið „stjóri" Forest í 18 ára. Und-
ir stjórn hans varð félagið einu sinni
enskur meistari, tvisvar Evrópu-
meistari og fjórum sinnum deildar-
bikarmeistari.
M TUTTUGU mínútum eftir leik-
inn var fjöldi áhorfenda enn inni á
leikvanginum. Clough gekk þá út
á völlinn og veifaði til áhorfenda
við mikinn fögnuð þeirra. Clough
hefur verið „stjóri“ i 28 ára og fagn-
aði þrettán titlum með félögunum,
sem hann stjórnaði.
■ FOREST er komið á þann stað
sem það var þegar Clough tók við
því í janúar 1975 - 2. deild (nú
1. deild).
■ ÞRIR menn hafa verið nefndir
sem eftirmenn Clough hjá Forest.
Archie Gemmill, Martin O’Neill
og Frank Clarke, framkvæmda-
stjóri Orient, sem eru allir fyrrum
leikmenn Forest.
■ BRIAN Clough sagðist hafa
sagt það sama við leikmenn sína
fyrir leikinn á laugardag og hann
hafi sagt í 18 ár. „Vinnið knöttinn
og leikið honum á milli ykkar eftir
að það tekst.“
■ MIKLAR líkur eru á að þrír
af bestu leikmönnum Forest fari
frá félaginu - til úrvalsdeildarfé-
laga. Þeir Stuart Pearce, fyrirliði
Englands, Nigel Clough og Roy
Keane, landsliðsmaður Irlands.
■ ARSENAL lék án átta lykil-
manna gegn Everton. George Gra-
ham, framkvæmdastjóri félagsins,
tefldi fram varaliði sínu - er að
hvíla aðalmenn sína fyrir bikarúr-
slitaleikinn á Wembley. „Ég er
ánægður með að hafa ekki þurft
að borga inn á leikinn,“ sagði Gra-
ham, en orð hans segja allt um
gæði leiksins, sem lauk með marka-
lausu jafntefli.
■ JOE Jordan, fyrrum leikmaður
með Leeds, Man. Utd. og AC
Milan var rekinn sem fram-
kvæmdastjóri skoska félagsins
Hearts í gær.
■ FRÉTTIR birtust þess efnis í
Englandi í gær að Graeme Soun-
ess, stjóri Liverpool, yrði hugsan-
lega látinn fara frá félaginu eftir
tímabilið, en liðinu hefur gengið
mjög illa í vetur. Forráðamenn Liv-
erpool vildu ekki tjá sig um málið.
■ NOKKRIR þjálfarar voru orð-
aðir við starfið strax, þ.á m. Kenny
Dalglish, fyrrum stjóri félagsins
sem nú er hjá Blackburn, Ron
Atkinson hjá Aston Villa og Joe
Royle hjá Oldham.
GETRAUNIR: 211 X21 1 X X 122X
LOTTO: 17 19 24 29 33 / 26