Morgunblaðið - 03.03.1994, Side 12

12 C dagskrá
MORGUNBLAÐIÐ FIMMTUDAGUR 3. MARZ 1994
Bróðir Clintons fær
hlutverk út á nafnið
ROGER Clinton, bróðir Bills Clintons Bandaríkjaforseta, er að
gera það gott í B-myndum í Hollywood og á síðasta ári lék hann
í tveimur myndum þar í bæ, „Pumpkinhead 2“, sem útleggst
Graskershaus 2, og „National Lampoon’s Last Resort“ eða Síð-
asta úrræðið. Roger er ekki ólíkur eldri bróður sínum, hann er
með liðað dökkt hár, þéttvaxinn og hvolpslegur. í raun eru þeir
einungis hálfbræður. Faðir Rogers ættleiddi Bill þegar móðir
þeirra giftist honum. En það stendur ekki í vegi fyrir áformum
Rogers, hann hyggst nýta sér skyldleikann út í ystu æsar.
Yngri bróðir
forsetans
hefur leikið í
tveim
B-myndum í
Hollywood auk
þess sem
honum býðst
að halda
fyrirlestra,
skrifa bækur
og semja
tónlist
Roger Clinton er 37 ára gamall,
býr í Hollywood og er í sambúð.
Frá því að bróðir hans var kosinn
forseti hefur hann hingað til komið
fram í auglýsingum, á tónleikum
hingað og þangað um heiminn,
hann hefur fengið boð um að skrifa
ævisögu sína, hvatningabækur af
ýmsu tagi, halda ræður og fyrir-
lestra, leika í kvikmyndum og
semja tónlist. Hann tekur öllum
tilboðunum opnum örmum.
Kom fyrst fram 16 ára
Roger kom fyrst fram þegar
hann var 16 ára gamall en þá söng
hann á bar sem einnig bauð upp
á nektarsýningar. Hann hefur ekki
náð langt á tónlistarbrautinni en
vonar að bráðlega verði breyting
þar á. Hann hefur sungið víða eft-
ir að Bill tók við embætti og lætur
lítið á sig fá þó áhorfendur séu lítt
hrifnir. Til dæmis tróð hann upp á
Graskershaus - Skrímslið ræðst á bæjarstjóra smábæjarins í Suð-
urríkjunum en þetta er annað tveggja hlutverka sem Roger hef-
ur Ieikið í Hollywood.
skemmtun á einum vinsælasta
sumardvalarstað Bandaríkjanna
og þar yfirgáfu áhorfendurnir sal-
inn í kippum. Hann er með þijá
umboðsmenn í vinnu sem reyna
að útvega honum verkefni.
Roger hefur vakið athygli fjöl-
miðla vegna ýmissa hluta. Hann
lenti nýlega í stimpingum á hafna-
boltaleik í New York og hann
stekkur auðveldlega upp á nef sér.
Hann var eitt sinn háður kókaíni
og sat í fangelsi fyrir sölu á efninu.
Þessi fortíð hefur vakið athygli
andstæðinga forsetans og starfs-
menn Bills Clintons neita að tjá
sig um Roger, það eina sem þeir
vilja láta eftir sér hafa er: „Guð
minn góður.“ Einn stuðnings-
manna forsetans í Kaliforníu tekur
dýpra í árinni og segir draum bróð-
ursins um frægð og frama vera
martröð forsetans. Það eina sem
heyrst hefur frá forsetanum sjálf-
um er að hann óskar bróður sínum
alls hins besta.
Bindur vonirvið
kvikmyndirnar
En það er við hvíta tjaldið sem
vonir Rogers eru bundnar þessa
dagana. Kvikmyndaframleiðend-
urnir sem hafa ráðið forseta-
bróðurinn í hlutverk eru auðvitað
einnig að nýta sér bræðraböndin
og auglýsa á áberandi hátt tengsl
Rogers við forsetann. Æðsti
draumur framleiðendanna er að
Clinton komi á frumsýningu
mynda þeirra eða jafnvel að fá að
sýna myndirnar sem Roger leikur
í í sýningasal Hvíta hússins.
Starfsmenn þar á bæ eru á öðru
máli og segja þetta vera harla ólík-
legt.
Auk þess að hafa leikið í tveim-
ur B-myndum var Roger einnig
fenginn til þess að semja lög í
myndunum. Hann semur titillagið
í Graskershausnum og í Síðasta
úrræðinu flytur hann reggílag.
Að vísu íeikur hann ekki aðal-
hlutverkin í þessum myndum, í
Graskershausnum leikur hann
bæjarstjóra í smábæ í Suðurríkjun-
um sem er að reyna að halda fjár-
hag bæjarins í horfinu og í frí-
stundum leikur hann á hljóðfæri.
Myndin segir frá skrímsli sem birt-
ist í bænum til að hefna sín á lif-
Bróðir forsetans - Roger Clinton hyggst nýta sér þau tækifæri
til fulls sem honum bjóðast vegna hálfbróður hans í Hvíta húsinu.
endum. Sem bæjarstjóri vonar
hann að skrímslið komi bænum á
landakortið og hann fái þannig
verðskuldaða athygli.
í Síðasta úrræðinu leikur Roger
smábófa f Detroit sem hendir aðal-
söguhetjunum tveimur út úr íbúð
sinni. Helsta starf illmennisins er
að brjóta hnéskeljar frá morgni til
kvölds!
Má gera það sem hann vill
Þessar tvær kvikmyndir hafa
nægt til þess að vekja athygli B-
mynda framleiðenda á forsetabróð-
urnum og það rignir yfir hann til-
boðum um hlutverk, leikstjóm og
að semja tónlist. Einn framleiðend-
anna, Matt Devlin, hefur meira að
segja boðið Roger að gera hvað
sem hugurinn girnist. Einnig seg-
ist hann hafa áform um að láta
Roger leika á móti Heidi Fleiss í
einni mynda sinna, en Heidi þessi
öðlaðist skyndilega frægð þegar
hún var handtekin fyrir að reka
hóruhús sem sinnti þörfum hinna
frægu og ríku. Roger myndi í henni
leika háskólaprófessor sem gefur
kvenkyns nemendum sínum lyf
þannig að þær verða mjög lauslát-
ar.
Þó Roger hafi gengið vel í Holly-
wood er ekki hægt að segja það
sama um tónlistarferilinn. Honum
bauðst samningur við Atlantic
hljómplötufyrirtækið, en fyrirtæk-
ið hætti við. Hann hefur þess í
stað skrifað undir samning við
smærra fyrirtæki, Pyramid.
Ástæða þess að Atlantic hætti við
er sögð sú að forsvarsmenn fyrir-
tækisins héldu í upphafi að forset-
inn sjálfur myndi hafa áhuga á
hljómplötunni, en þegar svo var
ekki misstu þeir áhugann.
Fífl ef hann nýtti sér ekki
tækifærin
Roger hefur ekki miklar áhyggj-
ur af því að hann lítillækki bróður
sinn með hlutverkum sínum. Hann
segir sem svo að ef hann nýtti sér
ekki „aðstöðu bróður síns“, eins
og hann orðar það myndu flestir
álíta hann vera fífl. Hann segist
ekkgjt hafa rætt leikferil sinn við
eldri bróður sinn, hann ákveði sjálf-
ur hvað hann vilji gera. Ef Bill
eigi eitthvað vantalað við hann þá
geti hann einfaldlega hringt.
Roger gerir sér fyllilega grein
fyrir hvers vegna honum bjóðist
hlutverk, það sé eingöngu vegna
nafnsins. En honum er alveg sama.
„Þeir sjá leið til þess að þéna pen-
inga og það sem ég þarf að gera
er að sinna mínu starfi. Ef ég geri
það ekki vill mig enginn vegna
nafnsins lengur.“
BIOIN I BORGINNI
Arnaldur Indriðason/Sæbjörn Valdimarsson
BÍÓBORGIN
Hús andanna ★★★'/i
Afar vel gerð og leikin epísk stór-
mynd. Bille August hefur lánast að
- koma kjarna hinnar efnismiklu
skáldsögu Isabel Allende eftir-
minnilega til skila á hvíta tjaldinu.
Mrs. Doubtfire ★★★,/j
Gamanleikarinn Robin Williams fer
á kostum í þessari bráðgóðu
skemmtun um fráskildan föður sem
dulbýr sig eins og roskna konu til
að komast aftur inn á heimilið sitt.
Gaman fyrir alla fjölskylduna.
Aladdín (Sjá Bíóhöllina)
BÍÓHÖLLIN
Mrs. Doubtfire (sjá Bíóborgina)
Demolition Man ★ ★ V4
Mikil keyrsla á köflum gera fram-
tíðarsýnina „Demolition Man“ að
skínandi afþreyingu þó að hún sé
ekki par merkileg að öðru leyti.
Skytturnar 3 ★ ★ Vi
Dæmigerð Hollywoodútgáfa á sögu
Dumas með þekktum leikurum af
yngri kynslóðinni. Ungu skytturnar
eru aldrei leiðinlegar enda góður
hasar f frásögnínni.
Aladdín ★ ★ ★ '/2
Gamla góða ævintýrið leiftrar af
frásagnargleði og íslenska talsetn-
ingin með Ladda í broddi fylkingar
er óaðfinnanleg. Fyrirtaks fjöl-
skylduskemmtun.
HÁSKÓLABÍÓ
í nafni föðurins ★ ★ ★ ★
Áhrifamikil og stórkostlega vel leik-
in harmsaga feðga sem sendir voru
í fangelsi fyrir sprengjuárás sem
þeir aldrei frömdu. Þungur áfellis-
dómur yfir bresku réttarkerfi. Mynd
sem lætur engan ósnoitinn.
Sagan af Qiuju ★ ★ ★
Heillandi kínversk dæmisaga úr
sveitinni um staðfasta konu sem
leitar réttar síns og leggur á sig
ómælt erfiði fyrir einfalda afsökun-
arbeiðni.
Leið Carlitos ★ ★ ★
Vel leikin og skemmtilega gerð
mynd um glænamann sem fær ekki
flúið fortíð sína. A1 Pacino er frá-
bær í titilhlutverkinu og Brian De
Palma gerir marga góða hluti í leik-
stjórninni.
Undir vopnum ★
Gamansþennumynd sem hvorki er
fyndin né spennandi heldur miklu
frekar hallærisleg.
Vanrækt vor ★ ★ ★
Bráðskemmtileg dönsk mynd um
endurfundi gamalla skólabræðra.
Krydduð dönskum húmor og raun-
sæi.
Ys og þys út af engu ★ ★ ★
Ærslafull, fjörug, fyndin og
skemmtileg útgáfa Kenneths Bra-
naghs á gamanleik Shakespeares.
Góður leikur hjá bragðgóðum leik-
hópi. Skáldið lifir góðu lífi í höndum
Branaghs.
LAUGARÁSBÍÓ
Dómsdagur ★ ★ ★
B-mynd sem kemur á óvart sakir
spennu og hraða í frásögn. Fínasti
veruleikaflótti sem segir frá fjór-
menningum á hröðum flótta undan
glæpalýð í fátækrahverfi stórborg-
ar.
Banvæn móðir ★★
Jamie Lee Curtis fær tvær stjörnur
fyrir að halda haus í trylli sem
nánast er ein gömul tugga.
Hinn eini sanni ★ ★ ★
Áætlega gerð, vel leikin og spaugi-
leg saga um fólk sem hefur skilið
en vonar innst inni að ekki sé öllu
lokið. Gott leikaralið í prýðilegri
rómantískri gamanmynd.
REGNBOGINN
Far vel frilla mín ★ ★ ★ ★
Hrífandi og minnisstæð mynd um
óvenjulegan ástarþríhyrning á róst-
urstímum í Kína. Snilldar vel leikin
og leikstýrð.
Flótti sakleysingjans ★★
Nokkuð spennandi mynd um flótta
strákpolla undan bandóðum morð-
ingjum. Ótrúverðug frásögn og
þunn í roðinu.
Kryddlegin hjörtu ★★★*/2
Ástríðufull, vel leikin og gerð mynd.
Mexíkóskt krydd í tilveruna.
Maður án andlits ★ ★ ★
Ágætlega heppnuð frumraun Mel
Gibsons á leikstjórasviðinu segir
ljúfsára sögu af brothættri vináttu
manns sem lent hefur utangátta í
samfélaginu og drengs sem tekst
að opna leið að honum.
Píanóið ★ ★ ★
Einkar vel gerð og leikin nýsjálensk
verðlaunamynd um mállausa konu
sem kynnist ástinni t óbyggðum og
píanóið sem verður örlagavaldurinn
í lífi hennar. Gott mál.
SAGABÍÓ
Svalar ferðir ★ ★ Vt
Bráðsmellin gamanmynd um fjóra
jamaíkabúa sem taka þátt í brun-
sleðakeppni á vetrarólympíuleikum.
Ótrúleg saga en sönn.
Hús andanna (sjá Bíóborgina).
STJÖRNUBÍÓ
Fleiri pottormar ★
Þriðja myndin um kjarnafjölskyld-
una hans Travolta og nú tala Diane
Keaton og Danny DeVito fyrir nýju
gæludýrin á heimilinu. Síðbúin jóla-
mynd.
í kjölfar morðingja ★ ★ V2
Það fer lítið fyrir frumleikanum í
þessari lögreglumynd en keyrslan
er góð og fínir taktar í kvikmynda-
töku.
Öld sakleysisins ★★★★
Stórkostleg bíómynd eftir Martin
Scorsese um ást í meinum á meðal
broddborgara New York. á síðustu
öld. Leikurinn frábær. Nú hlýtur
Scorsese að vinna til Óskarsins, það
er löngu orðið tímabært.