Morgunblaðið - 23.12.1994, Blaðsíða 1

I
JllnrunwMafoiifo
FÖSTUDAGUR
23. DESEMBER 1994
B
KKRISTALL
$e(jarj)ú vefurjjöf
Umbun fyrir
fyrirmyndarborðsiði
í VIKUNNI snæddu fjölmennir
hópar barna frá skóladag-
heimilinu Skólagerði á veitinga-
húsinu Ítalíu. Borðsiðir og
framkoma barnanna þóttu til
mikillar fyrirmyndar, enda áttu
þau að baki 2ja mánaða þjálfun
í kurteisi, tillitsemi og góðum
siðum.
Sóley Gyða Jörundsdóttir,
forstöðumaður Skólagerðis,
segir að í haust hafi starfsfólki
þótt full mikill hamagangur í
öskjunni á matmálstímum. Þrjá-
tíu og níu börn borða þar að
staðaldri og oft vildu tilhlýðileg-
ir borðsiðir gleymast. Starfs-
menn ákváðu því að notast við
gamalt herbragð, ættað frá
Hagakoti. Krökkunum var sagt
að sýndu þau hvert öðru tillit-
semi og bættu borðsiði sína
fengju þau að fara á veitingahús
að tveimur mánuðum liðnum.
Keypt var lukkutröll sem fékk
að tróna á því borði sem hafði
vinninginn hveiju sinni.
Sóley Gyða segir að í lokin
hafi lukkutröllið hímt upp í
hillu, því ekki var hægt að gera
upp á milli hópanna. „Matmáls-
tímar í Skólagerði fara nú alltaf
fram með friði og spekt, börnin
nota hnífa og gaffla af mikilli
leikni og hver gengur frá eftir
sig. Vegna þrengsla er matast
I tveimur hópum og sér fyrri
hópurinn um að leggja á borð
fyrir þann seinni." ■
HARRÝ, Ari og Elín munda hnífana af miklum myndugleik.
Undir fimm ára fá
ekki að fljága ein
ZUrich. Morgunblaðið.
STRÁKURINN er fjögurra ára,
á heima í Sviss og átti að fá
ferð til ömmu og afa á Islandi
í jólagjöf. Foreldrarnir komast
ekki með en flugfélög bjóða upp
á að börnum sé fylgt um flug-
velli, fljúga með þau á milli
staða og koma þeim í hendur
viðtakenda á leiðarenda. En þá
verða börnin í flestum tilvikum
að vera orðin fimm ára. Það
verður því ekki af jólaferð
stráksa litla.
Sabena var eina flugfélagið
af þeim sem Daglegt líf hafði
samband við sem sagðist myndi
fljúga með 4ra ára dreng án
þess að þyrfti að borga sérstak-
lega fyrir fylgdarmann með
honum.
Höfuðstöðvar Flugleiða í
Reykjavík neituðu að bóka
drenginn á flug frá Kaup-
mannahöfn til Reykjavíkur og
báru alþjóðareglum við. Swissa-
ir hafði samþykkt að fljúga með
hann til Kaupmannahafnar þótt
yfirleitt fljúgi svissneska flugfé-
lagið aðeins með börn yfir 5 ára
aldri. Sömu reglur gilda hjá
SAS, KLM, Lufthansa og BA.
Börn verða að vera 6 ára til að
fljúga ein með Cathay Pacific,
7 ára með Quantas og American
Airways tekur 5 ára börn ef um
beint flug er að ræða, annars
verða þau að vera 7 ára.
Flugfélögin geta útvegað
fylgdarmann með of ungum
börnum en það þarf að borga
venjulegt fargjald fyrir hann og
það kostar sitt. ■

Morgunblaðið/RAX
DIGRANESKIRKJA í Kópavogi er yngsta kirkjan á landinu, vígð sl. haust.
Búist er við
góðri kirkjusókn á jólum
ANNATÍMI presta fer nú í hönd og ef að
líkum lætur verður fjölmenni í kirkjum
landsins yfir jólahátíðina. Að sögn Þor-
björns Hlyns Árnasonar, biskupsritara,
hefur kirkjusókn á jólum verið mjög góð
og farið vaxandi síðustu ár. Ekki hefur
verið gerð nákvæm könnun á þvf hve
margir sækja kirkju á þessum tíma árs
þótt fullyrða megi að meirihluti þjóðarinn-
ar sæki kirkju einhvern tímann á jólum.
„Fyrir utan aukin fjölda kirkjugesta hin
síðari ár hefur sú jákvæða breyting átt sér
stað að nú skipar aðventan meiri sess í
helgihaldinu en hún áður. Til marks um
það má nefna messur, aðventusamkomur,
kyrrðarstundir og tónleika í kirkjum sem
alla jafna hefur verið vel sótt. Áðventan
myndar því mun skýrari aðdraganda í
helgihaldinu nú en áður var. Aðventan er
réttilega hinn eiginlegi undirbúningstími.
Þá hefur kirkjan opnast meira en áður var
og fólk hefur verið hvatt til kirkjusóknar.
Þetta hefur smám saman borið ávöxt. Því
má segja að jólin séu nú komin í skýrara
trúarlegra samhengi en áður,“ segir Þor-
björn Hlynur.
Rúmlega 280 sóknir og kirkjur eru í
landinu. Messað er í þeim flestum og oft
í stærstu sóknunum. Hefðbundinn messu-
tími er kl. 18 á aðfangadag í flestum kirkj-
um en við hafa bæst miðnæturmessur víða
sem hafa átt vinsældum að fagna. Á jóla-
dag er gjarnan messað kl. 14 og sums
staðar einnig kl. 11 og guðsþjónustur eru
líka á annan dag jóla. Víða úti á landi,
þar sem eru allt að fimm kirkjusóknir í
hveiju prestakalli, þurfa prestar að dreifa
messutímanum af skiljanlegum ástæðum
til að ná jólamessu fyrir öll sóknarbörn sín.
Hundruö islendinga á Kanarí
EFTIR því sem hægt er að áætla
flölda íslendinga sem dvelur erlendis
á jólunum lætur nærri að um 1.500
hafi farið utan með Flugleiðum. Þar
af fóru á 4. hundrað til Kanaríeyja
og rúmlega tvö hundruð með
spænsku leiguflugi á vegum Heims-
ferða og 70-80 héldu til Thailands
með SAS, en með SAS flugu einnig
allmargir til Norðurlandanna.
Símon Pálsson, forstöðumaður
markaðsdeildar Flugleiða, segir erf-
itt að gefa upp nákvæma tölu, því
stór hluti farþeganna sé erlendir
ferðamenn til íslands og jafnframt
milli Evrópu og Bandaríkjanna.
Vegna jólatilboða á flugi til Skandin-
avíu jókst fjöldi farþega þangað um
sex til sjö hundruð frá því sem áður
var á sama tíma. Allmargir eyða
jólunum annars staðar í Evrópu og
í Bandaríkjunum.
Þótt Norðurlönd og Kanaríeyjar
virðist eiga mestum vinsældum að
fagna hjá landanum á þessum árs-
tíma fóru yfir hundrað manns í jóla-
skíðaferð til Austurríkis á vegum
Uivals/Útsýnar og allmargir dvelja
á Flórída, Aruba og viðs vegar um
heiminn. ■