Morgunblaðið - 14.06.1995, Blaðsíða 1

Morgunblaðið - 14.06.1995, Blaðsíða 1
1 bramparar| [leikir| [þrautir! Heimilisfang: MYNDASÖGUR MOGGANS Morgunblaðinu Kringlunni 1 103 Reykjavík PRENTSMIÐJA MORGUNBLAÐSINS MIÐVIKUDAGUR 14. JUN11995 Stjörnubjart ÉG heiti Sólveig og les alltaf Myndasögur Moggans. Myndin sem ég sendi er af húsi, tungli og stjörnum. Kær kveðja, Sólveig. Svona hljóðar bréfið sem fylgir með þessari fallegu mynd. Myndin minnir á stjörnubjarta sumarnótt. Kannski þetta sé sjálf Jóns- messunóttin. Hún er reynd- ar ekki langt undan því Jónsmessan er 24. júní. Þetta er forn helgidagur helgaður biskupi sem sat á Hólum í Hjaltadal fyrir mörgum öldum, þegar ís- lendingar voru kaþólsk þjóð. Dagurinn er yfirleitt ekki haldinn hátíðlegur en þó fylgja honum fjölmargar þjóðsögur og mikil hjátrú. Hún Sólveig er 6 ára göm- ul, en hún gleymir því miður að nefna hvar hún býr. Við þökkum henni kærlega fyrir myndina og vonum að hún muni að láta heimilisfangið sitt fylgja með ef hún sendir aðra mynd til okkar seinna. Það skuluð þið, hitt listafólk- ið, endilega gera líka. Sumarvísa Það er komið sumar og pólin skin um allt fara þá margir að vinna við humar og drekka þeir þá malt. En sumir lesa bók og drekka með því kók. Þessa sniðugu sumarvísu sendi Eygló Egils- dóttir okkur með sumarmyndinni sinni. Á mynd- inni sjáum við tvær stelpur að leik, en þær virð- ast vera að leika sér á miðri umferðargötu. Ég þarf auðvitað ekkert að minna ykkur á að það er alveg harðbannað! Og þó að sólin skíni skært á þessum heita sumardegi mega stelpurnar tvær ekki gleyma sér því að bílstjórarnir búast ekki við börnum á götunni og gæta ekki að sér. Til allrar hamingju fara flestir ökumenn varlega, en maðurinn á myndinni virðist hafa ekið bílnum sínum beint á ljósastaur vegna þess hve honum brá mikið. BíIIinn er sjálfsagt skemmdur, en von- andi er allt í lagi með manninn! Eygló býr í Heiðartúni 2, 900 Vestmannaeyj- um. En hún gleymir að geta um aldur sinn. Hjart- ans þakkir fyrir vísuna, myndina og þessa þörfu áminningu til okkar allra, Eygló, vonandi hefur þú það gott í sumar og þið öll, krakkar. Hafið bara hugfast að það er í rauninni aldrei of var- lega farið! Sjónarspil NÚ er það athyglin sem gildir! Markmið þessarar þrautar er að finna hvaða reitur hefur verið tekinn út úr myndinni og stækkaður, þ.e. samsvarar reitnum sem sést við hlið stóra myndflatarins. Spreytið ykkur nú! Lausnina er að fínna annars staðar í blaðinu. Pennavinir KÆRA Barnablað Mogg- ans, ég óska eftir penna- vinkonu á aldrinum 11-13 ára. Sjálf er ég 18. Áhugamál mín eru dýr, frímerkí, pössun qg að lesa. Mynd á að fylgja fyrsta bréfi ef hægt .ér. Hrafnhildur Alfreðsdóttir. Víðigrund 4 550 Sauðárkróki Klukkan ÞAÐ var einu sinni klukka. Hún var alltaf að óska sér að hún myndi einhvern tímann lifna við. Allt í einu kom litli gauks- unginn og galaði gú, gú, gú, gú og þá vaknaði klukkan. Köttur úti í mýri setti upp á sig stýri, úti er ævintýri. Krakkar, munið þið eftir sögunni í Myndasögunum fyrir hálfum mánuði um prinsess- una sem svaf í heila öld? Ein- mitt! Höfundur þeirrar sögu er líka höfundúr þessarar sögu, Lena Snorradóttir, 7 ára, Kvisthaga 10, "107^Reykjavík. Lena teiknaði líka myndina sem fylgir sögunni. Duglegi rithöfundur, þakka þér hjart- anlega fyrir. Elsku, yndislegu krakka- gemsarnir mínir, finnst ykkur ekki gaman að sögum? Ef svo er sendið okkur þá sögur eftir ykkur til birtingar í mest lesna dagblaði á íslandi, Morgun- blaðinu.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.