Morgunblaðið - 27.07.1995, Blaðsíða 3
MORGUNBLAÐIÐ
FIMMTUDAGUR 27. JÚLÍ 1995 B 3
VIÐSKIPTI
*
Aburðarverksmiðjan hf. hefur haldið sínu þrátt fyrir innflutningsfrelsi
Innflytjan cli hyggst
kæra útboð Ríkiskaupa
SALA Áburðarverksmiðjunnar hefur ekki dreg-
ist saman þrátt fyrir að innflutningur á áburði
hafi verið gefinn frjáls um síðustu áramót. Að
sögn Hákonar Björnssonar, framkvæmdastjóra
Áburðarverksmiðjunnar, hefur innflutningur á
áburði hingað til lands verið óverulegur það sem
af er þessu ári og því ekki haft mikil áhrif á
rekstur verksmiðjunnar.
Tilbúnir í samkeppni
Hákon segir að innan fyrirtækisins hafi verið
unnið að hagræðingu til þess að mæta þessari
samkeppni og hafi náðst að lækka verð á áburði
um 3% vegna hagræðingarinnar á meðan verðið
í Evrópu hafi farið hækkandi á sama tíma. „Við
höfum notið þessara hækkana og ég fæ ekki
betur séð en að við getum keppt við það sem
verið er að ræða um hér í innflutningi.“
Hann segir hins vegar að samkeppnin hafi
látið á sér standa enn sem komið er og muni
væntanlega ekki verða mikil á þessu ári þar sem
sala á áburði sé mest frá því í apríl og fram til
júníloka. Það magn sem seljist síðari hluta árs-
ins sé yfirleitt óverulegt. HákoN segir að u.þ.b.
55.000 tonn af áburði séu seld hér á landi á ári
hveiju og hann hafi einungis heyrt af innflutn-
ingi á 300 tonnum það sem af er.
Útboð Ríkiskaupa kært
Þorsteinn Þórðarson, framkvæmdastjóri
Áburðarsölunnar ísafoldar, segir að hann hafi
ekki flutt inn neinn áburð enn sem komið er.
Hann hafi hins vegar tekið þátt í útboði Ríkis-
kaupa á áburðarsölu til Landgræðslunnar nú í
vor og segist ýmislegt hafa við það að athuga.
„Ég bauð á móti Áburðarverksmiðjunni í útboði
Ríkiskaupa nú í vor og taldi mitt tilboð vera
lægra en tilboð Áburðarverksmiðjunnar sem fékk
samninginn engu að síður. Þau mál eru hins
vegar í athugun enda tel ég að mjög illa hafi
verið staðið að þessu útboði og fjölmargar regl-
ur brotnar. Útboðslýsingin var óaðgengileg fyrir
innflutning auk þess sem kostnaður við flutning
áburðar til landsins var reiknaður upp mér í
óhag. Ég hyggst því kæra þetta útboð til fjár-
málaráðherra til þess að koma í veg fyrir að
slíkt geti endurtekið sig.“ Þorsteinn segist
áforma að taka aftur þátt í útboði Ríkiskaupa
að ári, jafnframt því sem hann stefni að beinum
innflutningi á áburði til sölu til bænda. Jafn-
framt hafi hann heyrt af ýmsum aðilum sem
stefni að því að flytja inn áburð og því megi
búast við meiri samkeppni á þessum markaði á
næsta ári.
Morgunblaðið/Sverrir
FRÁ UNDIRRITUN samnings Olís og Strengs, f.v. eru þeir
Stefán Þormóðsson, forstöðumaður upplýsingadeildar, Krist-
ján B. Olafsson, framkvæmdastjóri fjármálasviðs, Samúel
Guðmundsson, forstöðumaður hagdeildar, Haukur Garðars-
son, framkvæmdasljóri Strengs, Jón Heiðar Pálsson, sölu-
sljóri og Snorri Bergmann, kerfisfræðingur.
Stærsti samningur Strengs hf. í höfn
Olís valdi Fjölnis-
hugbúnað fyrir
allan reksturinn
OLIUVERSLUN Islands hf., Olís,
hefur ákveðið að velja upplýs-
ingakerfið Fjölni frá Streng hf.
fyrir alla starfsemi fyrirtækisins.
Samstarfssamningur þess efnis
var undirritaður nú í vikunni og
verður kerfið tekið í notkun um
næstu áramót. Fjölnir mun leysa
af hólmi eldra upplýsingakerfi
sem keyrt var á AS/400 vél frá
IBM, að því er segir í frétt. Þetta
er stærsti einstaki samningur
Strengs hf. til þessa.
Hugbúnaðurinn verður keyrður
á öflugum Unix-miðlara með sam-
skipti við Informix gagnagrunn
sem Strengur hefur umboð fyrir.
Þá mun Fjölnir tengjast nýju og
fullkomnu verslunarkerfi, Prisma,
sem Olís hefur tekið í notkun.
Markmiðið að auka flæði
rekstrarupplýsinga
Olís valdi Fjölni fyrir rekstur
fyrirtækisins eftir nákvæma skoð-
un á þeim lausnum sem standa
til boða á hugbúnaðarmarkaðnum.
Fyrirtækið leitaði i senn eftir
öflugu upplýsingakerfi, opnun
gagnagrunni, traustu þjónustufyr-
irtæki og samkeppnishæfu verði.
Þá þykja starfsmenn Strengs hafa
mikla reynslu af notkun kerfisins
í dreifðri gagnavinnslu og í upp-
setningu á einföldum lausnum
fyrir flókinn og yfirgripsmikinn
rekstur.
Markmiðið með breyttu tölvu-
umhverfi hjá Olís er margþætt.
Með því að taka Fjölni og Inform-
ix í notkun mun flæði rekstrar-
upplýsinga stóraukast til stjórn-
enda Olís ásamt því sem miðlun
gagna til starfsmanna verður
bætt. Einnig er ætlunin að auka
hagkvæmni vörudreifingar, bæta
þjónustu við viðskiptavini, bæta
innkaupastjórnun, auka veltu-
hraða, minnka rýrnun og styrkja
allar innheimtur félagsins, segir
ennfremur í frétt fyrirtækjanna.
I fyrstu mun Fjölnir verða sett-
ur upp í aðalstöðvum Olís við
Héðinsgötu en umboðs- og þjón-
ustuaðilar fyrirtækisins munu
tengjast tölvukerfinu er frá líður.
Áætlað er að notendur tölvukerf-
isins verði um 100 talsins um
allt land.
Forráðamenn fyrirtækjanna
báðust undan því að upplýsa um
heildaríjárhæð þessa samnings.
*
Litlir möguleikar á aðild Islands að NAFTA
Fríverslun raun-
hæfari kostur
INNGANGA í NAFTA er ekki úti-
lokuð fyrir íslendinga, að mati Jon-
athan—Slade framkvæmdastjóra
MWW/Strategic Communications
Inc, en hann segir ljóst að íslending-
ar þurfi að vinna vel og markvisst
að því máli ef af á að verða. Þetta
kom fram í erindi sem hann hélt á
hádegisverðarfundi Amerísk-
íslenska verslunarráðsins nýlega.
Of lítið hagkerfi
Að sögn Slade er lítið hagkerfi
eitt helsta vandamál íslendinga
hvað varðar aðild að NAFTA.
Möguleikar Bandaríkjamanna á við-
skiptum hér á landi séu einfaldlega
of takmarkaðir til þess að landið
vekji áhuga þeirra sem nýr aðili að
NAFTA, a.m.k. við fyrstu sýn.
Hann segir það þó alls ekki útilokað
fyrir íslendinga að gerast aðili að
NAF'TA, en það muni hins vegar
kosta mikla vinnu og þolinmæði.
Ekki megi heldur láta hugfallast
af fyrstu viðbrögðum við þessari
hugmynd í Bandaríkjunum. „Ein
opinber sendinefnd er ekki nóg.
Senda þarf fulltrúa viðskiptalífsins
og opinberra aðila til þess að þreifa
fyrir sér og finna rétta fólkið til
viðræðna."
Slade bendir á Chile, máli sínu
til stuðnings, og segir það enga til-
viljun að landið muni væntanlega
verða næsta aðildarríki NAFTA.
„Ríkisstjórn Chile eyddi milljónum
dollara og um 2 til 3 ára vinnu í
áróðursherferð til þess að ná aðild
í gegn. Notast var við auglýsingar,
fjölmiðla auk þess sem málinu var
aftur og aftur ýtt inn á borð til
þeirra embættismanna sem það
varðaði."
Slade telur að Kanada gæti orðið
Þrándur í Götu íslendinga hvað
varðar umsókn um aðild að
NAFTA. Það sem íslendingar hefðu
fyrst og fremst upp á að bjóða
væri aukinn fiskinnflutningur á
Bandaríkjamarkað sem væri
Kanadamönnum líklega ekki að
skapi. Samþykki allra aðildarríkja
NAFTA þyrfti fyrir nýju aðildarríki
og Kanadamenn einir og sér gætu
því stöðvað aðild íslands.
Fríverslun betri kostur
Að sögn Slade væri fríverslunar-
samningur við Bandaríkin að mörgu
leyti betri kostur fyrir ísland í stöð-
unni. Þar bendir hann á fríverslun-
arsamning Bandaríkjanna við ísrael
máli sínu til stuðnings. Viðskipti á
milli landanna tveggja hafi u.þ.b.
fimmfaldast á þeim tíina sem samn-
ingurinn hafði verið i gildi og séu
nú að verðmæti um 10 milljarðar
dollara á ári. Ein helsta ástæða
þess sé sú að ísrael hafi einnig frí-
verslunarsamning við Evrópusam-
bandið og því notuðu bandarísk
fyrirtæki landið sem stökkpall inn
á Evrópumarkað. ísland stæði hins
vegar að mörgu leyti betur að vigi
en ísrael hvað þetta varðar því héð-
an væri styttra á markaði, innviðir
þjóðfélagsins væru þróaðri og póli-
tískur stöðugleiki meiri.
Slade benti á að bandarískir fjár-
festar myndu án efa líta öðrum
augum á ísland sem fjárfestingar-
möguleika ef fríverslunarsamning-
ur væri í gildi á milli landanna
tveggja. Hvort sem íslendingar
myndu reyna að fá inngöngu í
NAFTA eða leita eftir fríverslunar-
samningi við Bandaríkin væri hins
vegar ljóst að samningaviðræður
myndu taka nokkur ár.
Jonathan Slade er sem fyrr segir
framkvæmdastjóri hjá MWW/Stra-
tegic Communications Inc. en fyrir-
tækið starfar á sviði almanna-
tengsla. Auk þess hefur hann unnið
sem aðstoðannaður nokkurra þing-
manna í Bandaríkjunum á undan-
förnum árum.
Námskeið fyrir atvinnulausa
VEGNA fjölda áskorana hefur Vit-
und hf. ákveðið að endurtaka nám-
skeið fyrir atvinnulaust fólk með
sérmenntun eða sérhæfingu á ein-
hverju sviði. Námskeiðið er styrkt
af Atvinnuleysistryggingasjóði og
gefur þátttaka rétt til styttingar á
þeim tíma þegar atvinnuleysisbætur
falla niður. Námskeiðið hefst 28.
júlí og er haldið kl. 8 til 13 í sex
daga.
Á námskeiðinu verður fjallað um
hver réttur íslendinga sé á vinnu-
markaðnum í Evrópu gegnum EES-
samninginn og sýnt hvemig farið er
að því að sækja um störf í hinum
ýmsu löndum. Þá verða þátttakendur
einnig fræddir um hvernig best sé
að undirbúa fjölskyldu sínar fyrir
flutning til annars lands. Námskeiðið
verður haldið í fundarsal Samiðnaðar
en skráning fer fram hjá Vitund hf.
stman
radiomidun
Grandagaröi 9 • Sími 511 1010
þráðlaus
símifrá
Hagenuk
ftr. 28.750.-
radiomidun
Grandagaröi 9 • Sími 511 1010
Mikilvægi upplýsinga
til stjðrnunar
í rekstri eykst með
degi hverjum
Takmarkast rekstur
þinn vegna skorts á
upplýsingum?
Concorde XAL upplýsingakerfi
og bókhald.
Alhliða upplýsingakerfi
án takmarkana.
Hátækni til framfara
m Tæknival
Skeifunni 17 • Sími 568-1665
BRYNJAR HÖNNUN / RÁÐGJÖF