Morgunblaðið - 20.12.1995, Síða 3

MORGUNBLAÐIÐ
VIÐTAL
MIÐVIKUDAGUR 20. DESEMBER 1995 D 3
Copesco SIF á Spáni eykur söluna á saltfiski um 50% milli ára
í KATALÓNÍU er mjög löng hefð
fyrir neyzlu á saltfiski. Fyrstu
heimildir í bókum Copesco, forvera
Copesco SÍF, um innflutning á salt-
fiski frá íslandi ná aftur til ársins
1853, þar sem skráð eru kaup á
saltfiski. Þar er getið pöntunar á
saltfíski frá íslandi, sem skilaði sér
gegnum Noreg 2. ágúst 1853,
1.500 kíló. Sérstaklega er tekið
fram að fískurinn hafi verið þurrk-
aður, mjög hvítur og vel flattur,
þéttur í sér og engir blóðblettir.
Kröfurnar í dag eru nánast þær
sömu, en þurrkun er þó að mestu
úr sögunni, enda hennar ekki leng-
ur þörf til að auka geymsluþolið.
Veríð var á ferðinni í Barcelona,
höfuðborg Katalóníu fyrir skömmu
til að kynna sér saltfískmarkaðinn
þar. Katalónía er meðal annars
þekkt fyrir saltfískneyzlu, sem á
sér langa hefð allt frá því að salt-
fískurinn var matur hinna fátæku,
þar til nú að hann er orðinn dýr
og eftirsóttur fyrir sérstök bragð-
gæði. Bæði á mörkuðum og á veit-
ingahúsum er saltfiskurinn oft það
dýrasta sem hægt er að fá og með
ólíkindum á hve fjölbreyttan hátt
hann er seldur bg matreiddur.
Sölusamband íslenzkra fisk-
framleiðenda, SÍF, hefur Stofnað
sölu- og dreifingarfyrirtækið Co-
pesco SIF í samvinnu við fyrirtæk-
ið Sefrisa í Barcelona, en áður sá
Copesco um sölu á saltfiski frá SÍF
á Spáni. Verið ræddi við Joaquin
Escoda, framkvæmdastjóra Cop-
esco SÍF, og byrjaði hann á því að
rekja starfsemi fyrirtækisins, en
þar vinna að jafnaði 40 manns, en
mest 50 á háannatímanum.
Viðamikil starfsemi í Corelia
„Copesco SÍF rekur framleiðslu-
og pökkunardeild í bænum Corelia.
Þar lögum við saltfískinn að mis-
munandi þörfum hins spánska
markaðar, sem er mjög fjölbreyttur
eftir landssvæðum og kaupendum,"
segir Escoda. „Úr fískinum, sem
við kaupum frá SÍF, vinnum við
einnig fjölbreytta línu afurða fyrir
alla markaði Spánar. Vegna stöð-
ugs framboðs af gæðafiski frá SÍF
getum við boðið fjölbreyttara úrval
stærðarflokka og afurða en aðrir á
markaðnum og getum fullnægt öll-
um þörfum viðskiptavina okkar.
Við erum einnig með miklar
kæligeymslur í Corelia, sem rúma
um 800 tonn. Þessi geymsla er
með þeim stærstu sinnar tegundar
á Spáni og gerir okkur kleift að
safna nægilegum birgðum af salt-
físki til að tryggja að við getum
verið með stöðugt framboð allt árið.
Með því verjum við okkur gegn
sveiflum í verði og framboði og
veitum viðskiptavinum okkar góða
þjónustu.
Öflugt sölu- og dreifikerfi
Copesco SÍF býr einnig yfir mjög
öflugu sölu- og dreifikerfí á öllum
meginmörkuðum Spánar, í Kat-
alóníu, í norðri, í Madrid og víðar.
Við erum með meira en, 2.000 bein
viðskiptatengsl á þessu sviði. Aðrir
keppinautar á markaðnum eru á
hinn bóginn meira bundnir við ein-
stök markaðssvæði. Við seljum
fískinn bæði til svokallaðra útvatn-
ara, sem eru þeir, sem selja fiskinn
á matvælamörkuðunum, en við
vinnum fískinn einnig í neytend-
aumbúðir og seljum í gegnum
dreifikerfi Sefrisa í stór- og risa-
markaði. Sefrisa býr yfír mjög góðu
sölu- og dreifikerfi, sem meðal ann-
ars byggist upp á sölu á laxi og
víni, og saltfiskurinn fellur vel inn
í það, báðum aðilum til hagsbóta,
þar sem breiddin í vöruúrvalinu
verður meiri. Þannig getum við
einnig lækkað sölu- og dreifingar-
kostnað.“
50% aukning
Hvernig hefur salan gengið?
„Á þessu ári munum við selja
um 3.000 tonn af saltfiski, sem er
um 50% aukning frá því sem Co-
pesco seldi fyrir stofnun Copesco
Verðum að bjóða
betri fisk en aðrir
Spánn er einn af mikilvægustu saltfiskmörkuðum okkar. Þar fæst að jafn-
aði hæsta verðið og þar er saltfískurinn herramanns matur, framreiddur á
ótrúlega margvíslegan hátt. Hjörtur Gíslason var í Barcelona fyrir skömmu
og ræddi við Joaquin Escoda, framkvæmdastjóra Copesco SÍF, sem sér um
sölu saltfisks frá SIF á þessum harða markaði.
JOAQUIN Escoda, framkvæmdastjóri Copesco SÍF í Barcelona,
með höfuðbókina þar sem skráð eru saltfiskkaup frá íslandi
árið 1853.
SÍF. Við erum mjög ánægðir með
svo mikla aukningu í sölu á mark-
að, sem er að minnsta kosti ekki
vaxandi og hugsanlega fer hann
minnkandi. Við erum því að auka
hlutdeild okkar á markaðnum veru-
lega. Stefna okkar er að auka söl-
una enn meira, án þess að leggja
í það mikinn viðbótarkostnað. Fyrir
vikið verður sölu- og dreifingar-
kostnaður hjá okkur injög lágur á
hvert kíló. Þess vegna getum við
boðið framleiðendum betur og
kaupendum betra verð, en jafn-
framt hagnazt á sölunni. Við höfum
náð að byggja upp mjög samkeppn-
isfært fyrirtæki, sem á góða mögu-
leika á því að vaxa og dafna.
Það er annar gundvallarþáttur,
sem ræður því hvernig salan geng-
ur. Við verðum að geta boðið að
minnsta kosti jafngóðan fisk, helzt
betri en aðrir, eigi okkur að takast
að auka markaðshlutdeild okkar.
Við höfum því óskað þess við SÍF
að gæðakröfur séu mjög miklar og
stöðugar og flokkun sé vönduð. SÍF
gerir miklar kröfur til framleiðenda
sinna og það léttir okkur róðurinn.
Þegar við segjum við útvatnara,
að í kassanum sé fyrsta flokks fisk-
ur, þá getur hann verið viss um
að svo sé og annar gæðaflokkur
sé annar gæðaflokkur. Öllu máli
skiptir að kaupendur fái þann fisk,
sem þeir hafa beðið um, bæði hvað
varðar gæðaflokkun og stærðar-
flokkun. SÍF hefur mjög góða
ímynd á markaðnum og það auð-
veldar okkur landvinninga á þess-
um harða markaði.
Copesco SÍF hefur skilað hagn-
aði. Reyndar ekki miklum, því
markmið okkar á fyrsta starfsárinu
var að auka umsvifin, auka hlut
okkar á mörkuðunum. Markmiðið
var því að ná mikilli sölu, ekki
miklum hagnaði. Það getur verið
mjög góðan fisk frá Noregi, en
einnig mjög slakan.
Þar skiptir líka miklu máli að
flokkunin hjá þeim er yfirleitt mjög
slök. Við höfum orðið fyrir því, að
fiski frá Noregi hefur verið pakkað
í umbúðir frá SÍF og hann seldur
sem íslenzkur. Ég tel slíka sam-
keppni afar óheppilega. Það hefur
einnig komið í ljós að á íslandi
hafa framleiðendur utan SÍF pakk-
að í umbúðir frá SÍF til að auð-
velda sér söluna. Slíkt framferði
verður að stöðva á íslandi, því það
er mjög erfítt að hafa eftirlit með
því hér á markaðnum."
Framtíðin góð
á
saltfisk-
kostnaðarsamt að vinna markaði,
en það er fjárfesting, sem skilar
sér vel til baka síðar. Við munum
þó vera réttu megin við strikið á
þessu fyrsta starfsári okkar.“
Allir setji gæðamarkið hátt
Ertu sáttur við fyrirkomulag út-
flutnings frá íslandi?
„Samkeppnin á þessum markaði
er mikil, menn keppast bæði um
hráefnið á íslandi og kaupendur
hér á Spáni og það getur valdið
nokkrum erfiðleikum. Ég held þó
að fjöldi útflytjenda á íslandi ráði
ekki úrslitum um það hvort góður
árangur næst, mikil sala og hátt
verð. Ég held að mestu máli skipti
að allir útflytjendur á íslandi setji
gæðamarkið hátt og vandi flokkun
á fískinum. Á mörgum undanföm-
um áratugum hefur ímynd íslenzka
saltfísksins verið sú bezta í heimin-
um. Hvergi annars staðar hefur
fengizt jafngóður fiskur.
Þegar útflutningurinn er allur á
einni hendi, er auðvitað auðveldara
að setja samræmda gæða- og
flokkunarstaðla en þegar útflytj-
endur eru margir, og eftirlitið er
auðveldara. Nú er útflutningur á
saltfiski frá íslandi öllum heimill
og við það er ekkert að athuga á
tímum frjálsrar verzlunar. Það er
hins vegar grundvallaratriði að
samkeppnin snúist um gæði, að
útflytjendur og framleiðendur
keppist við að ná sem mestum
gæðum. Með því næst að byggjast
upp heildstæð gæðaímynd fyrir all-
an íslenzkan saltfisk og það verður
til þess að auka söluna. Snúist sam-
keppnin um ánnað og menn slaki
á gæðunum, skaðar það ímynd alls
íslenzks fisks, líka frá beztu fram-
leiðendum."
Engin heildstæð ímynd
í Noregi
Hvað um fiskinn frá Noregi?
„Það virðist ekki vera sama regl-
an á hlutunum þar. Kannski stafar
það af því að aðstæður eru með
öðrum hætti. Útflytjendur í Noregi
eru svo margir, að fiskurinn þaðan
hefur enga heildstæða ímynd, held-
ur hefur nánast hver útflytjandi
sína ímynd. Þannig er hægt að fá
Hver er framtíðin
mörkuðunum?
„Framtíðin er góð. Saltfískur er
mjög góð og holl matvara. Hann
er með sérstakt bragð og er eftir-
sóttur meðal neytenda. Markaður-
inn hefur dregizt saman vegna
þess, að öll neyzla á Spáni hefur
dregizt saman, ekki bara á físki
eða öðrum matvælum. Fólk leggur
nú meiri áherzlu á sparnað en áður.
Þá hefur neyzlumynstrið verið
að breytast, meðal annars vegna
þess að verð á saltfiski hefur farið
hækkandi á undanförnum árum.
Nú er saltfiskur fremur dýr matur,
en mjög sérstakur og eftirsóttur
fyrir það. Þá hefur neyzla á salt-
físki á veitingahúsum aukizt tölu-
vert. Við erum einnig stöðugt að
vinna að markaðssetningu á salt-
físki með ýmsum hætti. Sumum,
einkum yngra fólki, vex í augum
fyrirhöfnin við að útvatna saltfísk-
inn og finnst erfitt að matbúa hann.
Við framleiðum því útvatnaðan
saltfisk í neytendaumbúðum, tilbú-
inn til eldunar. Við hlutum fiskinn
líka niður í neytendaumbúðir og
loks koma til sögunnar matreiddir
réttir. Þá þarf einnig að dreifa
uppskriftum og leiðbeiningum um
eldamennsku. Sala á saltfíski er
að byija að færast inn í stór-
markaðina, þar sem yngra fólkið
verzlar mest og þannig náum við
til þess. í upphafi næsta árs munum
við kynna nýja framleiðslu,
Brandada de Morue, sem er tilbúinn
saltfiskréttur.
Allt þetta mun verða til þess að
treysta stöðu saltfísksins á
mörkuðunum. Framleiðsla á salt-
fiski í heiminum er ekki mikil um
þessar mundir, en færi svo að hún
ykist að ráði, myndi verðið vafalít-
ið lækka, en neyzlan aukast að
sama skapi og fleiri bæði leyfðu
sér að borða saltfisk oftar og fleiri
nýir neytendur kæmust á bragðið.
Við höfum ekkert að óttast í
framtíðinni svo fremi sem gæðum
og flokkun á saltfískinum frá ís-
landi hraki ekki. Nauðsynlegt er
að samkeppnin leiði ekki til þess
að gæðin slakni, því mestu máli
skiptir að saltfiskurinn hafi heild-
stæða gæðaímynd. Meðan svo er,
eigum við bjarta framtíð á þessum
harða saltfiskmarkaði. Við erum
nú að selja bezta fáanlega saltfisk-
inn í heiminum og vonandi verður
svo áfram,“ segir Joaquin Escoda.
• •• stráhar
cruð þið búnir að
velja Jólagjöfina
THE ONE AND ONLY
wondefbra
•••
®
UTSOLUSTAÐIR
ÍSABELLA • EGILSTAÐIR: OKKAR Á MILLI • GARÐABÆR: SNYRTIHÖLLIN •
IÚSAVÍK: ESAR • ÍSAFJÖRÐUR: SNYRTIHÚS SÓLEYJAR • KEFLAVÍK:
: SNYRTISTOFAN SNÓT • REYKJAVÍK: ÁRSÓL, DEKURHORNIÐ & SPES •
SMART
Einkaumboð og heildsöludreyiing: Halnarbræður S: 5550070